肥仔銘茶餐廳

營業中

休息中

食物OK價錢OK但是店舖太細，不斷咁叫人貼人才坐，一張八人枱差不多坐到10人。本人大食叫兩個餐但是要在30分鐘內完成不然逼到你走，阿姐仲要黑你面，半個鐘食兩個餐仲要連煮真係趕過打仗。本人因為太趕所以並沒有時間影相只有不斷把食物放進嘴裏。本人叫咗個粒粒炒飯同埋沙嗲牛肉麵餐，炒飯新鮮即製所以都沒什麼挑剔啦只是味道有點鹹，沙嗲牛肉只是醬多湯少所以覺得濃味少少。當然係冇位擺袋或者其他物品啦要攬在身上。如果介意坐到非常迫的話就不要來，同埋不值得千里迢迢來試，不是想像中的那麼好味和特別，還有十分之擠迫，食得落都消化唔到。

感覺食物只有咸，沙嗲牛麵十分普通，招牌通粉太咸，豬扒也比較咸，唯一麵煮得剛剛好，不難食只是比普通好些，但可以減鹽，實在很咸又不健康，食評不可盡信，希望可以改善吧。

一直想去食人稱沙嗲牛肉世一兼沙嗲牛肉關注組常客嘅肥仔銘，今日終於有時間朝頭早十點幾到新蒲崗食肥仔銘沙嗲牛，未去之前都知道要排隊，所以預咗排隊嘅心情去到餐廳，未去到，遠處已經見到條人龍，但係排得唔算耐，入到去唔使諗，叫咗沙嗲牛肉麵早餐，一個配火腿煎蛋，一個配火腿奄列，另加一個茶走同一個凍奶茶，叫完個早餐都要等一等先至到，因為都係即叫即整，先嚟嘅牛油方包火腿煎蛋同火腿奄列，牛油方包就真係麻麻哋，普通方包加上未融嘅牛油，之後先知道價錢可以轉丹麥多士，可惜，至於個火腿煎蛋，正常，當然一個火腿煎蛋亦都唔會期望有啲乜嘢特別，火腿奄列係普通茶餐廳嘅奄列，薄薄嘅蛋漿包住火腿絲，凍奶茶同茶走亦都冇咩特別，唔會話茶味好濃烈，但總算合格，當然，主菜係個沙嗲牛肉麵，食得出個沙嗲係有心整，唔係一般茶餐廳沙嗲，而牛肉係腍，而食得出唔係鬆肉粉，個沙嗲唔係好重花生味，我比較鍾意濃味沙嗲湯底同重啲花生味，另外沙嗲有好少嘅辣味，本人唔鍾意辣味冚過沙嗲味，所以呢方面係好嘅，我覺得係啱啱好，見啲宣傳話個面嘅湯較少，因為老闆想個沙嗲濃味啲，唔夠可以加湯，冇特別要求之下，嚟嗰兩個沙嗲牛肉麵，一個個湯少啲，一個個湯多啲，我覺得唔太

啲嘢食幾好味都冇用，企鋪門口個呀嬸態度奇差知道你哋細舖每次飯市時間一定要等位每到忙嘅時候 門口嬸嬸就會派飛 呢間餐廳我同女友每星期會食到三至四次 所以都明白佢哋舖頭嘅運作係點樣今日照常攞飛企埋一邊等位幾耐等咗大概15分鐘 突然聽到次序喺自己之後都係兩位嘅食客入咗去於是即刻行上前同嬸嬸講「我哋7號，點解9號會入咗先？」點知個嬸嬸反而同我講「頭先自己已經嗌咗好多次7號都冇人應先叫9號入去」但係其實我同女友都完全冇聽到叫7號 反而仲理直氣壯話我點解喺佢叫號嘅時候唔出聲真係㗎，你餐廳出品嘅嘢食幾好食都好態度咁_我以後都唔會再幫襯！

早排喺網上見到有關於沙嗲牛肉麵嘅推介，心裏面突然間好想食沙嗲公仔麵，我冇食牛肉兩年（非宗教原因），今日時間安排到，終於扚起心肝去試吓呢間網上熱店。 入到去好多特色選擇，不過好簡單一心決定就係沙嗲牛肉麵套餐。 嚟到急不及待就要試吓，沙嗲湯底非常好食（好食到飲咗啲湯），公仔麵唔太腍，啱啱好，大滿足！心大心細食唔食埋個牛肉試吓，結果都食咗，好嫩滑，亦都入味，好正不枉此行！因為見到好多唔同特色嘅食品，已經諗定下一次再嚟再試過，亦都好食到夜晚即刻推介屋企人下次帶埋佢哋過嚟試下

【肥仔銘】嘅食客總係多到爆炸，但係呢，仲有咩比得到一餐好食嘅快樂？今次試嘅係干炒通粉同烏冬，加埋熱香餅，求其嚟食都咁滿足😚。通粉嘅每一條都包住咗XO醬嘅香味，炒到曬油又唔會太膩，嗰啲豬扒粒咬落去彈牙得嚟唔硬朗，淋到盡！👍🏼 烏冬比起通粉嚟就更加Q彈，口感一流，豬扒就係嗰種夾落去唔洗大力咬嘅嫩滑。而件熱香餅，真係心臟跳：外皮微焦香脆，入面嘅麥香帶點甜，清新得嚟暖笠笠，完美配搭早晨嘅茶香。茶記一定要試吓粒粒爽滑嘅喇，唔係街邊無難食嗰啲。唯一就係成件事讓你唔停嘴，食完已經期待下一次！🤤🍽️✨

啱啱食完一頓超正嘅炒通粉，簡直係大滿足！我點嘅炒通粉，一上枱就聞到嗰股鑊氣，撩撥緊我嘅味蕾🤤。第一啖，嘩，質感掂晒，粉爽滑得嚟唔會太腍，燶燶哋嘅底真係正！啲豬肉腸啊，又香又彈牙，洋蔥同青紅椒炒得啱啱好，夠哂爽口，再加埋嗰啲芽菜嘅清甜，完美平衡晒油膩感。真系想喺呢度表揚下嗰位阿姐嘅服務，係忙到不得了嘅狀況下仍然保持笑容，令人心情都舒暢咗好多。醒目嘅你可能會問我「點完呢啲之外，仲有咩推介？」肥仔銘嘅餐單選擇多到爆，但我嘅私家推介係佢哋嘅咖啡☕️，咖啡香濃而唔苦，個人覺得呢杯咖啡能夠幫你提神之餘，又能喺炒通粉嘅基礎上帶來喜出望外嘅味道層次。要講返嗰句，無論你係唔係咖啡控，都應該試吓！食物質素、服務態度以及環境氣氛，呢啲因素湊齊咗，就係今日呢個小小探險嘅成果。別鬧，我會再嚟！👏💯

大半年前第一次黎，嗰陣都幾多人排隊，但要坐係條街度食都幾熱🫠當時滿心歡喜想試個炒通粉，點知勁白痴叫錯左湯既，即刻嬲左自己，嗰碗野我連相都無影到😂呢日再訪竟然無人排，同埋坐曬係室內，六個人一張細圓檯，其實都逼逼地架，不過今次終於叫啱嘢🤪▪️ 香餅餐（7.5/10）💲40係薄薄既一件熱香餅，口感比較實在，有蛋香同埋牛油香🥞🧈本身已經甜甜地，唔夠可以再加糖漿🤏🏻配上漢堡扒同埋炒滑蛋，總比叫麥當當早晨全餐好😏▪️ 干炒粒粒通粉（6.5/10）💲56對呢碟有好高期望🤭原來份量都真係幾多，一個女仔既話未必食得曬😯的確有鑊氣既，通粉口感唔錯，保持到有彈性，每粒都好入味，加上左大量腸仔、紅腸、餐肉粒等，可惜整體頗鹹同埋油膩😳侍應話可以加錢加XO醬，不過唔太食得辣就無加到，唔知加左會唔會好啲🫣🔎 整體評分（7/10）

#20231007 💛📍 肥仔銘茶餐廳 @fatmingrestaurant 新蒲崗錦榮街9號地舖➖➖➖➖➖➖➖➖➖➖➖➖➖➖➖➖➖➖#干炒粒粒通粉 $56💭 呢個炒通粉早排好hit，🐷一直bookmark左但未有機會尼試，畢竟新蒲崗真係唔多就腳😅難得經過就梗係要試下，🐷去到已經兩點幾，而且門口都已經有啲人等緊位，聽聞佢3點幾就閂門，🐷勁驚會白行一趟🙈好彩佢啲位去得好快，不過可能期望太高所以有少少失望😞說穿左就係乾炒牛河既味道👅然後將河粉換左通粉，牛肉換左啲高鈉粒粒，包括啲腸呀、火腿呀、煙肉呀果啲，搞到碟野都幾咸🥓.#香餅餐 $40 🥢 #熱香餅 #漢堡扒 #炒滑蛋 💭 反而呢個幾有驚喜🤩本身係茶記食到熱香餅已經好少食，仲有唔係朝早果下抵加分💯塊熱香餅大過🐷塊面，本身已經有甜味所以🐷無再落糖漿，配埋舊牛油已經岩岩好🧈炒蛋同漢堡扒都屬於正正常常，夾埋食就好好味😋.#熱檸水.#新蒲崗美食 #新蒲崗黃店 #🐷在新蒲崗 #🐷_食

餐廳好多龍珠玩具，老闆一定係睇開龍珠。菲利，斯路，布歐，GT玩具都有。去到重係早餐食左沙嗲牛麵走湯變撈麵再加熱香餅。牛嗲牛撈麵好食，熱香餅我都係鐘意食m記。食完想加多過乾炒粒粒通粉，但老闆好有性格要等到午市先落單。可能平日冇咩人，都比我坐住等。乾炒粒粒通粉好值得等，落埋XO醬好野味。依個比m記通粉好食好多。餐廳可以叫做open kitchen，睇到老闆同廚師煮野食都係一重享受。雖然佢遠又唔近地鐵站但一定會再去，沙嗲牛top three。

打風過後，天氣不似預期的差，本已打算到九龍城買東西，咁就不如去遠啲，到新蒲崗的肥仔銘食早餐；一早到來，已坐滿六七成，之後更越來越多人。叫了「麵餐K」食物包括：沙嗲魷魚麵、煎雙蛋、牛油方包，再加杯茶走少甜，沙嗲味道香濃且惹味，配上煙靱爽口的魷魚也是特別適合；吃完還有「空位」，決定整多件熱香餅，之後心滿意足的離開！😙之後休休閒漫步到九龍城，時間剛剛好！😎肥仔銘茶餐廳地址: 新蒲崗錦榮街9號地舖電話: 35425028

惹味XO醬炒通粉-新蒲崗肥仔銘茶餐廳真係趕住去食，因為開到3點截單㗎啦😱店面唔算大，3張枱容納到10幾人左右😅當日岩岩有位，2:30pm到，唔使等入得🥹係坐得迫啲，不過夠哂地道介紹返佢哋嘅signature係干炒粒粒通粉🤩XO醬仲要加錢先有，真係好惹味👍🏻都算辣辣地🥵不過停唔到口。另外，沙嗲牛肉麵都好出名，不過比較上炒通粉惹味好多😂嚟到茶餐廳，最緊要係試佢杯奶茶，經過小🐷多年嘅經驗🤪overall 算中上😌查膽唔會太濃，奶茶濃滑程度適中，如果茶味香d就更好🤣想試嘅記住睇住時間啦😗

人情味小店這裡的沙嗲牛肉麵讓人感受到香港小店的經典味道，係兒時味道。搵左好多間終於搵到兒時食沙嗲牛肉麵，值得推介。而且麵湯的味道非常香濃。沙嗲醬的香氣和牛肉的鮮味完美融合，讓人感受到一種獨特的風味，讓湯的口感更加豐富。接下來，是這道菜的牛肉。牛肉切成薄片，口感非常嫩滑，搭配上麵條和湯汁，更是讓人食指大動。整道菜的調味非常地道，讓人回味無窮。總的來說，這道香港懷舊沙嗲牛肉麵是一道非常值得品嘗的菜式。它展現了香港小店的經典味道。

很早之前便從友人處得知這間「肥仔銘茶餐廳」的出品不錯，這一天，想起這裡一直未有幫襯過，便特地過來吃個午餐。這茶餐廳最出名的出品有「炒通心粉」和「熱香餅」。「熱香餅」這天我就沒有試了，招牌的「乾炒粒粒通粉」（$56）可是有吃的，另外，還點了「乾炒豬扒烏冬」（$60）兩夫妻分甘同味。「乾炒粒粒通粉」無疑是不錯的，雖然炒得較油，但即叫即炒，鑊氣當然不會差得到哪裡去，材料雖然簡單，都是腸仔、餐肉、芽菜、青椒等普通材料，但的確相當惹味。相比起招牌「乾炒粒粒通粉」，我倆更喜歡的，是「乾炒豬扒烏冬」，同樣鑊氣十足的炒烏冬炒得入味，而且更能掛汁，加上豬扒也不會乾巴巴，讓我吃得更加滋味。這茶餐廳的出品雖然還不錯，但環境就的確逼狹了點，餐廳內只有四張桌子，其中一張還被用作收錢之用，坐得實在不夠舒服，不過這間餐廳的老闆是個百份百的「龍珠」迷，店外店內都有極多的「龍珠」、「龍珠二世」的玩具和擺設，如果愛看「龍珠」動漫的話，一定會喜歡這裡。

發現呢間茶餐廳係最近嘅事，喺其他Foodie IG見到啲炒嘢賣相幾靚，於是乎某日下午諗起就走咗去試～餐廳細細，得4張檯，要同人搭檯嗰隻～留意返，呢間茶餐廳收15:00，當日我差唔多14:30先去到🤣幾驚食唔到～#干炒粒粒通粉加XO醬一坐低諗都唔駛諗就叫咗呢個，當初我都係喺人哋IG睇到呢張相先想去食🤭 我仲睇到有人話加XO醬好味，於是+咗$8要埋個XO醬。貪心的我其實覺得個賣相幾吸引🤣見到有紅腸、火腿、洋蔥等，都幾足料～仲要未見過人拎通粉炒，感覺新鮮🤣不過食落個XO醬味唔算香，有少少失望，唔知原味會唔會好味啲呢🫣#干炒豬扒烏冬另一碟諗咗陣要咩，最後叫咗呢個😆呢碟好夠夠火喉，味又夠，豬扒又夠多。我覺得呢碟個味好食過干炒粒粒通粉，啲鑊氣出晒嚟～🤣 總括而言，呢間茶餐廳啲炒嘢大大份好夠火喉，可以一試～