影片
港鐵銅鑼灣站 F1 出口, 步行約5分鐘
繼續閱讀
營業時間
星期一至日
12:00 - 15:00
18:00 - 23:00
以上資料只供參考, 請與餐廳確認詳情
聽朋友講話呢間日本餐廳幾抵食，$1,680 一個人omakase包好多樣唔同嘅嘢，所以諗住去果度慶祝紀念日，點知估唔到會有咁「特別」嘅經歷🏴☠️。餐廳個setting係坐bar枱，我哋嗰晚去到嗰時見到成間餐廳只得隔離坐咗一對中年嘅男女客人。我哋坐低咗一陣之後發現到omakase廚師完全冇理過我哋，例如上唔同嘅食品時，莫講話解說，連嗰件係乜嘢刺身或者壽司都冇講，我哋要自己問個廚師先會答一句🥲。你會問咁個師傅做緊咩？佢將全部精神放晒係果對中年嘅大客，不停咁「李生」前「李生」後，又話敬佢飲酒，又同佢介紹新年可以係度搞private party包場，真係好好服務😑（只限於「李生」）師傅唔理我哋都算，估唔到去到中途更差☠️。話說果日TVB直播緊歡樂滿東華🎶，然後「李太」食到飽唔想傾偈，想自己一個睇吓節目，所以就開hand-free大聲咁播出嚟睇。當時成個場充滿住歡樂滿東華嘅聲音，師傅無岀聲、服務員無岀聲、我哋同隔離另外一台客都黑住面唔出聲😓…最後，播左差唔多一個鐘，「李生李太」終於要離開啦，而當時已經九點幾，即係我哋已經由七點幾開始俾人ignore咗兩個鐘，聽歡樂滿東華聽咗一個鐘。大客走咗之後，師傅終於理返下我哋，但係嗰時我哋同隔離嗰台客已經面到黑晒，食乜都無味。我哋大約10點幾走，而當時隔離另外一台客「莊太」都仲未開始食壽司，因為師傅太照顧「李生李太」，唔得閒俾嘢食佢哋，我諗狀態應該同我有同一樣感受，非常之不受尊重！坦白講，有大客唔係問題，但係師傅同餐廳明知大客係比較自我中心，而作為老闆嘅師傅又分神唔到照顧其他客人，咁唔係應該量力而為，嗰日接少啲客或者希望其他客去其他分店？再者，你就算係大客，都冇理由當左餐廳去自己屋企，開hand-free大聲廣播，而餐廳冇理由唔出聲，我自己覺得咁係對其他客人非常之唔尊重。我食完嘅感覺係餐廳根本唔需要其他客人，只需要「李生李太」，而我亦都唔會推薦呢間餐廳比任何人，除非你有錢得過「李生李太」，或者唔介意俾千六蚊聽住歡樂滿東華咁食，同唔介意個師傅完全唔理你，連你食緊啲乜都唔知。嘢食方面，以下嘅嘢食味道其實OK，只係我真係唔知食緊啲乜，因為我連個食物個名都冇人同我講。
繼續閱讀
Super good omakase. Great service and fresh food. Have visited this establishment over ten times not only for the uniquely crafted sushi but more for the hospitality offered by the staff and the sushi chefs. Highly recommend and cant wait to visit again 😎
繼續閱讀
本身下午請左假諗住好好食一餐同同事每人叫左個一人鐵板燒套餐互相試下除左沙律同前菜係正常所有海鮮鮑魚帆立貝大蝦都係無本身既肉味更加唔好講師傅既手法可以令到所有野食都極之普通鐵板燒無鑊氣無調味肉類上菜已經唔熱銀芽完全無味道師傅零交談好多食物佢整完係放係佢面前無侍應幫忙上菜要食客自己手動已經唔知自己食左d乜最正常係杯啤酒同雪糕杯咖啡同個抺茶湯係入唔到口埋單人均700蚊呢個價位全香港大把選擇難以明白點解咁多好評無下次講完
繼續閱讀
幾年前初嚐廚師發板, 已經聽聞 “舞鶴” 嘅大名, 未算預約困難店. 今日嚟到邊寧頓街分店, 初訪.🥰 餐廳設一張十人壽司吧枱, 及一張十二人鐵板燒枱. 點咗Lunch Omakase, $880+10%, 包刺身五點, 一品料理, 壽司八貫.🥗 沙律. 蔬菜配蒟蒻, 加屈機芝麻醬, 有趣.🍥 茶碗蒸. 非常足料, 湯汁味濃.🐟 真鯛. 青檸汁帶起鮮味, 三日熟成, 魚味較濃. 🐙 水八爪魚, 北海道. 口感實淨, 唔黐口, 吸盤爽脆, 整體味道略淡.🥰 鱈魚白子. 蛋白質味道香濃, 十個讚!🐟 秋刀魚. 第一件配漬物做紫菜卷, 出色. 另外兩片刺身超級肥美.🦪 珍蠔, 北海道仙凰趾. 一分為二, 裙邊部份開始係梅醋味, 越食蠔味越出. 蠔身部份明顯更重海水味, 忌廉口感.🤗 鮟鱇魚肝, 汁煮. 肝膶口感出色, 味道濃郁, 慢慢滲透口腔, 掂!🐠 一品料理.. 燒吞拿魚下顎. 皮脆肉滑, 以熟食烤魚嚟講, 完勝其他鮨店!🍣 第一貫.. 針魚. 爽口, 配薑蓉蔥蓉, 少少搶味.🍣 第二貫.. 手釣池魚, 昆布漬. 味道較濃, 但油脂弱咗.🍣 第三貫.. 金目鯛, 千葉縣. 炙燒表面, 油脂豐富.🍣 第四貫.. 石垣貝. 少少膠口, 味道一般.🍣 第五貫.. 黑鯥魚, 靜岡縣. 又嚟炙燒, 油香滿溢.🍣 第六貫.. 北寄貝. 青檸味帶領, 鮮味Ok.🍣 第七貫.. 大拖羅, 加拿大. 五日熟成, 肥美, 魚味濃郁.🍣 第八貫.. 吞拿魚下巴, Kama Toro. 炙燒, 配紫菜, 白蔥, 炸蒜片. 完美配合, 出色!🍣 第九貫.. 筋子赤海膽飯. 海膽鮮甜, 可惜筋子帶苦味.🍙 吞拿魚蓉手卷. 正常.🍵 魚湯. 超級鮮甜, 抵讚!🍮 玉子燒. 師傅話落咗蝦, 聞落真係有蝦香.☕️ 咖啡. 夠熱, 唔錯.🍨 紅豆雪糕. 出奇地好食.🤗 總結: 座位闊落, 服務到位. 食材菜式算係大路, 今日 “秋刀魚”, “鮟鱇魚肝” 同埋 “白子” 發揮出色. 師傅清晰介紹魚料食材, 主動交流, 用餐節奏舒服, 以中午廚師發板全餐嚟講, 玩足兩小時, 唔會趕頭趕命, 十分讚! 值得推介.
繼續閱讀
今日想食鐵板燒，在網上搵到這間餐廳便試試。餐廳坐位不多，一邊是鐵板燒，一邊是omakase。每邊有10個坐位左右，坐得比較鬆動。Server 介紹我們這個套餐，今日的鐵板三品可選龍蝦或鮑魚，我選了龍蝦，另配銀鱈魚及蟶子。但睇見隔離的鮑魚很大隻😬😬。和牛方面我選薄切，朋友點了和牛粒。😋😋以上出品都很好，食材新鮮已勝一切，再加上Chef 現場表演的手藝，令大家都食得很開心。炒飯粒粒分明，吸物鮮甜👍👍，本來很飽，諗住飲一口，但忍不住飲晒。😬😬
繼續閱讀