老爹

營業中

休息中

同事生日來到老爹 Daddy’s Kitchen請食午餐，位於上環皇后大道西聯發商業中心1樓（上環地鐵站出口, 步行約8分鐘左右）是一間隱世西餐廳扒房，價錢平又很美味。餐湯羅宋湯～湯味道鮮美，酸酸地大開胃口。牛油餐包～微波爐翻熱，質感仍然鬆軟麻辣蒜片雞粒炒意粉$68鑊氣十足， 蒜片香濃配上四川麻辣汁，相當滋味。卡邦尼煙肉意粉$68意粉煙韌，醬汁濃稠香濃，配料煙肉鹹香味重，簡單一道菜美味口感豐富。蜂蜜綠茶蜂蜜與綠茶口感清爽清淡令人心曠神怡

今日去食午餐,送餐包嚟嘅時候,見到牛油刀佈滿牛油漬,之後我問返個店員,佢話牛油刀係唔會洗,只係會抹一抹,明顯今日畀我把牛油刀,連抹都冇抹,而家呢啲咁嘅時候,咁嘅衛生水平,完全不可接受,都唔知佢仲有咩嘢餐具器皿只係會抹一抹,唔會洗,請大家小心。其實佢哋嘅食物質素唔差,不過服務同埋衛生水平實在不敢恭維,見佢哋平時都已經唔係多人幫襯,服務質素同衛生水平仲係咁差,遲早都係做唔住,根本就唔關疫情事,之前我都幫襯過佢哋好多次,但以後都唔會再去。

同朋友行中上環,認識下香港的歷史。但由於中午冇食野,肚又餓但又準備到晚餐時間, 所就近找左間餐廳食下午茶。由於準備食晚飯的心態,就叫左個簡單的炸魚薯角配檸檬綠茶。食物上餐時,令我有驚喜的係杯檸檬綠茶真係有新鮮檸檬。普通街上的檸檬綠茶,杯中邊有新鮮檸檬,只不過係檸檬味的綠茶。而且炸魚薯角係似新鮮炸起。 炸魚沒有太厚的粉, 薯角是熱辣辣配埋佢自家的醬。 好味😋但是哩間餐廳的服務真係一般,我地食物來曬,問個服務員先有餐具。

餐廳位置雖然比較偏僻 搵咗一段時間先搵得到 而餐廳名我覺得有啲老土😂但係食物質素一啲都唔土 仲好高質💓啱曬一班朋友靜靜地慢慢品嚐😆ᴾᵃⁿ⁻ᶠʳⁱᵉᵈ ᴰᵘᶜᵏ ᴸⁱᵛᵉʳ ʷⁱᵗʰ ᶠⁱᵍˢ $⁶⁸原本呢個係煎法國鴨肝配無花果🦆不過嗰日冇曬無花果 所以用咗士多啤梨代替🍓無諗過又會咁好食 個鴨肝熱辣辣♨️而且外脆內軟 配汁亦都好濃郁 用嚟做頭盤就啱曬啦😋ˢᵃᵘᵗᵉᵉᵈ ᴰⁱᶜᵉᵈ ᴮᵉᵉᶠ $¹³⁸都一樣係頭盤 呢個係美國壹級牛粒🐂雖然價錢有啲小貴 但係牛粒好juicy🤩整到啱啱好 唔會覺得煮到啲牛好老 不過我覺得味道鹹咗少少 如果淡返啲就會好啲啦ᴳʳⁱˡˡᵉᵈ ᴺᵉʷ ᶻᵉᵃˡᵃⁿᵈ ᴸᵃᵐᵖ ᶜʰᵒᵖˢ ⁽³ ˢᵗⁱᶜᵏˢ⁾ ʷⁱᵗʰ ᵖᵒᵗᵃᵗᵒᵉˢ $²²⁸而呢個係廚師推介👨‍🍳係紐西蘭壹級法式羊架🐑有三支骨🦴🦴🦴仲配埋薯菜 我同朋友叫咗五成熟 一樣好好食 羊架嘅份量好多 而且食落口又唔會覺得好酥 非常香口入味 超正吖😍呢個係套餐 配餐湯🍲餐包🍞同埋飲品🥤 全部都係正常發揮 同平時餐廳嗰啲差唔多😊

經常到呢間餐廳食lunch，因為貪佢夠近公司，平時都係堂食無試過叫外賣，今日幫同事叫外賣，四眼哥仔放低2袋野係檯面，一袋係食物另一袋係用熱飲杯裝住既湯，行去收錢檯諗住比錢順便問下仲差一杯凍檸茶未比我，係咪要等多先出到比我，佢就堅持湯連凍飲裝左一袋比我，我再三同佢講真係只得一杯湯，一日出咁多外賣佢記錯唔出奇，我唔會怪佢，但佢拋低一句「茶水好平姐，沖多杯俾你囉」，講到我好似呃佢一杯凍飲，本人從來都未試過寫食評，但呢啖氣好難吞得落

經朋友介紹，今日去左Daddy’s kitchen到食lunch。平日有lunch set 都有幾多選擇，仲有另瑋餐牌係全日供應。lunch set 除左主食仲跟餐包，有紅白餐湯選擇，同埋一杯野飲。叫左個煙三文魚意粉，好足料！有數多塊煙三文魚外，個白汁意粉亦有埋蘑菇同洋蔥炒埋一齊，份糧都好足夠，性價比極高！朋友叫左carbonara 味道都好好。

一間位於皇后大道西水坑口街交界聯發商業中心一樓電腦商場入邊嘅Daddy's Kitchen,如果唔喺有落地玻璃都幾難看得見,半開放式的西餐廳lunch時間都非常多人要等位, Lunch set選擇都多好多都包餐湯,餐包,主菜同飲品~我選擇了日式咖哩豬扒飯,羅宋湯餐包都是熱辣辣的,豬扒飯有兩塊豬扒青瓜同粟米份量相當足夠,豬扒好淋好入味咖哩汁又分開上非常體貼,順帶一提飲品竟然可以選擇凍珍珠奶茶已不需加收,珍珠奶茶相當出色似足台式的味道

又到左食飯時候，上環區食肆就多，不過要搵間坐得舒服，食完又吾會被趕走就真的不易，今日黎左呢間隱蔽商場上面嘅餐廳，地方濶落，枱與枱之間不會太貼，疫情影響下都要搵啲吾好太焗促又乾淨啲嘅地方食飯，午餐價錢都吾算貴雖然要加一，不過跟餐飲珍珠奶茶都吾使加錢，即時覺得成件事抵晒，值得一贊，今日叫左日式咖哩豬扒飯套餐，先黎一個羅宋湯，味道濃郁，加上有個微脆嘅熱餐包，非一般茶記冷冰冰餐包，飲完湯再食個包已經3成飽，再黎試過豬扒飯有少量青瓜做配菜，最怕跟餐啲配菜系凍冰冰，呢度又值得一贊起碼系微溫的，再試下塊豬扒，有質感吾系個啲掩到無晒味個隻，系略為覺得咸左少少，日式咖哩汁就無咩驚喜，跟住再黎杯凍珍珠奶茶，呢個中午好完美，正!

呢排都唔係好想去人多嘅地方，夜晚係上環想靜靜食個平平地同簡單嘅晚餐，就諗起老爹喇地點位於上環皇后道大西一棟商業中心嘅一樓，唔近地鐵站，如果唔熟上環，就可能要搵下路。環境餐廳佔左大半層樓而且大玻璃向街，係樓下對面馬路已經望到餐廳入面，入到餐廳就覺得好開掦，樓底又高，枱與枱之間一啲都唔迫，感覺好舒服。裝修都有啲心思，但就唔好預係打卡嘅文青靚cafe喇。食物質素我地叫左兩個set dinner，基本都係包湯，蒜蓉多士，主菜同飲品。湯- 可以揀紅湯或者白湯，今次白湯係蘑菇湯。都幾好飲，食到少少蘑菇碎，不過就同一般港式西餐一樣，個湯都係較稀身。蒜蓉多士佢地會即時烘熱，所以入口係熱同脆，值得一讚。黑松露帶子燴意粉- 一上碟已經香氣撲鼻，三粒帶子煎到金黄色，脆面但入面仲係軟滑好juicy! 另外個黑松露意粉汁都好好食，有松露香得尼又唔會喧賓奪主，忌廉汁整得好creamy，有好多唔同種類嘅菇同西蘭花碎做配菜增加口感，撈埋意粉食真係好正美國頂級牛肩脊拼紐倫堡腸配飯- 牛肩脊叫左五成熟，食個時肉質仲好嫩滑同多汁，我地覺得呢個係”真五成”，不過牛肩脊size就比較細舊。另外個紐倫堡腸都唔錯，脆皮入面都jui

⭐️位置 見到惠康 右邊個商場入再上一層 距離上環地鐵站至少十分鐘⭐️Lunch 一點鐘多數都滿座 地方大 應該都有60個位以上 坐得舒服⭐️叉燒飯 $68 未加一，連餐包、餐湯（紅或白）、飲品⭐️叉燒飯數量有限，有幾次來都賣哂⭐️自家製叉燒，唔係燒味鋪個啲，聽侍應講係西班牙豬⭐️叉燒肥瘦適中，食落一啲都唔乾。出面叉燒醬較多，偏甜，呢到唔會太多調味，甜度適中，唔夠味可以自己配豉油⭐️叉燒賣相好，叉燒邊燒到脆口⭐️青瓜配菜不俗，有調味⭐️辣蜆肉炒意粉 $68👉🏼Location - at least 10 mins walk from Sheung Wan MTR, when u see welcome, go to the mall on the right side of welcome, walk upstairs👉🏼Restaurant - can accommodate > 60 ppl, sit quite comfortably, 1pm is lunch peak👉🏼I order the barbecue pork rice $68, with soup, bread and d

年初四午餐 街上無乜人無乜店有開見到daddys kitchen有開就上左去得知原來初三已經開！附近居民都有得食下可能時間尚早無咩人 場地十分闊落 有落地玻璃望下街 感覺都幾chill食物不過不失 肉質唔錯 就算叫7成都唔會太韌👍🏻份量夠多 有湯有包有主菜有餐飲 餐飲方面竟然有珍奶！性價比高但眼見只得三位侍應 忙起上黎真係會唔夠人 見好多食評都話侍應服務態度差 掉三落四 但將心比心 唔夠人情況下 經過每張枱都俾人追單 明明唔關自己事都被鬧 都幾無辜 我亦體諒唔夠人「冧住做」嘅情況 希望他日再來會見到多d員工令到好評如潮啦！加油💪🏻 祝生意興隆

最近三個月，我在這裹共吃了三次午餐(1:00pm-2:00pm)，我之所以會回頭是因為食物好食，選擇多，有餐湯和餐飲。可是讓我看到的是每次的服務我也不滿意，等候時間亦太耐。我忍不住要寫食評，希望他們能改善，否則真的不想再去食。第一次：我和同事坐進了一個房仔，結果沒有侍應理會，要自己出去找人落單。由1:15pm左右入座，我同事的食物因為漏了單，催促後結果在1:55pm才送到，因為要趕回公司，她只有約10分鐘時間快速地食...第二次：這次我介紹朋友去食，同樣也是午餐時間。等候了約10多分鐘有得入座，但落單後，等了又10分鐘也沒有人給我們送上餐湯和餐包。因為我們是坐在收銀櫃後，一個盛湯的bar枱旁的長枱，所以我朋友自己去同那兒一個盛湯中的侍應講。但他說已落單後待會會有人給你。最後在食物送上前仍然沒有人送上餐湯和包。我們也放棄追了，感到氣憤和失望。第三次：這次我預先訂了枱，與同事一到便在1:05pm左右有得坐。但女侍應安排了我們去第一次坐過的房仔，我心知不妙，不情願但也算。結果正是今次的體驗令我要給負評。我們坐下後5-10分鐘，沒有侍應進來過，要我親自出去找侍應給我們落單。落單後等到1:20也

今次平安夜同朋友去左上環既一個舊商埸食聖誕餐，因為朋友住附近，所以佢話平時lunch 去過，食物唔錯，最後決定上去。但係其實我之前都曾經食過一次，普普通通。去到，叫左X'mas 2人餐，有沙律，湯，包，意粉，仲有2個主菜。最後揀左羊，牛。今次食物質素唔錯，南瓜湯夠滑，沙律都唔錯。而羊同牛都控制到水準，抵讚。而甜品都有迷你版cheese cake, 唔錯，而價錢都係四百元左右，好抵食 😘值得一提，今次既服務就好得多，最起碼今此次有個高大，靚仔既waiter 望吓，雖然我覺得佢有D cool, 不過我朋友話佢掂 😉希望下次我地再去時會見到佢啦 😃

位置不是太起眼，但中午時段還是挺多人的，不過菜品真的不錯，味道好又抵食。牛扒噶肉質幾厚實，又不會太韌，剛剛好，帶少少黑椒，辣辣地，幾滋味。黑松露帶子意粉好香噶奶油味，但系不會太膩，加埋帶子，贊！

之前一直經過見到都覺得唔太吸引，直至有次係ig見至朋友食後介紹，星期六中午一於試試。位置比較不起眼，但中午時段亦尚算多人。同朋友各自點左一個餐，跟餐包、湯及飲品，餐包上枱時係溫熱的(之前見有人食評話係凍的)今次一心想試黑松露帶子risotto，但已無了，只有改食黑松露帶子意粉。意粉意外地好食，每啖都有好香的奶油味，但唔會好滯，而且有2種蘑菇嘅香味，平時唔好食意粉都愛上呢碟朋友點左個牛，3,4成熟，皮煎得好香，有小小黑椒嘅香辣味，咸度配合得好好肉質比想像中好同軟熟，唔會韌，絕對係性價比高整體個人覺得好抵食，睇過其他評論有關員工態度差或食物水準較低，我哋都無遇到以上情況，或者每個人口味不一，但我同朋友都覺得會再有第二次光顧，而且性價比真係好高