聯發麵家

營業中

休息中

魚旦麵 ($13)魚旦魚片 (共5粒) 都應係手打, 好味!!!麵質彈牙, 無梘水味, 正!!!平時$13 一碗, 份量都會偏少, 唔夠飽, 但係呢度真係料多, 料足, 真係好抵食!!! 炸醬撈粗 ($22)味道 ok, 唔算好辣, 但係粗麵"淋"咗 d~湯底, 清甜, 無味精上次外賣食過佢 d 水餃, 浸左半個鐘, 但係都仲係咁好食 呢間野長期都好多人食, 好多人買外賣。坐就一家坐得唔舒服 ga la~ 但係十幾蚊可以食到有質素&咣麵都算係咁啦~~

今日放12點, 之後出左旺角, 行過一間好舊式既面檔,食左1.雲吞面$12有四粒雲吞, 十二蚊算係好抵, 不過個湯底好咸, 飲左少少之後都要飲返一支水, 雲吞方面, 都算幾正宗, 有蝦有肉, 唔會好似有d全部都係肥肉......幼面, 煮得時間剛好, 唔會太諗~~2.牛腩面$12一向唔係太鍾意, 因為個湯底好油,牛腩得三舊, 仲有三舊牛根, 都煮得好諗好入味,面底係粗面3.菜心$6總結平靚正, 又開得夜, 貓頭鷹最好~~

經常路過旺角聯發都未有機會一試 , 今日路過順便一試. 我就叫左個雲吞面 .個人認為面的好壞 , 有七分在於個湯頭 , 其他三分就係料到 . 雲吞面賣相普通無咩特別 , 湯頭飲落去算清唔太濃味 , 如果話完全無味精就係昆你, 起碼唔算口干. 雲吞個人認為唔差 , 大細剛好一口一只 , 唔似街外個 d 成個乒乓波咁大 . 而餡方面豬肉同蝦的比例約莫 7: 3 , 食落去唔會太寡. 個人較為反對出面個 d 一味用蝦去包, 如果用得太多蝦去包雲吞就不如去食蝦餃 . 整間面店外相睇落殘殘舊舊 , 但原來係卧虎藏龍. 個人認為有如此水準 , 加上 12 文一碗 , 絕對係超班之作 .

$12蚊碗無諗過咁好食!!!上完堂一行四人路經，有人話幾好食....先講湯低，基本上無乜特別，但係D主角就好出色，乜野主角？排名不分先後：牛根、炸醬、豬手、豬什...今時今日，咁ge價錢只可以用二個字"超值"好多話出名ge鋪都唔係佢個皮...

師傅見上次喺呢度食得幾過癮, 加上有d口痕, 於是乎早幾日又再黎光顧, 去滿足師傅呢一夥胃食的心!既然上次試過雲吞麵, 今次就試下牛腩麵啦! 先試下啖湯, 湯底好濃柱侯味, 好味得黎又唔覺有味精, 正呀; 再試下個牛腩先, 牛腩都幾大舊但唔算韌, 係鞋左少少, 不過仲有d牛筋, 牛筋都好腍, 唔錯; 再試下佢個麵先, 麵身都好爽口, 不過今次冇上次煮得咁正, 但係都仲係煙煙韌韌, 不過硬左少少, 要扣分啦! 總括黎講麵身質素依然出色, 而牛腩都可以, 地方環境就一般, 服務可以, 價錢就算幾抵食, 十二蚊一碗, 抵到震呀! 有時口痕而又想食野嘅話, 呢度絕對值得一試, 有機會都會再黎試下其他, 笑臉依然比得過!

早幾日無啦啦行開呢頭, 突然間見到有間麵家, 而呢間麵家好似幾得咁喎, 加上師傅見有d餓餓地, 食指大動, 就決定入去試一試啦!入到去坐底睇左一陣, 好似樣樣野都好好味, 好吸引咁, 思前想後都係要碗細蓉好似穩陣d, 唔使一陣碗細蓉就到!先試下啖湯, 湯底都幾清而且冇鹼水味, 又唔覺得有味精, 都幾好, 再試下個麵先, 師傅起初好驚佢鹼水會好重, 點知食落口發覺又一d都冇喎, 而且麵身好爽口, 煙煙韌韌幾鬼好味喎, 掂; 再試下雲吞先, 雲吞一碗四粒, 皮好薄而個餡都幾正, 蝦身都幾大隻而且好爽口, 豬肉份量不多不少, 好, 正呀!總括黎講師傅覺得麵身質素好相當出色, 而雲吞都得, 地方環境就一般, 普普通通啦, 而服務都可以, 價錢就幾平, 十二雞一碗, 雙拼都係十六, 絕對抵食! 師傅相信呢一類麵家已經買少見少, 所以值得捧場! 下次都會再黎試下其他, 淨係碗雲吞麵已經值得比笑臉啦!

今次是我第二次到這裡一歇...二次都吃牛什河...牛什好多...但我只愛牛肺..我不懂什麼是好的牛什...總之合我口味..每次均坐無虛席...相信一來平..二來這裡是沿用傳統湯底...十個人有9.5個都叫麵...好香大地魚味...我下次一定要叫麵..沒有什麼裝修...但值得支持