老爹茶居

營業中

休息中

司華力腸拉麵：拉麵軟硬度適中，湯底自選豬骨湯底不錯，拉麵配有粟米粒、半條蟹柳、一片日本魚蛋和少量芽菜，可惜司華力腸切片上，份量太少，不覺得有一整條腸，吃完整碗拉麵也不覺得飽肚。餃子拉麵：餃子有五隻算是合理，湯底自選豬骨湯底不錯，拉麵配有粟米粒、半條蟹柳、一片日本魚蛋和少量芽菜。餃子味道不錯！焗芝士肉醬意粉：這個意粉分量足夠，肉醬不少，而且味道酸酸甜甜，非常開胃！已粉面還有一些芝士，令口感更為豐富，相信這個是招牌菜。午餐包含台式飲品，我們點了珍珠奶茶、甘香奶茶、金桔檸檬，每一款都好味。

今日同同事放工喺馬鞍山一齊食個晚飯，行過外面見呢間餐廳幾靚樓底又高，就一齊入去試下，入到去坐低留意到已經有d聖誕裝飾啦，已經有d聖誕氣氛haha首先到咗飲品，我就叫左個青蘋果綠茶，nice! 再嚟叫左個芝士焗薯皮，我同friend都覺得正呀，熱辣辣加香濃芝士，yummy再嚟加拿大青口蟹皇忌廉汁天使麵，青口都ok新鮮，蟹皇忌廉汁啱啱好，唔錯的扒扭西蘭魚柳海鱸魚柳意粉，配上牛油汁，淋上意粉，魚煎得夠香，好食

閨蜜住MOS，所以揀咗呢區飯聚喺良心店App search到呢間舖覺得質素不過不失老爹豬扒法包配炸薯條用法包夾住一塊大豬扒幾新鮮法包質感比較硬，但豬扒肉質就軟嫩強烈對比下顯得內餡更軟腍一刀切落去分開一半可以切得齊口薯條就有少少遜色，唔夠香脆燒什錦串配沙嗲汁（豬牛雞各2串）串燒幾香口，燒得恰到好處，無燒焦雞肉肉質幾嫩，不過牛肉肉質就略嫌有少少鞋馬來椰香咖哩牛腩窩（+$10配餐湯，+$8配餐飲）通常高級餐廳我先會揀白湯，一般餐廳都係紅湯穩陣雜菜湯嚟，幾足料，好重酸甜味，幾開胃咖哩牛腩鍋個醬汁幾香濃牛腩算入味，不過我比較鍾意食咖哩薯仔薯仔炆得軟淋淋，索咗啲咖哩汁好惹味藍莓珍珠珍珠通常配奶茶，發覺珍珠真係幾百搭配藍莓汁又係幾少見嘅個人覺得嚐鮮係幾特別，味道都唔差好重藍莓味，但配珍珠個口感就有啲奇怪

平時比較少黎馬鞍山, 但一落巴士就見到呢間sharp醒既餐廳吸引左~餐廳座位好闊絡舒服~入面都好多座位, 但不消一會都已經坐滿人了~Menu好有好野揀, 而且有唔同style, 真係好有驚喜!是日精選會跟湯, 餐包同野飲, 個價錢十分抵食! 扒紐西蘭西冷牛扒配芥茉紅酒汁塊牛扒好足本呀! 見到都流哂口水~而且煎得岩岩好, 切開D肉汁滲哂出黎, 仲有淡淡既粉紅色, 好吸引!!不得不提個汁, 好香, 同牛扒好夾!香草羊扒石頭咖喱窩 (泰式青咖喱)一上枱就已經聞到好香!! 而且熱辣辣起哂泡泡咁上枱, 整返啖個人都暖哂~羊扒切左件, 方便食, 好貼心呢~除左有切件羊扒, 仲有茄子,薯仔同洋蔥, 全部都好入味.青咖喱辣得黎有D甜同帶有D青檸既酸, 送飯真係冇得輸呀!! 好好味!!叫埋餐飲, 有珍珠奶茶揀tim呀! 好滿足呢!Overall, 呢度既野食好食, 而且價錢都好親民, 唔怪得咁快坐滿人啦! 

得閒行吓馬鞍山，見到『Daddy’s Kitchen』，Mummy美食吃得多，一於入來試吓『Daddy』手勢如何？點咗個精選B餐『蝦球牛肝菌忌廉汁燴扁意粉』，成個餐72蚊，包埋餐包，餐湯同埋飲品，抵吖。意粉硬度啱我口味，蝦也大大隻，牛肝菌忌廉汁好creamy，完美。另一單點係雜錦咖哩海鮮窝84蚊，咖喱可三揀一，我哋揀咗青咖喱，海鮮真係唔少，有大蝦，魚，青口，魷魚圈…yummy。單點加10蚊有餐湯，加8蚊有埋嘢飲。因此我哋有齊忌廉湯，雜菜湯及两杯珍珠奶茶飲，好好吖。

食物可以，但侍應服務態度極差。平常也有幫襯的，態度都係一般，店員多數都是黑口黑面，今天去他們設置了一個取票等位的系統，似乎他們完全不懂操作，下一個已經到我們，明明裏面已經有很多空位，但很久都沒有顕示下一個編號，於是我就很客氣問下一個是不是該到我們的號碼，那個女主管竟然很晦氣地回應：「你看不到我正在忙嗎？到你自然會叫你的！」，我們覺得很激氣，立即離開去別處吃。我以後一定不會再幫襯！本來他們是一間不錯的食店，但是他們的態度實在太差了！

(套餐)香煎紐西蘭肉眼牛扒🥩 $105肉眼牛扒煎得好香好靚，同埋都幾大份，唔怕食唔飽🤭牛扒揀左七成熟，煎得啱啱好，唔會過熟。可以揀配飯、薯蓉、或者意粉，意粉份量幾多👍個醬汁好香，配牛扒同意粉都一流🥰.(套餐) 龍蝦汁魷魚圈燴牛油菠菜闊條麵🍝 $82呢度嘅食物選擇好多，日式西式港式應用盡有🤤菠菜闊條麵好似唔係好多地方有，一於試試佢啦😇龍蝦汁好鮮好濃味，闊條麵都好入味，而魷魚圈份量都好足！鍾意食意粉嘅可以一試！另外餐飽同餐湯都熱辣辣，個餐飽仲好軟熟添☺.老爹Daddy's Kitchen📍馬鞍山西沙路628號新港城廣場地下11-13號鋪.🔎#mkbowfoodies馬鞍山 #mkbowfoodies西餐..#finedining #mos #daddyskitchen #western #nomnom #hkfoodie #follow4follow #相機食先 #foodstagram #foodie #香港必食 #mochi #healthy #hongkongfoodie #foodstagram #likeforlikes #hk #hkig #hkfood #food #hkig

昨晚食完飯行去攞車，路經呢間老爹，見好多人排隊，心諗應該唔會點差，香港人把口幾刁先得㗎，唔好食唔使錢都冇人食；今晚冇煮飯就同太座講不如去試試，好彩早到冇乜人，因為食食吓已經坐滿哂人喇；我點咗個田螺焗飯餐，要焗咸牛脷茄子配炒飯，我係牛脷控，最喜歡同牛牛熱吻，每次到新餐廳見到有都牛脷都會叫嚟食，講返呢度，真係估唔到咁好味，牛脷入味冇羶味，厚薄適中，而焗飯個茄汁亦相當惹味，個炒飯底先係令我估唔到會食唔停口，絕配絕配!田螺同薯蓉都可以一試，因為我對薯蓉一向冇好感啫；太座叫咗醬汁豬軟骨拉麵，通常太座食嘢都會留3份1俾我食，話怕肥喎，我食咗覺得個湯底同麵質都非常好，而個豬軟骨都好軟滑，軟骨有咬口；呢度價錢絕對街坊價，性價比超高，唔怪之門口排哂隊!

星期六晚上，兩個7:30係馬鞍山揾嘢食見Daddy’s Kitchen 有人排隊，又唔算話好長龍（3-4個）就試等下。排咗10分鐘到有位，環境衛生好好，又明亮💡。我同朋友點了一個set 同一個飯。set 餐有湯、麵包🥯及飲品。我哋點雞扒飯餐：雞扒好大塊（有一隻手掌）好好味。另加忌廉紅菜頭燴海鮮意大利飯。可能紅菜頭顏色太特別，全碟飯都係紅色，賣相一般，但有魷魚，帶子，蝦🦐同青口 , 味道唔錯。因為分量唔少，尤其是雞扒，所以食到飽飽🤤。

由從前嘅商場舖轉戰到地舖， 今次係第一次拜訪老爹， 比起以前由馬鐵站一出係要走遠咗， 但勝在老爹係住家式小品店， 晚飯時間仍然有好多粉絲， 雖然坐位比以前寬敞咗DD, 溫馨提示孭帶手袋或背包之人士未必會有位置放食左三隻之後先唸起，說好的牛油味呢？超多胚芽， 飲嘅時候一定要攪勻簡單啲嚟講就係牛尾羅宋湯， 係兒時經常食到嘅住家菜，牛尾好淋， 入口即溶， 係細路都啱椰香咖哩個汁好香小辣，其實唔錯，但牛腩太大嚿勒， 好難咬開， 而且又未入味， 真係好可惜

平時未嚟過呢區，啱啱今日買啲嘢先過嚟。本來打算去搭車返屋企先食飯，咁啱去巴士站途中，經過呢間餐廳，好鬼多人，咁我就同老公講不如食完先返屋企。呢間係街坊餐廳，但見到裏面裝修都幾骨子， 好乾淨。見到餐牌上有個是日精選，裡面有餐湯餐包，主菜同埋餐飲。我同老公分別叫了一個羅宋湯同埋忌廉湯，見到老公嗰個羅宋湯都有好多料，佢話味道酸may may。而我呢個忌廉湯就結結地，鹹鹹地，味道都ok喎。餐飽嚟嘅時候都暖暖哋，咬落去軟熟，都幾好。我嗰杯餐飲係蜂蜜紅茶，蜂蜜味都比較濃，紅茶味淡淡，我好鍾意呢個蜂蜜嘅甜度。老公就叫左杯蘋果綠茶，佢話蘋果味同埋綠茶味一樣濃，唔係太甜，佢覺得都幾好。我就叫咗個加拿大藍青口蟹皇忌廉汁天使麵，呢度都好大手筆，青口有成半打，size普通，唔大唔細。天使麵裏面夾住紅黃青椒，洋蔥，同埋菇一齊炒，所以食落都覺得你個爽口，天使麵又有炒得入味，整體味道都算唔錯。老公就點咗個扒香草春雞扒配牛肝菌紅酒汁飯，春雞扒都算幾大隻，仲有雞髀添。我試咗一嚿，春雞有淡淡嘅香草味道，入口都幾嫩滑，一啲都唔韌，配埋旁邊嗰個紅酒汁一齊食，都好好食喎，老公都幾鐘意。

今晚返mos 食飯終於去好出名既餐廳食飯我地黎到既時候都要等位等一陣😀😀之後一入去就決定嗌佢地既抵食set dinner 🤗咁我地要左一紅湯一白湯😘仲有兩個正正餐包佢地個湯好足料又好rich ☺個餐包加牛油勁香男朋友果個餐係肉眼medium 配意粉見到佢地個賣相好吸引🤭😎肉眼切開仲有淡粉紅色意粉份量幾多👍💕同埋佢個醬汁好香好正我自己就要左一個叻沙牛根腩☺嘩 見到佢地d 牛腩好大碗阿!!同埋有埋我最鍾意既牛軟骨😘叻沙口味比較甜無咁辣d 牛都整得好腍好入味👍男朋友仲食左好多飯我地extra 仲加左佢個cheesecake 估唔到有驚喜creamcheese 好香又軟身 唔錯佢地d 特飲都好好飲😙

原來依家係間西餐廳嚟㗎！佢有扒有意粉，但係亦都有中式嘢食！焗南瓜芝士汁雞柳意粉佢成個汁都係用南瓜🎃做，真係落足料，食落口既南瓜味好重！加埋芝士同意粉好夾，同埋唔會太濃又唔會唔夠味！紐西蘭西冷牛扒配紅粉蒜蓉忌廉燒汁飯牛扒都幾大件，唔係細，所以一定夠食！加上配左飯，就一定好夠飽！佢既醬汁岩岩好，唔會好鹹或好濃味，唔會遮左牛扒既味！佢員工既服務好好，態度好好，食完既碟會主動收走，又會主動拎牙簽比您！做野爽手，又唔會趕客，環境都坐得舒服！

馬鞍山最近唔係幾和平，搞到商場冇LALA早收，又星期六日都唔開門。對我地呢D冇飯家庭來講，真係好唔方便，好在在呢D非尋常既日子中，依然有老爹服務我地，其實真係好難得。所以今次星期五晚7點左右來到，都已經好多人排隊，不過好快又有位。可能大家都想快快食完就俾其他人食，加上店面又夠地方，所以真係唔駛等太耐。呢到好多選擇，係我最欣賞既地方，有中西日台式既食物，街坊生意最緊要多元化，咁我地先會一次又一次來食。今次食左個清清地既雜菜拉麵，另外就係濃味又香口既咖哩炸豬扒配白飯。拉麵好彈牙，湯又夠清，而且都好多蔬菜，可以平衡一下。咖哩炸豬扒配白飯個咖哩汁好濃，十分好送飯，而且豬扒是美國豬，又大大件，食得安心又開心。最後叫多左個薯條，點咖哩汁真係好正呀~~~

這家餐廳聽說開業多年，新搬到這裡不是很久，價錢親民點了是日精選三個餐餐包夠熱，鬆軟羅宋湯茄味濃，什菜多，不辣扒紐西蘭西冷牛扒配火腿絲磨菇燒汁（飯/意粉）西冷全熟的，汁唔錯，飯夠熱，份量足，配新鮮椰菜和小甘筍，飽肚越式香茅豬扒配豉油汁（飯或意粉）豬扒薄身，肉淋又入味，豉油有香蔥味蝦球牛肝菌忌廉汁燴扁意粉蝦球爽口，菇菌香，扁意粉熟度剛好，彈牙，忌廉汁幼滑套餐可免費揀多種特式飲品珍珠奶茶奶味濃，珍珠彈牙蜂蜜綠茶清新香甜這家地舖人流旺，閒日晚上都坐無虛席，上菜快，食物夠熱，職員友善，會再來！