良い日涮涮鍋

🌝究竟有幾耐冇見過雞丁妹？都已經數唔到。雞丁妹終於肯蒲頭，熊妹就揀間就佢腳嘅火鍋餐廳同佢慢慢食慢慢傾。📌位於鑽石山荷里活廣場的《良い日涮涮鍋》環境非常大，有好多四至六人大枱同埋間出嚟嘅二人枱，日本餐廳裝潢乾淨簡潔。📌任食放題火鍋套餐有幾款，限時90分鐘，都係根據食咩牛款而咩價錢，最貴一款除了基本的豬、牛、雞，仲有霜降黑毛和牛同海鮮盛合，午餐價為$338，晚巿加$60。特上牛舌套餐，$198/位而熊妹同雞丁妹今次就揀中特上牛舌套餐，除了基本肉類，最主要係有牛舌食！嘩！成底木枱鋪滿片片牛舌，整整齊齊，排得密密麻麻，份量多到目測起碼有40片以上😍，滿缸紅感覺大癲！開心🥳！牛舌係薄切但面積好大，淥熟後口感好爽口，兼且勁重牛味！果然係特上牛舌！絕對係高級品種！仲要有得任食，食得哂成底先好講喇🥲！牛肉基本牛款肉質偏瘦，岩哂怕肥的熊妹。雞腿肉雞件啖啖肉無骨位，雞皮脂肪位簡單全去掉。自助區丸類有龍蝦丸、豬肉丸、魚蛋、金菇貢丸、墨魚丸、魚豆腐、芝士獅士狗魚蛋同芝士腸。蔬菜娃娃菜、油麥菜、小棠菜、椰菜、生菜、西洋菜，仲有款好特別的春菜，全部都洗得好乾淨翠翠綠綠嘅蔬菜好新鮮，真係啱晒菜皇嘅熊妹同雞丁妹。麵類烏冬、素麵、葛粉絲、素麵、蕎麥麵、即食麵，比較有驚喜的有片裝年糕！其他配料仲有蕃茄、粟米、秀珍菇、雞髀菇、蟲草花、豆腐、金菇、冬菇、芋頭、蓮藕、南瓜、薯仔、大蔥、洋蔥、木耳同蒟蒻等等。冬陰功湯除了基本的湯底，雞丁妹非常醒目地發現了新推出湯底冬陰功湯，即刻想試下。又勁重冬陰功味，滾著滾著，冬陰功味芬香泗溢，有啲料到！蕃茄壽喜燒湯熊妹想食蕃茄湯，又想食壽喜燒，鬼馬精靈的雞丁妹話why not both?因為又俾佢發珊在另一款新出湯底 - 蕃茄壽喜燒湯，蕃茄好新鮮，酸甜味同本身帶甜味的壽喜燒湯又幾夾喎！甜品食完咁多濃味肥膩野，食個甜品就最清口腔又解渴。好開心，有任食yogurt！自助形式，食幾多自己唧，有藍莓🫐同牛奶口味，當然可以兩溝，仲有好多款軟糖、朱古力粒同卜卜米做配料，打完邊爐食返杯真係好清新！💫飲品飲品係汽水機自由斟，仲有烏龍茶同綠茶。醬油區有昆布醬油，大路的葱花、炸蒜、蒜蓉、指天椒等等一定有，特別在有柚子胡椒汁。📌《良い日涮涮鍋》食材新鮮乾淨，牛舌真係無得頂。一人邊爐自己想食乜湯底，食幾多料自己打，非常自助，真係好岩朋友聚會高談闊論。…查看更多

下雨天不想煮飯，最好就是去「打邊爐」。這一天跟家人來到鑽石山的「良い日涮涮鍋」，這裏主打「一人一鍋」的火鍋放題，大家各自挑選自己喜歡的湯底、食材，自由地涮煮，沒有固定的順序或搭配，愉快又自由，性價比高。環境以日式木系為主，光線明亮，通風系統OK；職員行動迅速，態度很友善。食物：嚴選牛肉放題90分鐘 ($268/位)🥘 湯底✨一共有7款可選，包括四川麻辣、黑蒜、壽喜燒、昆布、濃厚蕃茄、生薑雞及胡椒和牛，愛辣或不吃辣皆有不同選擇。✨筆者選了昆布，淡雅的性質配上不同食材，熬出風味後味道剛剛好，不會太鹹。✨家人選了壽喜燒，香甜惹味，蘸上蛋汁更滑溜惹味。🥩 肉類✨嚴選牛肉：雖然較薄身，但肉質紅潤，有牛肉風味。✨牛舌：能輕易咬斷，帶牛香。✨雞腿肉：沒有雪藏味，還算滑嫩。✨豚肉：表現中規中矩。🥢 自助區✨數十款不同食材任取，包括蔬菜 (唐生菜、小棠菜、娃娃菜、粟米、蕃茄、蟲草花、金菇等)、丸類 (筆者最愛的午餐肉、包心丸、獅子狗、芝士腸、龍蝦丸、香菇貢丸等)、麵類 (公仔麵、粉絲等)，非常大眾且老少咸宜，吃素的朋友亦有超多選擇，必定捧着肚子離開！🍴 飲品、醬料、甜品區✨有汽水、茶任取，老少咸宜；多款醬料可供自行組合，包括筆者喜愛的蒜蓉及芫荽；甜品區有雪糕機，當天的藍莓味味道不會有藥水感覺。總括而言，性價比很高，食材還算多元化。…查看更多

鑽石山荷里活廣場三樓門面淡素，入到去光線幾柔和，坐得幾舒服湯底揀咗最基本嘅昆布清湯，清清地唔會搶走食材風頭薄薄嘅牛舌喺湯裏面輕輕游兩下，變咗淡粉色就撈起入口肉甜我最後牛舌叫左好多碟菜籃嘅蔬菜都幾新鮮尤其係個娃娃菜，索咗湯之後格外清甜飲品方面唔太多除咗汽水同道地烏龍茶，仲有部咖啡機可以自己沖食完濃味嘢，整杯美式或者冰涼烏龍，都好解膩最尾嘅甜品幾款雪糕試咗牛乳味，奶香醇厚口感滑溜呢度唔算好華麗但係由湯底到食材，都係OK的, 對得住價錢…查看更多

1. 我係平日夜晚幫襯，望入去有空位，所以我撳咗飛，在場冇其他食客等緊位，等咗一陣基本上都冇職員理我，就算我叫唔該，佢哋都係望一望我就走咗。白色衫應該係經理，佢仲好得閒同其他人傾偈，直至外面有四至五張飛等緊，佢先他他條條出嚟帶位2. 啲牛極度硬，好嚡，唔關我烚幾耐嘅事，我烚幾秒佢都已經立即縮到勁硬。配料都係超少選擇，冇晒都唔refill，連我男朋友出去第二轉都仲未refill，即係根本上冇職員去自助吧3. 醬汁極度稀，豉油我斟到滿晒，都仲係透色見到底。另外生蒜已經見晒底，都冇refill，芝麻醬都係剩返一毫米4. 張枱勁逼，只可以擺一個自助碟同埋一棟生肉碟總之唔會嚟第二次，貼錢買難受…查看更多

荷里活廣場咁多餐廳之中最多人等位．就係呢間放題望完Menu 發現價錢超抵食Lunch 低至$128 就可以任食放題90分鐘難怪門外經常排滿輪候食客等候入座我地揀咗✨特上牛舌放題90分鐘有不同湯底選擇🥘豚骨黑蒜湯 - 湯底香濃黑蒜味🥘昆布湯 - 清啖健康不油膩估唔到▫️特選牛舌 擺盤咁誇張舖滿成個木枱架口感爽彈超好食另外仲有其他肉類．同時品嚐 ▫️穀飼牛 ▫️豬肩肉 ▫️雞腿肉 自助區仲有多款新鮮配菜．飲品同雪糕一人一鍋．乾淨衛生價錢唔貴．90分鐘充足時間食到飽性價比極高…查看更多

今晚去咗鑽石山荷里活廣場嘅GOODATE 良い日涮涮鍋 嘆特上牛舌放題，啱晒我呢個牛舌控～湯底係一人一鍋，可以揀自己心頭好。我揀咗生薑雞湯，味道適中啱啱好，唔會搶走肉味。自助區嘅火鍋配料選擇又多又新鮮，我哋就食多啲菜同粟米，營養均衡減低膩感。一大盤特上牛舌用木架上，排列整齊，好有視覺享受～牛舌切得夠薄，淥一淥陣變色就得！咬落爽口彈牙，加少少檸檬汁味道清爽，食落完全唔覺得膩，仲越食越開胃添～除咗穀飼牛仲有豬肩肉、雞腿肉選擇，推介雞肉，肉質彈牙又嫩滑～配雞湯好正～最後就食個雪糕降溫～爽！由而家到30/11仲有會員尊享優惠。都真係幾吸引，一大班朋友又食又飲就啱晒～😎…查看更多

今日去荷里活廣場 shopping完，試咗良い日涮涮鍋，係性價比高嘅任食邊爐🥰 原來有幾間分店，鑽石山分店好新淨，環境闊落，坐得好舒服～長者同小童有優惠好抵🌟火鍋湯底選擇夠晒多，我同朋友揀咗壽喜燒鍋同埋生薑雞鍋，清甜又可以帶出食材嘅原味啲肉嘅質素真係冇得彈，特別係牛舌爽口彈牙勁好味👍🏻 嚴選牛肉油花分佈均勻，輕輕一涮就食得，入口即溶，牛味超濃郁😋 除咗主食，佢哋嘅火鍋配料都好豐富，好多唔同種類嘅丸類同蔬菜🥬 仲有各式各樣嘅配料同醬料，可以自己調配鍾意嘅口味🥰 仲有雪糕機🍦藍莓同牛奶味都好好味店員都好nice，好主動幫我哋加湯同收碟，服務周到，一定會嚟encore 💯…查看更多

呢間涮涮鍋餐廳主打一人一鍋抵食放題 最平晚市由成人$188起一位90分鐘任食 包任飲果汁汽水同雪糕機✨ 不過今次我地就加多少少錢 食咗呢個$198一位嘅特上牛舌放題 貪佢有齊豬牛雞之外 仲有特上牛舌😋 另外餐廳仲有會員 小朋友同長者優惠等 一家大細嚟性價比🆙🆙🆙呀😍-🥩 特上牛舌放題呢個價位包咗任叫特上牛舌 穀飼牛 豬肩肉 同雞腿肉 可以㨂唔同湯底 我地今次㨂咗壽喜燒同黑椒和牛湯底 味道唔會太濃 啱啱好提一提味😉另外加點時份量一啲都唔馬虎 同樣一份都係滿碟上 不過都係食得哂先好嗌 唔好用大哂鬼呀-👅 特上牛舌 一坐低開爐就會立即上一大盤牛舌 實現牛舌自由冇難度呀😍 牛舌厚度適中 唔會太薄 有口感之餘唔算厚到淥到好有難度 外面咬落爽脆 中間肉質煙韌中帶少少嫩😋 配上黑椒和牛湯底 帶少少辛香味 都幾夾✨-🐄 穀飼牛 另外穀飼牛肉質都唔錯 肉味香濃 而且最抵讚係佢有預先解凍 唔會硬到一塊塊上碟 呢啲小心思 真係買少先少😌 配上壽喜燒湯底同生食用蛋黃 好夾🔥-🐖 豬肩肉 豬肩肉脂肪比例唔錯 煮熟後肉質滑嫩唔會太瘦太乾柴🐷-🐓 雞腿肉雞腿肉厚切 煮完都仲係幾嫩滑🍗-🥤飲品區有汽水 茶 同咖啡等 另外近門口區域仲有另一部果汁機 選擇都唔少呀-🍦甜品區甜品就有一個凍櫃同軟雪糕機 仲有扭紋雪糕 而且toppings都有好多款 食完邊爐整返個雪糕都幾開心架🍦…查看更多

【鑽石山日系涮涮鍋｜夏日涼住冷氣歎高質Shabu Shabu😋】夏天打邊爐最重要是什麼？當然是涼住冷氣爽歎火鍋！🔥 今晚就來到鑽石山荷里活廣場這間由日本人主理的《良い日涮涮鍋》，主打一人一鍋，乾淨又自在。💨🍲 湯底選擇多樣，Alex點了「海老豚骨湯」，蝦香濃郁、鮮甜不膩；而我大推期間限定🔥「冬陰功湯」！酸辣開胃，用鮮蝦、檸檬草和辣椒爆香而成，涮肉煮菜都超夾，夏天吃超級過癮！🌶️🍋🥩 我們選了「嚴選牛肉放題」（90分鐘⏳），這個套餐已經包括我最愛的牛舌！薄切牛舌輕輕涮幾十秒就食得，搭配日本酸橘汁，酸香清爽、爽脆不膩，絕對是夏日必點解膩神物！👅💦✅ 其他肉類如特選穀飼牛也相當不錯，肉質對得起價錢。👍 ✅飲品方面有無糖烏龍茶和綠茶，健康又解渴。🍵整體來說，環境舒適、湯底有特色，牛舌控絕對不能錯過～💯…查看更多

最近屋企附近發現左呢間「良日涮涮鍋」晚市任食火鍋每位 $268任食「嚴選牛套餐」多款牛肉部位同特色湯底仲有牛舌任食夠晒吸引 岩晒呢D牛魔王 餐廳位於荷里活廣場3樓中庭環境乾淨企理 座位闊落仲一人一鍋 可以自己選擇自己喜愛既湯底 入座時 店員介紹有兩款新推出湯底我地毫不猶疑就試下 //蕃茄壽喜燒湯底//帶日式風味的湯底蕃茄既微酸加上日式壽喜燒汁既甜湯底濃郁 同牛肉特別夾仲可以用黎煮個烏冬 吸晒湯汁超滿足 //冬蔭功湯底//泰式風味十足 酸辣平衡得好香茅、辣椒味道層次分明涮牛肉加個公仔麵就最適合不過公仔麵索晒冬蔭功的辣味加幾片牛又有肉香令整體味道更出色 //牛舌//任食薄切牛舌牛舌入口爽脆彈牙 涮幾秒就啱食個人覺得配壽喜燒湯底特別惹味 //嚴選牛肉//油花均勻 唔會太肥亦唔會太瘦涮幾秒就食得入口滑溜 吸湯力強且肉味濃郁配冬蔭功湯底係有驚喜酸辣味令肉味更突出而每一轉加單都保持到相當質素係正 //雞肉 豚肉//肉質嫩滑唔會乾柴涮完之後吸晒湯底精華特別係配冬蔭功湯底酸辣味滲入雞肉 食落非常惹味原來即使主打牛肉 雞件都唔失禮值得追加 另外出面可以自取蔬菜菜都很新鮮 仲有粟米、多種菇類而丸類亦有好多款例如貢丸、豬肉丸、墨魚丸丸全部都彈牙有驚喜仲有芝士腸係爆芝士 飲品方面提供自助吧形式有汽水、果汁、茶類等選擇甜品就有雪糕機…查看更多

平時最鍾意去食日式火鍋，鍾意一人一鍋可以揀自己鍾意嘅湯底慢慢食，仲夠晒衛生。呢間分店座位都唔少，自助區空間都夠大，店員服務都好親切。湯底有七款常設款式，同埋四款期間限定，難得嚟到梗係試吓兩款期間限定嘅湯底啦，所以最後就揀咗蕃茄壽喜燒湯底，同埋海老豚骨湯底。前者仲會附送一隻日本生雞蛋，可以點牛肉食，令牛肉好滑溜，後者嘅蝦味好重，帶出食材嘅鮮味。今次嗌咗嚴選牛任食套餐，除咗其他套餐都有嘅豬肉同雞肉之外，呢款套餐仲可以任食嚴選牛肉同埋牛舌，係更加高級嘅牛肉，只要用QR code落單，肉類都好快送到。至於其他火鍋配料，都可以喺出邊自選區到拎，有好多唔同嘅蔬菜、類、面類等等。仲有唔同嘅飲品同醬料選擇。最後仲可以自己唧埋雪糕食，仲有好多唔同Topping可以揀添！…查看更多

晚市嚴選牛肉餐最近同朋友去咗荷里活廣場嘅「良い日涮涮鍋」食晚飯，主打日式火鍋，環境乾淨企理，座位寬敞，適合朋友聚餐或家庭聚會。一人一鍋，自己鍾意食乜就食乜🥩 嚴選牛肉餐牛肉質素唔錯，油花分佈平均，豚肉，雞肉，穀治牛，涮幾秒就熟，入口嫩滑，肉味濃郁。餐內包括多款蔬菜、豆腐、金菇、粟米等，份量足夠，蔬菜新鮮，吸湯後好入味。🍲 湯底方面選咗壽喜燒同黑蒜油豬骨湯，味道清甜，唔會搶味，啱晒涮牛肉。醬料選擇唔算多，但基本款如胡麻醬、柚子醬都有，味道夠地道。飲品雪糕任裝👨‍🍳 服務方面店員有禮貌，落單效率高，食材上菜速度快，期間有主動加湯，整體服務令人滿意。💰 價錢 & 性價比二人餐價錢合理，買咗個咖啡機啊，我想買啊食材質素有保證，環境舒適，值得一試。✅ 食材新鮮 ✅ 牛肉質素高 ✅ 環境舒適 ✅ 服務好 📍 推薦指數：★★★★★📍 回訪意願：高，有興趣試埋其他湯底或海鮮餐…查看更多

今日去咗鑽石山一間新開嘅一人一鍋shabu shabu 放題店「良い日涮涮鍋」🔥🔥，90分鐘嚴選牛肉放題先每人$268🥰，呢度啲牛肉都幾正呀👍，好味嘅嚴選牛肉🐄和牛舌👅，都係任食，當然仲有豬🐷和雞🐥，餐廳環境係日式木系裝修，坐得舒服。湯底方面都幾多選擇，我地揀左黑蒜豬骨湯底🐷 ＆壽喜燒湯底(配左隻日本蛋)，兩款都唔錯自助區的蔬菜🥬、丸類和其他配料有很多選擇。甜品方面，有雪糕🍧和大福mochi，仲有好多配料可以落雪糕度，正呀…查看更多

今日嚟咗荷里活廣場新開嘅日式火鍋店，餐廳都幾有人氣，舖頭keep住要等位😮 呢度嘅火鍋係一人一鍋，我哋就嗌咗海老豚骨湯同埋豆乳雞白湯🍲 今日揀嘅套餐可以任食六種肉類，特別推介佢嘅牛舌，輕輕淥一淥就食得，入口幾爽口👅 其他火鍋配料，主要喺出邊嘅自助吧自己夾，蔬菜丸類等都有供應🥬 食物名稱有清楚標記，仲見到店員不時fill貨。 飲品主要係飲品機斟出嚟，咁就更加還保🥤 最令人期待嘅甜品部份，有唧唧軟雪糕同埋brownie等等喺雪櫃自己拿取✌🏻如果住鑽石山嘅朋友想近近地打個日式邊爐，都可考慮呢間火鍋店。不過就記住早啲嚟啦，因為都好爆場㗎。…查看更多

有多間分店的一人一鍋日式火鍋店杏花新城、旺角朗豪坊、新蒲崗Mikiki、將軍澳及鑽石山都有分店湯底有好多選擇💁🏻‍♀️我們選了最新的豆乳雞白湯🌱和海老豚骨湯🦐點餐過後好快就送上2盤牛肉、1盤牛舌、1盤豚肉同雞件有QR code無限點肉類全部都可以任點！食肉獸啱晒了 ! 我是蔬菜怪都滿足到, 因為自助區有多款蔬菜類好欣賞有好多款菜：油麥菜、白菜、西洋菜、唐生菜、娃娃菜、粟米等 🥦🥬🥒🫑🌽推介南瓜同芋頭好甜另外還有好多丸選擇芝士獅子狗幾好食甜品就不要帶有期望了飲品有汽水、咖啡同茶類…查看更多