老爹茶居

營業中

休息中

今日經過老爹，之前睇過佢哋個食評都好多人畀like所以今日去試食下，叫咗喇沙豬軟骨飯，同埋照燒雞扒意粉，飲品要咗水蜜桃蘋果綠茶，同埋珍珠奶茶。總括嚟講兩個餐嘅份量都好足，都食唔曬，兩杯嘢飲都好大杯，同埋都幾好飲，我覺得個雞扒佢就煎得好靚，最緊要又煎到個雞皮冇曬啲肥油，比較乾身，咁我都連雞皮食，因為平時若果啲雞扒煎得個雞皮冇咁乾身，個雞皮有啲肥我就未必會食。 個豬軟骨入面就好有差唔多八至十嚿豬軟骨，薯仔紅蘿蔔就反而少，成個晚飯兩個人食埋單都係170蚊 如果下次有機會經過我都會一定嚟試多次。 差啲唔記得，呢兩個都係餐，有紅湯或白湯送連餐包，餐包就冇咩特別，但個紅湯就好好飲，因為佢係落咗好多蔬菜入去煲，一嚟飲得出，二來嗰碗湯入面有好多料。

住咗馬鞍山咁多年，每次搭車返屋企同出街都經過老爹廚房，心諗個名好搞笑，但係就冇一次會走入去食飯……今次媽咪話近近地想試吓間餐廳，做孝順女就聽媽咪話陪佢去一次啦！兩人分別叫咗一個set dinner, 仲口痕叫多一個蛋沙律鮮蝦多士。焗龍蝦芝士汁龍脷飯，又真係好多汁喎，食焗飯好怕乾爭爭食硬飯粒，所以依個龍脷飯多汁就岩晒喇👍🏻 龍脷份量都足夠大大塊咁舖面，媽咪表示滿意。另外我地仲叫左星洲椰香喇沙豬軟骨煲都好香。豬軟骨煮到好淋，入晒喇沙香味係唔錯嘅！我地配左意粉但後來發現應該要配飯，有汁送飯先係絕配哈哈！口痕加配嘅蝦多士都幾合媽咪心意❤️ 因為唔係好多地方都有蝦多士食，而且每個地方食譜唔同，唔係度度岩食，老爹廚房用全炸嘅多士，不過唔係好油膩。加埋蛋沙律係面就其實有少少唔夾嘅，放旁邊就更好啲喇。整體都幾滿意今次晚餐，其實平時好少會同媽咪兩個人去餐廳食飯，難得今餐搵到間近近地又ok嘅餐廳，下次又可以再帶媽咪黎試埋其他野食先。

住喺MOS咁多年, 竟然係第一次幫襯, 餐廳位置對大街平時都懶行出黎. 咁啱落巴士順便行兩步試試先, 平日lunch有八成滿而且價錢好親民, 大部分午市套餐都只係50蚊左右.>焗蕃茄汁吉列豬扒飯 (HKD52)白飯底茄汁焗吉豬, 豬扒成吋厚, 吉列炸皮薄薄的, 茄汁醬完全覆蓋哂豬扒同飯, 好抵食.>鮮茄汁扒醎牛脷 (HKD52)醎牛脷OK大塊👍🏻, 醎香適中. 茄汁係濃稠嘅, 飯嘅分量仲要咁多🤣邊食得哂. >老爹豬扒拉麵 (HKD49)大姨嘅豬扒拉麵🍜塊豬扒都成個碗咁大塊.>以一間街坊餐廳黎講午市真係抵食, 人均消費around HKD50仲包埋野飲, 唔係hea檸茶檸水嗰啲有果味紅茶/綠茶, 凍飲🥤仲唔使加錢👍🏻. Staff做事積極, 行多兩步落黎食係值得嘅.

唔想去d連鎖式的餐廳，而家去連鎖式食ge 都要60-70一個人，但去其他坐得舒服d, 仲有人service 的都只係貴20-30.所以今晚老爹做晚餐今次試新野香煎美國牛柳牛我必點係welldone唔要有血的,雖然係全熟，但完全唔會話太老太硬所以唔駛擔心另外就叫左馬來咖哩紐西蘭羊腩煲濃香的咖哩汁帶微辣送飯絕對一流當然唔少得有餐湯同餐包啦湯就有紅同白湯選擇餐飲選擇超多，眼花撩亂，最後我地就叫左珍珠奶茶滿足的晚餐

久唔久我都同阿媽去老爹餐廳度食嘢， 因為呢度地點好方便，通常都好快會有位。阿媽嗌咗個set dinner， 有餐包有餐湯有嘢飲再加個主菜， 加埋一都係80幾蚊， 喺呢區嚟講算係唔錯嘅晚餐，地方坐得闊落， 又唔會趕人走。餐包食攞夠熱同埋夠鬆軟， 帶子三文魚忌廉汁意粉， 三文魚份量非常足夠， 忌廉汁食落好夠厚， 意粉軟硬度適中， 醬汁唔會太鹹。我食嗰個青口天使麵， 上枱個造型非常有心思， 唔會話係大眾化價錢就畀啲hea嘅嘢你， 天使麵索咗啲汁，堅韌度剛剛好。餐飲方面都有好多唔使加錢嘅選擇， 一般蘋果蜂蜜綠茶，柚子蜜都唔需要加錢。 由於我唔係飲得好甜， 所以我會建議大家叫少甜，會穩陣一啲。整體嚟講呢間係平民化價錢，性價比高嘅餐廳。

老爹茶居以前開喺商場內，之後搬咗去地舖， 好彩都儲落一班舊客，所以完全唔擔心冇人知道！ 舖位裝修行年輕路線， 絕對唔失禮！照舊會有同鄉同白湯選擇，紅湯係雜菜湯，充滿唔同嘅材料！ 配埋帶有微溫嘅餐包，好食！喺一般餐廳免費跟餐嘅飲品通常都係一般餐飲， 但呢度竟然一啲比較特色嘅嘢飲，都係可以免費跟餐，例如：水蜜桃綠茶、檸檬柑桔……抵呀！美國自然豬西冷扒配森林牛肝黑野菌汁（配飯或意粉）～ 同老公心靈相通都係揀咗同一個款式嘅主餐， 一個跟飯，一個跟意粉，本身豬西冷已經好夠味， 而且好厚肉呀！配埋黑野菌汁更加錦上添花。其實仲可以升級要埋甜品，不過個主餐已經夠曬大份，冇曬位啦！咁豐富嘅晚餐，竟然唔使一百蚊一個人，cp值超高！

其實不嬲都話對馬鞍山有個情義結可能唔多唔少都係因為以前有段時間係個度讀書所以到依家耐唔時都會入馬鞍山同朋友食飯今晚同樣都約左個朋友係呢頭食飯 今晚第一一次去食Daddy's Kitchen睇睇有冇 Daddy 情懷每晚都有當日既精選晚餐包一杯野飲 包一個餐湯朋友叫左個天使麵套餐天使麵賣相幾吸引 加埋d 三色椒同青口圍邊見到都食慾大增個汁好香 質地軟滑 食落好creamy 鐘意食天使麵嘅朋友可以一試我就叫左個 意大利牛肝菌燴牛尾煲非非非常香濃 牛尾燴左好一段時間非常入味 肉質鬆軟 咬一啖就有骨肉分離效果 撈隻真係一流 建議大家可以一試環境周圍都幾大 坐落舒服 晚飯傾計唔錯加上近馬鐵站 食完搭馬鐵走 非常方便丫

餐廳算係港式西餐廳，晚餐餐牌有好幾個選擇，價錢$70至$90，價錢合理，套餐包括湯及飲品。湯可選擇西洋菜湯或忌廉湯，飲品選擇亦很多，有特色飲品，亦有台式珍珠奶茶等。我和友人一個點了海鮮天使麵，佢點左豬仔骨配飯。飲品都係嗌咗奶茶，奶茶味道很不錯，茶味很香。忌廉湯是蘑菇忌廉湯，亦有送餐包。個人很喜歡這餐包，佢係叮熱然後上，又好軟，搽牛油好食。嘢食方面，天使面個汁好好食，青口都好食，青口好足放滿成隻碟，點啲醬就好好食。朋友個豬仔骨配飯都好唔錯，豬仔骨燒得好香，好入味，燒得好香，仲有配埋一細碟BBQ汁。份量啱啱好有幾飽，價錢又合理。仲要餐廳環境好好，樓底高又幾闊落，所以同朋友都食得幾舒服又傾到計。

位於馬鞍山的老爹Daddy's Kitchen名稱很特別，令我想起Jimmy's Kitchen，不過風格卻很不同，馬鞍山朋友說這是一間街坊抵吃飯堂，他今晚帶我來吃晚餐。果然，一個扒餐也不用一百元，包餐湯、餐包及餐飲，而餐飲有非一般的選擇。我選了紐西蘭西冷牛扒配芥茉紅洒汁，煎得唔錯牛扒，又夠大塊，最重要係有肉汁，味道不錯。朋友今日點了星洲椰香喇沙豬軟骨煲，聞到好香，好足料， 豬軟骨很軟滑，我覺得用來配飯吃比較好。另外再加咗個蒜香雞翼， 煎得好金黃，外脆內軟，非常惹味。飲品太多種類可以選擇，我有點選擇困難，最後我選了蜜桃綠茶，朋友選了青蘋果綠茶。 唔算甜，幾創新。本來好想點佢哋嘅蛋糕，見到個樣好高貴好想吃，可惜吃完個晚餐已經無能為力再點吃了。

同朋友們夾左去馬鞍山過節玩，早左到同另一朋友醫肚。馬鞍山朋友介紹我地去老爹茶居，話之後去海傍近。揾路揾左好耐，原來應該新港城出再落電梯轉左行。滿座等左下好快入。忌廉餐湯幾結身，粟米有少少但粟米忌廉味都好重。餐包一個拳頭大配4舊仔牛油，微溫軟軟快d食。餐飲係熱柑桔檸檬有檸檬清新清喉嚨點，杯外涼內熱細心。扒智利雞胸扒配白松露菌忌廉汁配意粉 $78Grilled chicken breast with white truffle cream sauce with spaghetti雞胸非常嫩，平時唔太鍾意食雞胸既我，都「偷」左兩舊食。關產地智利事？定廚師有秘技，唔似雞胸，係有juicy感覺。點白松露菌忌廉汁就再香濃菌味d，淨一舊食就嫩滑。羊扒加餐湯餐飲另外加$10同$8馬來椰香咖哩香草羊扒意粉 $1024pieces Lamb chop 上嚟氣勢洶洶，香奶咖哩味。薯仔好軟林林，超入味！馬來椰香咖哩唔會太辣，洋蔥無左自己辣刺刺，多左咖哩味。意粉無油/好少油同硬度剛好卡好水份，覺得好健康同特別痴咖哩汁。因為無左層油隔離住，所以染哂你執唔甩。以為羊扒得好細喔~誰知寶物沉歸底，越叉越有羊扒件，嘻嘻。

今日同朋友黎左呢一間馬鞍山既老字號餐廳食飯，以往餐廳係商場裏面，依家搬咗係商場外啲街鋪，環境大咗好多之剩，樓底又高加埋落地玻璃窗，成件事即刻高級哂。因為怕晚飯時間多人，所以六點幾就到咗喇，餐牌選擇好多元化，有頭盤、沙律、小食、日式拉麵、意粉、飯麵同其他特色食品都有，最後同朋友叫咗是日精選套餐。套餐跟餐湯同餐包，餐湯係粟米忌廉湯，甜甜地又唔太膩味道幾好，而餐包就熱辣辣好軟熟。焗龍蝦芝士汁龍脷柳飯 ($74) : 龍脷柳幾大件而且口感好嫩滑，龍蝦芝士汁亦做得相當出色，芝士有拉絲效果出現。美國自然豬西冷扒配森林牛肝黑野菌汁意粉 ($80) : 豬扒勁大塊，煎得好香口又無嚡口既情況出現 👍🏻 牛肝黑野菌汁食落有啲似 KFC 既蘑菇飯汁，不過係濃味版相當惹味。法式香草牛油焗田螺 ($46) : 六粒無殼田螺伴薯蓉，薯蓉焗至外脆內軟，香草味不太濃，不過田螺肥大肉厚超正。

住喺馬鞍山嘅應該都會聽過老爹茶居，因為佢係好耐以前由新港城商場搬左過黎。今日放假冇出去，於是就約同朋友近近地，過黎食個晚飯傾下計佢主MENU就散叫，而是日精選MENU就係SET黎，當中會包括餐湯、餐包、同飲品，比較經濟實惠我同朋友分別叫左 扒紐西蘭西冷牛扒配芥茉紅酒汁配飯 + 雜菜湯 + 餐包 + 凍檸茶(SET $80)，同帶子煙三文魚忌廉汁燴墨魚汁意粉($80) + 凍檸茶(另加$8) 雜菜湯 + 餐包：最中意將餐包搽牛油入去，然後再點湯黎食帶子煙三文魚忌廉汁燴墨魚汁意粉：帶子有煎香，而佢煙三文魚份量都唔少，夠足料，墨魚汁掛晒落意粉到，食落香口扒紐西蘭西冷牛扒配芥茉紅酒汁配飯：一上菜見到塊扒都幾大塊，以呢個價錢食到咁大塊扒認真超值食落去無咩根，肉質嫩滑唔會好似有D鋪頭將價就貨，用次一級牛扒食落好多根，咬極都咬唔開咁。同埋佢隻芥茉紅酒汁調得唔錯，點扒黎食幾夾2個人食連埋加一埋單$184.8，近近地醫下肚之餘，食物質素都幾好

老爹真係我地既好幫手，總知每次唔想整野食，就走來呢到食，因為價錢比較大眾化，而且都環境幾好，所以我地都好多時幫親。鮮肉棒棒餃子拉麵好好食，所以今日又整左一碗，麵既份量都好夠，而且餃子好香，湯底都唔會太咸，食左之後都冇口干，所以應該都唔會太多味精。為左要健康D，我地都會食一碟菜，呢個欖油西蘭花$35，都幾好味，而且好健康。呢到每晚都有特價餐，今次有牛扒配意大利粉，牛扒都幾大件，味道香漲，肉質可以。比想像之中，真係大大件牛扒，有驚喜~!牛扒餐有湯同包，係一個好正宗的西式套餐~

今日同daddy去咗老爹食飯裏面有好多嘢食環境清幽 我同daddy每人都叫咗一個套餐 daddy就叫左黑松露意大利飯配鵝肝而我就叫咗雜菌海鮮香草配意大利粉 ，飯非常之有趙口 好好味 配上黑松露菌 鵝肝非常之大件 意大利粉好有趙口 唔會太林 亦都唔會太晏 配上海鮮非常之新鮮 我同daddy都覺得今日的餐非常之好食 雖然平日好少同daddy食飯 但係今日都好滿足 謝謝你daddy

同朋友晚上去食飯，80幾蚊有個套餐: 飯，湯，有飲品有包。中上價錢但環境舒服都算合理。老世樣子慈祥，坐位又不限時所以晚上在馬鞍山如同朋友相聚，呢間是不錯的選擇!需要改善的是可以在開始鋪檯前是端上水，因為不是每個人也叫餐，可以讓客人潤潤喉又不用追水。