肯德基好味速遞 (非門市)

營業中

休息中

🍗五一黃金週 「 2人餐～買一送一 」18件上校雞寶×1 （麥樂雞）甜辣椒醬 and 洋蔥蛋黃醬x 14件經典葡撻x 110件巴辣香雞翼x 1家鄉雞x 4狂惹香燒雞× 4家鄉雞皇飯（大）x 2罐裝百事可樂（330毫升）x 4真的有點太誇張 我同老公食左1個2人餐份量都無；已經飽到傻；飯仲要開都未開過；剩低全部放晒入雪櫃；Lunch食埋去🐷原本1830叫外賣；App話要2010先送到；無理照叫左先；最後等左45分鐘唔洗就送到；不錯

今日下午餓餓地叫咗個KFC做下午茶，四個人食。總共先$160！平均每人$40！真係好抵食！個餐包左2個大飯，2個薯蓉，麥樂雞，4件雞翼同埋6件大雞！飯叫外賣有好多汁，反而堂食有時俾得好少！麥樂雞有配個醬，小小辣 ，甜甜地都幾好食！食物黎到都仲熱！而且唔係等左好耐！呢個套餐啲雞翼既口味任揀，所以我哋揀咗平時要加錢嘅蒜蓉雞。蒜蓉味好重，而且太多醬令到件雞個皮唔脆，都係推薦返香辣雞件係最好食既！本身都擔心外賣要等好耐，但係落單之後等咗大概半個鐘就到！

用手機apps,叫外賣，餐廳距離我家車程約20分鐘，但等了1小時外賣，預計17：42送到，等到18：45才等到當然，所有網上，電話客服也是電腦程式，一直鬼打牆，催𣎴到單的，只有乾等

我平時好鍾意自己外賣食KFC嗌親都係佢嗰個一人套餐有一舊雞加葡撻同埋蘑菇飯但講真我叫10至10次，佢都會漏咗個葡撻，或者唔知點解無啦啦漏咗隻雞堂食嘅話佢係一定唔會有啲咁嘅失誤，但外賣嘅話就真係要10 40次都係咁

7:45pm叫KFC外賣速遞 要120分鐘先送到 期間打去客戶服務熱線 想取消order 不過打咗一個鐘頭都冇人聽 佢預計送貨時間係9點40分 結果等到十點05分都未到 再打去客戶服務熱線 有人聽 佢話半個鐘頭內會送到 但結果 十點45分先到 足足等咗三個鐘 簡直係痴線 我已經唔叫網上外賣平台 諗住有d保障 所以兩個鐘都等 點知結果 要我等三個鐘 晚飯變宵夜 小朋友等到頂唔順要食其他嘢 到貨嘅時候已經瞓咗 好過份 勸大家以後 唔好再叫kfc外送服務 ！

本人非常之鍾意食花生醬，不過佢只係喺個雞上面加少少花生醬，唔係好夠喉囉，叫做貪過癮試吓啦，其他食物都冇乜特別，正常發揮嘅，最緊要啲嘢食送到嚟唔係凍冰冰，都冇咩大要求。

因為懶出門所以點左KFC外賣速遞30分鐘就送到屋企好快啲野重係熱辣辣葡撻係我最愛甜甜地.蛋撻皮又酥脆烤雞係蜜糖烤雞甜甜地，肉質嫩口一啲都唔乾身脆雞啲皮唔會好厚身食落又唔會太油膩唯獨薯格因為擺得太耐偏冧身.但味道依舊配蕃茄醬一流

冬天梗係要食芝士火鍋🫕，今次就試左KFC既出品✨炸雞就同平時冇咩分別，但係唯一要提既就係個芝士醬，比較同點nachos既芝士醬似，唔係真係拉絲芝士，同埋比較甜。個人就對呢個味道一般般，個兜係幾靚既。🤣整體推薦指數：💛💛🖤🖤🖤

佛誕就街都係人，等位不了叫個外賣，已經醒目，非食飯時間叫都要超過成粒鐘天啊黎到係暖架咋黑人問号？其實離我家步行10分鐘我唔知，點解個薯格係硬堀堀，微暖似係微波爐翻熱果隻難食我立刻放入氣炸鍋，救翻佢主角個Tabasco炸雞。。。。。我又聽到直昇機聲啦屋企人叫左我正正經經叫原味，我冇聽係要試新野佢完全冇Tabasco的辣加微酸係完全唔夾呀，搶辣果隻佢都叫係算滑，雞肉入面冇味係得返外邊炸粉上面的Tabasco 粉

落單後半個多小時先打嚟話：「最後一個雞排焗飯剛剛賣左，賣晒啦！你轉雞皇飯啦。」我半個小時前完成交易，信用卡都過左錢，等左大半個鐘先話冇？仲要我轉個價錢完全唔一樣嘅野，問佢差價點計，佢話：「冇啦，都賣晒囉，咁你想點？」我想退款唔要，佢又叫我自己打去服務部，之後轉經理接聽，點知個經理一聽電話，就用很惡劣的語氣回我：「馬上整比你！」之後用力掛斷我電話。打去服務部退款投訴，服務員話：「系咁嫁啦！冇辦法。」自問自己都只係用一般不滿的口氣同對方溝通，點解由店員，經理，到客服都可以態度咁差？我比錢消費，又唔係前世欠左你哋！食左咁多年，真對KFC好失望，品質，服務越做越差，睇得出管理都好有問題。

今天8:30pm叫外賣,服務熱線告訴我要9:15pm先可送到家中，但9:35pm致電追著外賣但比3⃣️個接線生敷衍了事，結果外賣至今消失了！平時都唔覺得門市咁忙！

夜晚成班人有啲肚餓，想搵啲嘢食，但又唔想落街買，最好嘅方法就係打電話叫外賣，今次揀咗KFC嘅外賣速遞， 12件雞，原價$276 ，特價175 ，有12件雞，六個人每人有兩件，外賣速度都算好快，唔使半個鐘就送到，最大好處係唔使天寒地凍落街買，啲雞送到黎嘅時候仲係熱辣辣

KFC嘅雞不嬲都係宵夜首選，叫定先，到時送來，我叮番熱佢就可以食，又唔係真係好差，所以今次返工都有叫KFC，諗住做深宵嘅一點安慰，點知令我好嬲嘅嘢就發生左啦。😡😡😡😡😡😡😡😡😡😡😡😡😡😡😡話說我下午四點鐘左右就喺網上落單，叫咗四件狂野鄉燒雞同四件蜜糖雞翼，然後有電郵確認我嘅落單，跟住夜晚8:00加單，打咗去2180-0000，嗰位仁兄都有確認同我講已經加咗單，咁我就滿心歡喜咁返工，諗住夜晚有得食😡😡😡😡😡😡😡😡😡😡😡😡😡😡😡點知到咗預定時間，即係10點半送來嘅時間，佢都冇送到，到12點都係冇人影，完全無人通知過我話要取消呢張單，結果我夜晚就冇得食🤧🤧🤧🤧呢個經歷真係好嬲😡😡😡😡😡😡😡😡😡😡😡😡😡😡😡😡😡跟住我嬲到打send 電郵去客戶服務中心投訴，先至有個分區經理打電話俾我，話可以賠償返俾我🤦🏻‍♀️呢個經歷真係令我以後都唔敢再叫KFC😣😣😣😣😣😣😣😣😣😣😣😣😣😣😣😣😣

生日派對過時過節朋友聚會kfc都係走唔甩之一，係公司收到佢傳單，見到牛油蜂蜜炸雞心思思就叫左因為叫佢個餐唔係咁抵，所以我淨係額外叫咗兩件黎試，老實講其實味道係OK嘅，不過我都係鍾意佢原本辣味另外葡撻都係走唔甩

之前網上見到日本推出chizza, 就覺得好似好好味，好想食。心裏諗香港幾時會有，唔係要特登飛去日本食咁誇張掛。 香港推出之後，今日終於有機會試。一上官網睇，一定要外賣速遞，咩事呀，點解唔可以堂食，點解唔可以親自去買。 依個都唔係主要問題，但等一個外賣竟然要2小時，係想趕客，定係一種噱頭 （而我同KFC距離不過5分鐘路程）等左2小時，外賣終於送到。一打開，一股想講粗口嘅諗頭立即湧上黎。 大失所望，粉仲多過肉。外層係啡色，一睇就知油炸時間過長，而且油用左好耐，另外，竟然唔係熱，只係少少暖，芝士已經凝結左。優點：一樣都無缺點：1。等候時間超級長2。價錢昂貴3。食物品質低總結：奉勸所有人唔好食，普通炸雞反而比較好