臻享大師兄

營業中

休息中

見舖頭新開加上舖頭內都好多人，咁就去試下點知中伏，超難食鹵蛋係腥，鹵蛋都可以難食真係好厲害油潑面得辣味，仲話係招牌菜兒童餐好似醫院餐咁0 味道試過1次就算，冇下次免費都唔會再光顧

洗碗既位置竟然安排坐位係附近不停有收碗車經過 不停聽到洗碗 砰砰嘭嘭嘅聲音超級影響食慾！下次唔使再嚟服務員嘅態度亦都好差食物質素亦都一般衛生情況亦都不太好， 令到食嘢嘅時候感覺好差。

服務態度有啲問題，廚房出餐混亂，管理混亂 好多次都出錯餐，衛生都有啲差 每一次去食都有啲咁嘅情況發生。廚房有個做樓面嘅 懷疑係兼職 唔係成日見到佢肥肥哋 攣毛 少靚仔 服務態度nice 好關心客人。

2月16日，點左紅燒牛肉麵同餃子，餃子細細隻都幾好食，紅燒牛肉麵餐牌寫明有五片，牛肉麵來到，搵齊底面得兩塊半 (好薄，不規則，好細片)，問侍應餐牌寫住五片，點解唔係？侍應即時入廚房，搵隻細碟攞多三片出來………………今日2月18日，有朋友又去食紅燒牛肉麵，發覺餐牌上所有五片牛肉字眼被塗改液塗了，碗麵出來又係得兩塊半薄薄細細嘅牛肉………其實店舖食物味道吾錯，吾明開店幾日馬上要將牛肉份量改少，係少得可憐，成本貴不在牛肉，貴在舖租，感覺太小家，決定以後唔食

預制菜，預制菜，預制菜，預制菜俾錢食預制菜😂😂有影到相食物唔好食個涼皮全部痴埋一舊衛生極差🤢🤢首先，一入到去座椅卡個位已經好污糟，地下又污糟，最最最嘔心係..親眼見住個呀姐飲咗啖水再吐落架餐車到🤮🤢🤢🤢🤢🤢見到抺枱嗰塊布，抹完煲蓋(放食物嗰邊）再抺枱🤢🤢🤢落單極度混亂第一次催單呀姐冇回應，第二次催單又冇回應，第三次催單我直接叫佢俾返個時間我幾時到，佢一句話你有咩同經理講，之後搵咗個𡃁仔同我講，原來個飯已經賣晒叫我轉其他嘢，我直接話唔要取消晒個飯餐😂😡

食物一般廚房粗口連偏衛生環境惡劣垃圾遍佈地面二月五日個兼職男服務員態度非常好送餐迅速出餐時會提醒顧客小心熱廚房出餐慢會幫手催食物未算難食但下單系統奇怪上一枱客啲單會入落我度？奇怪