聯合興食館

營業中

休息中

多年前經朋友帶路試過呢間飯店已經覺得抵食又好味，除左有好多打冷食物，仲有好多唔同嘅家常小菜可以選擇，早兩日難得約埋幾個老友飯聚，即時諗起聯合興，估唔到食物都仲可以保持到水準，難怪疫情下的晚市時段客人仍然源源不絕，因為知道呢度六點後好多時都要等位，所以早兩日前已經訂好位。晚上八點一行四人準時到達，炎炎夏日一坐低即刻叫姐姐拎枝啤酒嚟解解渴先，是夜我地叫左椒鹽鮮魷、韮菜豬紅、煎蠔餅，鹵水花生雞腳同鹵水拼盤五款食物。每次嚟到必定會叫椒鹽鮮魷，平時好怕食到厚厚嘅粉漿，但呢度嘅椒鹽鮮魷只會沾上薄薄一層炸粉，大小適中香脆又可口，好易令人不自覺咁食完一件又一件，其他嘅鹵水食物夠新鮮，鹵汁好入味，份量都大大碟又熱辣辣，至於煎蠔餅也不錯，同樣不會厚粉一口油膩，蠔仔份量都唔少，不過食食下蠔餅中夾有蛋殼，呢方面廚房師傅要多多注意改善。

聯合興係樂富算出名，唯一一間潮州打冷小菜館，價錢合宜，份量足。但呢期幫襯過幾次午市外賣自取，價錢真係抵ge（$38大大盒），可怕ge係呢次ge芙蓉蛋飯就嚇親人，打開飯盒一睇：燶邊、佈滿黑點，好明顯煮到過曬火，但就交貨俾客，味道仲要好鹹（好似落左半包鹽咁鹹）。其實我係幾欣賞屹立樂富多年ge聯合興大件夾抵食ge路線，但午市出餐（特別係外賣）建議要把下關，雖然只係$38/餐，不求精美，只求食得入口。

今日六點鐘就去到聯合興，直接行入去就有位啦！入面環境都算熱鬧，好似去咗大排檔咁。今次我地五個人，叫咗腰果雞軟骨，蠔仔粥，薑蔥生蠔，鵝片鵝腸拼墨魚，非常豐富。黎打冷最正嘅當然係滷水啦，我最愛就係鵝腸，爽口彈牙，洗得乾淨冇臭味。墨魚都好新鮮，滷水霧遮蓋佢嘅鮮甜味。薑蔥生蠔煲煮得好惹味，生蠔非常JUICY，豆腐都吸收左醬汁的味道，好好味啊！蠔仔粥蠔肉唔算多，味道合格，基本上每次打冷都會叫。但係我就覺得雞軟骨太厚粉，亦炸得唔夠脆，味道一般。

The location is convenient, you have nearly arrived when you arrived Lok Fu station.The food is great. It won’t disappointed you.Also, The restaurant is quite tidy. The floor is dry and all thing meet requirements. For people who want to try, it is great for you to come in the afternoon because there will be too many people at night

樂富餐廳選擇真係好多，第一次去聯合興係同同事一大班來食晚，今次就同朋友再來幫襯。大眾化的價錢，有打冷的菜式，而且種類繁多平時打冷必點的蠔餅，同事另一介紹，蠔餅改為酥炸蠔仔粒，蠔仔大大隻，唔像平時果d蠔餅粉漿多過蠔仔絕對冇介紹錯，叫蠔仔粒一定唔會後悔椒鹽鮮魷即炸熱lala, 又夠大碟我地5 人食都綽綽有餘抵食另再叫了炒蜆﹑粟米羹﹑拼盤等老闆陳生也好好人，晚市期間亦高朋滿座，所以去之前都最好book位，如果唔係可能要係門口等下位

前排有日落雨經過樂富，見好耐無食打冷就入左黎食，結果無令我地失望！佢隻雞係新鮮雞黎，啲肉味道好鮮，可惜我影相技術一般，唔係影得咁好！另外佢啲打冷野我都叫左幾碟，不過太好食，未影相就清左，我極力推薦大家黎呢度食，真係好好食又服務態度好！

行完山想食小炒雖然多人等位 ,但二人坐四人抬都也不用搭枱坐低立即叫韭菜豬紅, 金銀蛋浸白菜仔,椒鹽鮮魷, 乾炒牛河,大啤三支,全部都非常好食,乾炒牛河先至42蚊,抵!

呢排實在都唔知食咩好嘅關係，跟住係OpenRice見到呢一間大排檔我都幾有人氣所以就捉埋屋企人一齊試。當日訂咗枱八點鐘都仲要喺出邊等一陣因為實在太多太多人一有位我哋即刻叫咗啲打冷嘢食先就係滷水鵝片，唔會話好肥，而且滷水味都唔會話好咸啱晒我而當中下面係有大量嘅花生同埋豆腐墊底。除此之外我哋仲有叫到其他唔同嘅小菜我最欣賞嘅係呢一個牛骨髓師傅吵得個牛骨髓好爽口而且配上其他大量嘅西芹蘑菇同埋啲海鮮感覺係非常之豐富你呢一個豉汁蒸烏頭就有啲鹹啦不過肉質比較鮮嫩所以叫做不過不失而其他菜式都冇令我失望。整體來講我覺得呢一餐好豐富而且味道好啱我下次一定會再嚟幫襯

嚟到樂富一帶屋村林立，今次冇揀到去UNI入面嘅較貴價嘅連鎖餐廳，反而揀左間都鄰近地鐵主打親民嘅潮州打冷🍽.窩蛋牛肉煲仔飯🍳一人份 $68最近天氣轉冷，黎番個煲仔飯🍚暖暖身真係一個完美選擇✨唔好以為一人份量好細呀，呢個煲仔飯食到我同CM兩個頂住個肚好滿足咁走🤤首先牛肉份量好多，而且每片都可以食到佢好嫩滑，係唔會鞋颯颯嘅牛肉🐄打埋雞蛋🍳係上邊將佢同成煲飯撈勻，感覺非常治癒，簡直係冬天恩物💕性價比極高‼️叫埋其他菜式可以係三人飯嘅份量，勁想再凍啲嘅時候再食🥰整體評分:8.0/10.炸蠔餅🥘 $75平日好多時食開嘅豪餅好多都會好多粉，但係今次呢個好餅生得非常之鬆脆🌟可以食出係真係新鮮整好嘅，蠔仔一份量比我想像中嘅更多，亦都非常之肥美😏，點埋魚露咸咸地一齊食就更吸引，就算好熱氣都好想繼續食！整體評分:8.0/10.聯合興食館 (樂富)樂富聯合道198號樂富廣場匯富坊4號.

今天工作後，相約一班友人一起吃打冷。餐廳的選擇十分多，令人眼花撩亂，最後選擇了友人推介的豬紅韭菜，味道果然沒有令人失望，豬紅十分入味👍🏻👍🏻👍🏻，令人吃不停口。當然也叫了打冷必吃的魚香茄子煲，餸菜漁香味濃👍🏻👍🏻👍🏻椒鹽魷魚的份量也十分大碟，抵吃👍🏻👍🏻👍🏻什錦蔬菜煲也十分足料，分量大得數位也吃不完一煲。唯一美中不足的是，個人認為黃金蝦未夠新鮮，但是整體來說也不錯的餐廳。

喺充斥連鎖食肆嘅樂富廣場對面地庫，竟然有間特色大排檔！未到7嘅點已經要等位，都幾多人。侍應好好招呼，兩個人坐4人卡位，落單後上菜速度都幾快。北菇滑雞煲仔飯普通size已經好大份！明火煮出陣陣飯香，剛到時記得沿住煲邊倒入鼓油焗多陣，焗到冇煙噴出，就會有軟硬適中嘅飯焦食！雞件肥美香滑、北菇濃郁，好滿足！燒乳鴿骨軟肉膻，唔會太咸或太乾。蒜蓉蒸勝瓜好香，鮮甜多汁。三樣食物都超水準！未試過一定要黎試下，食過就一定會再黎！

小時候，家人久不久就會帶我們去打冷。那時候，通常都會覺得打冷整件事很麻甩，不太乾淨，又坐得不太舒服，只想儘快回家。長大以後，近年已經很少打冷。但是，不變的仍然是麻甩的感覺，還有是掛念潮洲打冷的獨特風味。那麼久沒有打冷，我們四人都很期待，胃口大開，開心一點共要了六道菜。首先來的是滷水雞腳。在外用膳我們很少特意點雞腳，始終也不能食得多。如果你喜歡食雞腳，就要試下這裡的了。雞腳做得很淋又入味，入口不用怎麼咬便已經骨肉分離 即使是牙力不好的也能輕易食得到。如果你能食一點點辣或者喜歡辣，我推薦要請店員為你送上一碗辣椒油。是的，是推薦辣椒油，因為味道不是很辣，更不是純粹只有辣味，而是有炒過煮過的辣椒香味，跟雞腳一起食很配！鹹菜魚，只有潮洲食店才吃得到的一道菜。鹹菜不算很鹹，所以不會令人覺得口渴。魚的肉質軟，味道淡，是靠鹹菜的鹹味提味。很少機會食這道菜，我就不清楚是否正宗了。萬眾期待的煎蠔餅終於來了！相信都是大家打冷必吃的一道菜。新鮮做好，炸得鬆軟，蠔仔數量多，夠肥美，整塊蠔餅的份量也很大，好吃！滷水鵝片滷得很入味，不會很滑但風味十足，下面還有一些滷豆腐，也是入味很滑。除了蠔餅，也有不少人會選擇食蠔

第一次與家人到聯合興食館， 餐廳主打親民價錢潮州菜， 當日是星期五全場爆滿客人， 看見餐牌上食物種類好多， 有選擇困難症的我樣樣都想食樣樣都想試下。當晚點了十四道菜，包括有紅腸豬紅，菠蘿生炒骨，炒通菜，鹹菜魚，鴛鴦飯， 薑蔥生蠔煲，鹵水鵝片，鹵水鵝掌翼，蠔仔粥，沙爹肥牛炒菜心，炸蠔餅，炸子雞，番茄蝦球炒麵，炒聖子。紅腸豬紅， 豬紅好夠味，紅腸熱辣辣，薄薄一塊易入口又野味。菠蘿生炒骨， 佢哋打冷嘅食物做得唔錯，小菜都做得幾好， 調味剛剛好酸酸甜甜， 夠曬開胃 又唔感覺油膩。炒通菜， 雖然只是一些小菜式，但是夠鑊氣。鹹菜魚， 一送到上枱好快就已經清曬， 原來我屋企人個個都好鍾意食鹹菜的。鴛鴦飯， 真係好好味， 我自己好鍾意食鴛鴦飯平時食下午飯或者去到酒樓都會叫的， 一來鐘意濕濕地易入口， 還一次過可以食到兩隻味道。薑蔥生蠔煲， 生蠔大大粒配搭薑蔥，正！鹵水鵝片， 切得比較薄身所以容易入口， 鹵水嘅味道剛剛好唔算好咸。鹵水鵝掌翼， 好入味， 用嚟送啤酒一流！蠔仔粥， 粥入面有大大粒蠔仔， 每次食潮州嘢必食的一道菜。沙爹肥牛炒菜心， 菜心好新鮮， 沙爹肥牛似沙爹牛扒， 超級大件啊！炸蠔餅， 香

有日係電視見到介紹呢間潮洲食店，睇完就心郁郁走去試下，店内環境光猛，冷氣充足，算是乾淨企理。餐廳晚上六點半多已坐滿食客，非常熱鬧。門口廚窗掛着鹵水鵝及一盆盆鹵水豆腐，又有鹵水蛋、筍蝦、生腸、牙帶魚等，望見就已經覺得吸引!韮菜豬紅，豬紅夠彈囗又入味。花生雞腳併豬手，雞腳和豬手都大大隻而且夠冧身，豬手處理得乾淨冇毛，而且味道濃郁，反而花生就唔多夠冧。八珍豆腐煲 ，煲身唔夠熱，所以所有食材包括豆腐、魷魚、豬潤 、蝦都唔透熱，因而失色，味道亦都略為鹹了點。

友人推介呢間舊式潮州野，星期六一於去試下一黎到就大排長龍，排左大約20分鐘入邊有大枱細枱但環境上比較迫黎到潮州店當然要試下鹵水叫個鹵水拼盤試下先有牛栢葉鵝腸大腸豆腐紅腸鹵水蛋雖然冇鵝片個d，但呢d都係好入味，尤其豆腐而且個汁熱辣辣，十分香同濃郁又一潮州必食---韮菜蜆肉炒得韮菜味十分香，同蜆肉冇沙同爽口再叫左個辣酒煮花螺煮得好入味同香，大大粒不過酒味唔重同冇乜辣味薑蔥魚腩做得幾出色個魚腩炸得脆卜卜，而魚肉好嫩口薑蔥炒得香口同收汁收得好乾身菜遠炒豬雜而家好少地方有豬雜呢到豬雜炒得好爽口，而且唔會好腥不過個汁比較淡少少總括黎講: 呢到食物份量多同質素中上，十分抵食而且潮州特式菜都做得好味怪唔得大排長龍 (聽聞平日都係咁)