影片
食家推介
今天同朋友去左沙田行街，見到開左間新店，大師兄臻享，未到7點已經排長龍，好想試下睇睇發生咩事。排左10分鐘終於到我地入去，坐底之後店內員工拎左餐牌黎，就問下有咩推薦，佢推薦我地叫左個油潑面，我本身係食得辣，直接叫一份大辣，朋友就想試下手工包既餃子，然後我地再叫d小食，叫左一份醬大骨，再黎3串羊肉串，同1份肉夾饃，店員提醒我地可能叫得有d多，但我地都叫左先，排隊個陣都聞到香味，好鬼死餓。出餐算快，小食先上，羊肉串有孜然味，可以再烤耐少少會再香口，肉夾饃皮脆裡面Juicy，每啖食落去都好香，醬大骨就幾驚喜，睇落以為冇咩肉，點知食左好耐先食晒d食，小食食完1樣另1樣又上，時間岩岩好，然後到主食，我份油潑面好香，但個人覺得唔夠辣，d面彈牙有d似海底撈既拉麵，食完有d想再食一碗，朋友份韭菜餃子，我都食左2個，韭菜味夠，而個皮真係似人手包，都幾好食。食左咁多野，羊肉串$45/3串，肉夾饃$23，醬大骨$26，油潑面$43，韭菜餃子$42，加左2杯飲品，賣單$200都唔駛，食到超飽。店員既態度好好，要拎紙巾拎水，都笑著幫手，下次再經沙田會再去食。
繼續閱讀
喺陕西食咗嗰碗面，面身劲道十足，有嚼劲，汤头浓郁，香喷喷，配料丰富，有肉有菜，味道浓郁，越食越有味。还有油泼面，将热油淋在辣椒面上，发出滋啦声，面条香辣又强烈推荐给身边嘅朋友！
繼續閱讀
自從沙田好運中心開咗間「臻享大師兄」，我個lunch time就多咗個好去處作為附近返工嘅打工仔，真係要同大家分享下呢間令我一個禮拜幫襯三次嘅陝西麵店 🤣🤣青椒肉夾饃係我嘅最愛，外脆內軟，入面嘅肉餡肥瘦均勻，加入青椒後味道有啲微辣嘅層次感，唔食得辣椒嘅仲有唔辣嘅（個人比較鍾意食🌶️），我已經成功毒到幾個同事一齊食🤣🤣🤣手工麵好有韌性，特別係佢哋嘅Biang Biang麵，師傅每日即場拉製，麵條闊身又彈牙，簡單配啲辣油同蒜蓉就已經好夠味。我老實講真係其他連鎖麵店比唔到。 當然你話你都係唔鍾意辣椒嘅可以嗌蕃茄蛋拌麵，嗰個唔係講笑真係好好食，唔講咁多你哋自己去試下，好吃到上癮🤣 鹵大骨啲肉燜到超淋，香得來又唔膩 價錢方面真心合理，一個set六十幾蚊，比起附近啲茶記仲要抵食。唔係賣廣告，而係真心想咁好味嘅小店可以分享畀大家
繼續閱讀
前幾日行街經過心血來潮試吓，食物嘅風味同之前喺西安食過嘅可以話係一模一樣👍🏻Biang Biang 麵，麵條有咬口，辣中帶香醬大骨好入味，啲肉都好淋肉夾膜皮脆香口，啲肉份量都好足整體味道都唔錯，值得一試！服務方面，都幾好，整體嚟講有禮貌有笑容。雖然係用QR code落單，但係問店員嘢，佢哋都會樂意解答環境方面，俾人感覺都幾乾淨嘅，都坐得舒服價錢方面就更加唔使講，真係幾抵食所以整體嚟講性價比都好高，會再返轉頭
繼續閱讀
来港几个月了，茶餐厅食得最多，食到吾知点乜好，今天在好运中心三楼看到一家陕西菜嘻嘻，排队有二三十人，排队也要等好吃！ 套餐只要60元钱这个店要在香港做卷王吗？其他单品也不贵，看着菜单就值得一试，还难怪其他店没人排队！ 在香港有木薯糖水，以前在广西吃过，后面就很少能见到了！ 酱大骨滋滋好吃，卤得很入味，想➕单，后面想想还是算好，点了太多，怕吃不完！ 待应很忙，但有招手就到，这么忙，已经很给力了！ 好吃的太多了，陕西菜，适合各种人群，不踩坑，值得来，以后就是我的沙田饭堂了！ 第一次在这APP写点评，是发自内心的点赞，希望香港多点这样的店！
繼續閱讀