職人食事 (已搬遷) 新店位置

駱駝漆樓上真係好多嘢食, 又多嘢行, weekend過嚟行都可以打發到半日😉今日晏晝嚟呢度入貨入到攰攰哋, 咪嚟呢間日本嘢試吓囉可能因為我早嚟, 間嘢無咩人, 間鋪望入去得廚房, 無預留堂食座位🤔一問之下原來啲位喺對面鋪🤷🏻‍♂️俾咗錢之後去對面坐低, 無咩冷氣有少少焗. 我俾門口幅poster吸引咗, 叫咗個刺身魚生飯, 就一百蚊. 等咗十五分鐘到就有得食, 但係用外賣盒上🥲份量比想像中少🤷🏻‍♂️三文魚係厚切嘅, 呑拿魚都好味, 海膽份量合理, 帶子係大粒嘅, 但係每樣嘢份量唔係好多, 就算食材新鮮, 呢個價錢都有少少貴。

上網見到呢一間餐廳嘅評價大多數都係性價比高同埋刺身新鮮，於是某日放工之後我就過左嚟睇吓係咪真係咁正😋店舖環境都幾寬敞，設計比較簡單，分左裏面同外面，我哋今次就入咗裏面坐，個人覺得靜啲同埋舒服啲。我哋只係兩個人，所以只係叫咗一個海膽飯、一啲刺身同埋小食，但呢度嘅食物真係好壞參半，睇你揀咩黎食🎈海膽飯 $210呢個海膽飯真係唔係好得，食得出啲海膽唔夠新鮮，我係食咗幾啖已經唔想再食，全靠朋友自己清咗佢🎈三文魚8片, 甜蝦6隻, 帆立貝4隻同海膽相反，佢嘅其他刺身就非常新鮮，三文魚同甜蝦都好肥美，帆立貝夠晒大粒，刺身係食完都唔夠喉嗰隻🎈燒鯖魚呢個味道都唔錯，幾香魚油味，而且啖啖肉，冇咩骨🎈雞翼4隻雞翼就普普通通，味道唔算特別，唔係話特別推介總括嚟講，哩間舖頭嘅食物都幾兩極，如果黎食嘅話，我建議都係嗌最普通嘅三文魚、帆立貝會比較好。

要在開源道流連一個多小時，就已經計劃好在多姿多彩的駱駝漆大廈三期裏面渡過。找到了這間不用等位的日本餐，可能由於天氣凍關係，大部份人都是吃西式食品，所以食店充滿松露香味。反而我一路都想食下佢嘅日本餐🍱🍣所以便點了吞拿魚茸飯。份量和價錢都很不錯，品質亦交到貨。沒有試其他魚生，所以不能評論。如果款式多少少，就更好了，當然這亦都對選擇有困難嘅人來講是一個難題。值得一題，那個日本芥辣不是十多元一支的便宜貨👍🏻，有點surprise 😁會再幫襯，下次試試他們的西餐。

Great taste and this should be the best Japanese sashimi  bowl in Kwun Tong area I ever had. This even really budget choice with this grade.  Self help for water and dinner set (no service charges) and full of disinfectant tools. My first impression is very clean restaurant not sure was because of the lights or white walls. Staff are polite and willing to recommend if you have difficulties of choosing.

“刺身魚生飯”($100)“角切魚生飯”($70)又去到駱駝漆搵食🤣今次嚟到呢間食日本嘢嘅餐廳😆叫咗2款丼飯🥰分別係刺身魚生飯同角切魚生飯🤤刺身魚生飯入面配料好豐富有三文魚,油甘魚,八爪魚,蝦,北寄貝,帶子,海膽,蟹子,玉子魚生都算新鮮同幾厚切100蚊嚟講真係好抵食🤤魚切魚生飯就有三文魚,吞拿魚,油甘魚,蟹子同玉子魚生粒份量好夠多☺️足夠撈哂成碗飯食😆呢間餐廳舖位同時同一間西餐share下次可以試試🤣

身處駱駝漆大廈，突然想食魚生飯，屋企人話去呢間試吓。喺門口睇餐牌圖片覺得都唔錯，就決定試吓。我自己就點咗個燒茄子同推介嘅刺身魚生飯。燒茄子無乜味，但尚算可以。但望住碗實體飯，真係勁失望。油甘、魷魚、八爪魚及帶子各一，呢幾樣除魷魚覺得好味外，其他都好一般。另外差嘅有兩片毫無鮮味嘅三文魚、兩條硬屈屈嘅蟹柳，未試過食丼飯隻蝦係咁細隻。醋飯亦唔夠味及黏。最離譜嘅係⋯⋯個丼飯幅圖係會有兩片海膽，個實物居然夠膽死只俾一粒。係一粒，唔係一片！呢個丼飯仲差過去普通超市買嘅丼飯，絶對物非所值。雖然知道實物同相片係會有出入，但都唔好咁離譜吖。😡😡😡😡另外，餐具及各茶水係自助形式。原本係好方便嘅。不過個人認為疫情下，啲餐具如果唔係獨立包裝好嘅，最好都係收返埋好啲。眼見幾個人出嚟攞餐具左揀右揀又無帶口罩，呢個時期就唔多好喇。

工廠大廈嘅日式餐廳，聽到都覺得抵食。平日夜晚嘅8點幾，就上去試試佢。去到見到餐廳門口，發現入面就喺廚房，以為只得外賣嘅時候，原來座位喺對面，但對面又有另一間餐廳嘅餐牌，所以我同友人都猶豫左一陣。有個員工見我地咁迷惘，就出嚟同我地介紹一下，原來喺一間自助形式既餐廳，自己斟茶同拎餐具。睇睇個餐牌，非常簡單易明，我同友人不約而同揀左三文魚玉子蟹籽飯，店員幫我地落單、收埋錢，我地就坐定定等食。呢個時間唔喺好多人，可以慢慢坐下，再細心睇下放餐具嘅位置附近仲有Board Game同Card Game放咗喺到，唔知喺咪可以玩架呢。三文魚玉子蟹籽飯 ($60)排列得好整齊嘅三文魚同玉子，仲要好有日式風味嘅碗，襯埋簡單嘅木枱、木凳，打卡日式簡約風！三文魚切得好厚啖啖肉，玉子食落甜甜地、蟹籽嘅份量都好足。最緊要喺飯量超級多，果然喺工廈嘅食堂，岩哂需要飽肚嘅打工仔。不過，飯就冇好大嘅醋味，所以如果唔夠味可以自己落豉油。咁大碗，食哂真喺好滿足。

友人推薦呢間工廈入面嘅黃小店，都真係幾有工廠飯堂feel🤨, 堂食位同廚房係打對面兩個單位，無人接待，自己搵位坐低睇menu，再行去對面廚房門口落單俾錢，茶水，餐具自取，要茶包就要放低2蚊一個，隔離個碗仔好多個兩蚊👍🏻，真香港人好自律嘅。友人叫左剌身併盤加個白飯，有幾款貴價剌身，油甘魚，劍魚腩，珍寶帶子，有頭甜蝦，仲有海膽，不過少貴$250蚊，樣樣都新鮮鮮甜，份量都足。我發現有西餐之後，就叫左個俄羅斯忌廉牛肉寬條麵再加30蚊轉餐有齊沙律，湯，飲品，呢個性價比好高，靚仔話呢個寬條麵係即刻整所以等耐d，我完全唔介意等多陣。寬條麵份量好足，忌廉汁濃稠好香，而且食到微酸，應該有加酸忌廉，雖然我唔知係咩牛肉，但有好多舊，同有牛味而且滑，完全唔un,食到咁上下真係幾漏，但又好味喎。另外我哋再叫左燒油甘魚較，勁大舊囉，$75蚊咁大舊好扺食，而且燒得唔錯，個汁少少酸幾好味㗎，另外雞泡魚干係本人喜愛，味道正常。下次會再幫襯，試其他西式野。

過開黎觀塘做野都幾中意上駱駝漆搵野食，選擇好多，又唔錯水準。哩間黃店之前上網見到都想試，今次黎開就坐低食個late lunch。我同朋友大概3點黎到，lunch果輪完左人比較少，所以可以慢慢食。之前一直以為食日本野，原來西式既意粉、意大利飯果d都有得食。吞拿魚腩油脂豐富，基本上係入口即融，三文魚厚切新鮮，帶子刺身朋友食，我本身唔食，所以唔特別評論。白松露辣肉腸扁意粉一上枱已經聞到好香既松露香味，意粉煮到剛好，辣肉腸同蘑菇既配料都幾足。俄羅斯烤牛忌廉闊條麵哩個口味好特別，我暫時未試過喺出面食到，食到有肉桂果陣香味，口感好creamy，帶有少少酒味，牛肉肉汁濃，係用左hanger steak哩個部位，真係幾唔錯，份量又十足。

👧🏻 ate...三文魚油甘魚飯刺身魚生飯👧🏻 wants to say...我一向都抱住一個唔係黃店就唔會想食嘅心態去試唔同嘅餐廳 overall 8成都係好食同正常水準嘅 但哩間我可以形容自己係中左大伏 未食過咁唔好食嘅魚生飯 真心好希望佢地會改善下😿首先想讚一讚佢個餐廳內部都算幾乾淨同埋員工態度都好好🙌🏻但嗰兩個魚生飯就出哂事啦 雖然都幾厚切嘅同埋份量都正常 但個壽司飯嚴重overcook 食落超級粘同冇乜壽司醋味😩個海膽直頭係有苦味但未去到臭嘅......魚生都好唔新鮮 似以前細個食爭鮮嘅魚生......而且個蝦都好唔新鮮 腥到我以為佢變壞左......知道佢地都係開左差唔多一年度 希望佢地可以盡快改善一下食物質素💛

🌈今日去左觀塘區果邊做野，放工已經成夜晚十點幾😢，響工廠區果面好多餐廳已經關左門😱，行下行下居然見到有間食日式野的小店，就入咗去試吓🤗睇到個menu都幾多選擇，壽司、丼飯、拉麵、連燒牛扒都有😂😚我叫左個三文魚拼油甘魚飯，因為唔算多人，好快就有得食😋主角三文魚同油甘魚都算厚切，但唔算太肥美同挺身，新鮮一般👀反而配角玉子幾好食😂飯軟硬適中，正常總括來説魚生質素中規中矩，如果住附近嘅朋友想食宵夜都可以一試😬

晚飯時間嚟到觀塘搵野食，記起上次嚟食過烏冬，雖然味道一般⋯諗住比多次機會，所以試咗個丼飯，但質素都係麻麻$200價錢中等，一開始對丼飯期望都較高。一嚟到個丼飯都排得好靚，海膽、帆立貝數量都幾多，見到都幾appealing第一啖，夾咗啲海膽同少少飯一齊食，但食到只有酸同苦味一嚟個飯底好酸⋯酸到我以為係啲飯搶曬海膽既鮮味，於是第二啖剩係食海膽，但入口「論」完都只係食到苦味，似放得太耐而無咩鮮美既感覺，比較失望帆立貝質素唔錯，加少少醬油都好食甜蛋，蟹柳都係正常水平。總而言之，今餐要$200個人覺得性價比一般，主要都係飯底同海膽質素問題。假如飯底正常，海膽夠新鮮，呢個份量賣$200都抵～希望店家多多改進我呢家都係煮番個公仔麵醫肚先

今日去開觀塘做嘢，搵吓工廈邊度有丼飯啦！近近地，駱駝漆有職人食事，無睇open rice之後前來，食完睇返其他人嘅食評，相同意見，食物味道要改進呢🤭自己點左一個刺身魚生飯🤔價錢$100，唔貴唔平，中價。見到餐牌係餐廳推薦，魚生望落賣相就唔錯，但係識落唔夠新鮮，亦都冇乜鮮甜味，某幾件仲有少少腥。例如吞拿魚同海膽，吞拿魚好厚，食落滿足，不過好腥。海膽就苦苦地，唔鮮甜。另外帆立貝，亦都冇甜味，淡茂茂咁。個蝦只係普通細甜蝦，冇特別。.以呢個價錢，觀塘附近有另一間食刺身飯嘅小店，質素好好多🙈而且所有嘢都係自助形式，一個人去食，又要睇住個袋，又要自己攞嘢，有啲唔方便。

對於住荃灣既我，觀塘簡直係遙不可及既遠😑但見到有個朋友成日係ig打卡食呢間黃店，想試佢勁耐😳😍三文魚甜蝦飯 $70佢既配料有大塊三文魚x4，甜蝦x3，蟹柳x1 同三角形甜蛋x 1。三文魚既脂肪唔多，無入口即溶，但切得算厚，質素有中上級。甜蝦非常肥美，咬落去既口感好治癒！我唔太鍾意個蟹柳既質感，太實🌝。最驚喜係個甜蛋，個蛋味好香好出亦唔會死甜😳壽司飯既珍珠米粒粒分明，唔會太熱太酸，overall好評～壽司拼盤-竹 $90三文魚x2，油甘魚x2，八爪魚x2，蟹棒x2，蟹籽x2，腐皮x2三文魚係平時個種薄切，正常水準；油甘魚好香，紋路都靚；八爪魚麻麻地，質感少少膠有點難咬；蟹棒既口感太實，無乜層次感；蟹籽相對平時食既大粒，口感豐富，粒粒彈牙，紫菜唔會太淋；腐皮唔會太厚/太濕，幾出色Overall都唔錯，但我會揀魚生飯😳個沙律係大廚額外請我地試食～話說佢地依家除左賣壽司同刺身等日式野，最近仲同時經營埋西餐～沙律個黑醋汁係廚師自己調，唔會太酸，個黑醋汁既餘香好惹味，d汁亦唔會好慳皮，夠每一塊菜都點到汁！如果唔係叫左日式野先，都會想試吓西餐，個廚師有突登出黎同我地傾計，感覺好有誠意～可能佢地理位置

▪️ 刺身魚生飯💲98入座、攞餐具同埋斟茶水都係要自助形式，由落單到整野食都係得老闆一個人，疫情之前一行多人去到，就算餐廳得幾檯，等待時間都真係幾長🤥刺身比預期中多款式，包括有三文魚、油甘魚、八爪魚、魷魚、北寄貝、帶子、甜蝦、三文魚籽、蟹籽、玉子應有盡有，全部都算係厚切，可惜來貨質素比較平凡，唔夠凍鮮味不足，壽司飯亦過硬，整體有待改進😳見都有唔少人有同感，小店要加油🔎 整體評分（5.5/10）