胡爐 (已結業)

「胡爐」最新推出任食放題，堅抵食，食法是可先選鍋底，食完才打邊爐；附送的海鮮拼盤都好鮮味；還有自家製手工丸餃拼盤，基本上食齊都半飽；任點火鍋料，一般的任食肥牛，肥糕多過肉，但這裡的任食美國肥牛，肥瘦適中，肉質好嫩滑，仍未能滿足？還可以單點火鍋料的，即使你是如何的有要求，都能滿到你。聽「胡爐」這個名字，會否令你聨想到「醉胡爐」呢？無錯是姊妹店呀！不過「胡爐」是主攻專年輕人市場， 由於是姊妹店的關係，食材各方面同樣是高質，單是那個鍋底已令人一試難忘，而且是三選一，每次來品嘗一款也能讓你有不同的口感享受。吃完鍋底後，就開始打邊爐，這裡的至尊拼盤分別是時令「海鮮拼盤」、「胡爐牛拼盤」及「手工丸餃拼盤」各一碟，你更可在32款選擇中任點各配料，當中美國和牛，肉質嫩滑，肥瘦適中，肉味香濃，真是好滋味，最正是任食，可以俾你吃個痛快。「惹味雞煲」沾上麻辣的雞肉好嫩滑，入口真是麻辣俱備，我就食得好開心，因為愈滾就愈辣，我的飯腳就辣到投晒降，所以不嗜辣者建議不要滾住食，夠熱就關火，辣度就剛剛好，真是意想不到的超級惹味呀! 「青麻辣豬手煲」青麻辣就一點也不辣，只得BB辣，但豬手真是入味又超腍，還有豆卜盡吸了鍋

尖沙咀半放題火鍋💕尖沙咀厚福街一向多美食, 位於H8這間火鍋店, 設有半放題邊爐, 每位$298, 另外加$38 仲可以無限order飲品, 整體不錯呀😎半自助set包選擇雞煲, 豬手煲, 醉鴨煲. 另外還有海鮮拼盤(海蝦, 蟶子, 貴妃蚌), 牛肉set拼盤(澳洲和牛, 牛舌蕊, 黑毛豬豚肉), 手工丸及餃子. 食完雞or鴨煲後, 你仲可以任點火鍋配料..確實幾抵食, 而且食到勁飽. 此外每人仲送一個細細set既佛跳牆🤭這次order了雞煲, 份量多, 雞肉淋而且好入味. 下次要試埋個鴨鍋同豬手煲呢.餐廳: 🍯胡爐地址: 🧁尖沙咀厚福街H8, 16/F

胡爐尖沙咀厚福街8號H8 16樓之前聽過朋友話胡爐嘅火鍋高質，今日我哋去開尖沙咀，就決定試吓啦，本身佢做開火鍋單點，而佢最近亦出咗半放題火鍋，每位只需$298，有三十幾碗火鍋配料任食，當中包括肥牛同埋廣島蠔，感覺都幾抵一嚟到，侍應就問我哋揀邊款鍋底，原來有麻辣雞煲，青咖喱豬手煲同埋胡爐醉鴨煲揀，平時我哋最鍾意食開雞煲，所以我哋今次就揀返雞煲，雞肉嫩滑唔鞋口，件數又多，配埋麻辣醬非常之夾，食完都有少少飽過咗冇耐，就送上牛拼盤同埋海鮮拼盤，牛拼盤有澳洲和牛，牛舌心同埋黑豚肉，和牛嘅質素好好，花紋好靚，感覺好新鮮，而牛舌心就非常爽口，加上佢係厚切，咬落去油脂必哂出嚟，忍唔住搶埋朋友嗰份嚟食海鮮拼盤就有鮑魚，海蝦，帆立貝等等，樣樣都好新鮮，我哋最鍾意就係鮑魚，真係非常彈牙同埋好重鮑魚味，另外仲有手工餃拼盤，黑松露墨魚丸彈牙又鮮味，最推介食完呢幾樣，我哋嗌嘅任點配料都陸續上到啦，我哋叫咗滑雞柳，啖啖肉又滑身個感覺好正，而美國肥牛雖然質素冇頭先嘅和牛咁好，但睇得出有返咁上下靚，加上呢度環境舒適，尖沙咀嚟講，食材完全媲美到以往既質素，真係唔使$300嘅高質火鍋

之前食過其他分店，好正🥰見到呢間有半自助火鍋，於是同fd過來試下。.有分時間段，七點半前還檯就係$238，超級抵。但我地今次放工先去～.🌸高級火鍋放題 $298首先可以自選煲底，有鴨煲，雞煲同豬手煲。我地揀左雞煲，雞肉超香超大塊，嫩滑美味。.每人送一客蠔皇鮑魚佛跳牆，好軟熟好好味😋 鮑魚好大粒！.至尊拼盤有時令海鮮、胡爐牛拼盤、手工丸餃拼盤。.- 海鮮都係雙人份嘅，有大聖子，海蝦🦞，蜆同帶子。😍.- 牛拼盤真係冇得輸，澳洲和牛入口即溶，牛舌心好嫩滑，黑毛豬豚肉味道濃。.- 黑松露墨魚丸好重黑松露味，手打蝦丸，芝心丸，秦皇鮮蝦雲吞入面有大大隻蝦，超正！XO醬帶子餃好鮮，仲有魚皮餃！.仲有好多任食火鍋料，廣島蠔，美國肥牛，墨魚鬚，豬肚片等⋯ 墨魚鬚好特別，唔係邊度都有，仲要超級好食😋。.食完雞煲邊爐，仲有日本雪糕食，我揀左海鹽味，清新口味。.呢間服務真係好好，換碟好勤快，好有禮貌。😗

打邊爐一向係我哋至愛嘅晚餐活動！胡爐呢度本身是高級單點火鍋, 現在做半放題, 食物質素依然高質，咁抵，梗係立即來試啦！而家只要基本$298就可以食到半放題套餐，除咗有自選煲，仲包含三款拼盤同埋大量火鍋配料！煲底我揀咗青麻辣豬手煲，麻辣豬手比較少食，原來好鬼好食！加咗麻辣之後既可以大大減低豬手嘅肥膩感，又可以盡情享受Q彈滿滿膠原質感真係好正！拼盤方面有時令海鮮拼盤（5款）和胡爐牛拼盤，一次過可以嘆晒美味牛肉同埋時令海鮮🦞，好正呀！牛拼盤有齊澳洲和牛、牛舌蕊和黑毛豬豚肉，澳洲和牛勁好味，唔單止肉質軟綿綿，口感非常好，仲會滲出淡淡嘅油花香，肉味同油花仲好balance潻！海鮮拼盤就有超過兩三款貝類、鮑魚同埋海蝦🦞， 打完唔會好細心咁清潔好同埋起殼，所以食落特別鮮甜，而且由於起咗殼，烹調時間方面更容易掌握，更加可以keep到肉質彈牙潻呀！手工丸餃拼盤方面就有黑松露墨魚丸，手打蝦丸、泰皇鮮蝦雲吞同埋XO醬帶子餃，味道同平時食到嘅好唔同，有啲有冬陰功feel，有啲有松露香，終於唔使食到咁悶啊🥰還有多款火鍋配料，例如豬皮、芝士腸、廣島號、美國肥牛、金菇、炸響鈴、炸魚皮、蘿蔔、娃娃菜、一次過滿足晒為食

厚福街這間任點任吃火鍋店，以現代中國風作主題的裝潢非常精緻，食材新鮮，價錢亦頗實惠。先來一款自選湯底，有雞煲、青麻辣豬手煲和胡爐醉鴨煲三款可供選擇。從中選了青麻辣豬手煲，湯底味道超級濃郁，麻辣度適中。湯底配料除了豬手外，還有萵筍、豆卜和枝竹等，當中最令我欣賞的是那充分滲透湯底精華的枝竹，相當好吃。再來便是至尊拼盤，包括海鮮拼盤、肉類拼盤和手工丸餃拼盤。海鮮拼盤包含三款時令海鮮，包括蝦、蟶子皇、桂花蚌、扇貝和花甲。每款海鮮都非常新鮮甜美。肉類拼盤則包含澳洲和牛、牛舌心和黑豚肉。當中我最愛的是牛舌心，牛味相當香濃，肉質又爽又彈牙。手工丸餃拼盤包含六款食物，包括有黑松露墨魚丸、手打蝦餃、牛肉芝心丸、泰王鮮蝦雲吞、XO醬帶子餃和魚皮餃。每款各有特色，讓我愛不釋口。此外，火鍋店還提供額外多達30多款的火鍋料供任點任食。但基本上，吃過上述多款菜式後已經飽了七至八成，所以都之後只點了數款東西。同場加映：由於是經網上平台訂枱，所以火鍋店送上每人一碟佛跳牆，那是蠔皇鮑魚螺片炆冬菇，味道非常好！

之前已經去過尖沙咀的醉胡爐覺得食物質素高 價錢偏中上無意中發現厚福街的分店竟然有半放題價錢只需要平時消費的三分二 平日每位298 馬上訂枱去試試經社交平台訂位 每位額外贈送的迷你佛跳牆有原隻鮑魚 花菇 海螺片 娃娃菜贈送的品質都好高呀另外可以從指定的三款鍋自選一款我們選了醉鴨鍋 四人大約有一隻鴨的份量鴨肉吸滿酒香 非常入味之後會有三款拼盤時令海鮮拼盤 跟據當日海鮮而定可能會有所不同蟶子皇很大隻 元貝都很厚肉肉類拼盤有澳州和牛 牛舌心 黑毛豬豚肉每人每款肉都有三大片手打丸拼盤有芝心丸 蝦丸 黑松露墨魚丸全部都非常彈牙 蝦丸內有蟹子增加口感手工餃拼盤有魚皮餃 xo醬帶子餃 泰皇蝦餃魚皮餃皮非常煙韌帶咬口 好吃到想加錢加點以上的都是只限一份 想再加的就要加錢另外有大概三十款任點任食的火鍋料但基本上吃完以上的都差不多飽了只點了一些蔬菜均衡一下食量比較大的話 任食還有其他選擇美國肥牛 豬頸肉 廣島蠔 日本蟹柳等等通通任食 實在很划算呀就算是半放題任食 食物質素一樣高跟單點都是一樣的 所以我應該下次都會選擇厚福街店

見網上有啲宣傳，就來試下嘛。諗住以前做開單點，都貴價，咁做任食應該會唔會衰得去邊啦。1930前交枱，238位加飲品加38蚊，仲有每位18蚊既醬油費。所謂既醬油得5樣野，蒜蓉，炸蒜，辣椒粒同蔥，同埋唔咸既豉油。點左個豬手鍋試下，唔辣，得少少麻。豬手係爽脆豬手，但其實係冇乜味道。之後加湯食火鍋，出事了。完全冇味，個湯係少少味都冇。完全唔覺得自己打邊爐。以下食物有一輪一人送一客佛跳牆，罐頭鮑魚同螺，唔難食。火鍋料海鮮盤，蝦，蜆，馬刀貝，蟶子，帶子。肉有澳洲和牛，牛舌，豚肉。手打肉丸，芝士牛丸，蝦丸，松露墨魚丸餃有雲吞，XO醬水餃，魚皮餃以上食物都正常，唔難食，但唔特別好食。不過XO醬餃，食落口我就吐返出來，可能味道唔岩我。其他火鍋料都不過不失，係魷魚鬚好難食，佢係一大抽，三四條一抽，請幻想下係平時飲茶果種炸魷魚鬚，仲要原抽咁去打邊爐。又係一入口就吐返出來。另外環境，其實真係好迫，枱面好大，但位係迫，同隔離枱都好近。成個場都好迫，暗得來又唔係舒服果種。整體來講，這是一間垃圾火鍋，食得飽既。但唔好食同冇打邊爐既滿足感。最後話有雪糕都冇心機食，去返普通百幾蚊全包既火鍋仲好食過佢。埋單2人夾埋646

聽朋友講話依間叫胡爐嘅餐廳打邊爐好高質最近上網睇，見餐廳出咗一個半放題形式嘅火鍋套餐，價錢超級抵，於是一於過嚟試吓，又真係幾抵食喎👍🏻😚首先地理位置好方便，喺尖沙咀地鐵站一出行一陣就到，而且裝修都唔錯，座位幾闊落😉加上依度出咗半放題之後，嘢食抵食超多！半放題認識有三部份：第一係揀咗煲底先，有三款揀，雞煲、豬手煲，或者鴨煲，因為我好鍾意食雞煲，所以第一時間揀咗惹味雞煲真係好好食，好入味，食得出加咗大阪醬等等嘅醬料，而且雞肉好滑，加上份量超多食到差唔多，點完就會幫我哋加水，然後就開始打邊爐啦，材料超級豐富，有時令海鮮盤、黃牛拼盤，同埋手工丸拼盤😛每一樣份量都超多，我最推介嘅喺依度嘅海鮮，尤其是係帶子、海蝦、蜆，每一樣都好大粒，仲要好鮮甜👅推介各位一定要嚟食💕

胡爐一直係我心目中打邊爐排名好高，呢次去係因為佢有做半放題，平時食開佢嘅人都知道佢係做開散叫，食物質素都係好高，同埋最主要係我想知半放題係點半法，其他餐廳做半放題我未必敢去，但呢間嘅話我信得過。餐牌上有三種煲揀，我地揀左青麻辣豬手煲，因為比較少見，同埋想食下麻辣野。係個煲未黎之前，我地食左個蠔皇鮑魚佛跳牆，其實係一個小燉樽裝住佛跳牆咁，但無諗到每樣食材都係入味，夠足料。同埋打邊爐點少得叫野飲呢。加38蚊就可以啤酒汽水任飲，重點係啤酒任飲，成件事好抵。呢個豬手煲係好有驚喜，豬手勁多，啲麻度同辣度可以話係賣飛佛呀，真係好癲，個豬手煲咁好食點搞，依家先係第一回合，後面仲有好多正野，不過我都一於少理，所謂有食唔食罪大惡極，有靚野緊係要食啦。食到咁上下，店員幫我地加湯，就開波打邊爐。第二回合係至尊拼盤，包括時令海鮮拼盤，胡爐牛拼盤（澳洲和牛，牛舌蕊，黑毛豬豚肉），手工丸餃拼盤（黑松露墨魚丸，手打蝦丸，芝心丸，泰皇鮮蝦雲吞，XO醬帶子餃，魚皮餃），其實清得哂成個至尊拼盤基本上係飽到不得了，已經勁滿足。食過呢個半放題就覺得呢個價錢真係出邊其他餐廳搵唔到，性價比高，食物高質，絕對唔會因為做左放題而揸流

以前嚟過胡爐本身係高級單點火鍋餐廳食過唔錯 已經有個好印象依家做緊半放題🤩 但係質素依然係咁高質 食得出絕無將貨就價 好推薦👍🏻-💥$298 半放題套餐💥可以選擇雞煲/ 麻辣豬手/ 醉鴨鍋我哋就試吓雞煲啦！中辣程度都已經有啲料到🌶雞件肉厚 整煲醬汁味道非常好再嚟有🌟至尊拼盤🌟按人頭份量計 有齊海鮮！肉類！丸餃！又新鮮 又足料 真係無得頂👍🏻是日海鮮5 款：海蝦、扇貝、魚片、大蜆、蟶子胡爐牛拼盤：澳洲和牛、牛舌心、黑毛豬豚肉手工丸餃拼盤：黑松露墨魚丸、手打蝦丸、芝心丸、鮮蝦雲吞、XO醬帶子餃、魚皮餃💫另有32 款任點配料我哋就點返多啲菜 新鮮乾淨又大份墨魚鬚、廣島蠔、肥牛 都係有得任點 配料真心高質 好味！好抵食！+$38/位 任飲啤酒汽水我哋已經要再約下次嚟食醉鴨煲啦！

之前都食過胡爐，果陣仲係單點既，今次就黎試佢地既半放題，套餐包括幾款拼盤，有海鮮/和牛/餃同手打丸！之後仲可以任嗌其他野食，都幾抵！坐低先揀湯底，原來唔係普通湯，有雞煲/麻辣豬手/醉鴨煲，仲要個煲已經好足料，食完都飽左一半😂麻辣豬手煲好入味，佢係青麻辣，比平時果d無咁油架！海鮮拼盤有5款海鮮，蟶子皇/帶子/花甲等等，最鐘意佢既蟶子皇因為好大隻好爽口，食得出新鮮貨！肉類拼盤有3款，和牛/牛舌同黑毛豬，而呢到既手打丸真係好好食好彈牙，尤其芝士牛肉勁有驚喜，推介！

之前去過胡爐其他分店 like左social media近排見到佢話有半放題所以就約埋屋企人一齊去食下本身胡爐都算係中高價火鍋平時人均消費500左右依家300左右一位 真心吸引仲要社交平台訂位送左每位一個佛跳牆一開始就可以3個鍋揀1款先我地揀左醉鴨煲酒味唔算濃 但鴨肉好嫩滑就連背同胸呢啲位都好厚肉又唔鞋食完鴨煲就加湯打邊爐每人限一份至尊拼盤 其餘仲有好多材料任點海鮮拼盤有元貝 蟶子 海蝦 兩款貝類款款鮮甜 貝類冇沙平時淨係呢個海鮮拼盤都起碼500啦肉類拼盤澳洲和牛 牛舌心 黑毛豬豚肉胡爐嘅肉品一向高質就算做左半放題一樣keep到黑豚肉夠晒爽口 和牛油花都均勻手工丸餃拼盤黑松露墨魚丸 手打蝦丸 芝心丸XO醬帶子餃 泰皇鮮蝦雲吞 魚皮餃平時去胡爐必點嘅黑松露墨魚丸都包含喺套餐入面每款丸都勁爽口彈牙三款餃入面最突出係泰皇鮮蝦雲吞好惹味 之後再自選任食火鍋料 有成30款都真係好多款式好夠食另外我地每位加左38就可以任飲啤酒都有兩款 仲有汽水 罐裝茶 單點18一罐晒冷俾大家睇下我地嘅戰績啦😂

胡爐以高級新鮮食材火鍋聞名，現在推出半放題式火鍋，只需$298，可以吃優質海鮮、肉類、惹味煲底、手工餃、手打丸、還有多款任點火鍋料，火鍋控的我要來一試。裝潢是中式設計，每1-2張桌的空間由屏風作間隔，具私人空間，坐得很舒適。首先選一款煲底，吃完裡面的料再加湯吃火鍋，選了平常比較少吃到的醉鴨煲胡爐醉鴨煲份量超多，醬汁帶甜很惹味，鴨肉肉嫩鮮美，很入味，很美味可口時令海鮮拼盤有蝦，鮑魚，扇貝，馬刀貝，蜆海鮮都很大隻又新鮮，煮完海鮮湯底都變得更鮮甜胡爐牛拼盤澳洲和牛 - 牛肉鮮紅色很新鮮，肉味香濃牛舌心 - 牛味香濃又爽口黑毛豬豚肉 - 肉質鮮嫩又大片，爽口豬味濃郁手工丸餃拼盤 黑松露墨魚丸 - 很香濃黑松露味，很足料手打蝦丸 - 很爽口彈牙，有粒粒蝦肉在中間，很鮮甜芝心牛丸 - 一咬開有濃濃芝士爆出來，很香口泰皇鮮蝦雲吞 - 皮薄餡多XO醬帶子餃 - 香味十足很惹味魚皮餃 - 煙韌外皮又足料任點部分點了：娃娃菜，豆腐，支竹，粟米，豬紅，美國肥牛，豆卜，芝士腸，廣島蠔，炸魚皮，炸響鈴，紅薯粉，墨魚鬚，日本蟹柳，金菇，魔芋絲廣島蠔很新鮮肥美，炸魚皮和炸響鈴都炸得很香脆，我每次吃火鍋必點的＋$38

之前喺佐敦食過醉胡爐，味道驚為天人，於是今次嚟尖沙咀嘅分店再食多次！雖然兩間都應該係同一間集團，但胡爐嘅食法唔同，佢今次係以半自助餐形式，可以任點火鍋配料，而且包埋一個至尊拼盤，而且價錢低至$238 ，相比下真係十分抵食！至尊拼盤包括五款海鮮，三款牛肉，六款手工丸餃。而煲底方面，佢就有雞煲，辣豬手煲同鴨煲任君選擇。朋友選左鴨煲，話覺得好特別。唔知其他煲質素點，但鴨煲絕對係高質之選，因為就算煲到最尾，啲鴨肉都完全唔老，真係好勁。雖然呢間餐廳係做半放題，但都承傳左佢其他品牌嘅高質貴價質素！想食平靚正特別煲嘅人可以黎一試～***差啲唔記得講一個重點，就係經社交平台訂枱嘅話，每個人會送多一碗蠔皇鮑魚佛跳牆同埋雪糕一杯。大推個佛跳牆😆❣️