肥哥車仔麵

肥哥車仔麵真係由細食到大，食咗十幾年，突然醒起我未寫過食評，今日補上啦！😆 講真，肥哥係石硤尾白田一帶出晒名！佢 嘅辣味絕對獨一無二，出面未試過食到呢種辣味佢用新鮮薑片、洋蔥同指天椒慢慢熬製，辣唔單止猛烈，仲帶層次分明嘅暖胃感覺，每一啖都過癮到爆，辣星人絕對中意！🌶️🔥最推豬紅唔易碎好彈口，大腸入味軟腍，無半點臭味，煮得恰到好處；加上豆卜吸晒湯汁，好惹味，配埋滑溜河粉，啖啖都滿足，湯底濃郁鮮美，簡直一流享受！🍲🥢 不過，如果唔食辣嘅朋友嚟呢度，可能覺得普普通通，辣度會蓋過其他元素。但對我哋愛辣一族嚟講，值得專登衝嚟試，辣得夠正！😋其實整體嚟講，除咗價錢稍貴少少，其他真係無可挑剔…查看更多

親眼睇住啲呀姐徒手將淥完嘅菜、餸、麵抓落碗度，放錯碗都係用返五隻手指抓起放落另一碗，唔怪之得食完肚屙咗成晚，成間舖全部呀姐都冇衞生常識，摸完枱走入去淥麵，係咪可以報食環？永久black list!…查看更多

見面不如聞名，老闆嘅氣焰好有老細嘅風範，唔會理你喜唔喜歡，總之佢覺得自己嘅出品系最好。油麵-正常野蘿蔔-的確係冇根，口感太淋豬腸-賣相非常一般，冇豬腸嘅香味，睇落仲以為係好瘦嘅鵝腸雞翼-肉質死死實實，只係靠佢嘅特製辣汁掩蓋味道，最離譜仲係凍嘅牛腩-韌，好似牛腩碎，得三四件，同老細反映。佢串串噉話，我哋係用新鮮牛腩嘅，你唔識食嗻湯底/秘製辣汁-根本就係洗腎系列，鹹到冇朋友，食過一次唔會再想食，食完口渴到冇朋友。純屬個人意見，可能我唔鍾意重口味。座位-我坐商場嘅走廊位，一望右邊另外一間鋪頭嘅廚房，就見到一塊老鼠膠板，上邊仲有好多老鼠屎。…查看更多

轉頭應該又俾人以為我係Foodie🥹因為我真係想講呢間嘢真係好好食係搞到我成日都好想再去可惜因為對於我嚟講石硤尾 真係平時我唔會去嘅地方但係如果食辣嘅，你哋係一定要試一次不過都唔容易去㗎，因為星期日佢唔開星期一至五就係收5點零鐘。我平時真係完全唔食公仔麵，但係佢依間嘅公仔麵我真係完全抗拒唔到。我問咗佢哋好多次究竟依款係邊隻公仔麵，但係佢都答我商業秘密。☹️☹️不過我覺得就算我有呢隻公仔麵，都唔會有佢嘅辣汁配合🥹佢哋嘅菜呢仲要係例如嗌西洋菜湯底唔係平時嗰啲清湯我覺得你哋一定要食啱餸：豬腸、牛腩（㩒牛薑）、蘿蔔、炆豬手、鳳爪。平時食車仔麵我一定揀油麵，但係依一間真係要揀公仔麵。你哋試過就知我講咩真係好正好正好似食緊零食咁因為佢好夠硬！！呢個就係牛薑，口感好特別🫶🏻…查看更多

石硤尾肥哥我每一兩個月會食一次今日叫咗牛腩豬紅支竹公仔麵（小辣)，承惠52蚊(補充：我平時食開譚仔五小辣)我會自己帶定清水一小樽，怕辣到傻咗今次好鬼失望😭我份牛腩多部分係牛筋，幾乎無牛腩🥴個公仔麵煮到好硬😑支竹/豬血，現成嘢，唔係差姨姨依舊好友善點解今日咁差？！發現今日老闆（叔叔）唔喺度變咗一個女士煮嘢..….地址：石硤尾偉智街38號55號舖福田大廈地下完-------------------------…查看更多

肥哥車仔麵📍：石硤尾偉智街38號福田大廈地下55號舖🚗：石峽尾地鐵A出口 步行8分鐘📞：+852 2777-3089💲：~HKD60-70/head for lunchFood quality✔️：油麵、蘿白、牛腩👌🏼：豆漿、雞尖、豬頸肉、豬紅、河粉總結：😋我諗石峽尾嘅朋友冇人唔識肥哥 由我中學食到宜家 物價都升咗唔少 不變係肥哥串串貢嘅性格同辣到飛天嘅黃辣醬🥹😋車仔麵本身係街邊平民麵食 呢幾年變得愈嚟愈貴都令我不其甚解 呢度啲餸都要$10up但至少都係肥哥用心烹調 食得出同其他檔嘅分別 所以唔會有好唔抵食嘅感覺😎😋麵嘅選擇好正路 餸菜都冇話特別多 但有灼鮮牛 鵝腎 豬腸比較特別嘅選項 個人覺得牛腩好食 雖然睇落好碎 但好淋身 嗰牛腩汁配黃辣醬係精髓 辣🔥得好過癮 食辣嘅朋友一定要試肥哥嘅辣醬😋蘿白無渣又大塊 又係炆得好淋身 正👍🏼🤔其餘餸都唔錯 份量都足夠🤔唔太食辣嘅朋友要注意⚠️佢嘅辣係唔惹小 建議比平日食少一個lv 食開小辣可以食微辣 我最後頂唔順到姨姨好好人咁幫我整淡嗰小辣😣😨有潔癖嘅朋友要考慮下 室內位置唔多有可能要坐路邊 所以關注衛生嘅叫外賣好啲😣…查看更多

👀叫左個牛腩蘿白車仔麵🍜價錢都唔算平，兩餸$44 一餸大約十零蚊，份量唔算多🤑麵底ok la ，都係個啲🤐黎到啲牛腩，我揾唔到啲腩，舊舊都肥膏同個員工講，佢話係咁架啵個老細都話係咁，係半肥瘦，但我揾唔到瘦既部分，所以無野食...但老細話係咁，係我地食唔慣新鮮牛腩....咁你都咁講🥱是但啦，可能係我唔識野，肥膏都係牛腩一部分....蘿白我個人覺得個味調得太甜，雖然無渣，但個味好一般加上我怕好辣，又想試下啲，所以想叫分開上啲辣，但原來要加$5 🤑🤑🤑…查看更多

1月3日昨天逛去白田，見到肥哥車仔麵，雖然已經吃過午飯，還想試吓；我點咗傳統的豬皮、豬紅、冬菇和支竹加B B辣；一吃就覺得，味道很香、正，蒜香味的濃湯、加上少少辣汁。嘩！是久違了的車仔麵味道，原來係呢間車位麵店可以食回👍👍。旁邊的食客話，這裡的豬大腸、牛腩是新鮮食材，很出名及好好味的。但不知道是不是冬天關係，如果個湯底再加熱點就完美了😁。味道真的不錯，已經約咗下次帶埋家姐去食啦！👍👍😋😋…查看更多

雞尖、豬腸、係唔錯、好淋、好入味、不過湯底太濃、微辣都好辣、牛柏葉完全唔掂、鉸剪都剪唔爛、份量唔多、但價錢唔平、一碗咁嘅嘢、加罐可樂，可以賣到$74、抵唔抵食就真係見仁見智😌…查看更多

久仰大名嘅肥哥兩碗車仔麵$115 真係貴咗啲嘅，聽聞餸嘅份量唔多，所以叫咗三餸，的確份量等同平時嘅兩餸🫣油麵$12冇哂米粉唯有食油麵～隔離街坊及肥哥強力推介公仔麵🤔我唔係好慣車仔麵食公仔麵，不過目測係比較彈弓麵條嘅，唔係淋身果種可能都掛湯！蘿蔔$15車仔麵必點，肥哥話係功夫野，因為炆到入哂味，同坊間浸湯唔同喎⋯⋯但我就嫌佢過份稔，我鍾意食爽蘿蔔嘅。不過喜歡稔蘿蔔嘅老公都表示唔好食，因為啲蘿蔔睇相都睇到係唔靚嘅，蘿蔔皮好明顯刨唔清，不過夠哂入味食落唔覺囉…牛栢葉$15 好難咬開好大嚿又冇味，建議唔洗試鮮牛肉$17 比我想像中好喎！滑牛咁，但係入味嘅，不過得3-4片….真係離譜咗啲牛腩$17都幾好食，碎少少，仲有牛筋勁稔勁入味滿滿骨膠原😍肥哥一直proud of自己靚料高成本所以價錢合理我話你哋唔係sell平，不過心機嘢，會食就食我叫左小辣，比平時中辣多啲啲，辣味有層次不過又未至於驚為天人，可能比較辣，我飲咗好少湯，但湯係夠味嘅，辣汁帶有好多薑，雖然話用咗幾十種辣椒🌶️但唔係我食完好難忘又唔係想追住食嘅辣🤔 再訪肥哥，因為上次佢推介我公仔麵同雞翼仲未試公仔麵$15超幼身版，曲曲公仔麵，唔鍾意食淋麵就岩喇雞翼$15滷水味唔多覺，真係可以唔試牛腩$17今次再叫咗牛腩，因為上次食過佢嘅新鮮牛腩乜都有，牛筋係超淋同入味不過份量兩餸麵係完全連我都覺得唔係好飽平時食華記兩餸麵係好夠飽上次食小辣完全唔係好飲到湯本身嘅味道，今次叫返微辣😅但好似完全唔辣咁（肥哥話呢度微辣=出面嘅小辣）但湯頭又唔覺華記滷水湯咁濃，腩汁又唔夠榮記嘅濃可能真係要好喜歡佢嘅辣先會再encore價錢係比較貴，態度還好，好彩夏天有冷氣房坐終於試哂肥哥menu想試嘅款式#由細到大都鍾意食車仔麵…查看更多

作為食客嘅我，最近食咗一碗禁差既車仔麵，但係真係好差劣。碎牛肉同牛柏葉份量勁少，而且質素都好差，完全冇新鮮口感，真係好差。加上湯底勁咸，令到味蕾喺收到啲咸味，完全冇味道，仲唔健康。最後，河粉嘅質素都唔好，冇足夠嘅口感同韌性，真係好失望。總括嚟講，呢次車仔麵食品體驗真係好差劣。食材質素、份量同味道都好差，令我覺得好失望同唔滿意。如果你而家揾好食嘅車仔麵，我建議你唔好嚟呢間餐廳啦，因為呢度嘅食品質素真係好差，一分錢一分貨。總之，呢次食品體驗令我好失望，我唔會再去呢間餐廳食嘢啦。！…查看更多

呢間車仔麵最出名係辣汁，有香濃嘅蒜香洋蔥味，而且比出面嘅車仔麵汁辣，好似係其他地方食中辣/大辣嘅我，食呢間小辣已經好足夠🥵今次配搭係鵝腎豬皮米粉，鵝腎係ok嘅，但如果切厚少少就會更有咬口，豬皮索嘅啲辣汁，好食😋米粉軟硬適中，但略嫌份量唔夠，食多少少野嘅人應該都要打底店舖坐位係室外，如果天氣熱又想食辣野，可能外賣買返有冷氣嘅地方食會舒服啲～…查看更多

肥哥出名辣汁我唔食得辣 次次都係食原汁原味🤣我必食餸包括: (排名分重要先後)豬腸 牛腩 豬頸肉 雞翼 蘿蔔 響鈴 支竹 貢丸 時菜一碗麵可以飽成日🤣因為肥哥開嘅時間得星期一至六，下午五點就收爐 唔係成日都就到時間食所以一食就食返夠本！留意返 時菜日日都係肥哥自己去揀所以日日都唔同 有時會有豆苗食🤪…查看更多

食評！youtubers ! 交通唔方便，坐104過海巴士行少D路，坐MTR行幾個街口，天氣熱不要去。三餸, 油麵12，大腸17、牛腩17、魷魚15, t otal=61，大腸內冇肥膏冇腥臭味清潔乾淨切'到細細件4嚿，牛腩仲特別又係切到碎濕濕畀一粒骰大少少4粒有硬有碎味道，魷魚又係切到細細件似筷子4件。唯一一讚，食完唔口喝。中辣，辣椒碎內有加大量薑一同煮。食物切得細少不知道是不是遷就老人家…查看更多

肥哥車仔麵深水埗區數一數二好食既車仔麵環境普通，坐係街邊，價錢都偏貴。但係食材同個辣汁絕對值回票價!今次叫左豬手牛腩蘿蔔油麵 中辣豬腸 鮮牛 幼麵 微辣豬手唔會太淋，淋到一夾就散。而係有咬口，有好香既醬香味!牛腩偏碎，唔係坊間既大大舊，老細話係新鮮牛腩，所以就算碎都可以接受。牛腩入味，有好香既滷水味。蘿蔔大推! 蘿蔔大大舊，係炆到淋身果種，有時會食到有渣，應該批皮批得唔夠深。本身炆到好入味，配埋辣汁真係好好食。豬腸豬腸冇異味， 肥瘦適中，滷水味好香! 必叫灼鮮牛牛肉新鮮，有肉味！淨係呢樣已經足夠，唔洗過多既調味辣汁好辣，如果食唔到辣既都係叫微辣，食到既一定最起碼要小辣! 辣汁唔係死辣，就咁睇見到有有薑、洋蔥、辣椒、蒜等等香料，辣醬好香越食越上癮!唔知係咪辣汁有時撈唔勻，如果點微辣或者小辣有機會得辣味，冇香味。 基本上中辣就好少呢個問題。總結個辣汁同餸絕對值得一試再試，可以話係全港數一數二既車仔麵。但麵底水準參差，油麵 幼麵就正常。但河粉好多時候淥到碎晒，夾唔起。佢既公仔麵都唔係出前一丁、公仔麵或者大光麵呢款質地，而係更加幼身，本人就麻麻呢款麵底。…查看更多