老表雲吞麵

真心未食過咁差嘅雲吞！$30碗淨雲吞，得嗰4粒，細粒兼唔好食，質素街邊都不如。最離譜係，4粒入面有2粒竟然有蝦殼！咬落去「咔」一聲，真係驚啃親！雲吞麵份量仲要特別細碗，完全唔夠飽。價錢唔平，連支裝汽水都貴過人。食物差都算，服務更加恐怖。老闆娘態度極差，成日黑面鬧人，好似客人得罪佢咁。環境衛生極惡劣，隔離枱張凳仲有上一位客人食剩吐返出嚟嘅渣滓，睇見都反胃！張枱凳唔舒服係預咗，但冇諗過可以差到咁嘅地步。由食物、服務到環境，完全零分。絕對係一次恐怖嘅食飯經歷，貼錢買難受，永無下次！各位街坊自行判斷，真心唔建議去中伏！…查看更多

先叫一碗雲吞麵堂食，味道、份量、雲吞、麵、和湯都屬上乘，甚至連湯都一飲而盡.之後叫兩碗淨雲吞外賣，發覺雲吞麵有雲吞三粒加麵，但淨雲吞只有雲吞四粒.淨雲吞性價比甚低，下次唔會再叫淨雲吞.…查看更多

雖然店舖名係老表雲吞麵，但個人認為這裏的豬潤比雲吞更出色🤭我哋叫咗「雲吞豬膶麵」和「雲吞煎魚餅麵」。湯底非常清淡，可以說是無味的，要靠其他配菜帶出味道，還有不可缺少的辣椒油。雲吞好大粒，內有粒粒蝦肉，不過我認為唔夠爽口，肉質有點實。煎魚餅好大塊，冇腥味，一塊切開三件，只有一塊有煎燶，我自己鍾意食煎燶嘅魚餅，所以覺得另外兩塊比較清淡。豬潤夠厚身，味道濃郁，洗得幾乾淨。P.S. 不少食評都讚辣椒油，真係唔錯…查看更多

大圍老表雲吞麵呢檔雲吞，豬潤，鮮滑牛肉真係好出色首先講佢哋嘅雲吞係超級大粒，超級足料，正所謂皮薄餡靚一定唔會失望，在講講佢哋嘅豬潤非常新鮮，又夠厚，鮮滑牛肉新鮮夠滑，口感一流，價錢平，已經大圍嘅係老字號…查看更多

點OpenRice只得積德里本店找不到金禧分店？放假一人下午茶，選擇去老表，不過今日唔係去金禧店，選擇積德里本店。第一次食老表就係呢間，事隔多年舖頭keep得非常好👍🏼，沒有多大變化。上次金禧店開餐，發覺好多人叫雲吞，所以今日專登嚟試食，果然冇令我失望！$30碗淨雲吞竟然係配大地魚湯，雖然味道偏淡，但確實係喜出望外！雲吞餡蝦肉約八二比，食落去啖啖都係蝦，爽彈超有快感！如果葱花換番做韭黃，呢碗嘢起碼值95分！曾經因為冇牛腩，就冇再去幫襯，今日感覺係相逢恨晚！最後買多一盒生雲吞返屋企，小朋友讚不絕口，老婆就話同大埔成仔記有得揮。是日消費：豬潤米$30 淨雲吞$30 豆漿$7共$67…查看更多

由細到大都喺大圍食開，估唔到老表雲吞麵咁少like所以今日為咗佢特登寫個食評🙂‍↕️今日去到大圍諗食咩嘅時候通常都唔會有啲咩猶豫因為老表雲吞麵一定係保底之選🌟價錢平靚正 $37 有一個雙拼嘅雲吞豬膶麵雙拼嘅話雲吞有兩粒 單拼嘅話就會三至四粒🥴雲吞夠大粒皮薄餡靚🥺一粒雲吞，至少有三隻蝦係入仲要係原隻蝦所以咬落去蝦嘅鮮味即刻出嚟😭其次就係超級彈牙超級新鮮彈性超好👍🏻如果個口細啲嘅話一粒根本吞唔晒個面嘅湯底係清嘅，但係唔會話冇咩味精亦都冇好濃嘅鹼水味，所以超級爽口😌成件事勁夾💖再加埋佢哋自己整嘅辣椒油，簡直就係冇得彈我自己就係鍾意配豬潤，因為佢嘅豬潤洗得好乾淨內臟味唔會好重，仲要叫做係爽口嘅我男朋友就鍾意配墨魚丸 魚丸都係足料㗎唔會話好重粉咁🤢咬落去都係超級彈牙😂呢個價錢嚟講真係叫做超級正好食過旺角嗰啲多多聲 我自己就算唔係糧尾都好鍾意過嚟食其實好多大圍人都會過嚟食，因為見到佢輪轉嘅速度真係超快希望多啲人知道呢間舖頭啦🫢…查看更多

今日晏就落雨，唔想行太遠想食個quick lunch，嚟呢度食咗個豬膶鯪魚球米，雙併粉麵$37，唔包括飲品。豬膶：有3至4大塊，煮得啱啱好，但比起之前食開北角某間已執笠粉麵店，呢間唔係差但仲有差距鯪魚球：有兩大粒，正常無異味米粉：幼身，唔係我鍾意既粗身米粉，呢款幼身米粉我唔太鍾意，但唔抗拒湯底：清湯寡水，無乜味成碗麵都係靠加啲辣椒醬去調味，辣醬ok，整體嚟講呢間適合平同快食，餸既味道好過粉麵，價錢平都幾多人嚟食。…查看更多

不會刻意但經過會再吃的雲吞麵今天也是經過見到，一看店名令我想起以前連鎖表哥雲吞麵，採漂亮裝修和中上價路綫，類似比靠得住模式但更店舖漂亮。可惜經營不善引致結業。這家老表雲吞麵，很明顯走權記路綫，裝修簡單圓枱摺櫈，梯圓筷子筒，黑色筷子。雲吞是由師傅傳統方式人手包，雲吞偏大，不是正宗小粒雲吞。唯一新穎是有樽裝coke zero。我點了雲吞河多葱，一支coke zero，是我喜愛的偏淡湯底，雲吞唔會死實實，蝦肉爽諗。河粉很滑，需要改善嘅係部分河粉疊埋一住，影響口感，師傅應該樣鬆佢。…查看更多

牛肉豬潤河——在這冷冷的冬天裡，本來不想出門的，但手指受傷了，不想濕水，就到了久違沒有光顧的老表。今次叫了牛肉豬潤河，味道4.5/5分，如果店裡提供胡椒粉就更佳了。…查看更多

入到呢間店舖見到大部分人都食雲吞，當然唔執輸都試下佢嘅招牌雲吞😛我點咗招牌雲吞河粉＄30👇三粒大雲吞已經佔據咗成碗粉，餡料非常充實飽滿，內裏非常多蝦，而且爽彈新鮮，味道亦剛剛好👍，不過河粉唔算太滑身魚堅總評性價比 4👍(以5👍為滿分)…查看更多

大圍小店 值得繼續支持。老表雲吞麵真係充滿回憶由$13蚊一碗食到而加$28一碗 除左價錢變之外，其實好似味道都係保持水準。 保持昔日的設計、昔日的餐牌、一樣係過住的開放式廚房。好似連員工近十多年都沒有大分別😂😂雲吞麵的雲吞一樣係好足料 大大粒👍🏻最中意老表除咗係大大粒雲吞同豆漿之外，就係好野味的辣椒油老表雲吞麵的辣椒油真係好好味。 希望類似老表的小店可以喺大圍，甚至喺香港繼續生存經營。 因為呢種味道真係好難得💌…查看更多

大圍有間粉麵店，價錢💰都幾親民，唔洗$30蚊就可以食到，基本上每個街坊都有幫襯過啊❣️佢就係老表雲吞麵，依家2間分店都係大圍～講起呢間店，不得不提佢既招牌雲吞，百分百自家製，每日新鮮製造，人手包既👩🏻‍🍳一碗有3️⃣粒，每粒都大大舊，皮薄餡多，有原隻鮮蝦🍤係入面，鮮嫩多汁，十分足料架，個人非常推薦👍🏻除左雲吞外，墨魚丸🦑都係唔錯既選擇！雖然就冇雲吞咁大粒，但都相當有份量，而且入面係咬到墨魚粒粒，每一粒都爽口彈牙架🤤💰價錢：粉面每碗單拼$28，外賣需加$1…查看更多

今天食飯時間有點趕，簡單坐下食碗麵。雖然雲吞超大粒是驚喜的，但沒甚麼味道，$28一碗也沒有甚麼期望。我的座位剛好面向開放的廚房，不是刻意選的，我落單時，廚房阿姐正舉著起地下的大煲執拾，又整理旁邊的垃圾袋。清理後，她沒有洗手，一轉身便拿起我要的麵落水煮。我叫伙計同阿姐講她沒洗手，阿姐毫不理會。當然好多廚房都污糟，我也知道滾水煮食可以殺菌，但不是在食客面前這樣做吧？一心直想支持小舖，也卻不會再到這一家了。…查看更多

話說最近都鐘意試唔同鋪頭嘅雲吞比較吓🤔呢間係最近食過印象比較深刻嘅雲吞🦐$28淨雲吞多蔥🙆🏻‍♀️呢度湯頭並唔係大地魚湯，只係一般嘅清湯，無特別，亦都唔會有韮黃🙂重點啲雲吞好似乒乓波咁大粒，咬開裡面可以見到滿滿嘅蝦肉，非常彈牙，夠晒足料🤓…查看更多

事源3個星期前， 放工好想食雲吞麵， 所以係返屋途中特登落車去呢間野買外賣， 點知返到屋企發現比少左一碗麵， 於是打返電話去問， 伙計用非常差劣既態度叫我下次去講返佢地上次比少左， 講返係咩黎佢地會記得。 由於上述店舖距離我屋企都最少20分鐘車程， 所以已經特別同店員講我未必咁快去到。今日剛好早放工就諗住順手買埋外賣返屋企， 去到舖頭同店員講返件事， 點知店員非常無禮貌同問我想要咩， 錢佢地唔會退， 而且重講到好似我欠佢地野咁， 明明係自己比少左人， 點解好似人地問佢地攞野咁。 …查看更多