聚椒

話明小辣就係bb辣。本身食得辣嘅，建議直接試中辣啦，不過個湯底幾好，麻味好突出，鍾意麻嘅我覺得幾過癮，一啖落去，舌頭微微發麻，幾特別。仲有蒜蓉好香，聞住就好開胃，呢點幾值得讚。​佢哋個米線幾有特色，係嗰種幼身嘅，口感好彈牙，咬落有嚼勁，有啲似之前係揚州食過嘅線上米線。當時幾乎隔兩三日就去幫襯，就係鐘意呢種口感。至於花甲，個頭幾大，食落有淡淡清甜，食到花甲本身個鮮味，呢點幾唔錯。但係量有啲少，如果唔係特意叫加重花甲，可能都唔夠喉。最後張圖個分量，其實係加重之後先有嘅。​湯底入面仲有娃娃菜、金針菇、黃金豆、油豆腐，呢幾樣配菜幾飽肚，女生嘅話，其實唔使叫太多其他嘢，已經夠食。…查看更多

位於大角咀鐵樹街嘅 聚椒，係一間主打滇菜同川菜嘅小店，專攻粉麵米線同串燒，雖然舖頭唔大，但環境整潔，氣氛輕鬆，適合同朋友嚟食個簡單又滿足嘅飯。今次我點咗佢哋嘅招牌菜 皇牌花甲粉，揀咗粉絲做主食，味道帶少少辣，配料有蒜、娃娃菜、豆卜同金菇。端上枱時，熱騰騰嘅湯底一陣蒜香同花甲嘅鮮味已經撲鼻而來，令人好有食慾。講到食材，花甲真是一個亮點，份量多而且新鮮，顆顆飽滿，入口有海鮮嘅甜味。粉絲吸滿咗湯汁，滑溜又有嚼勁，略為帶辣嘅湯底麻香適中，唔會太刺激，對於唔太食得辣嘅人嚟講都好接受。配料方面，娃娃菜爽脆，金菇同豆卜吸收咗湯汁嘅精華，增添咗唔同嘅口感同層次。蒜粒嘅香氣貫穿全碗，令人食完一口想再食一口。整體份量適中，食完唔會覺得太飽，但又夠滿足。總括嚟講，聚椒嘅皇牌花甲粉味道地道，鮮香惹味，適合想試吓滇川風味又唔想太重口味嘅朋友。…查看更多

大角咀真心係美食天堂，最近搵到一間超有街頭風嘅花甲粉+串燒店——聚椒！啱晒同朋友一邊食串燒一邊吹水。今次我同朋友嗌咗佢哋嘅$238二人套餐，包晒皇牌鮮甜花甲粉、罐裝飲品、6串特色小串同汁撈高筍絲，性價比高到爆！🍽️皇牌鮮甜花甲粉（2碗）套餐嘅主打！呢款皇牌鮮甜花甲粉真心係麻辣控嘅心頭好！花甲新鮮彈牙，每粒都吸滿濃郁嘅湯底，麻辣中帶點微甜嘅海鮮鮮味，湯底辣度適中，飲落好順喉。粉條爽滑有咬口，仲有青蔥同花生碎點綴，增添口感同香氣。兩碗份量啱晒二人分享，食完暖笠笠，超滿足！🍽️孜然牛肉串串燒環節開波！孜然牛肉串燒得外焦內嫩，牛肉切得啱啱好，入口juicy又充滿牛香。孜然嘅香料味濃郁，帶點微辣同煙燻香，咬落好有層次感。串燒份量唔大，但調味惹味，食一串已經令人想再encore！同罐裝飲品一齊食，完美解辣！🍽️孜然羊肉串羊肉愛好者有福啦！孜然羊肉串同牛肉串一樣燒得香噴噴，羊肉無腥味，肉質嫩滑，孜然同辣椒粉嘅搭配好有新疆風味。每一串都烤得均勻，油脂同香料融合得好好，食落好似喺街頭夜市食燒烤咁過癮！OpenRice同U Lifestyle提到大角咀嘅串燒店好多都主打孜然風味，聚椒嘅羊肉串真心有水準！🍽️一口豬頸肉呢款一口豬頸肉係我嘅心水！豬頸肉肥瘦適中，燒得外皮微脆，內裏嫩滑多汁，咬落滿口肉香。調味簡單但夠惹味，帶點炭燒嘅煙燻味，食一粒已經停唔下來！一串有2-3件，啱晒想試多幾款串燒嘅朋友，份量同味道都好平衡。🍽️秘制雞軟骨雞軟骨控注意！呢款秘制雞軟骨燒得香脆，咬落「卡滋卡滋」，口感超正！秘制醬汁帶點甜辣味，塗滿雞軟骨，增添咗濃濃嘅風味。軟骨本身彈牙有嚼勁，食落好似小食咁，愈食愈過癮！配罐裝飲品，真心係完美嘅串燒體驗！🍽️爆汁台灣腸台灣腸係街頭美食嘅經典！呢款爆汁台灣腸燒得外皮微焦，咬落一啖爆汁，腸衣「啪」一聲，滿口肉汁同香料嘅味道，超滿足！腸本身帶點甜味同煙燻香，燒烤後更香，食落好似喺台灣夜市掃街咁！一串份量唔多，但味道濃郁，啱晒同朋友share。🍽️汁撈高筍絲套餐嘅小菜壓軸！汁撈高筍絲清爽開胃，高筍絲切得幼細，爽脆無渣，拌上麻辣醬汁同芝麻，帶點酸甜同微辣嘅味道，食落好解膩。呢款小菜同串燒同花甲粉嘅濃味好互補，食完一堆串燒後嚟一份，簡直係味蕾嘅救贖！份量適中，二人分食啱啱好。…查看更多

特別適合鍾意串燒同海鮮嘅朋友！今次我試咗佢哋嘅魷魚鬚花甲粉同串燒魷魚鬚花甲粉，米粉吸咗花甲嘅鮮味，叫左小辣啱啱好，唔會好辣，朋友食微辣就覺得無乜味，魷魚鬚好脆，真係好好食。花甲都幾大隻而且幾多。至於串燒，每串都燒得啱啱好，特別係豬頸肉串，味道濃郁，唔油膩，上面有孜然粉都幾入味~整體來講，大角咀聚椒無論係海鮮定串燒都好有水準，環境比較細，會需要搭枱。下次再去試其他菜，如果你喺大角咀附近，記得嚟試下呢間！…查看更多

呢間餐廳唔係社交平台打卡嘅餐廳，係一間街坊小店，不過整嘅花甲粉好好食。有時候花甲粉隱起，但係香港又唔知邊度有得食?返深圳又太遠……好彩有呢間餐廳，佢嘅位置喺大角咀，餐廳唔算好大，有幾張枱，不過唔會好迫要排好耐隊。嗰日星期五夜晚九點去到，唔使等直入。我嗌咗一碗招牌花甲粉，上菜嘅速度唔耐，啲湯幾好飲🥰一上鍋成個熱辣辣，冬天食就最啱啦!如果住喺附近，有時唔知食咩，建議都可以試吓呢間哦~同埋keep住有人叫呢間嘅外賣!…查看更多

今日來到大角咀行街，原本想去食拉麵但剛好落埸食不到，行多一陣比我搵到呢間餐廳，專門食花甲粉😍😍雖然餐廳不大，但有著濃濃既小店特色，職員好nice, 除左花甲粉，仲有串燒，米線等，估吾到有甘多種類的食物😆⭐️廣島蠔花甲粉，魷魚鬚花甲粉廣島蠔有2隻，蠔很肥美肉質飽滿，一啖咬落去會爆汁😆👍👍花甲數量充足，湯底清甜，有少少金菇，娃娃菜，豆卜，蒜蓉等等，另外仲可以加餸，我好中意食響鈴，好開心呢度都有得加響鈴! ⭐️雞軟骨串燒，豬頸肉串燒雞軟骨好爽脆，調味幾好，豬頸肉係一粒粒，下次都係叫返一大塊既燒豬頸肉😂…查看更多

呢間小店回購過好多次，水準keep到，味道好道地既花甲粉。佢啲花甲粉可以俾你揀加唔同送，亦都有唔同辣度🌶️🌶️🌶️俾你選擇。當然可以唔辣.佢啲花甲粉係用一個砂鍋上，溫度keep得好好。但呢間真係名副其實嘅小店，座位得三四張枱，每張枱坐最多2個或者4個人。lunch 一定要早啲12點前或者準時拎位😊另外佢仲有啲串燒嘅小食，試過一次燒得比較乾身。佢有一個白灼牛柏葉配酸汁，係大推。牛柏葉好腍，酸汁酸酸甜甜好開胃🤤🤤…查看更多

呢間舖頭嘅麻辣花甲粉，味道非常之濃郁，花甲味好香好鮮甜，亦都有好多配菜可以揀。每次送上嚟嘅時候都係熱辣辣香噴噴，而且拿起上嚟好過癮，令人回味。The spicy clams with noodles at this shop have a very rich flavor. The clams are fragrant and incredibly sweet and fresh, and there's a wide selection of side dishes to choose from. Each time it is served steaming hot with tantalizing aromas, and the experience of eating them is immensely satisfying and leaves a memorable aftertaste.…查看更多

自從有一次宵夜食過花甲粉，我就深深愛上咗呢碗粉🤩正所謂花甲粉越食越上癮😆同事知我好鍾意食就帶咗我去大角咀嘅「聚椒」，小店主打花甲粉、小鍋米線、串燒、麻辣拌小食，每碗粉都可以根據自己嘅口味選擇辣度、麻度同酸度，啱晒唔同口味嘅人士👍🏻珍珠帶子花甲粉+豬軟骨黎到梗係要點呢度招牌嘅花甲粉，我加咗珍珠帶子同豬軟骨，每碗花甲粉都包括豆卜、娃娃菜、金菇，再加上大量蒜蓉，湯底特別鮮甜，每粒花甲都處理得非常乾淨，完全冇沙，一碗大概有十幾粒花甲，足料抵食👍🏻珍珠帶子雖然細細粒，但店主比嘅份量十足，一樣有十幾粒，爽口又鮮味🉐豬軟骨炆得軟稔入味，非常好食紫菜四寶小窩米線同事點嘅小窩米線，上枱時亦都係砂煲原煲上，熱辣辣香噴噴，四寶包括牛丸、墨魚丸、貢丸、魚片頭，丸類口感彈牙，再加上酸菜、芽菜、韭菜，材料豐富，米線軟滑稔身，酸酸辣辣嘅味道零舍開胃，冬天啱晒食返碗熱騰騰嘅米線☺️汁撈牛柏葉牛柏葉爽口得黎又夠稔，最適合用黎做涼拌菜式，我將牛柏葉加入蒜蓉麻辣汁，更加好食，惹味又清爽爆蒜麻辣皮蛋店家嘅麻辣汁超讚👍🏻又香又麻又辣，入口充滿蒜香味，真係配咩食物都好食，推介🉐小店仲有多款招牌串燒，下次一定要試埋佢地🤤📍聚椒 (大角咀)大角咀鐵樹街19號金堂閣地下17A號舖人均消費：$50-100食物：⭐️⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐️⭐️…查看更多

又想食花甲粉 又想食米線 大角咀呢間聚椒就滿足晒你2個願望仲有串燒食tim 好似食親花甲粉都有既配搭黎以唔重覆既原則同朋友黎食晒呢到2大招牌粉面同8款配料口味方面 粉面款 湯底 麻/辣/酸度 都可以自由配搭當然唔少得走你討厭既芫荽蔥配料選擇多 由$6-20不等呢到用白板筆直接寫係餐牌上面落單方便又環保 不過有機會出現漏單問題1 花甲粉每碗花甲粉都有花甲 娃娃菜 豆卜 金菇 芫茜 蔥揀左同花甲既絕配 粉絲花甲湯粉絲同所有配菜都好夾本人接受更重蒜味蔬菜份量多 健康同和諧既感覺花甲有11粒 幾足料 肥美冇沙呢碗加左海鮮大集會既配料虎蝦 珍珠帶子 帆立貝 魷魚鬚2 雲川小鍋揀左米線 滑嫰配埋 豬軟骨軟糯口感 唔錯仲加左大大條珍寶蟹棒 豚肉片 墨魚丸串燒小食叫左餐牌推介必試攻擊力極強既秘制雞軟骨 調味適中…查看更多

放工同同事係附近行吓搵食，見呢間舖頭有串燒又有花甲粉食，價錢相宜，決定試吓，主食選左招牌花甲粉、串燒選咗豬大腸、孜然雞翼、雞軟骨、豬頸肉、小食選咗萵筍絲、尖椒皮蛋 。先來小食萵筍絲、萵筍絲切的幼細咬落爽脆，尖椒皮蛋上面有蒜蓉夾埋麻辣醬好食，跟著係主角花甲粉材料十足，有金菇、豆卜同有好多隻花甲，食落冇沙鮮甜，同湯底好夾，串燒燒得恰到好處，最有驚喜係豬大腸外脆內軟冇臭味，小店座位吾多，店員有禮，follow 社交平台有優惠，可以wtsapp落單，下次會試下lunch 外賣返公司食…查看更多

大角咀其實好多隱世美食架，今次同朋友去食左呢間都係非常值得推介同埋被人看見！我地分別點左每人一人餐，餐既組合係每人有一碗花甲粉、兩串串燒、一杯飲品。套餐花甲粉（中辣，米線、粉絲）花甲粉鮮味同辣味都好足，非常之過到口癮呀！同埋花甲數量都有誠意架！湯底係鮮鮮甜甜既味，食完唔會口渴呢！串燒（孜然牛肉串、羊肉串、一口豬頸肉、肥仔豬大腸）我食花甲粉時已經被鮮甜湯底吸引左，點知到串燒黎到，真係好驚喜呀！因係連串燒都咁出色，全部都唔會燒到乾身，豬大腸及羊肉串更是推介！味道突出，加上有肉汁！好正呀！！孜然雞翼食左咁多正野，正常發揮既雞翼就比下去了，不過都係正！好驚喜呢度店舖小小，但真係充滿誠意的煮野食呢！飲品點左王老吉同埋馬蹄爽，都係罐裝飲品，無特別影相了。…查看更多

最近發現大角咀有間食花甲粉的小店，今日去開嗰邊，就當然要去食吓啦😆 「聚椒 」是間小店，不過也不會覺得擠迫👍除了花甲粉，也有小鍋米線，和串燒小食等其他選擇……極. 虎蝦花甲粉.. 除了辣度，也可以揀多r麻或者小麻等的👍 湯底濃稠適中！粉絲口感彈牙，亦入曬味，不錯！虎蝦有2大隻，花甲份量也不少…肉質同樣鮮甜，口感爽彈！湯底濃稠適中👍小食我叫咗爆蒜麻辣皮蛋，孜然羊肉串和孜然雞翼等等……味道也都不錯啊😁…查看更多

我地叫左：1️⃣麻辣汁撈萵荀絲冰鎮、清新、爽脆，食到爽口開胃嘅麻辣，又食到萵荀絲嘅鮮甜，麻辣好香，個麻味同辣味好有層次2️⃣豬頸肉豬頸肉煎到好香口，外脆肉多肉汁豬頸肉嘅醃料好惹味，香孜然粉味即叫即做，非常新鮮主食：1️⃣花甲粉每碗花甲粉都包左豆卜、金菇、娃娃菜，蔬菜量充足，而且個花甲粉有成10隻花甲！好新鮮👍👍👍湯頭好香蒜味2️⃣ 豬大腸豬軟骨小碗米線米線叫左麻酸辣，麻酸嘅口味適中，唔會好辣，易入口數過一碗有6件豬軟骨，豬軟骨軟糯軟糯，好好食豬大腸肥瘦適中，好香大腸味飲品：1️⃣叫左兩罐冰鎮可樂呢間餐廳雖然係小店，但都好與時俱進，可以WhatsApp 落單，而且好似話社交平台有優惠…查看更多

聚椒 （27/10/2023）今天去咗奧海城有些工作要做，約了在這裏工作的朋友一起吃午餐！ 友人推介附近有一家很好吃的小店，名叫聚椒！ 我們都喜歡食辣，真的啱哂！它在大角咀鐵樹街19號金堂閣地下17A號舖。 奧運站 C 出口行幾分鐘都到！ 店舖面積唔算大，裝修簡潔，整齊乾淨，有四五枱左右，見到好多人叫外賣，做到不停！ 小店以花甲粉作為招牌菜！可配搭不同食物和辣度，其他菜式有很多選擇：雲川小鍋、特色小串、涼拌和小食等。我們要了珍珠帶子花甲米線，整鍋熱騰騰的上，真係份量十足！湯底 叫左中辣，夠哂辣！ 內有葱花、 蒜蓉、豆卜、金菇、炸黃豆、娃娃菜和莞茜等。 花甲新鮮肥美，有十多隻！味道鮮美多汁，果然是名不虛傳！ 加上鮮甜的珍珠帶子，湯底超鮮味，配米線超夾，好味道！肥牛花甲粉個湯底要左小辣，其實都夠辣！ 肥牛配花甲和米線都十分唔錯！ 湯底鮮美仲有以上大量配料，口感豐富，十分好食！小食要了孜然豬頸肉！ 孜然味好香濃，配豬頸肉好夾。 肉質燒得很香嫩，有猪肉味，又不油不膩，是必吃的！ 還有的是爆蒜猪肚！ 份量真的不少和抵食！ 大量蒜蓉、葱花、莞茜和香濃的麻辣油！ 豬肚薄切，很入味！很好吃！這間小店真的有驚喜！食材新鮮和優質，而價錢大衆化超值！ 下次一定要來試下他們的特色串燒和其他菜式。 真的值得向大家推薦！…查看更多