舢舨海鮮酒家

營業中

休息中

魚 / 2斤4海𩶘，ok，係貴D，不過南丫島，預咗，唔係問題蝦 / 一隻好，一隻壞，有古惑蜆 / D肉梅嘅墨魚 / ok 嘅，係切得厚咗D扇貝 / 把鬼，個殼就大，D肉超靭8大1細埋單$2600

Cc因租約已滿，要另覓新居。喜愛大自然的她，想在南丫島搵一個安樂窩。一到達，飢腸轆轆的，馬上去搵食。碼頭附近，只有舢舨海鮮酒家，碰巧有點心供應，且還有空枱，就坐了下來。差不多是午市時段了，酒家推出小菜，剩下的點心選擇並不多，CC取回四籠點心。燒賣內的蝦肉饀料比例適中，吃起來爽彈鮮香，正常之作。蒸鯪魚球質感濕腍，魚味味淡，幸不太腥膩。鯪魚球除了混入了了鯪魚肉、菜絲、陳皮和醃料外，還有臘腸。一客三件的炸物，Cc取回一件鹹水角，以及小妹最愛炸雲吞兩件。炸雲吞炸得皮脆饀鮮嫩，口感和食味均不賴。最後一碟，乃Cc的最愛 - 酥而不爛，有彈性，色澤淡紅且鮮香味美的金錢肚。小結：四碟點心，連茶水和加一，竟索價$134.5，真的有點貴﹗

平時難得放假，就與親愛的再往離島閒逛，今次目的地為南丫島。島上遊人與假日少了一截，因此逛街沒有這麼的擠迫，亦可作散步。來到中午，天氣尚熱，又有點肚餓，親愛的話說想食中菜，於是到舢舨海鮮酒家坐下來。酒家分為室外與室外。在下還是選了室內。親愛的已想到吃甚麼，於是在下在餐牌中隨意點了一個小菜。而餐牌中有各款的前菜與海鮮，也有點心吃的。酥炸魷魚（九十八個大洋）魷魚呈金黃色，色澤尚算幾好，不過炸粉卻未夠平均，部份沒沾上。基本上是炸得有點酥脆，但未算很好，魷魚都幾煙靭。菠蘿咕嚕肉（八十八個大洋）咕嚕肉色澤鮮艷，是酒樓貨色，有菠蘿及甜椒，醬汁酸甜度適中，肉排做得幾好，有點脆口，用來餸飯不錯。蒜茸炒雜菜（六十八個大洋）吃過肉類，也需要蔬菜。當中包括了西蘭花，白菜，小棠菜。話雖是蒜茸炒，但蒜茸味不足，有點肥膩的感覺，少一點油炒就好了。兩個人吃三個小菜，非常充足，也吃得很飽呢！

有朋自遠方來，去 Lama 行順便食海鮮，但諗唔到係跌錢落海。坐船去到，剛係午飯時間，坐下落單，貴都算啦，叫左炒膏蟹，炒蜆，蒸鮑魚同炒菜。先來炒蜆，汁唔知咩風味，蜆老到好似香口膠，仲要細碟。炒菜，水加油有三分一碟。炒膏蟹，可能太近海，鹽唔使錢咁落到，咸到冇人有。蒸鮑魚，比飯叉人用，又冇比刀，鮑魚熟到花好多力先整到出來。整體來講，我同友人都覺得呢間係垃圾食店。如果可以評分極差，我一定比佢哋。

到南丫島，品嚐海鮮也是人們喜愛的活動之一。同行人少，不能點太多，最後與朋友選了五味魚柳和酥炸鮮魷。五味魚柳的確有五種配菜、甘荀、青椒、洋葱、冬菜、咸酸菜，有特色，甜酸醬汁濃稠與味道適中、魚柳外脆內軟，佐飯吃應是絕配。至於酥炸鮮魷，看似普通，但魷魚的確新鮮，易吃不韌，炸得乾爽香脆不鹹，是好的品質。此店的食品質素和份量令人滿意。

每次食飯之前都唔記得開openrice爬下文點知就中左伏清蒸海蝦數得出10隻 盛惠$148 ，海鮮炒飯淡而無味 真係K房都炒都好食過佢，豉椒炒蜆變左豉椒煮蜆 冇黎鑊氣，蒜蓉蒸大元貝 又係淡到一個點 舊肉仲要痴到個殼實一實，粉絲煮完就咁放上去。重要碟碟餸都冇煙既，最好味真係支藍妹。又貴又冇質素，真係祝你生意興隆。PS. 相機都食唔落

只有海邊黃昏風景好外，食品基本上差劣。點了四碟食品：1. 炒蟶子:凍的，沒有鮮味，買HK$138。2. 椒鹽炒瀨尿蝦:凍的，有點肉，買HK$220。3. 蒜茸粉絲蒸扇貝:太乾，沒有汁，粉絲未煮透，買HK$116。4. 酸辣湯:用料只有叉燒絲及其他菜頭菜尾，只有醋味，買HK$45。見議不要去。

平日去南丫島沒有咁多人，一時吾記得左有openrice,行到佢門口,見門口d枱都有人食諗住穩陣啦,入去叫左碟水煮大硯，一隻乳鴿同蒸開邊蝦，蝦肉是散的,一食就知係死蝦,吾係出面魚缸個d,乳鴿d肉硬過石屎,返炸上碟,落樓有茶介加一承惠530 ，貴到冇朋友，我睇佢都係做劏遊客生意，吾係做回頭客，成日吾發市，發市當三年。

呢間真係一間係迷你點心店, 袖珍海鮮專門店. 其實應該採訪下, 點解一碟菜一碟海鮮可以炒到咁細碟.鹽炒瀨尿蝦, 一般中等體積, 不過超貴, 而且不鮮, 味道也一般, 肉質非常鬆散而沒有彈性.白灼海蝦, 只是基圍蝦, 份量少, 賣相差, 味道劣, 用料低級, 價錢貴.蒜蓉蒸扇貝味道似雪凍帶子, 而且帶子遠細粒過個貝殼, 爲什麽?炒蟶子又細又咸, 味似發霉. 辣酒花螺不辣無酒味螺細.椒鹽鮮魷, 脆但很淡, 不好食. 炸大腸洗得不夠, 又苦味.炒芥蘭, 一般. 乳鴿完全未炸透, 皮諗肉凍, 味道淡.蟹肉炒麵, 要用放大鏡先搵到蟹肉, 味道很淡.

憎自己無睇OpenRice先，搞到食得咁唔開心。蒜蓉蒸扇貝疑似用雪凍帶子粒擺住係個貝殼上。得一粒硬硬地又小粒既帶子，重無味，無鼓油。竟然收38蚊一件！死未？！總之，OpenRice呢度既評價都幾公平。消費者唔係傻既，除非自己唔睇佐呢個網站先！

本身係無諗住開個OPEN RICE ACCOUNT, 但為咗呢間野, 我真係忍唔住要開個ACCOUNT抒發一下我情緒!!今日難得入南丫島, 諗住係咁易搵間海鮮酒家食下海鮮, 其實入得黎, 大家都預咗洗錢, 但洗得唔值果下先扯火!! (我後悔食完先睇OPEN RICE!!)第一碟: 白灼蝦無咩特別, 只係碟野望落去覺得有D呃稱感覺, 但出黎食得海鮮就預咗點都有D唔足!第二碟: 辣酒煮花螺幾乎搵唔到D螺, 而且只有少少辣味, 其餘無咩味!第三碟: 蒜茸粉絲蒸扇貝乾爭爭, 零汁, 零鮮味, 10分係滿分的話, 我只能俾2分 (呢2分係在於佢真係有扇貝、粉絲同埋蒜茸)第四碟: 蒜茸炒小白菜唔計白飯, 呢碟係最好食第五碟: 椒鹽瀨尿蝦 (最想反枱的一碟菜)個侍應寫呢張ORDER果陣, 佢已經講話兩隻就400蚊, 咁無所謂, 只要好食, 呢個價錢當然唔係問題啦! 但...碟野一上到枱, 我見到兩隻唔合符現實o既瘦削瀨尿蝦, 都算! 成隻瀨尿蝦好似用粉炸完然後表面放一大堆炸蒜茸, 都算!! 最離譜係我剪開中間反開個殼睇, 入面中空, 只有側邊兩排好少好少o既肉依附住個殼, 睇完真係木定口呆, 要大叫

今日同兩個朋友到南Y島郊遊, 朋友行過榕樹灣既酒樓, 話想食瀨尿虾王, 咁我地就揀一間坐底啦。本來唸佢呢間係第一間, 實揾笨, 所以就行多幾間價格. 點知個度酒家太少. 有瀨尿虾王的只有這一間, 咁無辦法啦坐底點了三個餸, 包括兩隻七兩重的瀨尿虾王（每只＄１８５）, 唸住舒舒服服的享受週未的下午。第一樣虾醬炒鮮魷, 份量很少, 味道一般.第二樣炒雜菜, 普通..點知第三樣 我地滿心期待的瀨尿虾一嚟到就吓一跳...上枱已經切開左三件,...望落去點解細左咁多, 叫個侍應埋黎, 第一個行嚟係個女人, ..佢話煮好既虾個會縮細D, 因為劏左條腸.. ( 真係O嘴, 有咩劏呀大佬...!!)跟住兩個男侍應行埋嚟,.. 態度更差..." 小姐, 我地唔會呃你,...你自己睇住撈上嚟... 你唔啱可以唔要.... 而家都煮晒出來, 咁你想點呀??!!)" ....我個朋友咁忍唔主出聲, ..."我地想要番自己隻虾囉！＂:我話我地要個兩隻唔係呢兩隻喎，　呢條友仲話，咁你自己出嚟睇囉 ，隻隻都係咁既ＳＩＺＥ，　（咁我揀個隻你都話劏左咯，　咁仲睇Ｄ咩呢　！！）呢個時候都無憑無據再講，費事再掃大家興，　唯

放假入左南丫島，又食舢舨，其實次次去榕樹灣都會食，鍾意佢個環境。兩個人無叫時價海鮮，只係叫左3個小菜。豉椒炒蟶子：又的確細份左d，應該有4/5隻細蟶子，物價高漲，$98算係咁。個茨有d稠，不過味道又較得幾惹味，送飯一流。椒鹽豆腐：呢個好大碟，十幾舊大大件，好足料，豆腐又唔會太乾，好味！甜酸骨：甜酸適中，有大舊肉，炸粉又唔會好厚，幾好呀。另外叫左兩個白飯，只飲茶，埋單$280，合理價錢。平日人唔多，環境好舒服；服務亦唔錯，點菜叫飯加水派濕紙巾等，全部自動波，無勞氣。可一可再~

生日帶同小犬到南丫島郊遊.是次食左LUNCH先行過去索古灣.揀呢間係因為另一間海鮮只有幾桌外國客,呢間多人D,以為食物會好D/新鮮D.因為有小犬,所以坐埋一邊,自成一國都幾OK架~見到D瀨尿蝦生生猛猛就叫了2隻,口說是25蚊一兩,一隻7兩,最後埋單實際一隻約210蚊.不過見圖就唔覺佢有咁重LAW.不過唔緊要啦,耐唔耐一次都冇所謂.味道一般,走油走得太老一隻有膏.都係死實實~60蚊,其實都唔差.炒什菜LAW~~~乳鴿,可能比其他餐廳的BB鴿寵壞左.覺得好似食緊一塊好油好乾冇味的紮蹄咁~XD!最好食係佢,因為新鮮,白灼都好甜,如果唔係難消代,我會叫多一份~~

星期天的南丫島人氣十分旺，遊客、當地居住的外藉人士都紛紛走到大街上。喜愛吃點心的我路經此點即被各種點心吸引，另一人則想嚐海鮮，於是便選擇這店進食午餐。兩人坐好後便有職員送上熱茶及水清洗杯碟，再放上前菜 ﹣ 菜脯。（圖中菜脯已被我們吃了幾粒）我個人覺得這菜脯一般，但另一人好像挺愛吃的。我們安頓好後就認真看看餐牌，大多海鮮都是以時價計算，當中也有一些比較普通的菜，如炒飯及炒菜等。我倆選了豉椒炒聖子及炒芥蘭。我便心思思去找我的點心。先是拿了雞扎。他說芋頭很好吃，粉粉的，不像外面雞扎內的芋頭的硬。炒芥蘭的份量好少呀這已經是職員送來的份量～～～～！！味道一般吧，沒什麼特別。豉椒炒聖子，價值98元的，心中一直希望份量不要太少。看到之後覺得還可以，聖子幾新鮮～很喜歡吃它的伴菜 ﹣ 青椒~兩個人份量還ok（3個人應該已經不足夠了）可我們兩個為食的人不夠飽，只好附叫作個點心填肚子。鳳爪、燒賣及排骨飯。也只一般酒樓的食物我倆共付上250多元，其實不抵食，不過既然在南丫島榕樹灣大街，貴也是在所難免。眼見鄰座大枱上全是海鮮，相信要過千才可離開呢，哈哈～吃飽再繼續南丫島為食之旅！