聚福樓 (已結業)

誤打誤撞搵到呢一間聚福樓，一行入去我同朋友就比呢度嘅咖啡香吸引住。朋友話想食蝦又想食扁意粉，問左都好好咁可以比我地轉，所以嗌左個”忌廉茄茸大蝦扁意粉”。我就想食burger，加上寫住with sweet potatoes fries 鍾意食蕃薯條既我即刻唔洗諗要叫呢個”牛肉漢堡”，我地order左medium，亦都請廚房幫我地開半，等我地唔好食得咁論盡。Set lunch包餐湯同是日餐飲，是日餐飲唔岩飲可以加錢轉。見到餐牌上面有flat white，朋友表示自離開澳洲就好耐冇飲過，所以諗都唔諗就要將是日飲品改成flat white。而我係是日餐飲熱薑蜜同latte中糾結，最後我都係選擇左latte，因為咖啡實在係太香太吸引啦☕️呢杯咖啡確實係我地今日既小確幸，求其行咗一間餐廳仲要飲到靚咖啡當日嘅餐湯係南瓜湯，不過個南瓜湯味道唔夠濃，所以飲落去似中湯多啲，如果忌廉味重啲會比較好。意粉同burger都好正，個漢堡包有搽牛油再烘過，一咬落去就食到好香，塊牛肉最後有八成熟，但都一啲都唔乾。環境很舒適，我地都影左兩張相，同朋友都覺得如果我地有日想chill下，坐低寫下野畫下畫，會想再黎嘆杯咖啡☺️，

留意到這間餐廳已經有一段時間，但是終是未有機會來這裡一試。記得之前兩次朋友都是因為它的特色餐牌而被吸引了，但兩次都因為預約滿了而不能成行。今次我們沒有預約，打算去碰碰運氣，就幸運地讓我們成功了。餐牌的設計不算特別精緻，但是內容實在太有意思了，所以禁不住把整本都看了一遍，真的不得不佩服餐廳負責人的創意。（有一個tips:其實只要看英文的菜名就可以知道是什麼菜了，哈哈）最後我和朋友二人叫了"森山黑松露蘑菇頭天使面"和熱門的"我個牛皮包係邊度"。先來的是，”森山黑松露蘑菇頭天使面”，蘑菇爽口，份量充足。不過我偏好硬一點的意粉，所以如果意粉能再硬一點就更有口感了。再來的是熱門菜式”我個牛皮包係邊度”，其實就是威靈頓牛扒。本來我也未有嘗過威靈頓牛扒，所以也是第一次吃到。有一塊酥皮包着的牛扒，醬汁和沙律。店員建議我們從中間切開，會比較容易分。因為牛扒肉質鮮嫩，很容易就切開了。這個菜一定要趁熱吃，不然酥皮就很容易軟了。最後因為份量充足，吃得太飽了，所以未有吃到甜品，下次再有機會要再來試試看。

聚福樓位於置樂花園再行過少少，地點都有少少偏遠。聽個名—聚褔樓，似係茶樓，但實際上係一間西餐廳。餐廳門面幾靚，走懷舊文青風格路線，入面會連環播放香港９０年代的流行曲的音樂。MENU菜式名夠晒趣致，用左材料既諧音去改名。我叫左煙親三文魚天使麵$202，仲有一杯Strawberry Yourt$46。上面有塊捲住左既三文魚，天使麵仲有少少三文魚碎塊，所以三文魚味道濃厚，D汁好夠creamy﹗Strawberry Yourt好重Yourt味，好fresh總括而言，呢度有少少偏遠，但勝在呢度靜靜地，一大班朋友放工落黎可以坐得耐D傾到計。 

聚福樓呢間位於屯門嘅秘密後花園， 呢度嘅環境清優舒服，最適合嘅就係空閒嘅時候嚟呢一度 嘆返一個悠閒嘅下午茶。鍾意影相嘅朋友呢度都係一個唔錯嘅影相好地方枱同凳款款都唔同，顏色亦都唔一樣架牆上掛住唔同嘅畫作， 好有藝術嘅氣氛呢個豐富嘅下午茶價值138蚊凱撒汁沙律菜，烤煙肉，烤香腸，煎火腿，炒蛋，三文魚，芝士焗大蕃茄，茄汁焗豆，厚鬆餅配草莓醬同埋草莓乳酪， 一個餐可以滿足哂幾個願望 ，有前菜主菜到甜品同飲品， 整體食物質素都可以。呢個下午茶嘅賣相都好吸引呀覆盆子&玫瑰(左) 百香果梳打(右)呢杯覆盆子飲落似藥水味， 吞咗落去仍然有陣藥水味喺個口腔入面揮之不去。而百香果梳打就非常之甜， 甜到好似飲咗成 羹糖咁樣 雖然呢間舖頭無論環境同埋食物嘅樣貌都係好靚好吸引，但實質食物既味道無想像中咁出色，可以有待改善，不過環境真係好正好舒服。

忙裏偷閒之Happy Friday 午餐（扮文青）隱世小店，地點唔多人流，也不近市中心，但都有驚喜。👨‍🍳👩‍🍳食物質素：午餐有主食，餐湯，指定餐飲。餐湯：椰菜花湯，新鮮製造，唔會即沖。餐飲係薑蜜。🍝黑松露忌廉雞肉扁意粉，唔算油膩，分量適中，意粉再淋多少少會比較好。（個人比較喜歡淋身）同行朋友加配左泡沫咖啡和朱古力。聽聞🍳🥓all day breakfast 比較出名，下次要一試。🛋️🛋️環境：好有文青feel😎，一入店內，壓力都舒緩左些🥰。由於平日中午時間，所以人唔算多。枱之間都算密。👦👧適合人數：2-4人😋好食指數：3/5😍Souffle 舒服指數：4/5******************************工作中都要休息下，對自己好些。

屯門隱世西餐小店以中餐的名但提供西式食物今次就食咗呢三個菜阿蟹肉同埋蟹膏你想點呢？紐西蘭媽媽慢煮肉眼 佢個薯條係番薯炸架...超好食肉眼5成熟都好嫩滑好容易入口甜蜜蜜都走咗雞同蝦 餐廳是以西式裝修配上中式音樂環境很特別和舒服

朋友都聽聞聚福樓唔錯毫無異議 懷著期待 Boxing Day來訪聚福樓 聚福樓吸晴的地方 毫無疑問係它的特式佈置及設計 的確好精緻本身想食”我個牛皮包係邊度”但原來晚餐時段才供應 唯有乖乖地食指定午餐烤磨菇芝士手造牛肉漢堡份量大 不過...芝士無咩味 甜酸苦辣咸都食唔到手打的牛肉扒、小片的酸青瓜一樣淡而無味唔似食跟burger🍔 唯一正常有味的係啡菇朋友的是聚福火腿班尼迪蛋朋友話檸檬🍋汁不夠、酸味不夠出雨衣金藍有點粗糙午餐包餐飲 special drinks都包以為可以彌補食唔到牛皮包的失落落單時就話咖啡機壞左🥴🤨😤唯有叫紫薯Latte同綠茶Latte 結果... Latte無奶味、綠茶無綠茶味星x克的都好飲過佢難得一聚 二人share 焦糖朱古力脆脆三重奏蛋糕+Movenpick雪糕叫之前問過下有無其他甜品可供選擇回覆是: 要睇下廚房做唔做囉 幾無癮呢一臉無奈之時 對方講解到三重奏蛋糕夠二人份量 所以叫啦上枱就發現 普通一個cupcake都大件過呢個三重奏蛋糕奇怪的是 呢件三重奏蛋糕🍰係全餐最好味的東西質地幾好 有少少實在的質感只可惜 以$138/set評論 已經是酒店收費 甚至貴過

作為屯門原住民，朋友叫我推介屯門食肆 ，好多時都諗唔到有特色的。屯門有好多商場，但都以連鎖食肆為主所以就諗到置樂過啲呢條街之前都會黎食佐敦咖喱, 日本菜, 重慶串燒，有日經過後面，見到一間裝修都好別緻的鋪，一直想試下咁啱聖誕遊到入黎，不如就去呢條街碰運氣，點知喺正門口有錶位，天助我也！之前一直都想試隻雞入面釀左糯米，好香糯，飽肚又好食沙律也好吃，有橙乾和莓，仲會加入爆珠，很得意整體是有特色的，環境很有氣氛，食物也有心機，雖然價錢偏貴，但不失為撐枱腳好地方。

屯門置樂小曼谷就食得多，出名抵食又好味吖嘛附近嗰間聚福樓就第一次食，原來呢到嘅食物都好有特色同埋高質！環境氣氛好好，適合慢慢食慢慢傾！不過呢到嘅MENU菜式名有啲古怪，好難叫出口...<<冇菌嘅牛肝菌今次真係要食飯>>用咗薏米飯嚟整，粒粒脹卜卜，咬落彈牙，好想知點整，學識咗可以戒食大米~<<甜蜜蜜都走左雞同蝦>>薯條甜甜地感覺上都無咁熱氣，仲配有沙律菜，幾豐富！<<窩夫大人訓草地>>甜品賣相好靚！Like IG有5折，都幾抵食！飲品都OK好飲

睇個名以為係中餐廳，但哩間餐廳本身吸引我的除了本身評價不錯，最特別之處一定係個menu，每一道菜個名都別有心思的，首先係“今日的湯”係龍蝦湯，好重龍蝦味，入面有2隻蝦好入味，餐包夠軟身，食得出係餐廳自己整的，跟住我點的“阿蟹肉同埋蟹膏你想點呢?(Crab Meat & Crab Butter Penne)”，好香蟹味，有點creamy但不會覺得好“漏”，好食!! 然後係老公點的“狂揼牛肉漢堡(Joy Food Beef Burger)”，首先隻菇本身已經好juicy，再加埋啲芝士汁真係好正，而個漢堡扒老公話有啲 韌，但我覺得夠哂“林”，係好味的，薯條並唔係薯條，而係蕃薯條，甜甜地唔洗點茄汁已經夠味，意外地好味，飲品方便我點的普通熱朱古力，一飲就知唔係吉百利或三花牌，而係可可味較重的靚野，唔會勁甜，不過自己比較喜歡奶味再重啲朱古力，而老公點的Black Forest(覆盆子朱古力)，我自己由於對朱古力奶好有堅持所以平時唔會叫有其他成份的朱古力奶，哩杯係臭牛點的所以即管試下，竟然有驚喜，真係好似飲整黑森林蛋糕而又一啲都唔過甜，比想像中好味!! 間餐廳裝修得幾靚，啲餐具都好有心思，老闆同其他

Visiting HK for 5 days and dined in @ Joy Food Lounge twice! Coz it's really amazing food, environment, lovely service and reasonable pricing. This place has no doubt changed my impression of HK because of the respectful service that I experienced here. Also, I was surprised to taste such authentic Italian cuisines in HK while paying this price for each plate. The environment is great especially if you have children (coz I do!) The kids could walk around the restaurant if they get bored an

呢餐飯真係約到天荒地老,  已經忘記從何時開始夾時間, 夾到同事都唔撈喇, 先食到呢餐飯.近期工作氣氛好麻麻, 所以同同事約出黎一聚, 舒口悶氣~~閒日訂檯較容易, 因為有大肚婆的關係, 訂檯時專登request , 希望座位可安排較舒適一點.睇個menu好有趣, 因為如果你齋睇中文, 真係未必知道自己叫左咩食, 所以要望埋下面既英文, 你先知其實係乜東東~餐廳外面環境:入面環境，　地方唔算好大，　一眼望晒是日餐單:炸炸諦 -- Cheesy Fries (Sweet Potato) $88上面舖滿溶左既芝士, 薯條用左番薯造再炸, 所以味道又咸又甜, 幾好味.森山黑松露磨菇頭天使麵 -- Turffle Mushroom Angel Hair $138一擺上枱就聞到好濃烈的黑松露味道, 醬汁好口身, 不過麵質就較腍, 但整體味道好好既!　上面有條麵包條襯下咁，卜卜脆～小忌廉鐘意去意大利食雞油飯 －Chicken Risotto with Cream Saurse $148似乎同樣煮法, 用忌廉汁黎煮，雞肉好嫰滑， 仲要加埋芝士碎片, 令到味道更香滑, 同樣好美味! 小豬仔好慢好慢咁去

要去聚福樓聚下福，文青下先。門口幾靚。同你愛既人講聲先。小豬仔好慢好慢咁去打排球 $228 個名好搞笑，利用燒烤醬烤焗而成豬肋骨，仲有沙律菜同番薯條做配菜。份量黎講2-3個人SHARE剛剛好，豬助骨肉味香濃，咬落好JUICE 【甜蜜蜜都走咗雞同蝦】蝦及雞炸得香脆，配上泰式風味的醬汁，帶有酸酸甜甜的味道，好惹味，仲有番薯條做配菜。 【有菌嘅牛肝菌今次真係要食飯】意大利飯好CREAMY，飯粒軟硬適中，有嚼勁，而且菇香味濃，十分高質。 ESTRELLA啤酒西班牙啤酒，易入口，最岩一路食薯條一路啤一啤overall唔駛$500，同肥仔食好飽，幾有情調既感覺。

一聽「聚福樓」個名差啲以為係啲酒樓黎睇返英文就知中文名其實係攞諧音今晚大概20:00左右黎到已經好多人最怕花時間等位既我好彩一早已經預訂左位所以先唔洗等好耐呢一間餐廳用色好豐富令我覺得自己好似去左一個精靈既世界咁好夢幻就連洗手間既門都用出繽紛既顏色今晚點左三樣食物第一道係「聚福樓大哂健康沙律」就好似餐廳設計咁呢一碟既沙律🥗顏色配搭好鮮豔吸引力level up!!!唔似得平時既沙律賣相咁單調除左主角沙律菜外生果方面 有草莓 🍓 藍莓 同埋raspberry 都幾新鮮第二樣係「班尼迪完先生既蛋同帕爾馬火腿」菜式名字非常過癮！所以都期待食物既賣相！好彩都無令我失望底有一塊麵包加上芝士以及仲係流心既蛋感覺都幾特別！最後係「小豬仔好慢好慢咁去打排球」小豬仔其實就係豬仔骨酸酸地 好好味每人都分到三條骨左右！好滿足

我朋友話要食聚福樓，聽個名，心諗唔係掛，兩個後生仔去飲茶？一到去，完全顛覆左我原本嘅睇法，門口佈滿花花草草，勁靚，完全係打卡位黎。入面嘅裝潢，同出面係一樣嘅風格，有種7，80年代舊情懷嘅感覺，好有特色。講番野食，又係一個surprise位，雖然餐廳名同裝飾都有好中式，但真正sell嘅係西餐。可以見到menu嘅菜名，都落足心思，個個都好搞笑，但難得又唔會離地到睇唔明。前菜嗌左佢個招牌salad, 聚福樓大唒健康沙拉。佢嘅特別位係，除左沙拉菜，都加埋啲雜果。不過略嫌水果唔岩季節，加埋啲沙拉醋，整體過酸。主菜方面，阿蝦話太子仔只喜歡天使嘅你。真心出色！天使麵掛滿粒粒蟹籽，係忍唔住嘅一啖接一啖，有5隻大蝦，爽口多肉。唔係講笑，極推！另外都嗌左個 小豬仔好慢好慢咁去打排球。平時我出街食，都唔會輕易嗌豬肋排，覺得佢太難切，而今次出乎預料中，勁好切！可能係慢煮嘅關係，啲肉勁淋。加埋啲醬料係正嘅。另推佢嘅炸南瓜，切到好似薯條咁，南瓜本身嘅甜味，覺得絕對完勝普通炸薯條。總括嚟講，環境幾有特色，食物質素唔錯。