老街坊菜館

營業中

休息中

魚蛋老式既陳皮魚蛋做到皮 ➕ 肉 平衝到😉2樣都夠彈牙👍🏻燒賣(配辣)皮軟👍🏻(因為好多都蒸得太耐)魚肉味吳太食到可能辣遮左🥲辣食到軟辣椒皮麻➕辣 平衝結: 燒賣就值得一試既😉#老街坊#周記醬料

我9號經openrice訂左19號晚飯，但早一日先先發現原來16號有電郵通知booking 被取消，原因係餐廳滿座….唔明點解咁早book,但咁遲先通知，仲要唔係電話通知，如果無睇email分分鐘去到門口先知無位…..成班朋友真係企哂喺度……..而且咁遲先通知，我跟本訂唔切其他餐廳，雖然朋友推介呢間話好食，但咁樣嘅安排非常有問題，如果佢唔接受openrice booking, 唔該唔好俾人喺openrice book啦….以後唔打算幫襯！

🍴燒賣 $10 5粒 （7/10）燒賣煙韌軟腍，大粒有口感，不過唔係好食得出魚味，落汁辣油，辣油係幾香口嘅，味道都唔錯，路過可以一試，不過就味道好驚喜同必食！推薦指數: 7/10路過可以一試！

原本家人订枱，但是，原來他們不接受whatapp,订枱被拒絕，於是被安排一張只有圓櫈的枱，又没有额外位置给我們放置自己物品，他們没有為我們安排訂枱巳經算，連多一張櫈也不能给我們放自己物品，完全没有責任，不會下次光顧

與朋友快閃晚餐聚會 在OpenRice 搜尋附近餐館睇食評後訂座一試🫠早一日餐館來電confirm訂座問我需唔需要預留炸雞🐔和海鮮🦞當時只預留炸雞 其他可以到館後再order當日到達後才知 小館炸雞原來都要三百幾蚊一隻😜我們决定叫六人餐 $738將套餐裡的蒸雞 轉 炸雞 要加$168另外加：瑤柱蛋白炒飯 豉油王炒麵兩壺竹蔗水兩支藍妹 埋單 $1535小菜大致上都可以 😌 最奇特是牛雜煲 (是隔離麵檔的牛什嗎？！)😹炒飯炒麵都麻麻🫣

同事聚餐！訂了這間菜館試下！海鮮超級新鮮，味道一流！炒得夠火候！樣樣都色香味俱全，份量超足料，個個要抱住肚子回家😆！服務態度非常好！店員都很樂於助人！值得再去😍

話說就快新年 屋企人今年新年想食盤菜唔煮飯我係透過社交平台街坊介紹訂老街坊菜館膽粗粗就試下佢 其中一個幫襯嘅原因係佢包埋送貨太好喇！大年初一凖時送到 加左佢支汁黎滾起個盆菜 已經香噴噴一打開錫紙已經見到嘩～鮑魚大大隻另有鵝掌 蠔豉 瑤柱 雞 髮菜等等佢既蝦好新鮮一啲都唔霉其他既配料仍新鮮加埋佢本身個醬汁仍好入味，廚師真係有心機屋企人都大讚我揀得好 個個食到Lamlam利所以大家有興趣係可以order佢既盤菜啊

因為疫情關係，有很多老朋友都很久沒見，今晚難得可以和中學同學聚舊，就去打邊邊.這間火鍋店朋友比較熟，所以都由他發版.湯底叫了清湯和沙嗲配料就手切牛肉，手打墨魚丸和蝦丸，粟米，鵝腸，帶子，白鱔，油麥菜，可樂.手切牛肉強烈推介，牛肉爽口，牛肉味濃. 雙拼丸朋友說比平時差了，由於我未吃過所以未能比較. 鵝腸就很肥，我吃的時候都要將肥膏刮走，其他都很好很新鮮，值得再去.吃完立馬趕回家看世界盃😆😆

疫情兩年未散，飯總要吃，好友總要聚。一年前曾光顧老街坊，被幾味招牌菜吸引，今日再來老街坊，友誼未變，且看街坊老店的水準又有否改變？朋友的江湖地位，讓我們入座貴賓房，隔音一流，坐得舒適，印象加分。頭盤是必點的炸魚皮，新鮮炸的，效果香脆，如果咸蛋黃金味多少少就完美，值80分啦！來老街坊的目的是吃象拔蚝刺身，賣相仍具氣勢，刀工一絕，刺身新鮮爽口，份量剛剛好。古法炸吊雞亦是招牌菜，皮脆肉滑，保持水準，必食之選。今餐首次享用豬肺燉湯，熱辣辣，豬肺處理得好好，吾係一般例湯行貨，值得再試。其他小菜，還有椒鹽鮑魚、豉汁蒸鱔、煎藕餅、生炒骨、蝦子柚皮、豉油皇炒麵等就中規中矩啦！整體都達到街坊小館水平的。另值得加分是一般樓家餸菜，都靠味精搭夠，今次食完又不太口渴啊！除了刺身海鮮類價錢較貴外，其他小菜價錢都算街坊價。如果想感受街坊大牌檔氣氛，這店可選。飯局除了希望飽餐一頓外，能夠與親朋好友，嘻嘻哈哈，我窒吓你、你又窒吓我；大聲講大聲笑，快樂歡渡一個晚上，已是人生一樂事，疫症數字高企去到多少，已經拋開幾丈了。感謝主，賜我人間美食，吃喝快樂，更有弟兄彼此扶持，享受勞碌得來的一份，Amen。「我就稱讚快樂，原來人

深水埗長沙灣一帶，都很多麻甩小店，久不久就突然想麻甩一下，今日家姐相約晚飯，決定來這間老街坊試試⋯⋯位置在出名X哥燒鵝附近，所以相當容易找，從地面行上一樓，地舖周記醬料，原來是兩間店舖，筆者初時以為他們是賣醬料，一問才知道是分開的。室內多熟客，但每張枱的擺放位置相當歸一，更有VIP客間，方便大伙人暢飲談天。青島鵝肝$168~未知是來自青島嘅鵝肝，還是係酒醉嘅鵝肝，看著餐牌上的名稱點菜，所以期望有濃濃的酒香，可是嘗了一口後，只有淡淡的酒香，未見突出。豉油皇鵝腸$118~肥嘟嘟，膏未算多，帶點點甜味，墊底嘅大豆芽配上醬汁，惹味討好，嗜甜者喜。脆皮炸大腸$118~膽固醇萬歲，由於多食客，到來時，可能放涼了才上枱，所以未算脆口。米鯛海鮮卷$48~很有早茶點心的感覺。韭菜水魷豬紅$118~大家都很喜歡這道菜，水魷味道令筆者重回戲院門口小食的感覺。古法吊炸雞$288~食店的招牌菜式，電話訂枱時，店員極力推介。雞夠嫩滑，但由於我們點得太多菜，最後都係食唔晒。蜜桃咕嚕大蝦球~也是同一問題，相信可能食客太多，當端上枱時，覺得在㕑房放涼了一陣子⋯⋯椒鹽鮮魷$70~油的顏色較深，所以賣相一般，但味道是可以的

話說有一日喺YouTube見到有網紅介紹呢間嘢就喺我屋企附近咪走去試吓上到去感覺環境就好似話俾你聽呢度係打邊爐食小菜嘅地方一家四口上到去梗係跟個網紅介紹食隻吊炸雞啦因為佢比9.5分個餸搞到流晒口水⋯⋯點知佢哋話賣晒！原來要訂….即係要下次再嚟，哈哈咁我就跟個網紅嗌了西蘭花帶子蝦球，之後就唔知點乜嘢好啦！咪叫個靚女就問有咩好介紹，靚女都好客氣介紹我食鵝煲，話個大廚做呢個鵝煲好好食又介紹我食咗奄仔話啱時候喎、豉椒炒蟶子，仲叫咗碟靚牛肉唔記得叫咩名總言之就係好靚靚女仲叫住我驚我叫得多奄仔蟹嚟到見到爆曬糕未食都知道正！個鵝煲一入口兩個仔就兩眼增大係咁食….靚女仲過嚟問我有冇介紹錯？當然冇啦⋯⋯佢話見我哋叫咁多餸怕食唔晒但見到我哋係咁切佢就話其實可以叫鵝腸鵝腎粒放埋入去味道更好呢⋯⋯呢度就真係要話下佢！如果一開始就介紹埋我放埋入去應該仲正仲好味！冇嚟錯第一次寫食評可能真係食得幾開心

深水埗好少有避風塘瀨尿蝦整得咁出色同象拔蚌刺生刀工係一绝其它小菜抄得好好味 很有大排檔風味 隻雞係一流真係直得推介原個鳳梨生炒骨好食炸得鬆脆可口 爽魚皮真係好食下次再食雞煲試吓打火煱先

揾食肥華在6月24日星期五，在此店讌請政府工舊同事，到此店晚饍，因肥華對此店出品充滿信心，所以無諗住再為此店出食評讚好，，以免被人話肥華是此店打手，嘅然唔寫食評，所以餸菜相都無影一張，衹想當晚同各好友開開心心食餐就Ok嘞，現今此店巳成人氣爆場店，老细都話來食晚飯最好早兩日訂位，若即時到埸未必有位俾到顧客，是晚肥華呢圍六人枱就係早四日前來電預訂才有，當然同時亦要訂埋此店名物無骨炸子鷄，可惜此晚除咗呢隻名物及䓤撈魚皮保持水準外，其餘菜色一口臭豆腐，竹笙炆豆腐，通菜炒牛肉都是一般普通飯店水準，衹值C+評分，至於個菠蘿生炒骨及酸菜豬腸鸭血就可說拙劣之作，個生炒骨皮脆肉無味好多兩餸飯嘅生炒骨都好過去，同新南苑$55元個生炒骨午餐比更輸成條街，至於個酸菜豬腸鴨血，六人食過一啖部話，啲鹽係唔係好平，呢味菜食完要洗腎嗰隻，呢兩樣餸評分係E，總知肥華今餐愧對俾面出席嘅呢餐晚飯同事，肥華日後會安排一餐瑪寶鮮乳鴿餐，作謝罪😔😔😔

一餐被限聚令拖咗大半年與眼科同事嘅飯局，终於可以在2O22年4月27日在此間食店進行，是晚一行4人在此店杯上杯落，加上冇令人失望嘅鎮店名菜，無骨脆皮炸子鷄，鮮爽脆順德捞魚皮，仍然保持高水準味道，再配上夠鑊氣味道又好嘅兩味小炒，通菜炒牛肉及西芹炒花枝片，令到此餐遲來的晚飯，令出席者，都感到滿意，雖然另外兩款食品，蜆介鯪魚球及涼瓜咸菜炆排骨，味道強差人意但並無影响我們食飯心情，反而當晚此間食店侍應表現卻令人商確，每個都係木頭人踢一腳先郁一郁，開茶，俾餐牌顧客睇，換骨碟，俾酒杯顧客飲酒用，全部要顧客向侍應開聲至有這些基本服務，其實此店出品係得嘅，希望日後員工待客态度會改善

11月29日，又係肥華最開心的日子，因為一家四口到此店食晚飯，網上此店没有負評，更有幾樣出品被各食評家，譽為必食之品，如吊炸鷄，即炸魚皮，鳳梨咕嚕肉，鹅煲，及䓤撈魚皮，好一於叫晒呢D招牌名餸休，再加一個蟹肉扒豆苗，心諗有兩個仔仔係度，你憂食吾晒，首先上枱嘅係個，羗䓤撈魚皮呢味嘢，係我至愛食咗幾拾年，自問都有資格，俾過評價佢，此店嘅羗䓤撈魚皮，真係超得，爽，脆，鮮，嘅味道有齊，可能係現時全港最好食魚皮，評分A十十，第二樣上枱係鳳梨咕嚕肉，又係一個高水準.出品，連食咕嚕肉專家，靚媽都對呢味餸有讚無彈，又係一個A十評行菜色，好嘞到第三樣鎮店炸魚皮出場，成尺長嘅魚皮，賣相真係先聲奪人，攞晒印像分，可借一食落口就覺得吾對路，魚皮係蘇脆，但卻非常油腻，食咗小半塊就好似飲咗D油落肚，兩個仔仔都話大成街市賣$10包嘅魚皮，仲好食過佢，呢味鎮店炸魚皮係D級評分，雖然跟住上枱嘅炸子鷄，鹅煲，蟹肉扒豆苗，味道都有B至A水準，可惜我們四人的胃口，巳給該味炸魚皮，攪到滯晒再無興趣，開懷大嚼枱上美食，最後竟有三份一食物，要打包回家，總結此店嘅出品，係Ok嘅，炸子鷄及䓤撈魚皮更是，必點食品，其他就見人見智，加上