肥波燒餅 (已結業)

肥波燒餅因租金問題要撤離油麻地喇。。。Last day 18 Mar 2018 😿 好似話搬入屯門。 唯有好好珍惜這幾天。來一個重量級吖，唔該！味道和份量依然這重量級燒公爸餅依然是摰愛。材料包括: 烟肉、雞肉、菇、椰菜、吞拿魚。加上照燒醬和沙律醬。上面還舖滿紫菜和木魚絲。雖然它多菜少肉又滿足~ 想不到它成我的comfort food 😍「肥波燒餅」，多謝你在這幾年的照顧啊~ 日後到新店探你！祝新店生意興隆！事事順利！😊…查看更多

其實我都幾鐘意食章魚小丸子, 燒餅之類。雖然我未食得晒全香港咁多間燒餅店, 但肥波係我心目中都算數一數二。先旨聲明。如果你對內在環境好高要求, 這店不合你。肥波間鋪無高貴的裝潢, 以最簡樸最平凡的面目見人。因為是即製, 每件餅也要等10分鐘左右。這裡的燒餅款式很多元化, 有牛肉, 有雞肉, 也有素食可選。而我最愛的是肥波燒餅, 因為有魷魚和蝦仔, 也有煙肉, 煙肉的油可讓椰菜更資味。而每件餅上層也有燒汁, 美乃茲, 與及紫菜, 木魚等,燒得香口卻沒有過火, 熱辣辣就最好食, 。肥波燒餅的價錢分兩種, 細胃口淺嚐的可選薄的, 二十幾塊錢就有交易。但是我實在太喜歡這裡的燒餅, 所以我每次叫也會叫厚($45)的那種呢~…查看更多

每次睇戲未夠鐘都會嚟食嘢。見佢位愈來愈多，佈置愈來愈花思，選擇愈來愈豐富，暗暗戥佢開心。愛到這裡因為燒餅有我喜歡嘅材料 ----- 椰菜和味道，而且店主友善又用心經營。 多數會點「肥波燒餅」。 今日想食多啲肉，點要了重量級薄批。 如果不喜歡太多沙律醬和燒醬的話，可以麻煩店主少醬。味道也不錯呢。 燒餅加六蚊會有杯熱飲。另外亦有套餐可供選擇。…查看更多

喜歡到電影中心看戲，不知何時開始，這間幾乎沒有裝修，獨沽一味賣燒餅的古怪店舖就開張了，讓趕看戲的我，多了一個選擇。老實說，光看肥波都格局，是不吸引人的那種，幾張木枱木椅，以前連冷氣都沒有。但肥波就係一副我係咁架喇的態度，吹佢唔漲。那來的自信？我入去食過一次，明哂。獨沽一味的燒餅，因為佢真係足料，好味。吃過一次，以後都常常幫襯。最近發現肥波多了變化，有了炒雪糕，有加了冷氣，還有餐牌上還多了很多選擇。其中新出的日式叉燒燒餅，啲叉燒非常入味，有口感，下次應會再試。燒餅分大細，可惜對我來說，細有點不夠飽，大又太飽，如果可以有個中size便好。還有一點可改善的，就是餐具可唔可以唔好用膠盒？我相信顧客都住願意多付一兩蚊，用啲可循環再用的餐具。現在的小店買少買少，難得肥波仍在鬧市中堅持，真係要多多支持！…查看更多

今日同男友去油麻地嗰頭 唔想食太連鎖既餐廳 結果去左呢間肥波燒餅 上網啲人話佢呢個燒餅係八爪魚丸style既燒餅 而我又幾鍾意食八爪魚丸既 即管試下啦叫左一個重量級肥皮燒餅(薄) $40, 一個炸物拼盤 $59, 一個自家醬汁撈面 $25 (?)好快已經聽到開爐整燒餅既聲音 五分鐘後己經有得食賣相幾吸引 因為我本身鍾意食紫菜 燒餅上面既紫菜都幾多 又有木魚絲同醬汁燒餅好足料 真係啖啖都有料 唔似平時啲八爪魚丸咁得啲面粉食到一半 係有少少咸既 不過都可以接受重量級肥波燒餅 味道: 4/5之後就到撈面 麻油味幾香 個面岩岩好 唔會太淋 撈面都係咁上下吧 不是太特別 味道: 4/5炸物拼盤係等得耐左少少既 不過唔趕時間唔緊要啦個拼盤有 一口炸芝士,豬肉餃子,雲吞,三角薯餅各2件,本身仲有4塊蝦餅. 不過老細話無蝦餅,可以轉15蚊既小食 所以就叫左秋葵(6條)小食炸得都幾好 唔會過左龍 炸芝士係幾好食 不過有點膩 幸好同男友1人1舊LOL豬肉餃子係韓式嗰種 (但餐牌上散叫既豬肉餃子寫明係日式既,所以呢方面唔太肯定到底係日本定韓國既...) 唔理啦 好食就得啦 總括黎講 拼盤味道: 3.5/5今次既食評就講到黎呢度喜歡食八爪魚丸既朋友 如果咁岩行開呢頭 就黎呢度試下個燒餅啦支持小店!…查看更多

傾盤大雨路過舊xx地差館，見倒肥波冷冷清清，一位客人也沒有，於是我走入內避雨，順便叫了一客肥波燒餅祭祭五臟廟 。店員是位年青女孩，態度很nice，她說燒板剛弓發熱，燒餅要等十至十五分鐘，我說沒問題。她便等爐燒熱後烤一份給我。與其說燒餅，其實是一份沒有麵粉製作的椰菜燒煙肉魷魚，即叫即整，然後在上面加上沙拉醬，木魚和紫菜，非常日式。味道方面，很盪口新鮮，沙拉醬是我的至愛，但材料不是夾得很完美，所以減去半粒星，變成三粒半星。另外小店裝修很簡單，只有兩張檯和幾個張凳，除了燒餅，還有炸物及其他炒粉麵飯，飲品另計，滿四十元可獲半價飲料一杯，麵飯價錢計起平均比地道茶餐廳套飯貴了一點點。未試過燒餅的朋友不妨一試。…查看更多

在油麻地一個不是太顯眼的地方，但今日咁岩行過，見係開左新嘅炒雪糕，看來不錯。 價錢不是太貴所以就試一試. 每一杯 HKD28. 可以選擇一個味道， 同埋三種配料. 我選擇左菠蘿味雪糕， 配左朱古力醬，蘆薈同埋朱古力豆。他還有很多未同埋配料選擇. 味道都不錯，但我覺得可以在好D. 如果佢將啲配料一齊炒會唔會更加好味？🤔🤔因為佢將啲配料擺喺雪糕上面有一點怪怪的😅😅. 之前試過其他，都會一齊炒. 但不妨試一試，我覺得佢比其他地方嘅炒雪糕底. …查看更多

睇完最近飲食雜誌的報道，已經心思思想去試下。 親身試過，才明白老細下的苦功! 位置雖然離油麻地站少少遠，但都只是十分鐘還少的路程。食物方面，今次試左 重量級肥波燒餅和牛肉燒餅加芝士。 燒餅算足料，有許多菜，算得上健康和好味。食完有飽肚的感覺。 價錢方面個人就覺得ㄧ般。 勝在許多款式的燒餅和炸物。，亦有套餐可以選擇。 不過，鋪面比較細少，只有兩張枱，八張椅子。 遇着午飯時間，等唔到位的朋友，我都冇辦法幫你了，只好建議外賣了! :)…查看更多

有一日我同朋友一齊食，去了那里叫了肥波燒餅和鸡肉燒餅。當時鋪里面没有雇客。我們太幸運，燒餅用了5分鐘之內是完成。 我們開始吃，那份量是足以令1人去吃，我個人認為料足，粉少菜多，醬太多，好重口味。 可惜今次試不到老板娘(肥波)手勢，只試了老板的，下次會再去…查看更多

今日黃昏去油麻地睇戲,睇之前想食少少野頂下肚先,轉角位就見到間無咩人既店,見佢寫住燒餅諗住係上海北京果D,但望望下原來係日本果D喎~咁就吸引左我入去~望下餐牌都幾多選擇,唔係淨係得燒餅既,仲有炒飯炒面套餐小食等等~肥波燒餅—好多料!!!但食落又好似多料得滯,唔係好食到面粉/澱粉質既感覺,只係食到肉,醬汁同埋好多生菜XD炸秋葵---平時食秋葵好多時都會有好多杰撻撻野出黎,不過如果識得整就可以大量減少,呢度都做得OK,用大火快炸,等佢D分泌物未出黎已經整完食埋~~~無咩調味,但咁先至健康嘛(感覺上?XD)如果你諗住食傳統關西燒,呢度就未必岩你,但都會係一個醫肚既好地方~…查看更多

路經油麻地，餓腸轆轆，心血來潮記起想幫襯了很久而從未成事的肥波燒餅，便決定今日坐言起行！肥波燒餅舖位零裝修，只有兩張摺枱，餐牌就掛在牆上：我們最後選了＂二人行套餐＂，包括一個厚燒餅、兩個炸物和兩杯飲品。吞拿魚燒餅燒餅做法跟日本的類似，都是勁大堆椰菜，加入餡料燒熟，最後淋上大量醬汁。做法相似，但賣相不同，這裏的燒餅放在膠盒中，雖然看上去不怎麼樣，但本人認為這樣絶對比放在碟上方便食用得多味道出奇地好，椰菜新鮮爽甜，吞拿魚餡份量不少，放在上面的紫菜和木魚絲又多又脆，醬汁極惹味，超正炸蟹肉忌廉薯餅＋海鮮春卷燒餅叫人驚艷，炸物則不甚了了兩者都是普通正常水準，忌廉薯餅質地頗幼滑，滑得有點膩⋯⋯小店經營有誠意，相信所付價錢都花在食物而非舖租裝潢上，下次一定再來支持支持…查看更多

近年的油麻地，對我來說是很熟悉又很複雜的地方，因為四年前我因病入院失業後，曾經在醫院在油麻地炮台街的職業治療部，經歷過醫院的就業主任輔導，也經歷很漫長的職業再培訓的課程和轉介。另一方面，油麻地駿發花園的電影中心，曾幾何時是電影愛好者的勝地，尤其是美國奧斯卡電影頒獎典禮前一兩個月，電影中心曾經擔當着，播映提名熱門電影的重要角色，是外國電影的愛好者，留意外國電影的人如我必到之地。駿發花園附近的本土食肆不算特別多，再撇除大酒樓酒家，剩下的不少是我以前在炮台街進行再陪訓時已經想光顧很久的食店，例如電影中心附近的「肥波燒餅」。「肥波燒餅」樓面面積不大，能夠放置的檯和櫈亦不超過五六張。「肥波燒餅」沒有所謂餐牌可以看，因為所有餐單都已經寫了在牆上的黑板上。「肥波燒餅」一般賣的燒餅，其實是指類似日本燒餅的食品，在鐵板上淋上麵粉煎成圓餅，或者在鐵板上以炒麵煎成圓餅物體，再炒熟一些蔬果肉類在圓餅上，最後淋上調味醬汁完成。在日本各地，都流傳不同類型，不同口味的燒餅，如大阪燒、廣島燒、文字燒等等菜式。在東京旅行期間，我曾經有想過吃廣島燒或文字燒，無奈家人對燒餅的興趣不大，所以最後都沒有付諸實行計劃。「肥波燒餅」的同名招牌菜，肯定是光顧試食的必然首選，它的吸引力，遠遠勝過其他燒餅菜式。「肥波燒餅」的燒餅，共有厚薄二款不同份量供食客選擇，厚版燒餅價錢比薄版貴約五成至六成左右，例如較多配料的「重量級肥波燒餅」，厚版價錢就比薄版昂貴約六成有多，想加配料或加錢的話就要加更多錢。其實我不是太喜歡吃虧的人，但是厚版「重量級肥波燒餅」價錢要六十八元，比薄版昂貴約二十八塊錢，那麼我便會有所疑慮，最後寧願先試食較便宜的版本算數。給了錢後，看着老闆一個人默默耕耘，努力準備材料，一個人在開動爐具烤燒餅，全程沒有其他店員伙伴可以幫忙分擔工作。老闆一個人同時應付，店內包括我在內的一眾客人的燒餅訂單。等待十多分鐘，老闆終於完成我點的薄版肥波燒餅。「肥波燒餅」的燒餅跟日本燒餅店的最大分別，就是「肥波燒餅」人手有限，為了省掉洗碗的工作，盛載燒餅的餐具都是塑膠外賣飯盒。單從外表看「重量級肥波燒餅」，很難即時讓人意識到，它原來是從日本鐵板燒餅的燒餅概念複製過來的美食。先用筷子夾起其中一塊重量級肥波燒餅試食，從它的味覺告訴我，這燒餅既是有點像日本燒餅，但是又有點像平日在街頭會吃到的「章魚丸」。因為「重量級肥波燒餅」的表面有很多紫菜、粉漿、章魚和木魚碎，再淋上大量日式醬汁和沙律醬，所以第一口試食的味道像在食外賣燒章魚丸。但是再夾起燒餅來看，看見燒餅夾層內除了有雞肉、牛肉、煙肉和海鮮外，還有很多類似薯絲的物體。只是所有食材混合在一起，筷子夾起燒餅後，已經看不清楚什麼材料打什麼材料，所有材料的口感和滋味仿佛全部被齊集，沙律醬令燒餅的味道濃得幾乎化不開。所以試食完「重量級肥波燒餅」後，還是發現它的真正身份，還是日本風的鐵板燒燒餅。在街邊吃一餐燒章魚小丸子，不用花四十六十多塊這麼破費，但是在油麻地街頭，在「肥波燒餅」吃一頓這麼多材料，口感這麼豐盛鐵板燒燒餅，給四十元這個價錢，於我而言已經賺了不少。…查看更多

好一個低調高手，兩三年前已經經過此店。我心諗，响呢區，大排檔，賣日式燒餅。都係唔得多架喇，加上價錢又唔平。最近，睇到網上介紹。好喇，試下喇。order 咗一個肥波招牌燒餅(厚),店主即時泡制，完成加上木魚碎，沙律醬。味道不遜色於日本當位地舖頭，醬汁酸酸味味，令到整件事都唔同晒，👍👍👍。如果能加上一D紅酸羗，感覺真係好似去咗日本咁。…查看更多

唔係第一次食, 食過好多次, 本身都覺得唔錯 但係, 今次真係太過份!!!!如果係本身有小小黑左都仲可以接受, 問題係成個燒餅個底大部份都係黑色,本來都諗住算啦, 簡左黑色個D照食, 可以簡到咁多黑色連D配料都可以黑到咁, 唔明點解咁都可以賣出去比客人食!!…查看更多

前曰(19-11-2016 Sat)同老公去電影中心,睇Openrice送o既”給兒子的安魂曲”電影,睇完後搵o野食,我記得朝早上網時見到呢間,就帶佢行o黎搵,見到喇.老公睇完menu話食呢間,啊.我o地決定要$82.00o既二人行套餐,有一個$45.00以下o既燒餅,$15.00o既炸物,豉油雞中翼兩隻同飲品兩杯,凍飲加$3.00.老闆話冇豉油雞中翼,可揀多一款炸物代替.我o地就揀$45.00厚o既肥波燒餅,$18.00兩件o既三文魚蝦春卷,$15.00六件o既炸秋葵,老公加$3.00飲凍檸茶,我要熱好立克.幾分鐘後,兩杯飲品到o黎,老闆同我老公講,檸檬已經篤o左,冇耐,厚肥波燒餅到o黎,老闆話呢個係煙肉海鮮燒餅,好快,兩個炸物都到o黎,樣樣都到齊,咁就開動喇.我先食厚肥波燒餅,紫菜同木魚下面有好多椰菜絲,撈埋o黎食先,沙律醬豐盈,鹹鹹地滑滑地,裡面都有幾多煙肉同八爪魚,成個燒餅都熱騰騰,味道同口感正常,但可惜o既係,我o地見唔到燒餅o既形態,因此嚴格o黎講,唔係燒餅.而三文魚蝦春卷呢,外表同普通蝦春卷冇乜分別,要食落至知,內裡係有三文魚肉,食到點點o既三文魚味.最後到炸秋葵,炸漿好薄,秋葵OK唔乾.至於杯熱好立克,唔算好甜,正常o既.…查看更多