聖羅蘭餅屋

營業中

休息中

去完漢堡買朱古力Tart之後順著正街行上皇后大道西，在未過對面馬路前，記起這間店，所以順路睇下有有好野買。未入到門口，就見到熱櫃的叉燒酥呀，皮蛋酥呀和蛋皇酥呀等等。個樣幾好，又完整，酥皮好似幾鬆化咁。再入裡面望下，好似冇咁對板，所以就買酥餅好了。以下講的酥類都是五元三個，所以就買了三個叉燒酥（這個幾好味，ｄ皮真是和睇的一樣夠鬆化，叉燒餡是一塊塊的，不是碎肉，味亦好過很多茶樓酒家。）、二個皮蛋酥(這個亦好味，有四份一隻皮蛋，另酥餡是綠豆蓉並加上少少薑蓉，不太甜，不辣，綠豆蓉好味，皮亦是鬆化的。）和一隻蛋皇酥（這個冇食，因為送了給母親食，所以冇意見。）。大致上都好好味的，所以如各食家去開源記食糖水，不妨行過來買返三個試吓lor，都是五元，同源記的水蒸蛋糕有得揮的。順帶一提是冇盒裝或送的，可能問會有。咁漢堡好D了，五個都有盒裝，仲是不用講。

我比較鍾意曲奇餅皮蛋撻,不過咁岩行過新鮮出爐, 好多人都排晒隊,我又唔執輸買個試下, 一試之下,原來真係唔錯, 起碼熱辣辣, 撻皮好鬆脆,蛋好甜, 好似酒樓點心酥皮蛋撻仔咁,食完真係好想食多個, 下次碰岩出爐一定要買

見到門口雪櫃有獨立包裝既蛋白三文治就買黎試試,超美味, 凍冰冰, 入口好鬆軟,好似三文治咁既三角形外形,中間既cream唔多, 薄薄的一層, 岩晒我唔鐘意cream既人,$6好大個, 勁抵, 絕對食得過,不過我唔肯定, 應該唔係聖蘿蘭出品,因為佢個packing有似係分銷咁, 有冇人係其他地方見過?

見到門口有一袋6 個迷你麥包都係$5!!就諗住買o黎試試!味道認真唔錯!!好多麥係裡面, 唔係色素o個隻啡色~$5當一餐飽晒~

黎到聖蘿蘭,我心裡得三樣選擇.唔係哩度選擇種類少,而係我對哩三樣特別情有獨中~!今日就買左雞角酥~!次次買都梗係熱辣辣既! 佢地d包出爐出得好密!可能太好買喇!雞角酥裡面有白汁青豆紅蘿蔔雞肉粒, 加埋灑上白芝麻的酥皮包,另有一番風味~!新鮮出爐時我當然超級推薦啦,同樣地,就算唔想即刻食,放涼都依然好味,不過d餡就冇出爐時既cream soup 咁啦(好溶但不是liquid status!)

20041126 8.30pm再買呢個朱古力曲奇翻屋奇睇VCD 食, $10 大大盒兩個人都食唔得晒, 不過呢連阿某人都話好食wor, hee hee. 上次唔記得, 今次寫返, 呢個係前西環街坊o既apple 推介o黎.

上個星期黎開上堂買左一盒琴日終於有時間開黎食食左之後真係有d失望10蚊一大圓盒真係幾抵但係味道就..........無錯個曲奇係幾鬆化朱古力點點都幾好味但係呢......個餅身難免冇味左d喎又無牛油味又無甜味雖然我本身已經唔係d要好甜既人但都覺得個餅身冇味喎話晒都係曲奇丫點都應該甜甜地呀嘛!!

20041105 7pm買送順手買朝古力cookies, $10一大盒, 但大食如我只能頂到兩套VCD就食曬lu 肥到爆, 但超好食, 食風咁樣! 勁鬆化!! 牛油又夠香.

我覺得豬仔包同法餐包都幾似, 只係裏面冇咁鬆軟!呢度o既豬仔包真係整得唔錯!!!外面好脆, 都算幾軟熟!!!唔會好似其他麵包舖咁乾咁硬,個皮又稔又韌!

$10一大盒, 起碼有一磅, 好鬆化, 食幾日都唔稔千祈唔好試其他cookies, 認住"朱古力"o係正cookies中間一點果款.

我反而覺得佢d 奶油包先至係全城最好食奶油包. 同埋佢有間分店灣仔太原街.

哇! 個蛋白蛋糕口感超正呀!軟綿綿, 好似整扁佢都識彈返起咁!!!!!!!!!