老港冰室

營業中

休息中

今日行完葵廣，唔想系果邊掃街，食得咁唔健康。就過來呢邊新都會廣場覓食，眼見#老港冰室 有多款菜式供應，有小菜、常餐同埋手撕雞，選擇頗多。價錢吸引，又提供服務承諾。就決定入內一試。🔴服務承諾:如對服務態度不滿意可享全單八五折；點菜後30分鐘內不上菜，超時菜品八五折；對菜品不滿意，菜品八五折!!!•招牌古法手撕鹽焗雞（例牌）以砂鍋形式上，充分吸收了鹽焗粉的味道，手撕雞皮脆肉嫩，肉質鮮嫩，夠曬咸，果然是招牌菜。•招牌酸菜魚即是一人用，亦份量相當十足，起魚骨好乾淨！真係完全無骨，辣度做得岩岩好，惹味得嚟唔好遮左魚嘅鮮味。嗌咗碗白飯，畢咗啲湯落碗白飯度，送飯覺得好惹味🤩•椒絲腐乳通菜炒牛肉呢款必食小炒，最喜歡嘅配搭，通菜翠綠爽口，爽脆可口，牛肉嫩滑，加上椒絲嘅微辣，就係惹味小炒。送飯一流!!•家鄉肉碎豆腐煲追加多一客豆腐煲，熱焫焫，睇見到暖心窩啦。豆腐好嫩滑，充滿豆香。肉碎相當甘香。•白飯•冬OT店內光猛又整潔，以港式茶餐廳來說，食物定價合理，店員態度友善親切。

最近新都會新開左間茶餐廳，平時行過都見有好多人等位，不過入位都算快。見餐牌都有好選擇，除咗平時嘅茶餐廳食物，仲有一啲小菜選擇，我哋叫咗一個茶餐同埋板燒和風牛柳飯。茶餐有丹麥多士配火腿奄列，多士焗得金黃香脆，外脆內軟，奄列夠滑，蛋香十足，不過火腿份量唔算多，如果可以再加少少就更好。至於麵就揀左辣魷魚出前一丁麵，都幾惹味，湯底辣得嚟又有魷魚鮮味，唔會只係死辣。魷魚炆得夠腍又入味，每啖都有微微辣香同埋濃郁滷汁味，口感唔會韌。任何套餐加$12可以轉鴨屎香檸檬茶。板燒和風嫩牛柳飯食落好香，牛柳煎得啱啱好，外層微焦，入面仲保持嫩滑，唔會嚡口。和風醬汁帶少少甜味，同飯一齊撈真係一流，令成碗飯都充滿香味。加埋配菜都好豐富，有唔少既蔬菜，茶餐都有可以食得均衡。

呢間冰室生意勁旺，無論咩時候去都坐滿人，出品有保證。門口大大個餐牌，套餐選擇一目了然，等位時已經可以諗定食咩，坐低即刻落單，慳返啲時間，效率高到爆。每枱快咗一分鐘，日積月累就多做幾十張單，老闆都笑晒。B餐鹹蛋肉餅煲仔蒸飯，肉餅厚身多汁，鹹蛋鹹香滲入飯粒，熱辣辣一上枱，趕時間食個飯都滿足。D餐焗馬來薯仔咖喱雞扒意粉，雞扒超厚超大塊，外脆內嫩，薯仔炸香再撈咖喱汁焗，香辣惹味，意粉吸晒咖喱精華，啖啖都好滋味。中式例湯用西洋菜、無花果、陳皮熬足火候，冇味精，飲落有媽媽嘅味道。西式羅宋湯同樣足料，酸甜開胃。招牌辣椒炒肉，明火快炒，辣得過癮，送飯一流。成間冰室氣氛懷舊，食物有心機，難怪日日都咁旺！😋

閒日星期一去食，已經見到門口有人排緊隊，等左大概10分鐘就入得。睇menu有好多款菜式，小菜，鐵板，蒸飯，常餐，燴飯，小炒，咖喱飯，是日晚餐等等。我地兩個人叫左板燒肉眼扒五成熟鐵板餐，招牌古法手撕鹽焗雞同埋紅燒五花腩肉。如果唔係叫餐，白飯同例湯要另外加錢叫，當晚例湯係西洋菜陳皮無花果湯，中湯絕對值得飲，湯味夠濃無溝水又夠甜。鐵板餐有兩大塊肉眼扒，原個忌廉焗薯，配菜，餐湯同餐包超滿足。紅燒五花腩煲好惹味，送飯一流。餐牌寫明有三大保證，如果對服務態度唔滿意全單有85折，餸菜超過30分鍾上菜同對菜式唔滿意該菜式都會有85折。總括黎講，當晚上菜快，店員亦都有禮貌，而且仲食得好飽。

「老港冰室」是葵芳新都會廣場新開嘅港式茶餐廳。餐廳位置便利，吸引不少上班族與街坊前來用餐。餐廳座位安排緊湊，尤其午餐及晚餐時段，門外經常大排長龍，但翻枱速度頗快，等一陣就已經可以入座。👍🏻午餐時段的招牌「老港炒米」令人印象深刻。炒米粉夠乾身，即叫即炒，鑊氣十足，配料豐富，包括大量叉燒、蝦仁和火腿，炒得乾身而不油膩，香氣濃郁，入口惹味，是港式大排檔的經典代表。除咗地道港式風味之外，小妹推薦「全日早餐」，賣相吸引，份量十足。吉列魚柳外脆內嫩，魚肉鮮甜；炒滑蛋柔滑細膩，與煙肉的鹹香相得益彰；車厘茄和茄汁豆增添清新口感；香草腸與芝士火腿牛角包則帶來濃郁的西式風味，整體搭配均衡，令人滿足。晚市可以同朋友或者屋企人可以叫幾款小菜慢慢嘆。😆不可不提的還有「港式奶茶」☕️，茶香濃厚，奶味順滑，入口回甘，令人回味無窮，果然係港式冰室的靈魂飲品。

今日經過新都會廣場，見到老港冰室呢間餐廳超多人排隊，就決定入去試試個晚餐，餐廳環境整潔，幾有老香港感覺招牌秘製香辣魷魚公仔麵(配炒蛋,香酥丹麥多士)魷魚比較重口味，咬落爽口，辣度啱啱好芝士流心西多士西多士好香蛋味，切開中間就見到流心芝士，鹹甜鹹甜，超級邪惡老港炒米用咗超多唔同嘅配料炒，米粉炒得乾身，好夠鑊氣蒜蓉粉絲蒸鳳尾蝦蝦身鮮甜，肉質彈牙，底層放左粉絲, 索滿蒜蓉醬汁蒜蓉豬油渣炒通菜份量超大，通菜保持爽脆，香口惹味

好友約我去位於葵芳興芳路223號新都會廣場1樓109號舖的《老港冰室》食午餐，環境舒適，裝修富有港式冰室風格，氣氛熱鬧。餐廳有三大服務承諾，保證服務質素好，食客又滿意。我地點左：🥢蒜蓉粉絲蒸鳳尾蝦 $88：鳳尾蝦有8隻，已去殼（只餘蝦尾），蝦肉結實彈牙，蒜蓉粉絲好惹味，送飯一流。🥢豉汁蒸倉魚 $78：倉魚 size 不少，魚肉嫩滑好味。🥢家鄉肉碎豆腐煲 $48： 豆腐幼滑，肉碎好入味。🥢招牌古法手撕連骨鹽焗雞（例牌）$78：鹽焗雞份量不少，雞肉鹹香好味。🥢白飯（1碗）$9：飯香好食。

老港冰室有十二道風味、男人的浪漫、懷舊鐵板、咖喱和砂鍋蒸飯。不少人都會叫蒜蓉粉絲蒸蝦，但我食得太多啦，今日想食青簡點，最後決定要一菜？一肉、一飯一飲品。試試正規野。越簡單野有時越難整得好食，今日看看廚師真章啦！我叫的招牌炒肉幾滑口，我鍾意個爽爽爽地的配菜，上菜時餐廳職員會比埋個古式古香的小爐比你保持青椒🫑肉片的和溫熱。呢到仲有三大保證，話上菜時間超過30分鐘、又或者對小菜質素不滿意都可享有85折。都係對服務的一種堅持✊ 欣賞！干鍋花菜表明微辣，但我食到，甚至覺得根本唔係算辣，所以大部分人應該都能夠接受微辣。花菜切得大條，味道中規中矩，但頗有口感。我點的不多，整體來說是家常風味的一餐，職員服務態度良好，餐牌菜式算幾豐富，任君選擇，係我叫得簡單。下次建議大家試下古法手撕連骨鹽焗雞，西冷牛扒或者招牌酸菜魚。

通常去葵芳行完街都係喺葵廣掃街，今次嚟咗間新開嘅茶餐廳：老港冰室我叫咗西冷牛扒薯菜配蒜蓉汁，至於朋友就叫咗招牌古法手撕鹽焗雞，個西冷牛扒份量好大，成塊牛扒幾乎大過個鐵板，而牛肉味道好濃郁，食得出質量甚高；至於手撕鹽焗雞用砂鍋上，上枱嘅時候熱辣辣，鹽焗雞好入味，而且份量都好慷慨，配埋個白飯，成年男性都一定夠食呢間冰室裝修新淨，而且好光猛，入面食物嘅種類都好多樣化，中式西式都有，啱晒有選擇困難症嘅朋友，價錢亦都相宜，推薦

有一陣子沒來葵芳了，原來開左一間人氣茶餐廳！是日我6點左右去到餐廳，已人頭湧湧，坐滿食客！仲要等位！估唔到呀，所以就食一食呢間人氣王茶餐廳！睇過餐牌，有勁多唔同選擇的，餐單款式超多，常餐、焗飯、扒餐、小菜、小食、等等勁多，餐牌都勁大張、所以我就只影低了當日我所食既小菜個類既餐牌。因為我深深比佢餐牌上既美食吸引住。小菜都有更多唔同款式，花多眼亂。我同爸爸兩個人，點了3個餸，再加了湯跟白飯～首先講一講個湯，是日的中式湯是無花果蘿蔔豬骨湯 ，湯勁甜勁濃味，相信係煲左好耐的，豬肉都超腍身，好好味呀！蘿蔔又香甜美味。而且個湯仲勁多料，足料老火湯！正另外西湯～羅宋湯都是超多料多濃味，唔似其他餐廳的，好出色呀，一定要飲呢度既湯！白飯大大碗，食餸配埋碗白飯，又好味又飽肚。每一款餸都勁出色勁惹味，首先招牌古法手撕鹽焗雞，以熱鍋盛著，非常香的，手撕雞鹹鹹的，又惹味，啖啖肉，非常唔錯。而且份量都唔少呀，抵食呀，又夠曬地道！另一款是紅燒五花腩肉，勁惹味，看到有超多件層層分明的五花腩肉，入口又香又腍身，相信又係炆了好耐，所以超入味，肉質超腍。而且豬腩肉完全不肥膩的，配埋甜甜的醬汁，超濃味，又滿有骨膠原的口感，彈

最近係公司附近新開呢間餐廳，Lunch時間真係好多人等位，人氣好高，聽其他同事講，佢地啲餐真係幾有水準，我就梗係要去食下啦！🟧黑椒汁T骨牛扒拼腸仔配薯菜 黑椒汁濃郁香辣，配菜嘅焗薯夠晒香口，連腸仔都煮到啱啱好，成個set CP值超高，真心推介，隨餐仲有佢地既老火湯，感覺唔會落左好多味精但好夠味！🟥手撕連骨鹽焗雞飯 鹽焗雞真係入晒味，每啖都係滿滿嘅雞香味！連無論雞定飯都份量十足，食完好滿足🤣🤣🤣

好耐冇去過葵芳，竟然見到橋底下面，開咗間新嘅港式茶餐廳，一於去試一下，去到嘅時候係下午茶時間，所以真係超級多人，好好彩嘅係茶餐廳唔係Fine Dining，好快就等到位，當然繁忙時間就要搭枱，不過快啲食完快啲走都OK嘅我哋叫咗：1. 午餐C 跟中湯2. 老港炒米粉餐茶：凍檸茶走甜濃啲1. 午餐C 跟中湯黑椒汁肉眼牛扒拼煎蛋（薯菜）快牛扒煎到啱啱好，淋身唔黐牙，煎蛋仲係Sunny side up，個焗薯一整個薯仔，焗到好腍，配埋面頭嘅醬汁好好食呢個餐仲有好多蔬菜，非常新鮮今日個煲湯係西洋菜煲豬骨，飲完都唔頸渴姓名冇味精2. 老港炒米粉呢個老港炒米粉，好有鑊氣，條條米粉分明，而且唔油膩，好多配菜，調味均勻，下次想試埋個星洲炒米！餐茶好濃味員工方面，好有大排檔嘅架勢

係葵芳做野既我，原來新都會廣場地下開左新餐廳「老港冰室」，每次Lunch Time經過都好多人係出面等位，所以今日就約埋同事早少少出黎食個午飯😆環境以綠色風格🟢為裝修，好大個熊貓🐨Logo，好易認，而且好有港式風格作為一間冰室，從經典嘅菠蘿油同奶茶，到豐富嘅西餐同燒烤，乜都有齊而且午餐都好吸引，我就揀左黑椒汁T骨牛扒拼腸仔配薯菜，有埋中西餐湯提供，我想大力稱讚個湯 “大白菜菜乾豬骨”👍 第一啖已經好驚喜，有屋企老伙湯感覺，飲得出好足料添😋主菜T骨牛扒拼腸仔，都真係唔錯，牛扒好大塊，煎得啱啱好，外層有少少焦香，配埋濃郁嘅黑椒汁，味道層次豐富，帶有少少辣勁但又唔會太重口味。另外特別一提薯菜唔係基本既薯條薯格，而係好香口既焗薯呀，好有誠意既配搭呀。呢度上菜速度好快，份量又大份，性價比都好高，下次會再黎試下其他款式。

今日我同朋友去咗葵芳一間冰室度食飯，呢度嘅服務員態度好好，環境亦都好舒適，叫咗佢哋幾樣菜式同大家介紹一下：蒜蓉粉絲蒸鳳尾蝦呢道菜真係無得輸！蒜蓉嘅香味同粉絲一齊蒸出嚟，吸咗蝦嘅鮮味，食落口感滑嫩，粉絲吸咗蝦汁，令整體味道更加鮮美。蝦肉彈牙，搭配蒜蓉菠蘿咕嚕肉外脆內嫩嘅咕嚕肉，配上甜甜嘅菠蘿，味道酸酸甜甜，令人食得停唔落口。每一口都有肉質嘅香味同菠蘿嘅清新蒜茸豬油渣炒通菜呢道蒜茸豬油渣炒通菜，真係好味到飛起！通菜炒得剛好，唔會過軟，保持住脆感。豬油渣嘅香氣同蒜茸一齊炒出嚟，令整道菜多咗層次感

放工見到新都會廣場新開的冰室，擇日不如撞日，直接來吃個晚餐。這間新開的老港冰室，裝修簡潔雅致，卡位好闊，位置又方便就腳，餐牌選擇超級多，啱晒花心的我！因為新開的關係，晚市坐滿人要在門外排隊，我們也等了約10分鐘才有位。餐廳的員工都年輕有活力，而且有禮！今時今日香港的餐廳，總被人吐槽服務差，所以這裏有三大服務承諾：第一是如對服務態度不滿意可享全單八五折；第二是點菜後30分鐘內不上菜，超時菜品八五折；第三是如食客對菜品不滿意，菜品八五折！這種承諾在香港餐廳真的絕無僅有!一如服務保證，上菜真的很快，我們點的三道菜，真的在半小時內便上齊，而且熱辣辣！招牌酸菜魚份量對得住價錢，第一啖入口真有驚喜，因為芝麻香和蒜香撲鼻！不太辣也不太酸剛好，酸菜的份量很多，且湯底一點也不油膩，魚片大大塊肉質夠嫩，雖然没套餐，但值得一試！跟餐飲品配了凍鹹檸七。老港炒米這個招牌炒米，好好食！一定要趁熱！難怪坐低見到個出菜窗口出了很多碟！炒米好足料，蛋絲、火腿、叉燒、大蔥，炒得香口又乾身。招牌美國西冷牛扒男朋友點的，配黑椒汁五成熟再配薯菜！跟餐的羅宋湯又是很足料，有大大嚿牛肉！薯菜是一整個忌廉焗薯。牛扒雖然較薄，但肉味夠