至友美點

住元朗 幫襯過幾次 點心不過不失 但幾個阿姐好厭世feel 態度差 要小心俾錢時要查清楚 已經唔係第一次收錯錢 4個點心收5個錢 俾我發現間返佢當無件事 你發現到咪退囉 發現唔到咪自己落袋 ……無下次。…查看更多

幫襯開呢間點心都有一兩年時間 食物味道正常 賣相參差 態度麻麻 但以價錢嚟講 絕對可以接受 但食過今次 唔會再食今次同一位朋友凌晨12點度來幫襯 嗌咗三個點心一個飯 本身打算唔嗌茶 快快食完就走 落單個姐姐就話：嗌杯嘢飲啦 檸茶檸水奶茶嗰啲‘買一送一’ 朋友又有興趣 咁好 我哋各嗌咗一杯奶茶檸茶 埋單嘅時候 收咗我哋兩杯嘢飲錢各16蚊 問點解 佢哋就話佢哋冇‘買一送一’ 佢哋嗰啲喺續杯 飲完一杯可以裝多一杯 仲再三強調佢哋嗰啲係‘續杯’無‘買一送一’ 但當時落單嘅時候喺好實牙實齒咁講喺‘買一送一’ 聽完都無話可說 生意難做絕對明白 我自身都有需要問清楚 但咁做生意對大家都冇得益 下次食其他嘢算純粹分享今次經歷 對店舖沒有任何抹黑嘅意思 …查看更多

午飯時間去比較多長者入座; 價格比一般酒樓便宜, 有懷舊風的環境, 但座位不是闊落; 份量挺多, 牛肉球都比一般酒樓大, 還保留了點心紙, 兩個人只用了$150完能點6-7籠點心, 性價比高…查看更多

流沙奶皇包搣開個包有流沙效果，有粒粒蛋黃碎喺入邊，奶黃餡香滑，包身鬆軟。叉燒腸粉腸粉即叫即蒸，粉漿透薄夠滑，口感軟滑。入面叉燒份量正常，口感唔會好乾身。蝦餃餃皮晶瑩剔透，厚薄適中，唔會太厚皮，口感煙靭。裏面嘅蝦肉份量好飽滿，食落有口感。如果蝦肉再多少少會更好。鵪鶉蛋燒賣豬肉同蝦肉份量比例剛好，口感豐富滿足。腐皮蝦卷order完就會即刻喺門面度煎，腐皮煎到金黃香脆，入面有少少蝦肉。略嫌腐皮蝦卷太薄身，欠缺咗啲口感。…查看更多

店鋪嘅食物都係即叫即蒸，比較傳統，每樣食物都係蒸竹籠上。味道唔算特別出眾，不過勝在夠平。叫左大約7樣點心，都只係＄230左右，而且開到夜一夜。最岩行街行到夜一夜嘅夜貓。基本上冇話咩款特別好食，全部都係收貨咁🤔🤔自己平時好鐘意食奶黃包，但呢間嘅包比較硬，入邊一啲都唔濕仲唔流奶黃出黎😭😭😭另外可能店員年紀比較大加上當日來臨都比較晏，有漏單問題🥲如果行到夜，冇咩好食，呢間都算係唔錯嘅選擇🙈…查看更多

很早出發到元朗，路過一間點心舖🥟至友美點，據說很多街坊幫襯👨‍👩‍👦‍👦，更是二十四小時營業，價錢不貴，特點($22)、大點($21)、中點($29)、小點($17)，點了蟹子燒賣皇、豉汁蒸排骨、蠔油鮮竹卷及懷舊馬拉糕，其中的蟹子燒賣皇蝦香味十足，十分飽滿，點心即叫即蒸，一上枱時熱辣辣，十分惹味。茶錢亦比一般酒樓便宜。最好的一點是，不用只飲中式的茶🤣可以飲上一杯港人最愛的凍檸茶😍下次路過的時候都可以再到訪試試其他的懷舊點心！想睇更多美食及餐廳分享，請follow @tastyspell🏰至友美點📍元朗教育路88號寶城洋樓地下12-13號舖——————————————————————— #tastyspell #foodiehk #hkfoodbloggers#globaleats #foodporn #foorlover #foodholic #foodiehk #hkfoodie #hongkongfoodie#hongkongfoodblogger #igable #igfoodie #hkfood #foodie #followme #852ig#blogger #hkig #hkfood #點心 #dimsum #hongkong #hkstyle…查看更多

去到叫嘢食，企左15分鐘冇人理過我地，之後叫咩都冇，咩飯都冇，大部份點心都冇，人地落左單，之後吹嗰陣又同人地講買哂，人地問有咩，佢就答吾夠人手乜都冇，痴線真係吾好去食，仲要態度差…查看更多

元朗開24小時的食點心店好少有，價錢平，最重要點心即蒸，熱辣辣，特別是鳳爪，要熱d皮先會軟腍，咖喱魷魚的咖喱都濃，好味，鶉春蛋燒賣都大份，出面酒樓已經好少有，平平地價錢合理。埋單100蚊左右。可以簡唔飲茶就可以免茶芥4蚊。…查看更多

【即蒸即炸😗港式懷念點心】呢間至友美點，平價見稱，24小時營業，小點$17，特點都只係$22朋友黎過呢間幾次，我地今次點了海量野食，一齊點評下______________________________【食評篇👇👇👇】🤓🤓評分benchmark參考🤓🤓✏10分 - rare heaven😇✏8, 9分 - 屬高分之作✏7分 - 正正常常，同平時食到嘅差唔多 ✏6分 - 有d失望，expect佢會好食d✏5分 - 伏野，零分重作至友蝦餃皇🤔餃皮蒸太耐裂開+無乜筍鮮蝦韮菜餃👍鮮蝦腐皮卷👍👍 炸卜卜，即炸鵪鶉蛋燒賣👍👍下面個燒賣一大舊肉，非肉碎秘制小籠包🤔無汁，細舊薑蔥牛柏葉🤔沙爹金錢肚👍👍豉汁蒸鳳爪👍灼生菜豉汁釀青椒👍香煎蘿白糕👍______________________________【環境篇👇👇👇】- 車仔麵店/茶記style______________________________Overall- 呢間餐廳平價食得好飽，我地叫好多大點，人均先$60左右- 部分野食如腐皮卷，即叫即做，又唔係等好耐wo...✏✏✏✏✏✏✏👅味道：7.5/10🌌環境：7/10🙋🏻‍♂️服務：8/10💰價錢：$368 (6人)👍🏻推薦：8/10______________________________(📍元朗) 至友美點元朗教育路88號寶城洋樓地下12-13號舖…查看更多

放假湊丫仔去學興趣班，一個鐘時間有咩做好？梗係走去食個早餐😂，咁岩發現泥間懷舊點心，我最最鍾意去嘆一盅兩件又有得食，又可以等丫仔學完野正。鋪頭嘅金錢肚真係好夠味，我第一次食就上左癮，之後去其他酒樓都食唔返果隻味😂…查看更多

干蒸牛肉是最先吸引到我來這食店的原因，而家有干蒸牛肉的地方不太多，這間元朗懷舊點心食店，標榜即叫即蒸，店舖門口放著一幢幢的蒸籠，買外賣的客人也不少，舖內都算寬敞，裝修都有點似古時的茶居，木枱木凳。 食完幾碟，慢慢再叫又得，只要不是䌓忙時間，都不用等位，又可以慢慢坐。最好的就是可以不用開茶☕️，我倆每次都叫凍奶茶或其他飲品，好cross-over🥤。熱騰騰的牛腸是每次必叫的，腸粉一定要夠熱，連個碟都熱，好新鮮。 👫差不多每星期都來一次，特別是為了干蒸牛肉而來😆…查看更多

有次叫外賣，食過幾好味，即刻去實體店試下先。首先店員親切有人情味，見客人大多數都係街坊。超級推介咖哩魷魚，味夠濃但唔太辣，同埋超大碟😋其他食物好有媽咪既感覺，冇味精味，真材實料👏🏻…查看更多

自己平日好少入元朗，難得行街行到去元朗，就叫熟元朗嘅帶路食好野。餐廳裝潢都係偏舊式，入面啲枱櫈有少少似大排檔個類。聽講呢間店係24小時營運，宵夜都有得食點心都幾過癮。-蜜味叉燒腸腸粉正常水準，叉燒蜜味頗香，食落都不錯。-至友蝦餃皇蝦餃幾大粒同彈牙，帶鮮蝦香甜。餃皮軟糯，味道懷舊。-鮮蝦韭菜餃由於我係好鍾意食韭菜餃，見到點心鋪有韭菜餃當然唔執輸要試下。但餃子同我預期中個樣都幾唔同下，無諗過係用包粉果嘅皮。雖然我都鍾意食粉果，但包韭菜有少少奇怪。食落味道不過不失，蝦肉幾大粒，韭菜再香啲會更好。-北菇滑雞飯盛載滑雞飯嘅碗令我啲童年回憶返晒嚟，有種食緊外婆煮嘅飯嘅感覺。北菇幾香，可惜唔係好多粒。雞件入口滑嫩，無乜雪藏味，整體唔錯。…查看更多

轉彎間車仔麵排晒長龍，見到呢間老牌點心就入咗嚟，睇吓食唔食到懷舊嘅味道。 見到餐牌款式都多，特點同小點價錢都唔係相差好遠。先來係個皮乾到會粉碎嘅蝦餃，咬咗一啖，我就淨係夾左個餡出嚟，冇食個皮。餡還可以，蝦肉彈牙，調味帶甜。排骨飯，飯有點濕， 排骨味道幾好，鹹豆豉味剛好，排骨鬆化但略為鬆過火。不過全餐我覺得最好食係呢個蒸飯的了。腸粉皮又係乾，冇米香。豬膶還可以， 用重薑絲醃過。蘿蔔糕好粉，調味欠奉，不靠醬汁就冇味。這個應該是小籠菜肉包，慘了完全不是小籠包，反而是菜肉包的味道。同樣皮乾，湯汁只有小小。…查看更多

很多時不知道吃什麼，便自然行進至友美點，嘆番一盅兩件。 每次也不會令我失敗。 每籠點心也是熱辣辣，味道也很不錯。而且，服務員也是老街坊般，很自助，也很自在。當然，價錢完全是街坊鄰里價，亦冇加一小費。 食幾多，點幾多！今次食了牛栢葉，粉果，鮮竹卷，流沙奶黃包，及釀青招。 其中牛栢葉及粉果更為岀色。 我喜歡在這裡尋回童年的回憶及味道。…查看更多