好鐘意食海鮮，想黎試好耐，終於約到朋友4人同行， 一入到去佢就比個燉湯我地先，本人超愛喝湯，佢個湯都好飲又夠味，亦唔係味精味！ 我地叫左個龍蝦餐🦞，另外有7樣海鮮： 鮑魚，魷魚腸粉，海蝦，聖子，蠔，貴妃蚌，白蜆 其中最驚喜係鮑魚，黎到既時候仲郁緊，好新鮮，食落都有鮑魚味🤤 另外龍蝦都好食🤤 比較失望既係海蝦，比較細，口感一般。 最鐘意係職員會幫你睇住時間，唔會蒸過熟，剛剛好，口感好，另外佢每樣海鮮都有個小配搭，非常健康，仲可以自選煮法，例如泰式醬冬陰功醬，非常特別！🤩 最後有個蒸飯，本身冇咩期望，結果就有驚喜，真係估唔到蒸飯都可以好食🤪

傍晚同朋友經過堅尼地城海傍，見到waffling個字就心思思想食Waffle，就入左黎！ 佢比左個menu有$228 Combo Set 揀三樣，見好似好抵就試下啦～ 揀左 1. Calamari 炸魷魚(正常發揮，但個炸粉略嫌太厚) 2. Crab + Avocado Mini Waffle Toasties (有點失望，上面pat醬食唔到咩味，底層個mini waffle又好粉) 3. Holy Crab Truffle Chips 蟹肉松露薯條(完全失望，所以都冇影相了….) 最後唔甘心，就叫番個正常Waffle，終於有好食的落肚^^ 有少少外脆內軟的，所以想食窩夫就入黎啦！

適逢藍色星期一，夜晚要食啲好野先可以精神番😛 今次揀左個大閘蟹餐，每位$568，另收加一茶介。 頭盤先來冰鎮花雕五頭南非鮑魚🤤 花雕味幾正，鮑魚味就不太出，但口感都ok👍🏼 然後揀左個蟹皇翅，個人覺得一般，不知吃緊甚麼的感覺😅 到重頭戲 🦀 都幾大隻，膏不算很多，但都鮮甜👍🏼 個餐仲有 生拆蟹肉花膠絲扒高麗菜，乳鴿，蟹粉小龍包，薑汁糕。整體而言，都食得飽，滿足，但是每人只得一隻 🦀 （另可追加，我們4人追加了2隻），少少唔夠喉🥲唯有下次再食啦～

因為媽媽不時都會食素，今次同佢黎左中環M88的珺試下。我地係食平日lunch，叫左一個lunch set同一個單點。 Lunch Set 有湯（百合薏米），味道意外地很好👍🏼 之後有個頭盤，都好食😋 主菜點了桂花柚子猴頭菇，食落似咕嚕肉，脆脆的 單點的米粉，味道也不錯 整個體驗令我對素食改觀，感覺餐廳有用心製作，有時間可以來試吓👍🏼餐廳的美中不足是每道餸個碟都好大，但餐枱好細，幾乎都放不下😢另外lunch set餐飲居然要+$20，本身得杯水，如果能吸杯茶就更好，見到在場都沒有人點餐飲😅

見佢新開業，就黎試下，今次係慶祝友人生日🎂 可以預先同餐廳講，到8pm餐廳會有個主持人打響鑼鼓，祝賀壽星，同一齊唱生日歌，每人亦可送一杯燒酒。 介紹返食物先 必食Nami卷，名不虛傳，推介指數😋😋😋😋😋 生和牛，有點失望 雜錦天婦羅，不過不失。 另外叫左個壽司盛六件，推介指數😋😋😋😋😋，太好食忙了拍照😅 最後還叫了椰子雪芭，有少少椰子絲，不過不失，可惜是餐廳未能提供生日子句😢 整體來說，魚生比較出色，其他普通，兩個人食左一千蚊，未必會回頭。

今日突然想食中式糖水，在將軍澳沒有太多選擇，就發現了這間中菜廳。 三人同行，吃了大概四百蚊（晚餐） 叫咗個香辣鮑魚雞煲，有意外驚喜！居然有六隻鮑魚，雖然三隻大三隻較小，但都比想像中多，而且鮑魚好彈牙😋😋 個雞煲個底係麻辣汁，不會太辣，但惹味，配白飯剛剛好👍🏼請原諒我太肚餓，忘記了影相，實物和餐牌差不多。 另外叫咗些點心，都幾好食！最後就叫咗個木瓜雪耳糖水😋😋略嫌有點淡，不過好抵食。 會再來，決定下次試吓其他甜品！

星期日book左灣仔一間酒店休息下，附近冇咩特別想食，隨意地揀左喱間餐廳，估唔到12點幾就full晒仲要排隊，不過都好快輪到。 叫左個黑武士拉麵（$83），比想像中豐富😋揀左正常湯底，幼麵，mixed 叉燒和豚角煮 (pork belly)。湯底味道剛好，幼麵都好有質感。有好多配料，價錢已包一隻蛋，最鐘意木耳，好彈牙惹味😋 叉燒是肥叉，豚角是更大舊肥膏，個人略嫌太肥，但友人讚好👍🏼 女生的話建議揀叉燒🤣 整體而言，抵食！可一試

難得見到將軍澳有居酒屋，就嚟試吓啦！ 今次三人同行，食左一千蚊左右。 俾咗個卡位我哋，座位十分寬敞舒適，適合傾計👍🏼 叫左啲串燒（雞腿肉、牛舌⋯）、 黑豚肉卷糖心蛋（$45/1 有點貴）、銀鱈魚西京燒、 廚師發板壽司六件（$168/6 不算貴）、 天婦羅拼盤（炸得好好味，唔會覺得好厚粉）、 最後叫咗個海膽蟹肉茶碗蒸（$88/1，價錢不平，但十分好味😋個蒸蛋本身夠滑，海膽和蟹肉的味都出） 另外仲叫咗三杯果汁酒($68/1)，味道略嫌淡。

見到唔少人話呢間 high tea 好抵食，openrice 又話做緊半價，就去試下了，餐廳入口不易找，而且夏天行到好熱出晒汗🥵

第一層是黑松露帶子，吃起來像放了很久的😢半凍半暖。。。
第二層鹹點，中規中矩，沒有驚喜，也沒有覺得好食。
第三層甜點，椰子雪糕比較特別，燉蛋也不差。另外有個鮮莓酥餅和芝士蛋糕，像是家中小孩自製的😓

整體來說，吃得飽，但有點失望，食物比較粗糙，不會吃第二次。

比較好的是餐廳內的環境。

(Holiday Lunch Time) 本身想去太子搵cafe, 點知好多間都好多人，行下行下就搵左喱間日本菜。唔洗等位，裝潢似置身於日本，估唔到有意外收穫！ 我地叫左個鰻魚定食同六貫手握壽司，有得揀蕎麥麵或者三文魚茶漬飯😋😋個人十分喜歡個茶漬飯😋仲有麵鼓湯和茶碗蒸。配料十足，不論配菜或主食都好精緻好味！價錢不太貴，平均約一百頭一個set, 份量十足，CP值很高，值得再來！ 唯一少少失望的是海膽好似不夠新鮮。