至尊豬骨煲食府

是日為家庭樂 已經有好耐既日子冇同屋企人飲茶了 百花釀炸魚肚 （3/10） $23 上面蝦肉加蝦子 但係冇蝦肉味 有啲硬 底下係魚肚 食落似豬皮 叉燒腸粉 （5/10）$23 腸粉一年比一年細條 內裡叉燒好足料 酸甜炸雲吞 （8/10）$7.8 脆卜卜 入邊仲有好大隻鮮蝦 星州炒米$38 咸左少少 份量夠大 蝦得幾粒 醬汁蒸鳳爪$13.5 鳳爪夠淋 醬不會太咸 好濃郁 金蒜蒸排骨$15.5排骨冇咁多骨 好食 但配上花生怪怪的  黃金流沙包$13.5 熱辣辣即刻食 一meet開好似水咁流出黎 以前食個啲好似固體咁所以我吾鐘意食 時菜牛肉球$11 我都係鐘意食山竹牛肉球既味 咖哩豬皮魚蛋 $10 冇咖哩味 魚蛋好彈牙但冇乜味 豬皮爽口…查看更多

D獻又稀又多... 唉好似湯水咁...個蝦伊麵好似湯麵咁but I have to say the prawn was good!!!最討厭係問佢攞辣椒醬佢竟然問我攞十蚊!!!實在太過份啦!!!辣椒醬係d餐廳要本身要供應既野!!!竟然要收錢!!!D雞炸到乾哂, D鵝又冇肉, 亦好靭...D菜又老花膠又博薄...翠瓜very good!!!唔怪得父親節7:20pm都唔爆!!!!!! OMG!!!最正係甜品最有heart…查看更多

今日同几個朋友打邊爐，紅磡區都有幾間出名嘅鋪頭。我哋最後𢵧咗呢間出名豬骨煲。打電話諗住訂位，點知八位以下冇得訂。不過佢話六點零鐘冇問題。好，信佢。六點半到果然有位，經過門口位放咗啲海鮮。見到啲大硯几新鮮，叫咗兩碟同一碟蝦。嚟到緊係叫豬骨煲。六個人叫咗十零碟嘢，埋單$2200。都幾貴。好講下食物，湯疧好，才料ok. 除咗個嚮鈴，見到真係唔開胃，不過個經理二話不說就退咗，好！簡單啲講，值得一試。…查看更多

湯好有豬骨味，入面有四大舊豬骨，每一舊都好淋有入味!!!超級讚!!!不過太多同太大舊，比較難放其他食物落去，有些人會喜歡一開始吃完豬骨才慢慢打邊爐，而我們就喜歡最後才吃，所以就夾起最後才放落湯到滾熱吃這個是$168的手切肥牛，係有牛味，不過太厚，淥耐左少少已經好"UN"，之後叫左最平果隻肥牛，反而我們喜歡平果隻容易吃!!珊瑚蚌，好新鮮，淥一淥就食得，好爽口!!!正!!!期間有侍應推一車海鮮出黎賣，我地揀左大蜆，都真係幾大隻，淥熟後唔會宿水，夠新鮮，好味!!四個大人兩個小朋友，埋單要九百多元雖然都好吃，本人覺得略嫌太貴‥始終地方唔就腳，價錢比一般貴，如不是朋友介紹，應該都唔會有下次了!!…查看更多

$248 四人任食團購，一肚氣！首先，安排入座男經理（灰衫）態度極差！問多句就話：「我都廢事同你講！」跟住入座填任食單，菜、麵、餃最快黎晒！迫你食飽左先，牛肉係當我地坐左30分鐘食到咁上下先黎，仲要得10塊薄過紙！附近既枱，大家都開始投訴，牛肉無黎、貴既四寶、脆鯇就賣晒！雖然之後俾我感覺ok, 但經過今次以後都唔會再黎！…查看更多

前天晚上(30/7/2012)與妹妹用餐, 雖然是團購, 但都無想過激到一肚氣。我已約3星期前訂座, 當時她們問是否團購, 我答是, 她們立即說星期五,六,日都已滿座, 已心知不妙!只好!選擇平日! 黃埔交通不太方便, 所以訂了8:00pm。 大約7:30pm妹妹告知15分鐘內到, 所以我致電問可否留位到8:15pm, 他們答只得5分鐘, 否則來到再等。 我都已經早半小時通知 (其實我預的時間可以準時到達, 但小心起見通知聲), 咁都唔幫忙, 到時遲到當缺席, 未打死狗講價, 收咗錢無得食咁點! 好彩, 最終順利到達入座!!安排座位仲慘! 座的地方同廚房走廊一樣, 而且點的食物又唔足! 綱上餐單明明有脆鯇及墨魚滑, 但紙上的脆鯇被畫除, 跟本沒有墨魚滑! 問有沒有普通鯇魚代替, 就話其他所有要錢! 而9成的餃都買哂!唔係呀! 我放工成7:00pm都買到脆鯇啦, 雖然星期一, 點解食市的黃金晚飯時間會乜都無??本來想加錢要個豬骨煲, 點知隔離枱叫咗, 真的是極品!! 同佢地給客見到的相與真實的間直相差100萬倍! 得2、3條豬骨加湯, 好彩無叫咋! 簡直比佢地"昆"入塲!越坐越離譜, 連同我們有三枱在那條行, 後來要搵上菜位, 掉了一枱走, 接住另一枱投訴又熱又嘈都轉走了。起初諗都係改為上菜位無大問題, 點知人來人往, 得閒走1, 2個客出嚟, 一係服務員就行來行去, 最終都要求轉走! 原來大廳有咁多"吉"位, 一開始要安排得那麼差? 如果沒有那麼多客,為何什麼食物都沒有?…查看更多

團購價$248 加一買了四人兩小時火煱任食, 每人$68.00 全包。本來以這個價錢吃一頓晚飯, 只是致在與朋友吹吹水, 對食物並沒有任何要求, 誰不知........四人準八時到達, 大概八成滿, 地方寬敞, 枱與枱之間有一定的距離, 坐得相當舒適。叫了元茜皮蛋湯底, 送了一jar 竹蔗水, 配料叫了 :肥牛四寶丸潮州魚蛋潮州魚片脆肉鯇魚片脆皮腸鵝腸炸魚皮炸嚮鈴山筋豬肝豬肚牛柏葉鮮蝦雲吞鮮蝦水餃竹笙多款菜紅薯粉整體來說, 質與量都相當不錯, 湯底較淡, 但豉油是經特別泡製, 送上枱時已相當香。下次會去試馳名豬骨煲。…查看更多

極之失望的晚餐本人是黃埔花園街坊,已幫襯好幾次,每次都會叫豬骨煲,味道都幾好,啲豬骨都幾多肉,所以連續幾個weekend都在此開餐,但今晚就將佢black list.兩個人十點坐底照常叫豬骨煲,但啲豬骨全部係根一啲肉都無重要好硬,同平時唔同,諗住煲佢半個鐘ok啦,每人食咗一件已經食唔到,同個男部長反映,佢話送幾件豬筒骨,但等咗半個鐘連影都無,重要睇住佢收工,全晚個豬骨煲$88只係食咗兩件,頂唔順到埋單時再同另一個男部長反映,佢話要煲一段時間先lum,我話已經煲咗個半鐘啦,佢完全無反應,唔好意思都無,所以我都無比tips,因此多謝都無講,咁我都同佢講以後都唔會再幫襯,不過睇佢個樣都唔志在,因為要趕住收工呀…查看更多

貨不對版平均一個月都有幫親一次, 通常在正餐時間, 今次9時後才幫親, 水準果然不同, 極差的手切肥牛, 雖說是肥牛唶…, 都唔侯肥得咁緊要麻…, 與店舖門口和枱面介紹的完全不同, 介紹照片上的肥牛的肥肉十分平均分佈, 肥肉部份只佔約六/七分一左右, 而送上枱面的一碟上的肥肉佔了差不多三分一, 而且是一條一條分佈, 正價要95元一碟, 簡直離譜. 服務水準不理想低級穿橙黃色服的侍應, 比部長更有禮貌和親切, 那些穿黑色服的部長, 老闆應該送他們去訓練一下, 肥牛太肥, 食不去, 於是找來一位半長髮的部長, 我問他:“今次的牛肉咁肥既? 與平日的不同喎”, 我自問都十分有禮貌地問, 也沒有要求他換過, 但他只是回應一句便行開了:“咁先係好野呀, 好多人喜歡食肥些”, 你話幾低能! 明顯是客戶溝通能力有問題, 這些上一代心態的服務人員, 每每以為消費者總是”要求多多”和”攞著數”, 擺出的款就是死不認錯 請老闆留意貨品售賣條例話說回頭, 老闆應多加留意, 根據港府製定的 “貨品售賣條例”, 店方有責任在所交貨品，必須完全符合：對貨品的任何口頭或文字的描述或樣本說明，必須真實正確和與事實相符。…查看更多

呢餐飯由第五組阿WOOD,請我地GR同事食飯(今次有阿WOOD,HUNG哥,阿東,STELLA,PUI,TONY,同埋我)今餐由請我地食飯既阿WOOD同HUNG哥發板,佢地叫了一個168既套餐,個套餐有 ...脆皮吊燒雞 (半隻) - 隻雞燒得夠入味,入味得黎唔會太醎,正粟米海皇魚肚羮 - 個湯好飲呀,甜甜地既粟米湯,D魚肚分量都唔少.瑤柱蛋白炒飯 - 又係好正,D飯炒到乾身,D蛋白同瑤柱咁既配搭好好味.客家尖椒豬肚 - D辣椒夠惹味,惹味得黎唔會太過辣,但我唔食豬肚,唔知咩味道呢,包3碟點心,D點心大大件,抵食,亦好味,尤其鳳爪,我食咗大部分.仲要包2個甜品, 我地叫了一個涼粉撈底,同埋一個芒果布甸撈底,分量好足,D生果都好新鮮,正另加3個點心,埋單都係298元,真係好抵食.…查看更多

這夜十人到至尊打邊爐，叫了兩個湯底：蕃茄和豬骨。這夜竟然沒有多少人吃豬骨，上次有8個人我都可以吃到2件豬骨，今次多到要打包。我們要了鮑魚，牛肉，竹笙，生根，蝦丸，餃子，魚雲等。鮑魚超新鮮，一碟六隻送到桌上還在動。真是第一次見會＂郁＂的鮑魚！食物頗新鮮，牛肉反而不夠吸引，與雪花牛一比之下，真的要咬一陣才能把牠吞下。怎樣也好，大邊爐最不能缺的是生蒜！…查看更多

我先要讚的是貴　店的果汁－士多啤利蘋果橙～汁。此汁不單多肉，而且甜酸得宜：生津解渴、能飲出名種生果的鮮味、是打邊爐的恩物。再說主菜豬骨煲，用來打邊爐真是絕配。湯滾，打開已傳出胡椒味；只是這樣己覺得很好味。叫了二碟牛肩肉，入口鬆軟，有一種即溶化的感覺。一試難忘。那個芝心丸真是好好吹，入口即爆！請大家小心隔離左右。還要提那碟牛坑腩，在北角，天后等各牛腩店舖吃得多，但用來打邊爐真是頭一次。這裹的坑腩比之前說的那些地方還要好味，鮮。嫰。腍，是牛中的極品。真有衝動想叫個”口靚仔”伴著吃。象拔蚌－鮮。滑。爽；不論生吃熟吃也好吃。最後，再加上那個杉班！！！　你無看錯，我是寫杉班！那碟＄１２８元的杉班片，用來打邊爐，真是人生的第一次。魚不單鮮而且還能吃出豬骨的味來，真是一絕。老細真的無介紹錯！！這樣吃，浪費嗎？見人見志了。六個人平均百五大元。還抵吧！！…查看更多

貪得意點了個水煮牛肉，我竟然沒有想過普通酒樓又怎會給你正宗四川菜，辣就夠辣，但決不是麻辣，也不是愈吃愈辣愈想吃那種辣。結果，剩了一大煲。金融海嘯，一蚊雞又捲土重來，這個炸子雞不錯，水準以上，皮夠脆，又不肥。蔥爆駝鳥肉，賣相不討好，但惹味，不過我已經不懂得分辨駝鳥肉和牛肉了。那個豬軟骨，是不提也罷的一味，份量少，又加大量色素，最大問題是豬軟骨的骨不是軟的嗎？幹嗎竟然有點硬的？…查看更多

Tried the "Hot Pot" for 2 times recently...蕃茄牛尾湯 is good . Also, what i like most are 芝心蝦丸 & 芝心墨魚丸, which are quite special. 芝士的質感比較厚...有點像熱熔了的片裝芝士....特別 !!service 方面, 原先以為坐近角落位置會沒有人serve, 不過事情相反, 服務員都用心服務 !!部長也算友善細心, 替客人椅背上的衣物加上膠套. 感覺上不像其他食評人說得那樣不友善. 論友善的話, 本人反而覺得知客的服務態度比較遜色...有待改善環境雖有點嘈吵...電視令服務員分心....但問題不太 ...有黃埔新天地 VIP card 有discount …查看更多

基本上一個月都應該最少有一個星期日會同屋企人去豬骨煲打邊爐.試過好幾隻湯底都係覺得蕃茄雜菇/蕃茄牛尾涉最好. 通常我都會o係D湯一滾左之後"筆"一碗飲左先. 因為你開始打ge時候, D湯就會開始有油, 同埋佢加水o個時又唔係加蕃茄湯... 咁樣個湯就冇咁好飲嘛. 最中意就係叫佢個芝心蝦丸. 真係食過咁多間最好味就係佢呢到ge芝心蝦丸最好味!!! 必叫必叫!!!有時間叫埋佢d甜品都幾好ga...不過服務態度就真係一段喇.... 又係o個D叫十世先有人應你o個d酒樓囉....但係間唔中食o下都幾好ga.…查看更多