老虎堂黑糖專売 (T.O.P This is Our Place)

營業中

休息中

上網睇d人講到老虎堂有幾咁好飲，既然去到旺角都一場順道試下現場都好多人排隊，等成廿幾張飛先到我叫左個虎虎生風黑糖波霸珍珠奶茶，珍珠size 有大有細，幾得意，且黑糖有少少焦味，奈何本人唔好太甜野，佢無得少甜果下飲到果口幾膩總結，係好飲既，但又值唔值得等咁耐時間去為杯野飲呢？ 個人就唔覺值啦

窮遊香港-終於到點評老虎堂👍🏻即刻like @hkfunfoodrecord 同follow先啦.老虎堂最近係咁開分店以前成日都要排好耐 今日竟然唔多人排3個人姐 即刻買杯試下到底質素如何呢？今次簡單講下.今日叫左⭐️波霸厚鮮奶$30（虎虎生風厚鮮奶係一樣既 只係多左個細珍珠）👍🏻賣相虎紋靚仔但唔好影相影太耐.....個黑糖掛杯好易散.....味道方面 👍🏻第一口好重黑糖味重到帶小小微焦苦 真係好微而重黑糖味都令佢偏甜👍🏻之後帶有明顯奶味係後面.👍🏻開頭杯底小暖 🤔冰量大概3份1杯以上冰量算多 所以搖完 珍珠直接凍到偏彈牙頭15分鐘飲完既會淨3份1冰（可睇圖）遲飲完會肯定會明顯變淡（介意請自行叫小冰）好評既 中上.‼️繼續top商場仲未食到伏野

話說早前試左sharetea 個黑糖珍珠奶茶，落單至飲完杯野都感覺都麻麻！今日行過旺角老虎堂不像銅鑼灣人多就買杯試下！感覺好唔同，小姐清楚解釋你知沒有奶茶只有鮮奶（感覺當然呢間比較健康）雖然人人都話飲得多唔健康，但只用鮮奶不是奶精我buy! 同樣兩間都係無得少冰，但老虎堂俾我感覺飲品溫度比較適中，而且不算多冰，奶味都很濃（尤其係頭個幾啖）大家價錢差不多但整體黎講都明白點解咁多人去排老虎堂，只因為香港人個個都好悉食

老虎堂來港開店已經一段時間，初時，經過太多人唔想排隊，後來，又有報告話唔健康，一杯珍珠奶茶等如兩碗飯所以，一直都無特別想買嚟試。這晚响旺角啱啱做完嘢，經過見無咩人排隊，順便買杯同好妹子分享。點咗波霸厚鮮奶半糖。櫃台前有塊牌教人點做至好飲亦另有單張附有價格，說明用鮮奶代替奶精，介紹黑糖珍珠如何煉成......看這忌廉雖高出杯面，經機器封口後，忌廉壓下淹沒了，看不見，亦唔可以就咁撩出來食，少了點樂趣。終於到手了，虎紋不是很漂亮。雖然已是半糖，還是覺得甜，有奶香味，口感滑滑，茶香被黑糖味掩蓋了，黑糖珍珠本身已有甜味，口感Q彈有嚼勁。試過就是了，沒有很想再喝的說。

撘車顧住聽歌，遲左一個巴士站落車就係呢個命運既安排，就當順便買杯老虎🐯堂安慰吓自己咁橋在旺角這橋底分店一向都算排得唔耐，天氣咁熱係要有杯凍野揸手咦！有新野「冰鎮波覇拿鐵咖啡」一向飲開「虎虎生風」始終鐘意佢黑糖撞厚奶，大細珠口感豐富，D奶又厚又滑咁其實自己一向奶茶咖啡純奶都有飲開，既然🐯🐯出埋濃咖啡無理由唔試架攞到手！即感到杯底既暖暖黑糖波覇虎紋仍然清晰可見咖啡都係有mix 到厚奶既，頂頂層厚白色仍在，跟住指引搖返15吓...開餐喇um....我assume 冰鎮咖啡係超濃味既某茶記出名既冰鎮奶茶都係啦但好可惜太普通啦⋯⋯無論厚奶定咖啡都唔太平衡互相搶左大家獨特既味道下次都係獨沽一味，好野唔怕成日點既

呢間野，報導到幾咁出名幾巴閉，咁岩又經過，咪諗住試下。點知中伏。埋去收銀叫杯波霸黑糖厚奶，要少甜話唔得，好啦我當你d黑糖唔L溝得水，跟手連少冰都話唔得個下我真係企L左係度，我就老虎蟹唔q信你杯杯d冰一樣咁多呀。收銀仲要講野冇尾音，個下已經著著地。通常其他珍奶店都會有d令你好心情愉快嘅售後服務，例如係問你係咪而家飲，幫你篤埋丫，差在未餵到落嘴。而呢間呢，特別與眾不同嘅，偏偏冇售後服務之餘再令你扯火d。我拎完杯珍奶，口渴就緊係隨即拆開個條咁嘅又環保又衛生嘅飲管膠套啦係咪先，平時d珍奶店都會有個位擺人棄置嘅膠套，咁我見佢冇擺出黎，我都以為佢係拎左去清理冇擺返出黎，跟手我就擺個條環保膠係枱頭，咁一般情況下d職員都會直接拎走。就係個刻，黎料喇，阿職員就極差態度話：唔可以擺係度架喎。喂，即係咁，我唔係話你收得錢就一定要幫我清理，但都可以選擇有禮貌返少少話我聽你地冇處理垃圾嘅空間，而唔係黑口黑面一句得埋黎話：你唔可以！我當下知道d人冇禮貌可能係父母教到咁叻豬啦，所以冇鬧冇小返轉頭，不過呢，呢間老虎仔我就唔會幫襯架喇，我唔想糖尿亦唔想比錢買難受，d職員咁唔想做野我都無謂逼佢做丫，下話。

早前去左台北, 見到有香港好出名既「老虎堂」,價錢唔洗$20 又唔洗排隊 . 飲過翻尋味～未飲過香港既老虎堂, openrice 一搵原來而家已經有好多間分店～ 去到唔洗排好耐, 好快就拎得.同台灣既有啲唔同，杯面既黑糖好快就可以拌融. 珍珠會比較大粒少少，可能係香港預多啲貨 浸泡時間較長。但係珍珠無太多既糖水甜味依附. 老虎堂真係好重奶味，個味道係岩岩好。只係冰既份量同甜度都無得選擇～影兩張相，再攪拌完黑糖 已經開始淡味。總括而言，以香港現時珍珠奶茶既價錢黎講，老虎堂係好飲，只係份量有啲少。

黑糖鮮奶嘅黑糖甜度啱啱好，所以飲到最後都唔會覺得好流，有波霸同珍珠，大大粒同細細粒，咬下咬下好有口感。以前飲過幾間飲品舖嘅黑糖鮮奶，暫時覺得老虎堂嘅黑糖鮮奶係最好飲，係最令我回味嘅一間飲品舖。

本人都好喜歡飲黑糖珍珠鮮奶。 因為黑糖珍珠比傳統珍珠奶茶的珍珠都較軟口，不會咬到口攰晒。 另外，用鮮奶溝黑糖珍珠，奶味好出同香。經過旺角呢間老虎堂黑糖奶專門店，幾乎每分每秒都有一堆人擠滿鋪面。 眼見咁多人幫襯，當然要一試啦。我點了一杯「波霸厚鮮奶」，所有野正常份量。 飲用之前，我將杯飲品攪拌均勻。 試飲後，發覺黑糖珍珠好軟棉棉，好易食。 不會好甜，甜度適中之餘，不會搶左奶味。 最好飲部分，應該前50%。 因為後半變淡，加上可能冰太多，而奶份量唔夠，尾段時候係飲緊冰水溝黑糖，而黑糖本身唔太甜，所以變左一杯淡淡糖水。最好第一口飲時候，唔好攪拌。飲一口鮮奶，再吸一糖黑糖。應該叫少冰為妙。

平時都有飲老虎堂都覺得唔錯。今次黎左呢間老虎堂，地理位置方便。平時叫類似黑糖珍珠鮮奶系覺得痳痳地，唯獨是呢一間老虎堂真系唔錯幾好飲。今次叫咗杯虎虎生風厚鮮奶，都算多人排隊，鬼叫我想飲咩，我諗大約等左10幾分鐘左右，比其他飲品鋪等候時間系比較耐，而且有啲貴。一拎上手，杯個底係熱，杯面系涷，所以飲用之前要上下搖十幾下。呢款有大珍珠同細珍珠系入面，厚先奶奶味香濃，黑糖味較重，珍珠好煙軔，味道都唔錯。都算系我飲過最鐘意飲既黑糖珍珠奶。

唔知點解早幾個月會有一股台灣黑糖珍珠鮮奶嘅熱潮 出現咗好多唔同嘅飲品店都有買呢個嘢飲 今次終於嚟到老虎堂朝聖😂去到門口影極都好得喺度排緊隊 亦都有好多人等緊拎嘢飲😂 我就叫咗杯最經典嘅黑糖珍珠鮮奶😋望一望張單嘅號碼同埋顯示器去到嘅號碼 都有幾十個😂😂😂 不過應該都好過一開始熱潮嗰陣時架啦🙈結果等左一陣 咁落去我覺得比較甜 相比起其他嘅都好似甜咗啲🙈 可能冇得揀甜度同冰度先係台灣人最原始嘅味道😂 如果冇咁甜嘅話 就好啦 又或者有得比顧客去選擇甜度....

今日我們行過旺角T.O.P.見到「老虎堂黑糖專売」嘅分店，所以我們就去買杯他們嘅招牌黑糖波霸厚鮮奶嚟飲吓！點知一飲第一啖就覺得有啲失望！因珍珠嘅質感相當腍身，一啲都唔煙韌彈牙，黑糖味同奶味亦唔係好濃郁，兼且因太多冰嘅關係，而令到味道變得更加淡，所以真係令我們覺得非常失望！不過唔知係唔係祇係旺角呢間分店嘅出品先係咁，所以搵日要去另一間分店買嚟飲吓先！至於店員嘅服務態度就⋯⋯如果笑容多啲啲嘅話會好啲囉！

再黎老虎🐯堂自從飲過一次老虎堂之後，就愛上飲佢凍、熱都飲過，不過都係熱好飲d。今日去左旺角TOP 分店，超多人，買完要等20分鐘，好彩可以係商場一邊行一邊等。今次味道一如以往，可能因為佢個黃金配方係唔可以變，所以每間味道差不多，質素亦穩定。

老虎堂來港多時，這晚才第一次試試。這晚9時多見沒有太多人等候，隨即點了杯黑糖珍珠鮮奶，不可少甜少冰，這亦屬正常，要保持其水準與味道嘛! 餐牌上的飲品名稱，多得讓我看到混亂，原來波霸即正常珍珠大小，珍珠即像大粒西米般。由於太肚餓，不想咀嚼，所以點珍珠好了，剛剛好😄，一口啜下已有數粒。接過黑糖珍奶，是暖暖的，記得要搖勻才飲用啊! 奶香滑，珍珠雖然細，但不失其煙韌口感，加上剛剛好的香甜黑糖味，整體好好飲!

經過老虎堂，就同朋友各自買左一杯黎飲，我叫左一杯黑糖波霸鮮奶，朋友就叫左一杯紅茶拿鐵加波霸。黑糖波霸鮮奶超級好飲，珍珠好有口感，黑糖味都好充足。而朋友杯紅茶拿鐵我都試飲左，紅茶味都好濃呀