舌丼

晏晝一條友，唔知食乜嘢，諗起觀塘有間人氣牛舌，就去試吓 食物 : 牛舌芯拼牛舌尖拼大啡菇飯$126 ~ 餐包有沙律/餐湯/紫菜飯/汽水，沙律新鮮好味，餐湯是味噌湯，味道正常，紫菜飯都OK，這個餐是鐵板上，牛舌心及牛舌尖都幾腍，但就係唔係好入味，大啡菇味道普通，整體味道偏淡，亦冇咩燒烤嘅香味，以咁嘅價錢就有D失望 環境 : 當天餐廳人不多，坐得都舒服 服務 : 店員有禮貌 費用 : $126 (不收服務費）…Read More

非常失望，叫第一餐廳係想食牛舌芯，外賣打開沒有牛舌芯只有4件細雞扒2件菠蘿洋蔥，打電話給商戶係有禮儀但係沒有積極解決好到問題，又沒有補回遺漏食物，又沒獲退款，只有客戶承擔損失。…Read More

碌社交平台 見到有人推呢間係駱駝漆必食食完完全唔明點解會有人推同朋友叫左兩份牛舌心拼牛板腱平杏包菇同樣價錢 牛板腱size一份大一份細差成3份1 不過費事煩冇叫佢換成個set有前菜 肉 湯 飯 同一包紙包飲品但係份量好少 女仔都唔係好夠飽。。。牛舌係幾好食嘅未做到好爽口，但係都唔會太過un 而塊牛板腱就普通到不值一提每份鐵板餐起碼$120起跳呢個set 126 ，完全唔抵食收咁貴價錢食完完全冇滿足嘅感覺真係超級普通只能夠講係中咗大伏…Read More

琴日同朋友試咗呢間牛舌 對這個價錢都係$126起仲有期間限定嘅羊架$108。套餐包一盒紙包飲品。牛舌好厚我幾鍾意，試埋佢哋嘅牛舌尖，一啲都唔乾～🥰🥰食完仲有免費雪米糍同埋扭蛋 下次可以換領小食～…Read More

收工過嚟駱駝漆食野，肚餓又唔知食咩好見到呢間野，又想食牛舌就試下啦🤪坐低睇下食咩先食咗佢寫住必食嘅 「牛舌芯拼牛板腱 拼杏鮑菇」成個餐包咗一個湯+沙律+ 飯+紙包飲品」揀咗和風汁個牛舌芯真係好厚好好味🤩 牛板腱都可以，成個配搭幾好但個菇搞唔掂 😩 唔好食❌入面位置唔算多，同埋枱與枱中間嘅距離好近想傾計嘅話…. 就不建議喇每張凳都可以揭起擺袋～每人食夠$100就有一個幣可以扭蛋入面會係唔同嘅優惠🤩依家好多餐廳都多咗呢樣野玩🤣…Read More

同事介紹這間牛舌很出色便走去試試，非常失望。整個餐有前菜有沙律有湯是挺好的，不過湯的味道有點淡，然後飯不是粒粒分明的，有點太黏太爛了。然後我對牛舌非常非常失望。不是想像中爽口的牛舌，而是非常稔和有陣羶味，似是茶餐廳牛俐。餐廳主打是牛舌，但質素如此令人非常失望…Read More

今日同朋友去觀塘附近行街，聽朋友講工廈既特色小店都係唔錯既選擇，就去了好出名嘅駱駝漆大廈睇下有咩食，最後揀左一間岩哂我牛魔王既餐廳。一入到餐廳都見到店員幾好既招呼，提供左餐牌。餐廳主要有兩種套餐選擇：有鐵板系列同丼飯套餐。我因為都肚餓選擇左丼飯套餐，套餐包沙律、湯、漬物、飯、飲品。大約十分鐘左右，兩份餐一齊上枱。牛舌尖拼雞扒雞（$88）全是肉的一個搭配，煎雞扒碎上，肉嫩多汁，牛舌尖爽又多汁，還有油香！配了和風鹽蔥汁，味道有點像平常的蔥油味，但會清淡一點，不會太油膩！醬汁有日式牛扒汁、和風鹽蔥汁、風味酸辣汁（激辣），所以都係淋咗牛扒汁。沙律清爽；湯偏清淡；漬物酸蘿蔔開胃；飲品係罐裝。朋友最後揀左牛舌芯拼牛舌尖拼大虎蝦 ($98)牛舌份量好多，超級好食同抵食，呢個價錢無得輸！牛舌芯vs牛舌尖：兩者都好厚，舌芯較淋身，舌尖較爽口，兩者搭配都不錯大虎蝦：濃濃黑椒味，非常惹味~整體味道不錯，而且食物質素唔錯，配搭醬汁岩岩好，我覺得會在黎食多一次。PS：全日不收加一服務費，食完仲有獎抽。…Read More

餐廳主要有兩類套餐：鐵板系列，丼飯套餐。因為嚟係食牛舌，兼且只係鐵板先有牛舌芯，所以毫無怨念揀鐵板系列。鐵板系列：牛舌芯拼牛舌尖拼大啡菇（$98）醬汁有日式牛扒汁、和風鹽蔥汁、風味酸辣汁（激辣），見到激辣有啲驚，所以都係要咗牛扒汁同鹽蔥汁算了。套餐包沙律、湯、漬物、飯、飲品，要咗兩個套餐。一個紫菜白飯套餐（+$28），另一個紅酒汁燴牛舌根飯套餐（+$33）。大約十分鐘，兩份餐一齊上枱。鐵板上有一條牛舌芯、三片牛舌尖、一個大啡菇，大量洋蔥墊底，面頭有蒜蓉。牛舌芯約四吋長，厚身，外層表面洒上黑椒調味，咬落十分彈牙，中間仍有少許粉嫩，淋上少許牛扒汁提味。牛舌尖係先煮腍再煎香表面，所以咬落十分軟嫩，表面同樣洒上黑椒調味，加埋蒜蓉增加味道層次。大啡菇味道正常，煮得唔乾仍鎖住水份，又係洒上黑椒調味。紅酒汁燴牛舌根飯，味濃，牛舌根切粒煮得好腍，味道可以。沙律清爽；湯偏清淡；漬物酸蘿蔔開胃；飲品係罐裝。整體味道不錯，但鐵板上三款食材都洒上黑椒，而且都幾重手，所以食落辣味過多，我覺得可以減一半嘅黑椒份量。PS：全日不收加一服務費。…Read More

喺觀塘駱駝漆大廈嘅呢間餐廳用餐，真係一個驚喜！😋 我點咗大啡菇拼牛舌芯拼牛舌尖同埋紫菜飯，一上枱就聽到鐵板嘅“咋咋聲”好吸引！🔥牛舌芯厚身但又幼滑，切開後仲係粉粉紅紅，口感爽口，仲有油脂香氣，停唔到口！🤤 牛舌尖外面脆脆地，對於鍾意爽口牛舌嘅我就好岩我。💖 大啡菇都比我預期中juicy，口感豐富！🍄底部嘅洋蔥經過煎炒，配上甜甜嘅牛扒汁，係絕既！🍽️ 原本我覺得碗飯太多，點知最後我竟然全都食晒！😅餐廳係開放式廚房令人安心，座位擺設唔算擠迫，環境舒適，真係值得再來！✨🥢🍚…Read More

去觀塘工廈shopping 完發現有間以牛舌為主題的小店就入去試吓，dinner 有鐵板系列同丼飯套餐，我今次試咗鐵板系列同加咗套餐升級，味道真係唔錯有驚喜，估唔到工廈都食到好嘢。鐵板系列有以下二選一：1️⃣+$10 加配紫菜飯2️⃣+$28套餐升級 （包含：沙律，餐湯，紫菜飯，漬物，飲品）🔹可另加$5升級紅酒汁燴飯🔹追加：司華力腸（1條）$12牛舌芯拼香鮑菇拼大虎蝦 $128沙律菜新鮮配咗黑醋汁，白蘿蔔漬物醃得爽口同酸酸地，餐湯比較淡口，主角牛舌芯用迷你鐵板奉上，底部有洋蔥🧅，洋蔥吸收了醬汁很惹味同香，厚厚的牛舌尖烤得剛剛好，又juicy好彈牙，杏鮑菇大大片， 烤得脆嫩又多汁，大虎蝦爽甜好好味，配埋薑蔥醬汁撈飯真係好正😊。…Read More

今日去咗舌丼餐廳，聽講佢哋嘅食物幾有名氣，心裡抱著期待，但最後卻令人失望。一入到去，男店員就以一種非常差的服務態度招呼我，甚至呼喝客人等位，感覺好似我哋係打擾佢工作一樣。這種感覺實在唔好，令人覺得不受尊重。至於食物方面，份量真係少得可憐。以工廈餐廳以言，一百多蚊的餐點，竟然食完後還是肚子餓！我叫咗玊子燒同朋友嘅鰻魚，結果都係預製菜，味道平平，完全唔值這個價錢。油量方面又係一大問題，食完後覺得好油膩，根本唔健康。總括來講，舌丼餐廳的服務和食物質素都令我感到失望，恐怕不會再光顧。希望未來可以改善，讓顧客感受到真正的用心。…Read More

幾好食都無用，平日夜晚去食，男店員服務態度勁差，一入去講幾多位，就呼喝客人出面等，西面，好似得罪左佢咁。入面抽風系統好差，食完件衫會一大陣油煙味，永遠唔會再去。…Read More

牛舌芯好大塊好厚實🤤🤤 雞扒煎得好嫩🤩🤩 再加埋紫菜飯配紅酒燴牛汁 簡直一絕😋 再配埋前菜 醃物 湯 良心食堂 👀👀女仔一個人食唔晒 大隻仔都會覺得飽飽地好抵食 😤😤😤喺Protein飯堂 再加埋司華力腸 勁大條芝士腸😍😍 再配備制芥茉醬 簡直冇得彈 💪🏼💪🏼💪🏼下次一定要食埋鐵板 好吸引😍過$100就有$10 coupon可以下次用 仲要全日免加一 拍拖聚餐一流 約埋一大班朋友試晒唔同套餐🤩🤩…Read More

今日特登喺觀塘食午餐上網見到呢間食牛舌的餐廳叫左牛舌尖鰻魚飯套餐套餐已經包左沙律，湯，漬物三塊牛舌夠厚夠大塊，口感有咬口，我最中意，然後我加5蚊要埋個碗紅酒汁，用黎撈飯好正，個湯有埋洋蔥 ，好味呢個餐都吾係平，total 103, 不過係好食，值得再食…Read More

喺 KT training 完，就去了好出名嘅駱駝漆大廈揾食，見到呢間食肆被報導推薦，一於試下。午飯時間好多人，心諗冇位就走，哈，剛巧有位唔洗等。點了牛舌尖加牛腱飯套餐，等食期間周圍望吓，open kitchen, 餐廳有自己洗手間，座位擺設不算迫，全店走深色設計連制服都是黑色，感覺好統一。食物: 沙律菜好新鮮，醃物蘿蔔酸度好醒胃，厚厚的牛舌尖好「林」好 juicy，反而牛腱有啲乾。超讚個飯加了醃物同紫菜，簡直將飯的層次升呢幾倍，而且提升食慾，如果只是白飯，食呢個餐會覺得有啲膩。…Read More