良鮨壽司

營業中

休息中

平日午餐包蒸蛋/麵豉湯。一入座店員就斟杯綠茶上來，嘟QR code落單。照燒雞排飯雞皮燒得好香好脆，好味😋蒸蛋都唔錯，不過非茶碗蒸，配料只有香菇🍄‍🟫午巿要加一，埋單$72。

位在大埔廣福道的良鮨壽司，店舖位置易達，就在巴士站旁。店舖不算好大，有一張長吧枱及好幾張桌椅座席，店內裝飾盡顯和風。和伴侶二人光顧，簡簡單單的點了一份鍋物刺身套餐及一份炸物。鍋物有4款選擇，可選配不同價位的壽司盛或刺身盛。吉列南瓜餅，即點即炸，滿滿的南瓜蓉好香甜，內裡軟綿，外層炸得外脆鬆化！滿足廣島蠔肉魚湯鍋+特級魚生盛 ($618)，刺身有牡丹蝦1隻、中拖羅2切、帆立貝2切、白身魚2切、海膽，由於沒有池魚，所以店員預先通知了會轉金目鯛。每一款刺身都很新鮮，鮮甜度十足！牡丹蝦味甘甜而肉質細滑，中拖色澤亮麗、魚油適中、魚香濃厚，帆立貝肉厚軟嫩又鮮甜，海膽味道甘甜馥郁。白身魚是劍魚腩，肉質柔軟豐腴，甜而不膩。金目鯛刺身亮麗通透，魚肉細嫩，味道清甜。滿足廣島蠔肉魚湯鍋，熱騰騰的上桌，用料十足！先喝一碗湯，魚湯鮮甜濃郁不油膩，娃娃菜吸滿湯，菜的甜味更突出！鍋內有大量廣島蠔及冬菇等菇菌食材，令魚湯更添鮮香。廣島蠔隻隻肥美肉厚，一定要趁早吃，否則會稍稍過熟，沒那麼鮮嫩。小店採用新鮮食材，是最吸引人回首的良鮨 (知)。

#20231203 💛【再訪】 📍 良鮨壽司 @liangzhi_sushi 大埔廣福道77號地舖➖➖➖➖➖➖➖➖➖➖➖➖➖➖➖➖➖ 🥢 #沙律 #蒸蛋 💭 叫一個lunch set可以有兩款前菜好開心🥳沙律係細細兜既蟹子蟹柳同生菜，沙律醬十分之多，份量唔多開胃就岩岩好🥗蒸蛋無咩加高湯或者調味食落有啲淡味，要食到底啲蟹柳先不致於無味，但個蛋本身蒸得滑拉返勻條數啦😎.#日本鮮帶子蟹肉炒飯 $108💭 呢個炒飯係用大大粒既帶子同蟹子炒，個飯炒到粒粒分明十分靚，蟹子熟左依然有卜卜脆既口感，重點係啲帶子鮮甜而又大粒，🐷每次尼都梗會叫碟炒飯食.#良壽司定食 $88 🫧 #火炙三文魚 #火炙油甘魚 #火炙左口魚邊 #火炙熟蝦 #玉子 #蟹籽 #北寄貝 #八爪魚💭 好難得有啲壽司拼盤係🐷成碟都食，呢個已經值得加分，全部都係高質壽司，啲火炙壽司仲好有心咁配左啲蔥或者芝士變到與別不同🧀絕對食得出係誠意之作💗.#三文魚壽司 $3/件💭 午市做緊promote，每叫親定食都可以用$3優惠價加一件三文魚壽司🍣一份定食最多可以加5件，爭鮮咁既價錢但係食到高質既壽司，咁既良心食肆真係邊度搵💛大食既朋友加盡佢唔使驚

極力支持呢間小店！好有誠意，態度極好！但係見到佢人流咁少，有啲戥佢唔抵得🥺🥺🥺不過地點就真係不算太方便，應該都係做附近居民或者學生生意多！質素比好多大型壽司連鎖店好很多😍😍🤤🤤每件壽司都係厚切魚生！😍 連$62嘅魚生沙律都係有大大粒嘅三文魚肉，除咗三文魚佢仲會比類似真鯛（唔知係咪因為我頭先嗌過😋）！通常係會比三文魚同埋油甘魚咋嘛🫣我麻麻哋鍾意食油甘魚加咗$78要一個#加拿大海膽 手卷🤤🤤🤤超正！睇相都知澎湃到爆炸🤭🤭大滿足！我唔知係咪我唔識食，我鍾意食平啲嘅加拿大海膽多過北海道😂😂😂好鍾意佢嗰陣「臭」味😚😚廣島蠔煲 都好正 好正好正！最緊要食得開心！點完真係好友善，而且好細心知道客人需要💖大力支持

繼續大埔覓食🤤今次試呢間日式主打刺身餐廳。餐牌寫住有廚師發辦，但想食下其他嘢所以無揀。入到餐廳感覺已經好舒適，有得聽近期熱門流行音樂既翻唱版。對於我呢啲年青人嚟講夠晒親切😂先講呢個三色魚生飯，帶子鮮甜、三文魚厚切口感好夠👍大蝦就正常發揮。反而幾欣賞啲飯，粒粒分明，面頭仲有啲好似貓飯嘅嘢 整體好match 辣味拖羅蓉卷👍加埋京蔥係頂食落去好醒神食燒物又點少得飯返一兩杯🍻林尾仲加多個軟殼蟹卷 10蚊真係無得吾叫😂牛油果鰻魚卷都係水準以上👍性價比指數🌟🌟🌟🌟 （5星滿分）

今日嘅大埔一日遊，晚上嚟左良鮨呢間充滿良知嘅食店💛呢到係用手機落單嘅，非常方便👍🏻🍱三色魚生丼呢個魚生飯$98咋！但啲帶子、赤蝦、三文魚都非常新鮮😋個飯仲落左啲飯素，令到個飯更惹味😋👍🏻🦀軟殼蟹手卷今日去食嘅時候，軟殼蟹手卷做緊$10一件‼️於是我地叫左兩個🤣好抵食呀～🍣三文魚腩壽司 & 辣味拖羅卷拖羅卷加左啲辣味，令個拖羅卷冇咁漏～不過個人認為個賣相可以整靚啲🙈個三文魚腩超正‼️勁厚切，咬落好有口感～🍣牛油果鰻魚卷牛油果嘅清新同creamy嘅口感，配上鰻魚嘅焦香，好多層次👍🏻🧆炸雞軟骨 🍻沖繩啤酒 330ml炸雞軟骨係我同我男朋友最愛嘅日式小食之一😋見到隔離枱叫左杯生啤，我地都忍唔住叫左支啤酒過下口癮，果然食炸雞軟骨係要配返杯啤酒先零舍爽‼️-結論：最後埋單兩個人食左$3xx, 以我地食左咁多款野食嚟講，我覺得都好抵食！💛

#20230709 💛📍 良鮨壽司大埔廣福道77號地舖➖➖➖➖➖➖➖➖➖➖➖➖➖➖➖➖➖➖#芒果蟹子沙律 $48💭 本身都覺得呢個價錢有啲貴，但一上枱即係覺得抵返晒，係成座山咁，連撈沙律醬都有啲難度😅下面係蟹柳絲同青瓜絲🥒面頭仲有海量既蟹子，佢啲芒果並唔係好似其他咁一粒粒，而係一片片架🤩芒果好甜，夾埋食勁正🥭.#明太子蟹肉豆腐煮 $28💭 入面真係食得出有一絲絲既蟹肉口感🦀應該係因為明太子既關係所以有輕微既辣辣地，篤爛個豆腐真係好似酒樓食到果啲蟹肉豆腐羹，但係好味既😋可以成碗連汁食晒，如果個豆腐熱返啲就好喇.#安格斯牛肉壽喜燒 #2人份 $288💭 呢個食得有啲趕，因為佢唔係好似打邊爐咁自己落野落去，而係咩都放晒落去一煲過上枱🍲勁驚啲烏冬會淋晒所以一開波就夾晒上尼先，咁就依然食到啲好彈牙既烏冬😂啲牛生生地咁上枱太好，食食下就熟晒又唔會過韌，入面菜既份量都佔好多，兩個人真係絕對夠飽，個壽喜燒湯偏甜但唔係飲完好口渴果隻，唔錯👍🏼.#大埔美食 #大埔黃店 #🐷_食

係大埔都有唔少既日本餐廳😋，有朋友介紹呢一間餐廳刺身夠哂新鮮👍🏻，價錢都幾抵食，今次同朋友嚟到呢一間餐廳試下先🤤🧊三色魚生丼 $98一次過試到三文魚、帶子同赤蝦三款刺身😍，三文魚切得夠厚，咬落去啖啖肉，而且唔會有腥同雪味🫶🏻，帶子味道鮮甜重海水味，赤蝦味道鮮甜爽口，而且蝦頭入面會有啲膏👍🏻，整體嚟講味道都唔錯🤩🧊白鱔 $48兩面都燒到金黃色，油脂感比較重😋，食落爽口彈牙，值得一試整體嚟講呢一間嘅刺身質素都唔錯👍🏻，而且食物款式都唔少，都幾推薦大家嚟試吓好 食：⭐️⭐️⭐️⭐️抵 食：⭐️⭐️⭐️⭐️性價比：⭐️⭐️⭐️⭐️📍良鮨壽司 (大埔)大埔廣福道77號地舖

通常喺大埔想食好啲就會去呢間！都去咗幾次，覺得真心值得推介！🤓🤓🤓今次嗌咗幾款壽司🙆🏻‍♀️特別想推介隱藏Menu嘅火炙三文魚腩壽司😎!! 滿滿嘅三文魚油香味🥹火炙之後入口即溶🥹🥹♥️ 落單嘅時候喺備注寫低「要火炙」就可以解鎖隱藏餐單! 🤣邪惡之選就揀咗個鵝肝飯😎!! 飯配醬油好香，鵝肝有三大塊！都係滿滿甘香但係又唔會太油膩。大滿足！🤩

因為間餐廳個地點有點不顯眼，要行街會直去超級城，要買餸又唔會去果邊😂機緣巧合有次經過又食飯就試下，點知食到好野🤣第二個星期又回頭番去食第一次食左廣島蠔魚湯鍋飯，個蠔感覺有煎香過😋 而且都幾大隻 仲有5隻 足料又好味🥳先生就叫左鮨壽司盛，都係話質素好😁第二次去食我就叫壽司，鰻魚厚肉無骨仲有燒過👍🏻左口魚群邊果舊好香又唔膩😋午市套餐會送沙律同蒸蛋，蒸蛋好夠熱，沙律菜都好fresh🥗我地2次都係1:30 左右到，都坐bar 枱，因為入面都full 左，所以如果想坐唔係bar 枱的話可能要預早少少/晏少少去食會好點Haha 寫到打手咁🤣🤣🤣 不過呢間評分真係高👍🏻 好評呀

星期六朋友帶我去咗良鮨到食lunch，有bar枱亦都有4人枱坐。環境闊落唔會好逼夾，感覺都舒服。餐廳有好多選擇，刺身丼飯，茶碗蒸，串燒等。呢到用QRcode落單，我地食咗幾款散叫刺身， 三文魚刺身，赤身，中拖，金目鯛等等，刺身質素好新鮮，而且好肥美，好飽滿，刺身都有一定既厚度。中拖有種入口即溶既鬆化口感，價錢都比較貴，以中拖為例差唔多140幾蚊有3件。不如就豐歛由人，想經濟啲可以叫海鮮丼飯，時令壽司盛或者五點刺身定食，角切魚生丼飯等等。

餐廳位處大埔廣福道，交通極之方便。店內裝修如一般日式餐廳，除了一般餐枱區，更設有一排長長bar枱，可以見住師父處理各種食材。今日點咗軟殼蟹手卷，蟹籽多到滿瀉，軟殼蟹炸脆甘香。角切魚生丼用料豐富，蝦/八爪魚/三文魚...每種魚生都新鮮好味。燒牛肉一串三件，火喉剛剛好，牛肉燒得焦香，肉質又唔會老韌。芝士玉子一碟三件，暖暖的玉子，面頭再淋上芝士，濃香暖滑。*電子落單有點麻煩，如遇困難，可以找店員落單👍**今日無叫的鵝肝炒飯，都好好味架。

🐻の試食‼️✨醬燒魚蝦蟹丼 $78✨鮨壽司定食-跟細烏冬 $128⁡今次🐻黎大埔搵食，當然要有朋友介紹下，原來廣福道都有間高汁日本餐廳，午市黎食仲可以有30多款午餐選擇唷 😍 今次試左醬燒魚蝦蟹丼，即係滿滿沙律醬燒既三文魚、熟蝦、蟹肉棒鋪面，加埋大大碗壽司飯，仲有滿滿鮮味既蒸蛋同沙律配埋 🦐🦀🐟🥗😋 好味又滿足！另外朋友叫既鮨壽司定食都超靚仔，一睇就知新鮮，🐻仲偷食左佢既帶子壽司，超大粒超鮮甜 😌 推‼️

街坊日式料理小店🍣🍥大埔墟一向都多野食，之前bookmark左呢間日式餐廳，終於有時間去試🫡我地叫左👇🏻💛鮨壽司定食-跟細烏冬（蒸蛋+沙律） $128難得黎到就叫個望落比較吸引架啦🤣壽司有8件，種類唔多，有三文魚帆立貝鯛魚同吞拿魚，另外就有蛋 蟹柳 三文魚子同海膽🙆🏻‍♀️三文魚都幾厚切，油脂分佈平均，食落幾肥美，帆立貝亦都同樣厚身，幾鮮甜👍🏻海膽唔腥，但無咩海膽味🥹壽司舊飯都幾細下，另外見到有個set淨係得壽司無烏冬應該唔會夠飽🫥🫥🫥烏冬就正正常常，但就真係幾細下，兩三啖食完🤢蒸蛋同沙律份量都偏細，沙律真係得幾條切到好幼既菜🥲Overall黎講食物質素正常，又唔係話唔好食，但份量太少，環境都唔係特別好，呢個價錢黎講性價比唔算太高🥲🥲味道：8/10性價比：6/10📍 良鮨壽司大埔廣福道77號地舖📌人均消費: $101-200#hkfoodie #hkig #hkfoodieblogger #steak#foodiegram #foodiehk #foodblogger #foodielife #foodie #香港美食 #香港好去處 #hkfood #hkfoodlover #西餐#hk

係朋友既介紹下去試左大埔日式小店既午餐定食，😂因為價錢比較平，本身仲膽心會唔會還好，結果無論價錢定質素都十分好，會回頭❗️當日開店前先臨時訂位，好彩仲有位。選擇好多，有魚生丼、壽司、丼飯、壽喜燒、炒飯... 每樣都好似好吸引咁。最後我揀左魚生丼定食，定食跟沙律，另外可揀茶碗蒸或麵豉湯。我就揀左茶碗蒸，比預期好，夠味多料又滑。魚生丼有吞拿魚蓉、赤蝦、海膽同蟹子，每樣都好新鮮，完全冇腥味，唔洗豉油或芥末都好好食，海膽份量都算多，吞拿魚蓉下邊仲鋪左d 梅味既味素，甜甜地又好夾。望落細細碗，份量都好多，d 飯都食唔哂。