聚寶堂

營業中

休息中

今日去咁匯景行街，咁行下行下不知不覺就到咁中午時間啦，咁藍田都幾多野食下，但平時食黎食去都係食個d野，所以我就黎咗聚寶堂食飯，因為之前都未黎個食。咁我已經中學畢業啦，想食學生餐（好掛住中學時期），但係都唔得。呢個就係餐牌啦，睇落去好似冇乜野食咁，學生牌$29就好吸引我，但我都係要食$34個個餐。最終我就揀咗滷汁雞翼肉燥飯加凍奶茶$34+3=$37咁個飯都幾好食，一開始就覺得佢隻味都幾ok，雞翼有2隻（我覺得有d少），但當我食多咗之後就會覺得有d厭啦，平時食一次半次都ok,但唔可以食多囉。奶茶都幾大杯下，但係隻杯有d黏黏地，咁衛生比人感覺唔係幾好囉。而且口感係偏甜，咁唔鐘意甜的人可以飲其他野而唔飲奶茶～整體而言，直得試下，而且價格都唔算貴，如果食厭咗m記啊，KFC啊一d大型餐館，都可以去食呢間店的野。

男waiter 服務態度唔錯 做嘢好快手叫咗碗招牌喇沙跟紅茶 $38 小店黎講唔算特別平 但味道不過不失一上枱 湯底陣香味撲鼻湯底夠辣 椰香夠唯獨材料有啲港式味道切條魚片，紅腸，菜，豆卜米線有啲硬整體一般 湯底最抵讚期待下次試肉燥飯

之前喺度食過個糖水 十幾蚊 吾錯 今次叫左兩杯野飲 分兩次的 第一次試下先 發覺好好飲 再返尼試其他 第一杯就係芝麻xx加珍珠 吾係好記得個名 呢度嘅珍珠幾好食 估吾到咁好飲 有甜品嘅感覺 另外嗰杯就係薑母茶 仲加左兩份珍珠*///* 我可以話飲過咁多間薑母茶 包括貢咩呀 歇腳咩呀 85咩呀 (其實藍田mtr電梯格尼都有間  又係自家嘅咁樣)同埋買一包包自己沖 呢間係最薑的！又吾係甜 其他因為成日加黑糖喺前面 呢間仲少甜過85度 好重薑！ 係飲完成身暖哂 服務態度亦很好！而且選擇亦非常多樣化 包括食物也是 有類似吧枱樣子的座位 也有部大電視 good 服務好 我個人很煩的 又要去冰 又要加兩份珍珠 也沒有任何白眼 

一向都好like肉燥，配飯一流。而聚寶堂o既肉燥飯個人覺得特別好食。2年後再黎食味道依舊，但價錢加左唔少。(由$26加到$30)今次叫番豬頸肉肉燥飯+熱五花茶。五件豬頸肉，煎得幾香口。搭幾條椰菜。肉燥依然咁正入口齒頰留香不過份量真係少左...一般都夠食o既，但稍為大食d o既就可能會唔夠飽。食完再飲配五花茶，爽!

跟囝囝要到附近走走,午飯還未有著落,貪店子就腳,雖然一向對此類食肆信心不大,亦只好將就將就.午餐都是大路野,一飯一飲,不過廿零蚊,左近又有學校,都是以學生為主要對象.雞翼肉燥飯 : 其實是滷水汁再加台式肉燥,無疑多了一份口感,而且惹味得多,但份量少,剛好夠小朋友食.豬扒肉燥飯 : 跟前者一樣,炸豬扒加入肉燥汁,豬扒是炸得啱啱好,至少邊位無焦黑,不過味道麻麻,下次不會再來了.

0係我未ORDER之前個呀姐已經預早整左一底雞蛋仔, 賣相勁差又成餅野咁, 我以為擺得奈啦, 叫呀姐整個底比我, 佢都好樂意當我一路睇住呀姐整就發覺唔對路, 佢首先塗勁多油0係個雞蛋仔機上面, 再淋D比出面街黃好多既蛋漿上去, 跟住較閙鐘鐘一响, 佢打開個機, 餅蛋仔分開左2半痴晒係部機既2邊, 呀姐用支野係咁人手咁督番D爆開晒既雞蛋仔出黎我見到勁唔開胃, 問點解底雞蛋仔爛晒, 個呀姐竟然宜家先黎話: 部機壞壞地喎吹漲!

家住藍田，自然多o黎匯景食野~~當我想食飯or粉麵又唔想太貴的情況下，我一定會o黎聚寶堂食~~佢一個雙拼麵or飯先賣緊$24，仲要送埋野飲，好似仲係冷熱同價果隻~~佢個台式肉燥飯仲正，d肉燥+埋d飯好好味ga！不過就貴少少，大約要$28~~但就絕對值回票價而且個價錢到夜晚都仲係一樣，唔會話到晚市就加價~~但有時佢上菜都要等幾耐下，如果超趕時間的話我就唔建議各位o黎食啦！如果各位o黎開藍田，我就勸大家唔好再食果d大型連鎖快餐店，轉o黎試下佢d肉燥飯啦！