老街 (彌敦道)

營業中

休息中

每次打開openrice 油尖旺區選擇多到唔識揀😂 今次去開現時點 見到隔離有間裝修幾骨緻 食台灣牛肉麵嘅餐廳 岩我喎😏 一於試下 開發一下自己喺油尖旺區嘅pocket list😌自選吃到飽套餐紅燒牛肉麵 $82餐廳用咗牛𦟌 好淋 好軟熟 如果牛𦟌可以大舊啲就更好啦😬 紅燒湯底 飲落香甜 濃度同味道都岩岩好 配埋彈牙嘅麵 唔錯唔錯🤭 忍唔住飲咗好多 好暖胃🫶跟餐小食酥脆鹽酥雞鹽酥雞外皮炸得乾身 內裏仍保持濕潤 跟餐小食嚟講 合格👌跟餐飲品-珍珠奶茶 (+$8)正常發揮 有得揀走甜 淡淡茶味 珍珠本身已經有甜味 飲落岩岩好😗評分 (🌕🌕🌗:正常)性價比:🌕🌕🌕🌑🌑味道:🌕🌕🌕🌕🌑服務:🌕🌕🌗🌑🌑賣相:🌕🌕🌕🌕🌑環境:🌕🌕🌕🌕🌑結論: 可以再去 如果朋友問起 呢間可以係一個選擇 坐得幾舒服⛺ 老街 (彌敦道)📍油麻地彌敦道530號永僑大廈地下6號舖🔖#fml_mongkok#fml_yaumatei#fml_taiwanese#fml_noodles #fml_推薦🧲#旺角美食 #旺角餐廳 #旺角食乜好#油麻地美食 #油麻地餐廳 #油麻地食乜好#hongkongfood #hongkong

今日話妳知，我喺一間台灣食堂食飯食足全晒虎！首先，我嘆咗個肉燥飯，啖啖肉感覺得到佢嘅香濃同埋彈牙，雖然微鹹，但跟住個舌頭上嗰陣芬芳，真係正到不得了！再黎個小食拼盤，我覺得啲鹽酥雞真係夠晒彈牙脆口，啤啤臨咬落去嗰啲金黃色脆皮，完美咁裹住多汁嘅雞肉，咀嚼間帶出嗰種微辣微甜嘅風味，巧妙到爆！然後呢，梅子脆薯，就係我心水選擇啦，個口感層次豐富，酸酸地透少少甜兒，好惹味咁圍繞喺舌尖，一啲都唔賴！至於涼拌青瓜，就簡單清新，解解膩，食落得意意地。而加多5蚊得個檸檬紅茶，幾好嘢，既清爽又解渴。總括來講，呢度嘅食物同氛圍，實在係夠晒平民化，又有得食好西，試完之後，心情靚晒，下次還搵機會再嚟食喔！🍋🍗🍚

今天，剛好想找家舒適嘅地方，給自己嚟個愜意嘅下午茶時光。咁啱行過呢間唔錯嘅店，有種台灣嘅暖意，決定試試。首先，碗中嗰碟麻醬撈麵，吸引咗我嘅目光：麵條Q彈得嚟唔爛，麻醬香濃得嚟又唔膩，真係勁搭！每條麵都裹住啲芝麻香，夾埋幾片清脆嘅青瓜，真係一啖滋味喺嘴裡綻開。小食方面，點咗涼拌小黃瓜、脆炸地瓜同木魚炸豆腐。黃瓜爽口醒神，調味啱哂；嗰個黃金地瓜，唔得了啊，外脆內軟，加上梅粉嘅微酸，真係一流！至於木魚豆腐，件件大同卜卜脆，咬落去滋味夠晒層次。啱啱好，畀埋杯熱檸檬水，檸鮮味足，暖笠笠嘅感覺，喉嚨一流。真心覺得這下午，就算落點大雨，也阻唔到內心嘅滿足同喜悅🍃🌧️🍋。简直就是个「港」味十足嘅慢活時光，朋友間，或者一個人，嚟這坐坐，飲杯茶，品嚐台灣嘅簡單好滋味，都係一種不錯嘅享受。

今天下午 ，走了過去 油麻地彌敦道的老街麵店。 叫了一份香菇肉燥飯， 另外配酥脆鹽酥雞、 梅子脆薯 、木魚炸豆腐 及 一杯台灣奶茶。 另外一份是 麻將拌麵 ，配台南蝦卷 、椒麻牛肚絲、涼拌小黃瓜和一杯檸檬水 。兩份餐埋單80元， 經濟實惠， 好味道。

今日剛好與朋友到旺角逛街，逛到老街時，見到下午茶餐好抵食，所以就試了這裏的下午茶。下午茶餐包括一款主食、三款台灣地道小吃及飲品。我同朋友叫左兩份下午茶。主食有小碗肉燥飯及小碗肉燥湯麵。下午茶的煮食份量偏小，不過質量很好。地道小食則有夜市小香腸，梅子地瓜條，酥脆鹽酥雞涼拌小黃瓜，木魚炸豆腐，宜蘭蔥餡餅各款台灣地道小食都好食，好似去了台灣一樣，當中最出色的是木魚炸豆腐，豆腐外脆內軟，配上甜甜的醬料，非常滿足。涼拌小黃瓜經預先醃製，清甜可口。梅子地瓜條雖然是煎炸的，但毫不油膩，配上酸酸甜甜的梅子粉，食多了也沒有罪惡感。飲品是台灣奶茶及台灣紅茶。

晚餐，行過睇到相片幾好睇，試下啦，總括來講就係主菜雞扒，好硬，好韌，好乾，好殘，凍奶茶就好淡完全冇台灣嘅特色，環境同衛生都ok，不過85蚊就唔係好值，唔會再幫襯

我叫咗個豬軟骨蕃茄麵，個湯ok係有啲過咸，麵都好食，但佢個豬軟骨係好奇怪，佢係散修修但一啲都唔冧，反而鞋過煲湯啲豬肉，好似已經擺咗好耐唔新鮮咁，但當然無為食有啲怪味繼續食。點知食完之後反到屋企就反胃，全部嘔返哂出嚟，完全唔會再有下次但平心而論，之前嚟過幾次佢啲台式飲品係幾好嘅，珍珠奶茶個茶幾香奶味唔係太重，但食品嘅質素衛生真係要改善下囉，又唔係收得特別平，唔使攞啲唔知擺咗幾耐嘅煲湯豬肉出嚟俾人食。

外貌滂湃的炸雞髀，唔太肚餓的話份量足夠兩個人share，罪惡感都少啲😆雞髀入味不會太乾，地瓜條上面嘅梅子粉都足夠，做下午茶一流～推薦飲品方面Default配仙草奶茶，略嫌仙草份量比較少，甜度適中

為食妹同男朋友忙完結婚d野是旦去左一間食野！入到黎比我感覺好似去左台灣咁！見到佢餐牌都唔貴，就叫左幾樣食下🔸招牌老街牛肉麵（紅燒）食台灣野我就一定要食牛肉麵，湯底同牛肉都好入味🔸酥炸花枝丸我哋叫套餐，咁佢就包咗兩粒花枝丸，炸得好香🔸珍珠奶茶🧋呢個珍珠奶茶，我覺得可以俾多少少珍珠，不過以咁嘅價錢嚟講佢係好抵飲🔸鹽酥大雞脾滷肉飯見到佢有鹽酥大雞髀，肉質好嫩滑，不過我個人都係鍾意鹽酥雞好啲，滷肉油脂分布得好好🫶🏼🔸仙草奶茶🥤呢個套餐包埋一杯台式飲品，仙草都多👍🏻🔸鹽酥雞拼小香腸食台灣嘢一定要食小食，尤其是係鹽酥雞同小香腸，我覺得呢兩樣先係最代表台灣嘅小食黎，如果價錢嚟講，佢係算唔錯㗎啦！

食物很好吃！尤其炸排骨飯，但是希望不好播廣東話歌😂😂因為台灣歌非常重要，之前台灣歌好聽好多，成個氣氛都不同。所以不如考慮過返台灣歌吧，強烈要求播回台灣歌謝謝你

食物上到嚟嗰陣時唔係好熱，鹽酥雞有啲鞋，冇肉汁。個麻辣鴨血有陣臭味，可能接受，而且得三嚿，加一嚿豆腐乾， 就要42蚊，好唔抵。而且熱奶茶仲要係用粉沖，啲粉未溶就上。cp 值唔值得。

去開油麻地，隨便地入了一間台灣牛肉麵店入到去，位置都算多，而且是有台式裝修設計，不過就有點兒歷史感，有一點點的舊式。兩個各自叫了一碗麵。▶️紅燒牛肉麵牛肉是牛展位置，非常軟淋，夠入味，肉都好多。麵質是白麵，正常軟硬度，麵量不算好多，但女生就剛剛好。牛肉湯底，都有牛肉味，正常發揮。▶️牛腩牛筋麵牛腩麵炆得夠淋（牛展是再淋一點點），牛筋都夠淋吸入味，肉都好多。▶️鹽酥雞肉淡淡肉的，沒有骨，炸衣薄薄的，整體不會太咸，有鹽酥香咪，亦是即炸即上，熱熱的由於麵是沒有餐的，但可以優惠價加錢點飲品。（但後來網上見，湯麵都有餐，但不是為何我們當晚是沒有的）▶️胚芽奶茶茶底不夠濃，但杯芽是好足料的，飲到最後還有好多胚芽。▶️柑桔檸檬話梅愛玉比較特別的飲品，好像沒有在其位地方飲過，酸酸甜甜咸咸的，多種味道衝擊味蕾，是特別的，每種味道不會過重，恰度好處。

假日到旺角行街，夜晚唔知食咩好，隨機～行行下紅過呢間老街，食台灣野，價格同食物都幾吸引即試下。餐廳面積頗大，裝潢打造台灣老街的風貌。餐牌，見套餐幾抵食，我地3人每人叫一個套餐，跟唔同嘅小食一齊Share 。招牌老街牛肉麵，$80，好大碗，牛肉份量適中，口感鬆化入味，湯底味道濃郁，拉麵彈牙，不俗。酥脆鹽酥雞，跟餐的小食，都幾大粒，但唔夠酥脆同太油，味道普通。宜蘭蔥餡餅，口感煙韌，味道香口，但都幾油。梅子脆薯，大件的脆薯，灑上了話梅粉，酸酸地減低油膩感。珍珠奶茶，跟餐+$8，珍珠份量適中，正常水準。食物正常水準，坐卡位幾舒適，價格合理。

#81用家感受，不是打手！Walk in 不用等 九成滿座7️⃣0️⃣CP值，2023/3/8/13:38，平日午餐時段，二人埋單免加一共$140，平均每人$70，現在很少餐廳免加一，十分好。位置近油麻地地鐵，在彌敦道大街，易揾到。裝修有特色，坐位算坐得舒服，感覺乾淨。招呼有禮，貼餐出餐算快。但食物中規中舉，欠吸引，試過就算。7️⃣5️⃣午餐G 老街牛肉刀削麵$67，牛肉好入味好冧，刀削麵正常，湯底偏淡。6️⃣0️⃣凍珍珠奶茶，跟餐另加$8，正常。4️⃣0️⃣午餐N 鹽酥雞肉燥乾葱香拌麵$57，鹽酥雞似普通炸雞粒，唔脆，拌麵完全無葱香味，應該講完全無味，感覺應該落漏左醬汁，不推薦。7️⃣0️⃣凍百香果綠茶，跟餐另加$8，算唔錯，好香百香果。

坐落於現時點旁邊的老街，最適合行逛完現時點後，想去一轉「台灣」之最佳選擇。台式肉燥飯、鹽酥雞便當都令人想起台灣，若然不能到台灣走一趟，但又想念台灣的時候，最簡單的便是在附近找一間台式餐廳。故此，在這次晚餐中，上述兩款菜式也自然是必點的。此外，台式飲品是我們的重點之一。不過，這次最令我們驚喜的，是小食拼盤中的炸豆腐。炸豆腐外脆內軟，沒想過在這一間平平無奇的餐廳中能夠吃到如此出色的炸豆腐！暫時我未能聯想都有那一間餐廳能把它比下去。此外，芋香珍珠飲料的芋香味亦非常濃郁。