聯記麵家

營業中

休息中

這種舊式店舖，裝修大多都是比較簡單⋯但味道往往出乎意料好味，或者亦多了一份人情味。是晚叫左兩碟撈麵，炸醬麵比好幾年前食味道似乎差了不少⋯只可以講不過不失，而佢哋嘅鹼水麵口感就非常彈牙。第一次試佢哋嘅雞腳，味道非常入味⋯紋得非常之林，食落口完全唔使點咬就已經骨肉分離⋯絕對係必點之作，牛腩至可以講普通⋯因為食落比較鞋口。另叫左腩汁芥蘭，芥蘭煮得林身，加埋非常入味腩汁⋯正正是我喜歡既味道。我見好多人都叫豬手麵⋯有機會下次一定要試下。

很久沒有跟朋友談及這事情, 從前的興趣變成了一堆回憶與笑料。突然感覺人真的很渺小, 如果自我感覺得意, 只是個人澎脹得太甚。一些人和事依然值得我放時間, 為此也高興。希望我的經驗與睇法能分享到其他人, 我估, 我著重的是思想心態多於實際技巧吧！說了一整晚不著邊際的事, 半夜四點, 不早回休息只因肚子空虛。到歌德餐廳那邊走走, 看見這聯記麵檔, 於是直衝入去。本想要碗牛腩米, 但師傅說腩件部分不可特別選定, 所以改吃水餃麵。例牌要求：麵要爽些！蛋麵彈牙爽口, 鹼水味不多。麵條入口有生龍活虎的感覺。湯雖然不以為已, 但熱湯暖胃, 酒後人士特適宜。水餃卻是多乎意料的不錯！水餃皮滑, 雖然內餡未算挺身飽滿, 但蝦肉可口有彈性, 筍絲, 木耳絲爽口。豬肉有脂香, 調味不錯。一口水餃, 能令人越吃越想吃。不知道, 大概只是酒後太餓了！

一間坐落太子既粉麵店,細細間坐位迫,但粉麵出色我坐低點左個豬手雞腳撈麵撈面有蛋香味而爽身又大碟,配以湯撈,正雞腳林得黎大隻,出面既醬汁又醃得濃,配撈麵一流!豬手同雞腳既醬汁一樣,比較多豉油味,而豬手大而富有骨膠原,係彈牙質感嗰類既豬手,值得推介

這間以前久不久都會到來吃碗麵的港式麵店，原來已有兩年多沒有來幫襯過了。要不是這晚的晚餐吃不飽，我想我也不會來到這兒食宵夜呢！吃的仍是以往來這裡最常吃，其他客人也多有叫來吃的「雞腳麵」，味道依舊，麵質一般，雞腳只有三隻，而且肉不算多，當是正餐，當然不夠喉，但作為宵夜，只是稍解肚餓即可，不用吃得太飽，已經足夠。也叫來一碟「蠔油菜心」，菜頗甜，份量也多，為這餐宵夜增加一點健康的味道。下一次到來，不知道又會是幾時呢？

街坊 的定義: 可能是隨意隨時亦不拘小節地食一些道地食品 : 因此部份街坊亦就絲毫不會太介意有沒有高級包裝囉: 只有三幾排長枱同十多張圓椅而可以招待街坊或路過的客人, 清一色男士工作的小店已渡過多個年頭吧: 但近年多了很多旅遊巴集結於附近, 亦或增加商機, 但是說不定對小店的入座者構成阻路情況, 卻沒有對只喜外帶的sunflowerting有太大影響鳳爪河粉: 鳳爪入味淋身, 而河粉亦幼滑可口兼大碗; 魚蛋失水準太腥, 魚片無味 麵身略為重梘水味!~ 以往喜食蒜心(唔係度度有得食!) 的sunflowerting今晚 看見竟沒有上架有點失望, 只好下季/下回有貨才食啦!

早前朋友說看到這間聯記的撈麵很出名, 於是我們便一起去試試~我們大家也點了薑蔥撈麵, 另外再點了一碟雞腳拼豬手share 食, 因為雞腳也有不錯的口碑我起初以為是蔥油撈麵, 其實我本身不太喜歡吃薑...又一次自己擺烏龍了...不過麵質很爽口, 配那上湯, 有輕微鹼水味是我最喜歡的~$20/碟 至於雞腳, 真的很入味, 而且不會太腍, 豬手味道ok, 有很豐富的膠質, 不過沒有太多肉食..$44/碟總括都算不錯, 價錢就覺得偏貴了少許, 不過還會再來, 下次會試試蠔油撈麵

是日的晚餐因為某些原因吃得完全不飽，來到這兒，肚子已餓，正好來這間久不久也會來吃碗麵的「聯記麵家」吃碗麵做宵夜。雖然這裡的粉麵水準只是普普通通，不算突出，但勝在交通方便，價錢雖已因通漲關係有所調整，始終仍算便宜，附近又沒有多少港式粉麵的競爭對手，偶爾順路經過，又想吃點東西頂肚的話，還是可以到來吃碗麵的。這夜叫來的是「牛腩撈麵」。這兒的牛腩和麵其實不算上佳，牛腩較為細碎，質素也極為一般，牛筋相對較佳，起碼夠軟腍入味。麵條方面，同樣只是普通的貨色，幸好鹼水味總算不重。這裡的牛腩撈麵，無論是撈麵吃的腩汁還是附上的撈麵湯，都帶有一股應該是下了不少花椒等香料而造成的辛辣味道，可算是這裡麵食的特點之一。

尋晚同朋友喺ASIA EXPO睇完RHCP後,搭車出返旺角,友人嗌肚餓,落車見到對面有間麵檔,就入去醫醫肚...入到去,睇到牆上面嘅餐牌,選擇唔算好多,都係一般粉麵檔有嘅嘢...諗咗陣,兩條友每人一碗腩河,唔駛講嘢...份量OK啦,個湯好濃味,唔錯,河粉唔係一夾就散,只係牛腩切得太細粒,唔多好...反而舊牛筋大舊得嚟又夠淋,正~$18,差不多吧,唔可以話好好食,但如果夜闌人靜見肚餓,又咁啱喺附近嘅話,又真係不妨一試~

下午兩時多未食午餐，又唔想食下午茶餐，簡簡單單來到這裡聯記麵家食個麵飽下肚就算了。這店的歷史都幾長，很久之前未有中港巴士的年代已經存在了，間中想食麵都會來試試，今日就試了雞腳麵和水餃河粉。雞腳麵($17)雞腳細細隻，唔似其他店大大隻炆稔了的狀態，是比較韌口的這一種，味道就比不上這些炆稔了的，但都幾有咬口，麵身都幾爽，還可以。水餃河粉($17)水餃有三個，大細都是普通的，入面的材料是豬肉、筍絲和木耳絲。但豬肉偏多，健康不足但味道ok，河粉都幾滑，不過細碗了少少，不是太飽肚。進食途中很多等候中港巴的人仕行來行去，人流在這裡是一流的，不過有時就太多人了，比較嘈雜。這就是我在聯發麵家的簡簡單單一餐。

又一個凌晨既晚上, 去完大陸娛樂一番後, 飲飽又未食醉於是就在太子落車覓食!!!!!!隨意入了聯記, 叫了一碗牛肚河另加一碟雞腳~16蚊一碗既牛肚河何奇細碗~湯的味道一般, 都叫合格, 河粉質素還可以~不過由於當時真係好肚餓, 只顧狂食~ 但一食到雞腳, 當堂醒晒!!!!!雞腳炆得入味又唔會過淋, 好好味~ 一碟又夠多隻!!!! 抵食~ 難怪大部份食客都叫雞腳麵啦~ 識貨!!!!!!!P.S. 店內陝窄枱櫈多, 個個食完即閃~唔發都難

呢晚一個人食飯，沒甚麼胃口，來這裡吃碗「雞腳雲吞麵」，加多罐可樂添，咁又一餐。其實呢間普通不過的港式粉麵店，在香港地已經愈來愈少，不過呢間舖頭開正在中港長途巴士站附近，平日大陸旅客來幫襯的都有不少，加上香港的熟客和偶然路過來幫襯的人，生意都算不錯。講番這次吃的麵，呢度除了有普通的魚蛋、牛丸、牛腩、豬手、雲吞、水餃等之外，仲有雞腳同土魷這兩種較少在其他麵店找到的材料，不過自己對土魷興趣不大，所以只是要了雞腳搭雲吞雙併麵便算了。這「雞腳雲吞雙併麵」有三隻雞腳和三隻雲吞，雲吞味道尚可，中規中矩咁啦。雞腳就唔大唔細，叫做可以吮吓雞腳，過吓口癮啦！麵條亦只係一般，沒甚麼特別。埋單$28，雖然唔算好貴，但都唔算係便宜，原來單併麵只是$16，雙併麵就要賣貴成$6咁多，要成$22碗，下次都係叫番單併麵算罷啦！

有日番工行開,再次食佢做午餐啦想試下其他野下其他試下我最鐘意食嘅墨丸粗啦,之後見到>>嘩,墨丸有四粒呀.我而且好少食到有咁多粒嘅.而且都係$16,好盟心,而且d菜又好新鮮,所以千其唔好以貌取人,外表普通唔代表入面無好野.

有日放工一個人,想食下面類,之後唔打唔撞入咗去,坐低之後諗下食咩先,見個個都豬手面或雞腳面,不過我就試咗d穩定野>>水餃粗面 .又幾好食呵,d粗面好林,而且水餃又好滑之後又有日老公接放工,帶佢去食下,佢叫咗豬手水餃面,我就雞腳粗面,老公話好食,重試咗我個粗面少少.佢話好食囉,因為本身佢唔食粗面,因為一般都好硬好鞋,不過佢話呢間好味,下次重一定好叫粗面咁話.

睇完燈色, 亦送了齋妹上車. 可能因為只食了半個Burger 既關係, 或可能是夜既, 宵夜癮起. 人在旺角係最好灸過不用愁找不到地方宵夜.陳真係唔食夜粥既, 呢次經過皇巴站, 就試下呢間粉麵檔. 地方雖然淺乍, 但都容立到不少食客, 近皇巴站, 多國鄉, 但要保持到清爽乾淨, 而且最重要, 麵檔通常都係open kitchen, 連麵檔廚房既清潔都搞得好, 果然非同凡响.不想吃湯麵, 就吃撈麵. 撈麵始終想食味濃一點的, 就要了一個牛腩撈麵. 本來想叫粗麵的但落order時忘了要求. 不過感覺上, 食撈麵, 幼麵始終是好D, 因為本身麵質都比粗麵爽口. 牛腩, 夾雜了牛筋, 而且腩汁濃濃的, 根本不用多加蠔油. 淨個濃味腩汁, 已經夠哂味道. 牛腩牛根, 非常淋, 筋部腸質夠重. 難怪早午晚, 除坐車過客外, 都有不少旺角客. 我夜晚來到, 當然仲有不少食完野, 準備坐夜車上深圳 Happy 既哥仔......時不時聽到有人談風月, 或打電話俾"老婆"聽, 幾點會到.

我點左淨魚蛋，雖然唔係話點樣好特別彈牙等，但食落都好味，湯都好飲！食完仲想再食多碗！以前試過佢既雲吞，都有幾多肥豬肉！但記得蝦同肥豬肉撈埋後感覺唔到肥豬肉，仲以為啖啖蝦添！今次只係食雲吞，同韮菜，D韮菜唔黃唔老，唔會有喳，幾唔錯呢！完全冇投拆，但價錢唔係平。