老祖食堂

營業中

休息中

行完東薈城去food court食晏，咁啱見到呢間新開，仲貼住米芝蓮推介2023，所以諗住試吓睇吓係咪咁好食。叫咗一碗黑叉燒蔥花炒蛋飯，另外有每日餐會配埋滷水拼盤同鰹魚蘿蔔湯，好似都幾抵食咁。黑叉燒蔥花炒蛋飯嘅飯餸比例啱啱好，唔會話食晒啲餸剩低勁多飯。啲飯又煮得啱啱好唔會話好淋，粒粒分明。蔥花炒蛋好滑身，食落口感綿滑，黑叉燒都好入味。另外有再叫咗個XO醬炒腸粉同XO醬炸金龍燒賣。兩樣都用咗XO醬，勁惹味。試過喺出面食XO醬炒腸粉，剩係得XO醬味，但係老祖食堂個XO醬炒腸粉仲有好多配料同多蔥 ，真材實料。佢個炸燒賣就用咗香港本地嘅金龍燒賣，炸得啱啱好，外脆內軟，整得好好食好開心food court多咗一間高質嘅地道餐廳，肚餓就可以叫每日餐，口痕又可以買下地道小食👍🏼

來過幾次貴店，商場好多不同的餐廳，裝修環境又舒服，，店內員工態度好，服務又有禮，又有效率！排隊等候時間短，秩序良好…黑叉燒煎雙蛋&黑松露炒蛋是無敵的！味道方面是好的，性價比又好！一定會再來光顧的！

FOOD COURT開左間新店,都幾多野食。我同朋友各叫左唔同既野互相分享。有XO醬炒腸粉,味道都幾特別。有炸燒賣,幾好食,同埋好少地方有炸燒賣。CHAR SIU飯就食得多,黑毛豬CHAR SIU飯好少食,口感唔錯,同普通CHAR SIU唔同,炒蛋幾滑。加左D「老」肉併盤,樣樣都有D,有風味。炸薯條香脆可口,加左D孜然粉更加食唔停。咁樣2人食已食到好飽,埋單只係2百蚊,都算抵。同埋出餐好快,下次可試其他野食。