興記

營業中

休息中

之前已來過三聖村, 買了海鮮在海天吃過一次, 味道一般所以已很久沒有來過。因為老爸愛吃海鮮, 父親節上網尋找資料, 見介紹此大排檔不錯, 因此又開車去試試。買了海鮮(龍蝦、東星、蜆、蟶子、海蝦、癩尿蝦、鮑魚)去到, 冷氣位全部已訂了, 祗剩室外的位置, 當時是晚上的6時, 二話不說, 寫好海鮮煮法就先來個燒鵝例牌(網上極力推介)。一吃不得了, 在其他地方從來沒有吃過如此美味的燒鵝, 味道香之餘, 肉質很嫩, 皮亦燒得脆, 如果不是已買了很多海鮮, 真想再來一碟。後來第二天再去想買外賣, 誰知一早已沽清, 唯有跑去深井裕記追思一下燒鵝的美味, 深井的確已比市面一般吃到的貨色要好很多, 但相較興記的, 不是我誇張, 真的還有一段距離, 值得一試!至於海鮮, 感覺不知興記是否以前祗是做小菜及燒味的大排檔, 加工海鮮是半途出家? 炒蟶子、癩尿蝦還可以, 但蒸魚、鮑魚的時間就過哂火, 食海鮮的大忌莫過於此...。但總的來說, 中規中舉, 還算可以。後來再到賣海鮮的檔口談起, 老闆說可能是因為父親節人多, 平時都是很美味的, 如是真的話, 那日後還得再來試一次。

呢度既牛油芝士焗龍蝦真係好好味(我覺得好味過而家既竹園), 因為佢真係有拎去焗過, 所以特別香, d汁又唔會太"傑", 正!燒鵝, 朋友們勁讚好味, 但我次次掛住食海鮮已經食唔落燒鵝, 所以無試過!蒜頭粉絲蒸枇杷蝦, d粉絲俾我地食到一條都無得剩! 枇杷蝦好多肉, 但唔係成日有得買!象拔蚌刺身, 我地會叫佢厚切(因為口感好好多), 但其實"掂"一"掂"湯食都好甜!(佢地一定會俾個爐你"卓", 因為佢地唔主張人客生食架)鹽焗重皮蟹, 整得唔夠咸, 麻麻地!椒鹽瀨尿蝦, ok, 幾香!豉椒聖子, 好正!!服務態度方面, 黎得呢度地方都唔會有咩期望架啦, ok咪算囉~特別節日黎呢度記得要定位, 唔係就要坐出面無冷氣既位!總括黎講, 我覺得呢度好味同抵食過布袋澳!

這個大排檔我已經去過無數次，每一次都很開心。我每次都是在附近買了海鮮到這裏加工的，雖然這裏只是一間大排擋，但是他是有冷氣的，當然，大排檔的服務比不上酒樓的，但是海鮮做得好就不錯了。我每次都會買貝殼類的用蒜蓉粉絲蒸，我試過在其他地方吃，哪些地方加了很多味精，但是雖然這里加的味精不多，但蒜蓉和豉油分量剛剛好，油也不多，所以能帶出海鮮的味道來，另外，炒蜆也不錯，夠惹味，另外一個我的摯愛是：上湯煮大賴尿蝦。我每一次都吃白粥，沒有味精和鹽，要自己加，我一般都不加，我不想其他食物把海鮮的味道搶走的，當然少不了的是啤酒，人生一大樂事。

一大班朋友星期五放工黎食海鮮,買左千二元海鮮, 再叫左一碟炒飯, 燒鵝同清炒豆苗. 煮工加另外叫d野要$900.00. 唔平架~ 不過樣樣都煮得太熟. 有d失望同浪費我地d海鮮. 我地去時見到有一大袋死左海鮮送去, 唔知要黎做乜呢?? 我地都唔知係咪食到自己買d海鮮. 下次去第二間啦.

我同男友都好鐘意食炒蜆, 呢度d炒蜆好正, 可能因為近海, 次次食都好新鮮, 夏天0既蜆當造, 一定要0黎食返幾次, 隻隻都好肥美, 且清洗得好乾淨, 非常之咁惹味!!另西蘭花少斑塊0既班塊都好正, 絕非雪藏貨, 又滑又鮮甜, 最重要係佢唔會落好重粉, 真係啖啖肉除左以上兩樣同埋乜乜炒鮮魷外, 呢度冇其他現成0既海鮮食架, 要自己買料一般小炒都係水準之內, 茶又熱辣辣, 絕對食得過, 假日仲要等位tim..服務方面我就覺得唔錯喎, 老細會好主動咁幫我地換碟, 走時仲會幫客人開門另外佢d燒鵝都幾出名架, 好多人食, 上次去已經見幾班人特登入0黎問下有冇...可惜冇丫, 如果唔係一定叫呢度仲有兩小時免費泊車, 去完沙灘0黎開餐就真係perfect喇不過唯一有度唔好, 就係味精重手左少少...

服務態度差就不在話下, d o野食又難食, 又貴, 仲再俾d 侍應仔鬧, 唔駛錢都唔去食.