臻味冰室豬扒酸辣米線

只可用現金或八達通我拿現金出來時慢了點，之後收銀員態度超差，重要狠狠的啤？！ 不會再光顧想客人付錢快點那就提供多些付款方式吧而且當時已經是2點後，不是人流最多的時間，我身後亦沒有其他客人排隊…查看更多

成間鋪座位好擠迫，枱之間得半隻腳咁大把嘅空隙俾人進出；阿姐、收銀態度好差，只想你快啲食，快啲走，快啲俾錢；米線口感粗糙、唔好味；牛𦟌好韌，檸檬茶茶底得個甜；我只路過入去試一試，總之無下次。…查看更多

本人叫三餸米線呀姐：唔可以叫三餸 我哋只可以叫兩餸我：下點解唔可以加餸？俾錢都唔得嫁？呀姐：唔得 唔可以 （話題完結）是公司新安排禁止客人叫三餸？完全get唔到，呀姐亦無俾任何正面回應。一走了之，態度惡劣。…查看更多

呢日有人帶路, 行咗去牛頭角mtr附近一個無去過嘅area, 居然呢頭都有食店仲要係酸辣米線店外又放咗好多外賣, 感覺唔差 好吸引就入咗去第一次食嘅鋪通常會叫招牌 感覺安全啲 (as in如果招牌都唔好食咁就完全唔駛考慮有下次)叫咗個秘製豬扒麻酸辣米線, 事緣我唔食得辣, 所以走咗辣, 淨要酸菜上到黎豬扒個量多到嚇一嚇, 48蚊多到呢, 同米線個量差唔多係1:1 lol有理由懷疑因此搞到啲湯個量都特別少, 但佢用隻碗本身都比較淺, 所以係唔太多湯不過啲酸菜唔係好夠酸, 同行友人有叫辣嘅話覺得唔算好辣但呢個價有呢個量嘅豬扒真係幾扺食, 會考慮encore…查看更多

🍲 放假都走去工業區找吃依間臻味冰室名不符實，不賣茶餐廳食物，反而主力賣米線揀左麻酸辣湯底做基底，餸菜方面有新鮮蠔仔，其他地方好少見，仲有大腸同埋新鮮羊肉兩個人一人一碗剛剛好，另外叫左西多士，不過冇影相，算係正常發揮🫵🏻臻味冰室 - 觀塘創業街15號萬 泰 利 廣 埸地下 B 鋪#hkig #foodie#foodblogger #foodndaily #foodbloger ##hongkongfood #hongkongfoodie #comment #share #subscribe …查看更多

身為米線狂熱的我 居然近期才試到這間的米線之前一直都有聽過這間米線非常好吃所以決定來吃吃看🥰🥹沒想到非常合我的口味⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯❤️豬扒酸辣米線 推薦👍🏻建議喜歡吃辣的姐妹 可以點中辣以上 一開始看見他的湯底 好像清湯一樣 以為不會太辣 但原來後勁很強 越吃越麻 一口接一口完全停不下來 很可惜湯底對我來說有點不夠酸但豬扒讓我非常驚艷 很軟很入味 非常好吃🥰❤️酥炸韭菜餃 推薦👍🏻這款一定是必點的 分量非常多 而且餃子皮很薄 炸得也非常酥脆 咬下去好像是薯片的口感 餃子餡非常香 飽滿多汁 拜託大家一定要點😭😭…查看更多

臻味冰室豬扒酸辣米線， 有幾間分店的， 今次到位於觀塘創業街15號萬泰利廣場地下B號舖。 平日晚上店內唔算多人， 這個地點應該是做午飯時間比較多🤔。晚餐🥢 ～ 秘製豬扒酸辣米線$48、韭菜餃$36、凍檸茶$18。 🔸秘製豬扒酸辣米線🍜 ～ 我點了少少辣， 這個辣度剛好適合我， 微辣帶點惹味， 豬扒份量多， 醃得入味😋， 另外有大量酸菜都是我喜歡的，但米線口感偏腍。 🔸韭菜餃🥟 ～ 估唔到韭菜餃都有咁多粒🤩， 皮薄餡靚， 抵食又好味。 個人感覺臻味冰室豬扒酸辣米線，是在觀塘區比較出色的酸辣米線😊。     🏷️溫馨提示～ 整個用餐體驗均屬個人分享意見， 只作參考😊。 …查看更多

佢既店舖名叫豬扒米線就試一試啦一於就叫左兩碗豬扒米線一上菜就見到一碗有好多紅油一碗清湯咁一試就一碗勁麻辣一碗就淡而無味清湯咁啦豬扒就十分普通啦，冇咩特別店員服務態度又差，好似欠左佢地錢咁店舖衛生都不是很理想一入到去見到枱面十分污糟，見到個衛生情況咁樣其實已經想走食緊飯嘅時候，我就諗起近年政府鼓吹嘅大灣區1小時生活圈，亦都諗起近日傳媒上出現大批港人北上覓食令香港食肆營業額減少的情況我諗大灣區1小時生活圈令到香港人有更加多飲食嘅選擇令香港人喺短暫嘅週末期間也可以在大灣區1小時生活圈內以更加相宜的價錢享受更好的美食和服務質素大灣區1小時生活圈的發展應該大力推動讓香港與內地繼續融合的同時，提升香港飲食行業的競爭力…查看更多

麻酸辣有特色，好味，但無分辣程度，唔可以按個人喜好選擇。不論有沒有吃辣的都可一試，麻中有酸辣，外面不易吃到的味道。多次夜晚6點來光顧，可能人手不足，服務員和收銀同一人，令阿姐態度差，沒禮貌，叫落單無反應，再應就態度差回應。如能好味道加上好態度，相信生意會更好。真希望香港餐廳爭氣點，食物味道和服務都能提升，就算比大陸貴點，都消費得舒服啊！…查看更多

今日放工同男友大大諗住試新米線，就嚟左呢間食佢最出名嘅豬扒酸辣米線，點知⋯我食左兩啖就放棄成碗了🫣秘制豬扒酸辣米線 $44首先豬扒係ok的，當然唔係脆但調味可以，有好多脆脆地嘅花生粒，當食完第一啖米線，就覺得舌頭開始麻到冇乜味覺，佢個款酸辣個人都唔喜歡總結：男友大大比我食得辣，佢係冇放棄碗米線嘅，但都一致認為口味冇之前介紹個啲咁好，如果鐘意食麻嘅朋友可以去試吓，唔太食得麻辣嘅就唔好去了😂地址：觀塘創業街15號萬泰利廣場地下B號舖評分（5⭐️為最高）：環境：⭐️⭐️⭐️服務：⭐️⭐️⭐️食物：⭐️⭐️價錢：⭐️⭐️⭐️如果喜歡我地嘅餐廳食野情報就follow@我地 hkfoodie_90s_couple啦～…查看更多

之前曾光顧九龍灣分店，雖然很多人但位置較多並妥善安排坐位。但今日午餐時段本人與另一位朋友到此創業街分店用餐，進店時還有幾張吉枱，店員安排到一個冷氣機滴水的位置，本人表示須調位，她再安排另一位置，但仍然是滴水的。本人再次要求調位，她以極度惡劣的態度回應，並叫我們坐一個只容納到1.5個人的位置給我們，並表示不會再提供其他位置，本人隨即離開，只是想有個正常位置正常環境食個午餐，仲要受餐廳員工氣，不了。無下次！…查看更多

晏就好彩早少少到吾使排隊 雖然第一次食但無嗌到最岀名嘅豬扒但蠔仔都絕對好值得叫 羊肉片亦吾羶 只係個湯底似乎淨係好麻 吾夠辣亦無乜味不過已經決定會再去試豬扒同水晶粉/ 紅薯粉…查看更多

之前同同事行過，都見到好多人排隊，因為店內座位唔多，所以我哋今日就決定打電話叫外賣，我哋都叫咗佢哋最出名嘅豬扒酸辣米線，我仲要求多麻多酸。湯同米線係分開盒，咁就唔會浸到林晒，good!米線係比較硬身，有少少硬淨，我個人幾鍾意呢種口感。湯都幾夠味，唔太重味精。豬扒亦都醃得夠入味，而且份量好多，感覺上豬扒仲多個米線，我同事話下次叫可能要加底添。至於豬扒嘅肉質，係比較林身，未去到霉，其實都OK嘅，只係個人比較喜歡硬身少少。…查看更多

由於喺附近返工嘅原因，都幫襯過幾次。因為本身完全唔食酸菜所以每次黎到都有叫走酸菜，但係個廚房真係無忘初心，係每一次都無走過畀我。以前都有叫佢換畀我，但係呢一次見到佢碗野上枱又係成執酸菜攤晒喺度都知又瀨嘢。我都知午市好忙費事叫啲姐姐換，諗住自己執走佢算。點知有個姐姐走埋黎同我講叫我「下次叫走酸菜呀嘛」，真係火都黎埋，你單就識打走酸，但出到黎無走重要話我？最後食到一半，都係畀錢走人。希望啲姐姐們真係望下自己同事打咗啲咩單先同個客講啦唔該。但豬扒同牛脷真心好食，有無咩方法可以令佢哋記得走酸菜🫠🫠🫠🫠🫠…查看更多

公司響附近，有時都會幫襯呢間米線既外賣。之前食豬扒米線比較多，今日試蠔仔米線都相當值得一讚。首先蠔仔既份量好足，入口都幾飽滿，而且佢個酸辣湯底真系一如既往咁好味，唔算好辣，勝在夠惹味！…查看更多