肥仔銘茶餐廳

營業中

休息中

#肥doi遊新蒲崗新蒲崗食晏選擇都幾多，今次就經網上外賣平台叫左肥仔銘既外賣，送到黎仲係熱辣辣，唔會因為外賣影響左佢原本既質素！今次主要叫左一啲炒飯同炒烏冬，食物味道同一般茶記差唔多，但係份量都幾多，女仔晏晝食未必食得晒，價錢都幾合理，即使我經網上外賣平台叫都你50幾蚊一個飯（雖然唔包野飲），堂食就40幾蚊一個，都幾抵食！#楊州炒飯唔會偷工減料，飯入面好多餸同埋蝦，食落都幾乾身唔會好油。#肥仔銘粒粒炒飯飯如其名，啲飯真係炒到一粒粒，炒飯入邊有紅腸火腿蛋絲，雖然只係一個普通嘅炒飯，但係火候十足，令呢個炒飯變到好有鑊氣！#乾炒豬扒烏冬豬扒好鬆軟，唔會癡牙，烏冬都唔會煮得太淋，如果唔鍾意食芽菜或者洋蔥可以叫佢走，因為成個烏冬都好香芽菜同洋蔥味。另外，可能我哋係叫外賣，食嘅時候就係爭啲辣醬，就係爭左啲啲就唔夠完美！#招牌貴妃雞飯 午市黎講，經網上外賣平台叫呢個飯都係40幾蚊連野飲，絕對係抵食之選。不過味道方面，就同普通切雞飯差唔多，唔算特別。

起床已過午飯時間，正可吃個下午茶餐開工。搵食期間見這小店坐到出門口，就試試。店面不大，放4張6人枱，門外再放3-4張。提供很多組合的麵餐，下午茶餐等。最後選了午白咖哩豬扒意粉+凍齋啡 $44豬扒挺大塊，又入味，意粉也不錯；白咖哩汁的咖哩味略輕，重味點會更好。醬汁濃度剛好掛在意粉上，ok!凍齋啡也不錯，夠香濃。另一半選了麵餐E $33；沙爹牛肉通粉，沙爹醬做得不錯，牛肉片也多，惟有2,3片比較韌，煎蛋與火腿正常，麵包軟熟。華田走，阿華田濃度可以, 不會只有顏色而沒華田味。離開時見到鄰枱點的干炒牛河，賣相吸引，可再來試試。

發現新蒲崗原來係黃色經濟圈地帶！今次首先介紹黃到金茶餐廳，學生哥黎寫低「香港人_ _！」就有飲品送💛 xo醬仲係招牌產品。老實講食物質素唔算特別出色，係正常茶餐廳發揮，不過老闆員工服務好友善，價錢合理，住果頭嘅去食下早餐午餐下午茶都幾好。💛黃店認證：參與罷市；收入捐星火；fb po文宣；店內貼有抗爭祝福圖和你鈎鎖匙扣宣傳。.👓自家製xo醬豬扒飯 $46xo醬另上，可以自行調配份量撈飯食，份量都比得好多，當中有好多蝦乾同辣椒，所以味道明顯比平時食嘅辣，係中辣帶點鹹。豬扒好大塊係有調過味，但吾係果種炸到脆返香脆果種。飯底多，有椰菜伴碟。評分：6.5/10👓法蘭西多士 $16面頭炸到脆，不過麵包唔夠鬆軟同厚身。評分：6/10👓香脆炸雞翼 $25/4隻缺少咗酸辣醬，整體無麥記好食🥺不過就咁原味都夠味嘅，炸得香脆唔算好油膩。評分：6/10

肥仔銘既XO粒粒湯通粉 超好味😋！樓面姐姐態度好好 又欣勤 主動問洗唔洗加埋茶粒 話健康啲同食落口清新啲！個XO醬撈埋湯底 一流！👍🏻👍🏻又香辣又鮮味！係出面食唔到既野 ！仲聽到其他客講原來有好多隱藏餐單 係可以自己去發揮叫！野食又好味 樓面姐姐又好服務！又請學生食飯！加油呀！下次會試埋你好出名既 見到隔離枱食緊大大件熱香餅 炸豬扒 好吸引仲有炸雞髀🍗都好想食！強烈要求開夜啲

💛💛💛黃店推介💛💛💛又到lunch time啦，今日揀咗一間離公司遠少少嘅黃店食—肥仔銘茶餐廳。呢間茶餐廳本來lunch time有好多學生哥食，但停課之後就少咗好多生意。但佢都仲繼續多次派發抗疫物品，又表明肯請被捕手足。仲曾經免費派豬排飯比學生💛 而且服務態度非常好，店員都好有禮貌好主動同好helpful。今次就黎食吓佢個招牌XO醬先！招牌XO醬豬扒飯 ✨XO醬係另上嘅，可以按自己鍾意嘅份量加。個飯都幾大個，女仔可能會食唔曬。豬扒好香口好好味😋XO醬好正，但食到尾會覺得偏醎少少，不過送飯係好match！價錢都好平民，下次再黎試其他嘢😛

第一次去，亦會係最後一次價錢便宜但食物質素同態度都差叫左兩個下午茶餐，一個星洲炒米，完全冇咖哩味一個餐可以揀3款，叫左西多，火腿卷同漢堡扒首先已經等左好耐，一黎到，漢堡扒變左薯條，同落單既阿姐講錯左，佢唔認，話要拎番寫果張單睇，睇完，真係佢落錯左，就話：不如算啦你食呢個啦錯就係錯架啦，咁都得？！ 講左我唔想食薯條，唔肯換，咁既服務態度都得，好野講番野食，西多同火腿卷都極油膩，仲話火腿卷係招牌菜，真係笑左出黎，招牌菜都咁難食，而黎錯左迫我地要既薯條，炸得極燶咁既餐廳真係一次夠晒

茶餐廳免費派豬扒飯俾有需要嘅學生，非常值得大家支持呀！！！🍜自選麵餐雙拼（$32）五香肉丁+餐肉麵水準麻麻地喔😕餐肉厚薄適中，但煎得唔夠香口五香肉丁唔夠辣...對於辣控嘅我嚟講有d失望，但加d辣椒油係可以補救得到嘅😛🍜迷你干炒豬扒公仔麵（$38）雖然話係迷你，但豬扒都唔算細件呀！ 公仔麵炒得好香，好好味！唔油膩又唔太鹹👍🏻💯between... 西多士只係$16咋😱下次會再嚟食喔！！！！

Very good local feeling stalk and food are tasty! I will come again next time if pass by. You can have local hk food here but course not to expect v comfortable sitting. And the important thing is there is a Good owner with kind heart! 👍🏻👍🏻👍🏻👍🏻👌🏻👌🏻👌🏻👌🏻👌🏻👌🏻

價錢👌🏻，選擇多，但啲嘢食太鹹，招牌豬扒無想像中咁特別，只係鹹為主，招牌炒飯亦都無特別，都係太鹹，奶茶一般，個茶底差，所以沖出黎真係麻麻，試過幾次，因為想試咪其他嘢，但總括有啲失望，因為食唔出味道，太鹹啦！..............................

呢間野睇落無特別, 但肥仔老闆炒野手勢唔錯, 普通茶餐廳有既菜色, 佢地味道勝人一籌, 只係有時阿姐落單要落幾次先得, 去過好多次, 好少唔好食, 尤其下午時間要等, 但佢地可以開多幾張台SERVE食客都係唔錯安排, 新蒲崗多隱世食店, 同埋好多老字號都OK, 但第二代接手就保持唔到質素, 同一條街對面有間主打豬扒麵, 真係好正, 但好多冒時無位, 真係煮得好正, 湯底又正 !!! 又係坐位唔多, 要坐店出面, 不過又另一返風味.

新蒲崗有很多食店，在「開飯」找了幾間較吸引的，今日便專程去試試。第一間便是肥仔銘，目標是他的豬扒。這是間細小的食店，毫不起眼，若非有了目標，單看門面實在無法吸引我光顧的。仍然是早餐時間，我不想吃太飽，故只選了全日供應的特餐B($32)。主角當然是豬扒，配上輕怡的蕃茄，還有跟餐的茄汁豆、厚多士和熱奶茶。豬扒是即炸的，碟底留下不少油。豬扒的色澤金黃，賣相十分家常式，與一般快餐店有點分別。整件豬扒約1cm厚，切一片來吃，美味之餘，口感與我以往吃的豬扒，稍有不同。在我的經驗裏，稱得上好吃的豬扒，大多是鬆軟腍滑，肉質豐腴的。但肥仔銘這件豬扒，既不肥美亦不鬆化，切下去甚至有點硬。不過肉汁豐富，頗堪細嚼，口感爽中又帶點柔韌。肉醃得入味之餘，又嚐不到加了何種特別的調味料。我形容，整件豬扒是不矯揉造作，盡見大廚的真章。配菜的蕃茄、多士和茄汁豆，只是一般，沒甚特色。奶茶則濃滑合格，加分位是比其他食店更大杯。埋單時到了午飯時間，差不多已滿座，都是街坊熟客，大部分人都是點有豬扒的套餐。我只是奇怪，既然牛頭角街市二樓北記咖啡那件味道一般的豬扒，也可以吸引到街外客去幫趁的話。那麼，肥仔銘這件豬扒，我就覺得更勝一籌

聽同事講呢間茶餐廳雖然細細間,但食品質素真係唔差。見鋪入面好多人都係叫即炒既粉面飯,應該唔差但今日天氣熱 我叫左個火退通粉配熱香餅!又幾好食喎,熱香餅牛奶同雞蛋味都好濃,真係好食過m字個間好多 熱辣辣!下次一定會再黎試其他嘢!

今日放假，遲咗起身。一起身已經下午茶時段，新蒲崗區下午茶可以話係好多選擇，我貪方便就入咗呢間茶餐廳。其實我都好鍾意食茶餐廳架！0係我心目中茶餐廳都有水準高低之分。我揀左個好簡單嘅麵餐，係沙嗲牛肉煎蛋通粉。沙嗲牛肉好有牛味，而且好大份好足料，牛肉鋪滿晒成個通粉嘅表面。牛肉煮得好軟無筋，而且入味。煎蛋係我最鍾意嘅半熟荷包蛋，兩邊表面都熟曬，但篤開中間，仲有蛋黃流出來。簡簡單單嘅沙嗲牛肉煎蛋通粉，要煮得好食都唔容易架！呢餐十分滿足，而且埋單只係廿幾蚊送嘢飲添！

好日唔到新浦崗,唔係工作關係都唔會到..做完D job,剛剛兩點鐘.又係會和自己個口開工喇..食飯喇 !!地方唔熟,不過這處也算多食市,見你用自己做埋招牌就黎間..睇下你掂唔掂先?門 面 ___ 生 招 牌鋪 內 ___ 牆紙般的餐牌重點推介,招牌 XO醬豬扒飯,跟餐飲...佢做的豬扒好特別,外面是趣皮,內裹的肉是軟林多汁..好正 !!加埋黎個醬,,的確野味 最後肥仔老細,介紹小弟試試個雞翼..口感同剛剛食完的一樣..我同樣加上個餘下的XO醬,一樣美味. 好奇怪唔知點解有感多隻架?

午飯時間, 都幾多人, 地方唔係好大, 裝修亦唔算靚. 個人幾鐘意食個度d 炸豬排, 有少少咖哩味, 好鬆軟, 價錢好似係$7定$8, 唔係好記得, 回鍋肉餐肉炒飯都唔錯, 出面唔多見有得食, 但係即炒既野食等得比較耐, 其他野冇乜點試過, 都係同一般餐廳差唔多, 價錢都算平.