自家麵

營業中

休息中

今日晏就3點幾去到銅鑼灣諗住拿拿聲食個下午茶，經過見到呢間自家製既麵有啲興趣想試下～首先叫左碗粟米豬肉餃麻辣湯微辣既幼麵，我試過佢款湯同某間米線鋪既麻辣湯係勁相似，但飲落去係更加麻同埋冇乜味精味，不過啲生菜浸埋落去一齊食就變得更辣….麵既質地麵正常但可能偏林少少…另外朋友叫左碗雞肉酸辣少辣幼麵，黎到望落去好似好多辣油係面，食落去都幾辣同埋偏酸，我個人比較中意麻辣湯多啲🫢下次會想試埋涼麵同埋口水雞😌

放假晚餐時間嚟登龍街搵食見到呢間麵店主打手工麵又幾多人就入嚟試吓😃2個人叫咗一碗手撕雞涼麵，一碗粟米豬肉餃子手工麵，2個餐飲✨️手撕雞涼麵(麻辣小辣) 4🧡/5揀咗寬麵，落單嘅時候店員都有提醒面質會比較硬，的確冇講錯！係偏硬身，我覺得可以煮耐多少少咁多就perfect不過感小姐平時食拉麵都會食硬麵，所以對於我嚟講衣家都係我可以接受嘅range，幾彈牙😋一開始上菜嘅時候仲諗緊點解變咗麻醬手撕雞撈麵，原來啲麻辣汁喺中間啲汁夠多又夠麻，亦都好掛麵，食落其實好似麻辣口水汁，夠惹味 👍🏻 同埋都幾大碟，特別係寬麵多澱粉質，食哂會有啲heavy而相對賣相係咁大碟嚟講，手撕雞比例唔算多，亦唔係好滑嗰隻，但食落都正正常常✨️粟米豬肉餃子手工麵(胡麻) 4🧡/5都係揀咗寬麵，俾湯浸過，個寬麵即刻淋返啲，口感同涼麵完全唔同，冇咗彈牙嘅感覺個湯冇得揀辣度，味道似三哥煳辣10小，椒麻味重，幾好飲，唔會覺得口乾仲有啲菇同芽菜做配料，幾夾個湯另外我覺得個餃子幾鮮味！係有驚喜嘅💡不過驚嘆緊嘅時候發現餃子入面嘅肉係少少粉紅色嘅，即刻嚇咗嚇，驚會唔會未熟不過研究咗陣，我又覺得佢入面係夠熱嘅，最後都有食哂(而隔咗幾日到而家都

服務態度奇差，入去完全冇人理 叫左酸菜羊肉面，上菜之後已經聞到奇怪味道？？？ 嗰種味道唔係酸味 好似燶味咁 已經忍住呼吸食咗兩啖頂唔順，個湯底完全冇味可言 叫咗阿姐過嚟聞話係酸菜正常問題賣咗幾十碗都係咁比70幾蚊食啲咁嘅嘢。頂唔順諗住轉其他嘢食個夾餅唔要個湯，仲話部機壞咗冇餅⋯⋯咁好啦唯有轉麻湯底 黐線得個麻字 期間幾個啊姐一齊圍住話同一個湯底 只係酸菜問題⋯⋯我未食過啲酸菜又有燶又膠嘅味 最後重新換一碗麵都係食咗一半頂唔順👍

今日第一次嚟自家麵店，同老公點咗一個香辣涼拌手撕雞寬麵及香辣牛腱涼拌粗麵，再加多份京蔥鮮豬肉餃。份量超足夠，醬汁亦無越食越淡味。好耐冇食過咁Q彈嘅，醬汁好味，3碟全部食哂！會再嚟幫襯的！

從西貢吃到佐敦佐敦吃到中環之後聽說銅鑼灣開了都想過來試哈還是那個味道對於喜歡吃麵食的每個星期我一定會吃不是吃胡麻湯麵🍜就是吃我最愛的白菜餃子🥟還有最饞的麻辣手撕雞～之前我都記得好像端錯一盤餃子服務生過來不停say sorry還過來送了飲料我都覺得可以體諒最後又多給了好幾個餃子～當時都會覺得不舒服其實多點理解也知道都想做好 已經很不錯了～只要堅持味道我覺得已經很棒了加油啊～

冇服務可言樓面短髮有粒墨嗰位阿姐服務態度好差入座時明明有吉卡位 都要逼我地搭枱好彩原本位客人買單 我哋先有得自己一張枱我地2個人 攞住3袋野 所以放咗袋係吉櫈點知食到一半 又被逼搭枱明明仲有吉枱 搞到我地好倫盡咁搬開啲袋全程同隔離陌生人手踭碰手踭點知食食吓 又叫多個人再搭枱我地表示已經好逼 明明其他卡位仲有吉位點解一定要我地一張枱坐滿四個人？阿姐當時仲要大大聲鬧舖頭員工令到餐廳氣氛好差好壓抑食物難食寬麵係唔熟嘅 食落硬身 有粉感手撕雞 鞋過阿婆塊面水餃皮乾過我荷包牛肉餡餅又乾又鞋完全冇肉汁跟餐$15枝豆漿 原價要$30一枝竟然係壹品豆漿全餐最好飲嘅就係豆漿唔會再幫襯 Blacklisted

上次光顧叫餃子🥟已經唔熟，叫個姐姐再整過。今日咁啱係銅鑼灣收工9 10點幾無咩野食，就去左登龍街求其搵d野食，點知閂淨幾間，咁無計比多次機會呢間食店，坐低叫左碟餃子食，邊知今次又中大伏，間鋪廚師保持到對上既水準，一碟完全凍冰冰既餃子🥟直送到枱面，唔講唔知道自己叫左餃子刺身，好似淨係溶左雪就食得咁，大佬入d豬肉生嫁，完全粉紅色。

Lunch 係銅鑼灣食到無野好食，見有間新餐廳就去試下環境方面係幾迫同窄，不過都預左既食物方面叫左個涼麵同湯麵最欣賞佢係可以揀食邊款麵有粗有幼，可以滿足唔同人👍🏻牛展涼麵，揀左寬麵，份量超足夠，對女仔黎講係比較大份，啲麵好煙韌口感好正，而且個胡麻醬又夠，食到尾唔會好dry👍🏻湯麵有幾款湯底可以揀👍🏻我揀左白菜鮮豬肉餃胡椒湯底微辣(粗麵)個麵一樣咁煙靭，唔係超淋既麵👍🏻不過個湯底微辣都有啲辣，下次再食都係叫番原味就算😂