老虎堂黑糖專売 (T.O.P This is Our Place)

營業中

休息中

每次去老虎堂都只會飲熱嘅波霸鮮奶，因為近排唔飲得凍野。我平時飲奶茶會瞓唔着，所以呢個波霸鮮奶就最啱我。可能係平日，所以去旺角分店等左5分鐘都唔使就已經有啦。上次試過星期六日去，等左成20-30分鐘。我覺得呢間波霸鮮奶好飲嘅地方係佢個鮮奶同埋黑糖好夾，而且甜度剛剛好。我暫時未移情別戀，每次飲親都係飲呢間。

平時同男朋友行過旺角TOP時都會見到好多人，一直都想買嚟飲，但係又怕排隊，所以都無買過。前幾日同男友夜晚十點幾行過，見到人唔算太多，所以就買左嚟飲啦。我地買左一杯黑糖珍珠和紅茶拿鐵。因為之前聽人講話老虎堂味道一般，只係飲人氣，但我地反而覺得有驚喜喎，唔知係咪我地預期差，比我地預期好，我地就覺得更好味。男友杯黑糖珍珠幾重黑糖味，不過可能因為原味關，都幾甜，而且珍珠幾多，飲完杯嘢都未食晒珍珠。而我個杯紅茶拿鐵就有淡淡茶香，而且奶味剛好，不會覺得太奶又或者太澀，加上我走甜，清清地，適合一路行一路慢慢飲。

老虎堂我諗都算係黑糖珍珠奶茶嘅始祖 作為珍珠奶茶控不得不試同預想中一樣 無論幾時去買都係要排起碼三四十個人但亦無阻我想試飲嘅心情 排就排啦奶茶一到手 梗係要即刻打張卡先啦 老虎堂果然名不虛傳 賣相係一眾黑糖珍珠奶茶中最優勝 摸上手仲係熱辣辣 難怪每次都要等咁多人啦 好啦即刻試飲一啖先 我覺得佢嘅黑糖味比較重 奶味比較少 但佢少少嘅奶味 已經係勁香濃甜味好足 亦唔會死甜 而珍珠係比較煙韌 我就比較鍾意一種口感即使日日咁多人買 都唔會做爛市 不過希望下次小人啲排隊啦

之前成日見到排哂長龍，所以一直都無試！咁啱夜晚食完飯經過，見冇人排隊，就買杯波霸厚鮮奶試下。甜度ok，奶香滑，但黑糖味欠奉，珠珠煙韌有咬口，個人覺得偏硬咗少少，整體ok！職員個個木無表情，但又未至於黑口黑面。

唔明點解每次行過老虎堂都咁多人排隊？終於有一個晚上無咁多人排隊，咁就一於試下係咪咁好飲啦。唔知飲乜好，點了較多人飲的波霸鮮奶，都要等一陣先有得拎。唔算好好飲，叫左少甜都比較甜，奶味好重，可能本人麻麻地咁重奶味，如果有珍珠奶茶可能會好飲d。總結：真係好甜，飲左兩啖已經唔想飲但d珍珠係ok的。

難得經過老虎堂，梗係試吓佢哋嘅黑糖珍珠奶茶啦！條人龍真係唔講得笑，未排之前已經身水身汗，排完之後件衫都扭到出水...珍珠夠彈牙，有咬口比市面食到既珍珠更勝一籌。奶茶味道太甜，偏重奶味，茶味唔太出到，下次我諗少糖就夠！

老虎堂黑糖專売📍旺角彌敦道700號T.O.P This is Our Place 地下G15號鋪Kay Gor 不嬲都中意飲台式飲品依間更加係我既最愛虎虎生風厚鮮奶⭐️⭐⭐️⭐同波霸厚鮮奶比較之下，最顯著的分別係口感變化口感煙韌因為有「波霸珍珠＋小珍珠」使用超多既奶霜和鮮奶所以「厚鮮奶」裡面的甜味超濃厚其實厚鮮奶都幾飽注意唔好過快過急飲冰份量多幾多，可能飲幾口已經無左而且黑糖既甜味都幾勁如果等15分鐘再飲會比較好因為冰水可以令甜味減低

推薦最近最受歡迎、味道最好的奶茶珍珠奶茶，試過很多間珍珠奶茶店，不少其他類似的店質素都節節下降，難得來到這間是百飲不厭的，雖然感覺上很肥膩，但他的招牌黑糖波霸珍珠真是很好飲呀。身為港女，飲過無數間珍珠奶茶店，這間可算是新寵。

初初老虎堂嚟到香港嘅時候，又係風靡全香港人，個個都嚟打卡，閑閑哋都排半個鐘至一個鐘，當時我都有排過一次。而家熱潮過咗，終於唔洗排隊啦，一埋去就直接買到，揀咗杯最出名嘅波霸厚鮮奶，等咗幾分鐘就有得飲啦。但係呢間嘅服務就真係好差，首先收銀嗰個人完全無反應，無講過一句嘢咁滯，又唔覆單。到拎飲品嘅時候，因為買咗三杯比朋友飲，問店員拎個袋完全唔理人，最後叫幾次仲好唔情願咁比個袋，仲要係比一個細袋要自己裝，幾好飲都無用。

Finally got the chance to try tiger sugar! Have heard good things about it and glad I tried it today. I see why it’s one of the best brown sugar milk teas around! The milk tea was very silky and smooth and the brown sugar mixed together was perfection. The brown sugar was very warm on the bottom when the drink was served, which was really nice because it mixed really well with the milk tea. Other places I’ve tried, the brown sugar aren’t as warm. I also liked how that the drink wasn’t super swee

大概是想集郵 所以近月來都不斷試飲坊間不同手調飲品 這次就來試試人人都讚好既老虎堂 來自台中的老虎堂 憑著一杯招牌黑糖波霸厚鮮奶 來港不足一年就已經有多間分店 認真巴閉採用台灣本地糖為原料 每日新鮮炒製 既然如此爆紅 友人跟n_cc當然唔可錯過 友人就一於試試其虎虎生風厚鮮奶 新鮮調好既厚鮮奶 黑糖與鮮奶自然融合  虎紋最顯眼 其後虎紋會漸漸褪卻 所以要把握時間飲用品嚐黑糖混合鮮奶味道果然非同凡響 香氣十足鮮奶是用上日本明治鮮奶沖調 飲落入口順滑  香濃細膩波霸和珍珠口感都很爽彈 波霸比較大顆有咬口 珍珠則比較小顆較易嚼雖然波霸珍珠初入口比較黏稠 明顯有點失色 層次感亦欠奉 黑糖鮮奶是好飲 不過略為偏甜 如果可以調整甜度會更好 紅茶拿鐵相比之下就顯得好平凡 n_cc點了走甜亦沒有添加珍珠或是厚奶 味道跟坊間飲到的奶茶可以說是不分高下 唯一覺得茶味跟奶味好清晰 茶香奶滑 茶香與奶香並重 口感順滑細緻 下次還是應該要試試招牌飲

第二次飲太心急忘了上下搖晃15下便直接開了，覺得有點太甜，但亦無礙我喜歡飲老虎堂的程度，因為它的波霸黑珍珠真的很出色，口感彈牙已不在話下，混合甜度適中的黑糖溝厚鮮奶，飲過一次後已不停推介給身邊朋友飲！唯一要提的是所有甜度，冰量都是一致，不能為個別朋友作出調整，而櫃檯亦沒有主動提供紙巾，收銀員服務態度一般般，購買的時候沒有太多人排隊，但亦等了十至十五分鐘。波霸厚鮮奶加珍珠 $30 記得要自己先上下搖勻才飲

星期五忙裏偷閒，買了外帶虎虎生風厚鮮奶回公司邊喝邊做。厚鮮奶入口順滑，黑糖味香甜濃郁，雖然沒有甜度選擇，但個人不覺得過甜。虎虎生風厚鮮奶有大小珍珠混合，口感極之煙韌，尤其是波霸更是吃到不能停口。

觀乎一眾在香港落地發展，台灣外賣自取手調飲品店之中，暫時分店都比較多，質素比較穩定，排除購買飲品食客人數最多的台灣飲品店，我覺得很有可能是「老虎堂」，現在「老虎堂」的分店越來越多。甚至可以說「老虎堂」的分店，已經開始有落地開花的趨勢，分店遍佈港、九、新界不同的地區裡面。今次幫襯的「老虎堂」分店位置，是在旺角前「工業貿易署大樓」地下，「T.O.P」在「彌敦道」旁邊的街舖裡面。但是由於「彌敦道」街上的行車繁忙，導致路邊實際空氣質素狀況只是非常一般的水平，所以我在旺角方店「老虎堂」等候期間，還要不斷顧忌路邊的汽車和廢氣，一飲完飲品就要儘快回到「T.O.P」室內範圍裡面。雖我之前曾經在銅鑼灣「渣甸街」，光顧過一次「老虎堂」，曾經試飲過一次「波霸厚鮮奶」飲品裡面的濃厚鮮奶味道奶霜，再加上鮮奶撞出來的「老虎堂」黑糖撞奶，味道的而且確很甜。但是「老虎堂」的另一款手調黑糖撞奶飲品，「虎虎生風厚鮮奶」我可是第一次試飲感受它的味道，我最初其實還是不太清楚，究竟什麼是「虎虎生風」。直到我在旺角分店「老虎堂」裡面，第一次購買「虎虎生風厚鮮奶」的時候，看見旺角「老虎堂」裡面的價錢牌後，才忽然愰然大悟，原來「虎虎

第一次飲係台灣，排左一陣就有，今次見香港有都即刻回味一下，一樣好重黑糖味，久唔久飲下都可以，因為太甜了。飲得多真係唔得掂。奶味好重，八成似台灣飲過咁，都係好好味嘅，可惜身處香港。