胡椒仔

呢間茶記早排都食過，最近見到出咗漢堡包，呢日帶小朋友去try try佢！叫咗呢兩款🍔 套餐跟薯條或冷熱飲品 #秘製胡椒醬和牛芝士流心漢堡包 $78一切開芝士流出嚟🤤和牛漢堡扒juicy，搭配特製胡椒醬同肉醬，好食！#特色手打新鮮牛肉漢堡扒包 $78我鍾意呢個 #黑胡椒醬 ，又香又惹味，兩個漢堡個蛋都煎得剛好！半熟狀態～我老公鍾意和牛流心芝士嗰個，佢話夠晒Juicy~額外追加炸雞翼 $20/3隻炸到金黃色脆皮😍小朋友最愛同埋店員推介嘅💁🏻‍♀️滷水/ 紅燒乳鴿 $58/隻紅燒乳鴿肉質嫩滑唔乾身，調味恰到好處，必試～滷水則夠晒入味呢間餐廳主打 #胡椒 嘅菜式，嚟緊天氣涼，下次要嚟試佢個 #胡椒豬肚雞煲 ！…查看更多

老公好鍾意食胡椒豬肚，好耐之前黎過一次覺得幾好食，近排再過嚟回味下，不過整體已經無印象中咁出色😅⭐️胡椒豬肚湯飯胡椒味幾夠，個湯幾好飲👍不過豬肚份量比以前少，同埋有一半口感都偏韌😅⭐️乾炒牛河賣相吸引色水幾靚，牛肉嫩滑，但食落完全冇醬油香同埋油膩左啲食食吓見到老闆喺度沖茶，聞個茶底超級香！下次有機會要黎試吓佢嘅奶茶/鴛鴦先得😆#上水美食 #上水茶記 #胡椒豬肚 #胡椒仔 #乾炒牛河 #上水中菜 #上水茶餐廳…查看更多

平時都食過幾次早餐早餐係OK嘅，但今日下晝想食下午茶，叫咗個吞拿魚飛碟44蚊連一杯嘢飲，但入邊係冇餡嘅得少少沙律醬同埋吞拿魚 非常極之咁難食同埋失望，希望會好好改善吓…查看更多

好失望，早餐轉左餐牌，加價唔緊要，但冇咗自選三餸 本身唔食多士嘅我每次都叫三餸，貪佢夠彈性自由，依家冇咗仲要雪菜肉絲同沙嗲牛肉只可以選一樣 😮‍💨😮‍💨變相係加價，仲要少咗選擇比新餐牌個胡椒仔牛板腱吸引，但實物完全另一回事，牛肉唔係好似圖片中醃過，講真$49真係唔收貨，用個鍋上菜，但其實冇咩意思仲要得嗰幾片牛肉，而且牛肉淥得過火；真係食返沙嗲牛肉好過啊！上水又少一個食早餐的地方希望舖頭可以改返以前個餐牌…查看更多

><好似冇行過嚟呢邊食飯好多胡椒入饌嘅菜式 仲有胡椒咖啡胡椒豬肚湯(88)本身寫2-3人份量 而我哋每人都嗌咗個飯餐所以覺得會啱啱好share點知份量慷慨 好多件豬肚椒鹽豬扒飯(53)辣辣地 豬肉正常涼瓜斑塊飯(68)英記會好食d麻婆豆腐油麥菜豆豉鯪魚飯餐有跟埋例湯><><><><><><><><><><胡椒仔 Little Pepper Cafe and Restaurant 上水新豐路4-10號順利樓地下B2號舖…查看更多

胡椒豬肚湯飯～好足料👍🏻有6、7塊豬肚，枝竹都很多、還有加入了炸菇，豬肚入味送飯一流，晚餐都只係$59，cp值高，唔算太辣食完成身暖晒，下次再來試食胡椒豬肚雞煲先…查看更多

今日夜鬼出動~9點先走去食飯  ; 去一間想去好耐既上水餐廳 - 胡椒仔唔知係未位置同上水都無咩 ((繽紛)) ,所以今日包場招牌胡椒豬肚湯 - 胡椒味唔會勁辣,但又係唔夠味 仲算好濃下TIM , 好味 !! 做湯飯都唔錯~ 值得推介炸豬大腸 - 皮炸到好脆,做到內軟外脆都好好食 ,極邪惡 蠔飯 - 佢唔似坊間炸到一餅野,係有空氣咁 漲卜卜咁,蠔仔都好大隻 送飯一流~總結: 味道算係中上,晚市唔太多人 坐得好舒服 係極得一食既餐廳…查看更多

第一次來食，想店員介紹，點知黑面。。。咁嘅服務態度，真係無下次有個女仕幫我地落單，重好禮貌，不停咁道歉，並解釋原來呢個男侍應唔係老細，感覺男人係老細咁嘅語氣，不可一世咁。女仕推介咖啡好飲…查看更多

早排我哋去咗上水嘅一間茶餐廳叫做「胡椒仔」佢哋好多主打嘅菜式就係用胡椒炮製嘅，好啱我哋中意食嘅惹味小菜我哋點咗幾款菜式，其中一個係蠔餅，呢個蠔餅酥脆好食，蠔仔新鮮彈牙，真係好正。另外，我哋食咗一個人生食過最好食嘅胡椒豬肚湯，湯底鮮甜濃郁，豬肚煮得剛剛好，肉質腍滑，仲有一啲微微嘅辣味，真係好暖胃。除咗呢兩樣菜式之外，我哋仲試咗其他嘅菜式，全部都好好味，值得一試。不過我見其他人都係食緊茶記嘢 得我哋好似遊客咁🤣。總括而言，如果你係胡椒控，就一定要嚟呢間「胡椒仔」啦！…查看更多

今日嚟到呢個胡椒仔冇試到最出名嘅胡椒豬肚湯，反而試咗店員話新鮮蒸好嘅豉汁蒸䱽魚飯🤣份量有半條，今次食嘅係魚尾，新鮮蒸出爐，熱辣辣，魚肉嘅香味加埋豉汁撈飯食係1000分🤤但係喺呢度食嘢最重要嘅唔係味道，而係呢度嘅人情味🥰一坐低，店員會俾碗熱辣辣既例湯，跟住好親切，咁問你今日食咩？有時又會介紹你今日有咩好嘢食💡有時做嘢做到好攰，嚟到呢度都覺得好窩心，食個lunch又可以打打氣一陣繼續做嘢🤣🤣…查看更多

餐廳雖然位置偏僻，但星期五晚上7點半居然幾乎爆場😯。晚市菜式選擇甚多，有D似茶記，但卻提供特色咖啡，而且職員有禮貎，唔係茶記FEEL。胡椒豬肚雞煲 $198餐廳最出名就係呢款雞煲，大大煲、熱辣辣，飲完成個人即時暖哂😋。配料除左三大主角(胡椒、豬肚、雞)外，仲有原粒蒜頭、雜菇、支竹、似酸菜嘅菜，我地4個，每人可以飲到兩碗湯。豬肚無怪味，但未到彈牙，不過不失。小炒王 $108炒得夠乾身，碟底唔會一堆油。蝦干、白飯魚炸過再炒，後者脆口；另有脆腰果、無乜味嘅魷魚；調味適中，略嫌有D韭菜花有渣。椒鹽鮮魷 $108呢個最唔好食、最唔抵、最唔值得叫😥。首先分量少，魷魚軟奶奶、唔彈牙、無魷味；炸皮亦唔係平時見開果D，完全唔脆。性價比超低，好後悔叫左佢😫。XO醬豬扒炒麵 $55落柯打之前問左職員係用咩麵底，職員明確表示係豉油皇炒麵底，所以即刻叫左碟。點知上枱果陣係公仔麵底😶對於唔食公仔麵嘅我地當場呆左😂 好彩上枱同落單係同一位職員，佢即刻收起，叫廚房再炒過!!👍炒麵乾身有炒氣，麵同豬扒份量都唔少!! 豬扒厚身，但略嫌無乜調味。餐廳無加一，4款小菜合共$469，可以用電子付款，甚至AE都得。…查看更多

慢慢感受到正式入冬，在家裡也漸漸感到寒意滲出，所以就帶兩老到訪了這家胡椒仔，驅一驅寒，迎來暖意裝潢走簡約風，但非常企理乾淨，燈火通明店主十分年輕，店內都以年輕店員為主，有活力也有禮貌胡椒豬肚雞$198既然是要驅寒，當然要點招牌！這窩豬肚雞可真巨大！幾乎是我臉的兩倍！湯底我們第一次試，天氣乍暖還寒，所以未有加爐，沒有一直翻滾所以不太辛辣，微辣的湯底之中帶幼滑的質感，聽聞是用上了淡奶，雞件豬肚也因此而變滑了些，入口稔軟。沾上湯汁的酸菜 雞髀菇更是開胃，這一窩就夠兩個男生吃了！芥蘭炒臘味$98冬天必吃！臘味有夠肥美！臘腸，潤腸，臘肉一應俱全，油膶得令人垂涎三尺！芥蘭沒有多餘的渣，很不錯黃金蝦$88連蝦殼炒製的黃金蝦，早已把頭部尖位剪去，較易去殼，鹹蛋黃的份量算足，蝦的體積普通大，喜歡吃鹹蛋黃的應該會喜歡～…查看更多

胡椒仔顧名思義提供唔少特別嘅胡椒菜式，除此之外都有好多款即炒粉麵、小菜等等，同一般茶餐廳無異，而胡椒菜式可以揀小胡、正常胡、大胡。今次叫咗個胡椒豬肚湯飯，湯底味道濃烈，但係絕對唔係得個鹹字，感覺到味道、辣度主要來自胡椒，胡椒有原粒嘅、有碎嘅，胡椒嘅風味相當明顯，一邊食一邊出汗，到秋冬嘅時候嚟食一定非常暖胃，雖然見到面頭有好多鹹酸菜，但係啲鹹酸菜已經出咗味，唔會太鹹太酸，所以食完個湯都冇平時嗰啲咁口渴。…查看更多

上水係我經常去嘅地方，但係原來新豐路再行入啲原來有一間好味嘅餐廳佢叫做胡椒仔，入邊地方都算好大，枱同枱之間都好闊落，一坐低即刻開叫左兩支可樂。乾炒牛河：一出到嚟好有鑊氣，份量亦都好大碟，牛肉又多好淋身，所有混埋一齊非常惹味。胡椒豬肚湯飯：呢個係職員推介，初頭都驚好辣，但係原來真係好好味，好足料，豬肚好夠淋，好入味，其他配菜有酸菜，芹菜，同菇。飲會啖湯都係精華，夏天食非常之好，仲會配多一碗白飯。胡椒醬西多士：好有特色，原來除咗花生醬或者煉奶依種食法都幾特別，入邊好多餡料，好香口，入面啲料唔會搶晒啲味，加埋牛油糖漿簡直一絕。…查看更多

傳聞係上水區消防員👨‍🚒返工收工都係嗰度食嘢既平民高質早餐經典早餐$37可以自選一款主菜,揀咗沙嗲牛肉,另外仲有五香肉丁、榨菜肉絲、雪菜肉絲、叉燒 可以揀再配埋 兩款 自選既送,揀咗火腿同煎蛋,另外有餐肉、腸仔、煙肉可以揀而麵就加咗$5轉出前一丁同 加$1轉多士，平靚正,黎得快,又唔會令食物質素變差，讚👍🏻熱奶茶好香茶味,唔加糖都好飲自選早餐$35揀咗五香肉丁、餐肉、腸仔，呢個set就冇多士/方包,要食包可以揀上面個個😆👍🏻肉丁微辣，mix落湯麵到好夾，飲凍檸茶，大大杯 好解喝🧏🏻‍♀️😆😋…查看更多