聯合興食館

同事極力推薦，特登山長水遠走到樂富開餐！地鐵站一出過條馬路就見到，超級就腳～我哋專登早少少到避開人潮，果然明智！呢度紮根多年做熟客生意，唔夠水準點撐到今日？食物絕對有驚喜！即叫即炒鑊氣爆燈🌟韭菜豬紅入味到震，豬紅滑溜冇腥味；椒鹽九肚魚外脆內嫩，蠔餅煎得金黃香口！胡椒豬肚湯真材實料，飲完成個身暖笠笠～最正係夠晒地道風味，價格又抵食，真正街坊價，同班fd鋤啤吹水一流，食完即刻bookmark做飯堂！#樂富隱世打冷 #街坊秘店 #鑊氣小炒 #抵食大排檔…查看更多

夜晚黎到樂富，想食啲有大排檔風味嘅野，見佢咁多人排隊等位，就決定去試試聯合興。坐低見到個Menu真係眼花撩亂，噏得出嘅嘢都有得叫，真係適合大班人嚟食飯，咁就可以試多幾樣嘢啦。魚香茄子煲啲茄子每一嚿都吸晒啲醬汁，食落好惹味。個醬汁好濃郁，都比較杰身，適合撈飯食😋中式牛柳呢味餸個汁甜甜地嘅，食落好開胃。配上牛肉、大蔥一齊炒，每一件配料都吸晒啲汁，正👍🏻而且啲牛肉好腍，食落唔會黐牙豉汁排骨煲仔飯煲仔飯而家唔係度度都有得食，淋上豉油一圈，再焗多一陣，每一粒飯都充滿着豉汁同豉油汁嘅香氣。而且啲排骨都算幾多，每舊都好腍好好食。一煲煲仔飯已經夠四個人食啦。炸子雞呢個一定係必食！炸子雞啲雞皮好脆好香口。當你以為炸到咁脆，啲肉一定好柴好乾身啦，但竟然非常意外地嫩滑。一咬落去外脆內軟，仲有肉汁喺個口入邊爆出嚟！連雞胸嘅部位都好腍好嫩滑，真係必食推介！…查看更多

昨晚2025/6/7 提早慶祝父親節，爸爸喜歡打冷，之前都食過一兩次聯合興，印象幾好。今次叫左 滷水鵝片拼掌翼 ，小炒皇，豉汁炒蟶子，蠔仔粥。食物好快到，其中最失望係蟶子，明顯唔係熱炒岀黎，睇樣都覺得唔夠鑊氣，食落暖暖的，味道好淡，我記得上次食過 豉汁炒蜆係好食嘅，今次好失望。幸好 滷水鵝片拼掌翼 蠔仔粥 保持水準，好食😋 最大驚喜係小炒皇，炒得好香好夠火喉。樂富沒有太多打冷，希望小店能保持水準，留得住客人。…查看更多

這間大衆食堂，已經是食過N次。每個月都會去 5、6、7、8次，他們的鹵水鵝、鵝掌翼、小炒、炸物和煲仔飯，百吃不厭 👍 每次都會點 🥰這間人氣食堂非常旺場，晚晚都滿座，每張枱每晚都會返枱2-4次😱 真係唔係講笑👍 由以往 7點便滿座，現在 6:30 已經滿座😊 不少熟客 die hard fans 😂 當然包括我們啦！今晚就食咗以下小炒：1️⃣ 鹵水鵝頸頭2️⃣ 酥炸鯪魚球3️⃣ 魷魚鬚小炒皇4️⃣ 沙爹粉絲牛肉煲5️⃣ 涼瓜炒豬什6️⃣ 筍蝦#樂富美食 #foodies #hkfoodies #我的美食日記 #聯合興 #大排檔 #潮州菜 #今晚食乜嘢 #樂富人氣食堂 #今晚吃什麼 #我的美食寶藏 #鹵水鵝 #煲仔飯…查看更多

星期五晚上嘅一餐 係第2次黎食食嘅時段可能比較早 6點幾入坐 唔算非常之多人坐嘅枱都係闊落嘅 但唔係一啲非常舒適嘅座位但都坐得舒服 有足夠位置放下袋 環境係比較麻甩啲 傾偈大聲啲都唔怕叫咗5個餸3枝大啤同1罐汽水・粟米魚肚羹：加咗胡椒粉再好味啲・沙拉骨：好好味 上面會有層沙律醬，如果冇落記住叫佢落返🤭・小炒王：上次食過今次再encore 飲住啤酒黎食 好好味😆😆😆・滷水拼盤：正常 有好多種類 但唔係全部都岩食 下次可能專叫某幾種算・牛肉粉絲煲：原來係肥牛黎 正常味道五個女仔食唔晒🫣🫣🫣…查看更多