老川皇

營業中

休息中

牛雜、豬雜就吃得多，但魚雜在香港就比較難找，所以都比很多人沒吃過。記得以前在大陸工作的時候，大陸同事帶我吃過後，我覺得好好吃，但回港後就很難找到它的芳蹤了。沒想過這昨晚在老川皇竟然可以找到這種回憶味道。第一道菜是我個人非常推薦的一道菜，干鍋魚雜。這裡的魚雜裡面有：魚籽、魚腸、魚肝。魚雜上台時，顆粒分名的黃金色魚籽，完整的在鍋裡排列，明顯地它就是這道菜的主角！味道鮮美，口感表面帶丁點香酥，裡面軟糯，感覺像吃公大閘蟹的蟹籽，好吃！至於魚腸，色澤帶點白，咬起來既爽又帶嚼勁，咀嚼間會感受到魚的味道，但不帶腥。最後就是魚肝，魚感細膩滑嫩，非常creamy，魚味濃，即使品味多時，仍帶餘味。第二道菜都好好吃，是我以前也很常吃的一道菜，干鍋花菜，非常好下飯。花菜口感爽脆， 在清新的爽甜中夾上辛辣，味道令人不自主地上癮！五花肉片亦香氣四溢，非常入味，與爽脆的花菜結合，肥而不膩。最後一道菜是酸菜肥腸。肥腸即是我們的大腸。在香港，說到大腸絕對會想起炸大腸。平日不吃大腸的我，難得找到一家這麼地道的川菜館，當然要破例的來個捧場！酸菜味酸，口感爽，能解肥腸的油膩，與肥腸絕對是最佳搭檔。肥腸非常乾淨，亦沒油脂，口感

未試過食一間川菜咁難食！！嗌2樣嘢等左半個中先黎度 重要係催左一次可樂由冰凍嘅飲到熱啲嘢食都重未到黎到個水煮魚(嗌左所謂嘅中辣 一啲都唔辣加鹹)之後黎左4季豆(同樣 我嗌左係中辣！！冇辣之餘極鹹) 當時我罐可樂已經熱到我都唔想等到 唯有食左一半就埋單走人 我覺得好失望！！重話係總店！冇服務！嗌兩樣嘢食重要催單先有！食品味道完全失望衰啲講句3百蚊我可以食3次譚仔 譚仔1舊水都冇服務 3舊水係買難受！☹️☹️☹️一定唔會再食！！

收工約埋班同事去咗老川皇食 因為佢收得夜 又有露天位置 啱曬我哋呢啲打工仔同埋煙民 嘆番支啤酒 食住川菜 咩疲勞都冇曬最欣賞係 水煮魚 魚肉非常滑川北涼粉 鳳爪 前菜 夠曬開胃魚什鍋 沒有腥味 非常特別值得一試蒜蓉烤大蜆 烤得剛剛好 海鮮非常鮮味 加上大量蒜蓉非常可口

除了這裡的酸菜魚，我愛吒這裡的口水雞。叫了大辣，其實我覺得不太辣。雞是暖暖的，就令人感覺新鮮好多。辣油很香，加上花生，越吃越開胃。重要的提醒，午飯來吃，全部小菜45-55元送白飯，口水雞更可免費轉米線薯粉。正

上星期六下午放完工，終於可以去試呢間嘅雞煲餐，想試好耐，但次次都無位，今次去到唔洗等，但都爆曬場，今日自己一個人食所以要搭枱，繁忙時間一坐低即刻叫左個雞煲餐小辣唔飲野發現呢度好多大陸人黎食，啲姐姐都能操流利普通話每張枱都勁細，叫多碟餸都一定無位擺我等左大約20幾分鐘，問左其中一個姐姐，話點解咁耐都未到，佢就咁問完我一句係咩餐，我答完佢，佢就走左再等左大約30幾分鐘，我忍唔住叫另一個姐姐過來問，我話：其實係咪無落到單？如果無我唔要了，個姐姐話：點會無落呢？個個都係咁等咖啦，師傅都做到黑曬面，跟著就行走左姐係我唔等都等左咁耐，我可以等，但係唔洗咁嘅態度嘅，你可以幫我去望一望仲有幾耐咖嘛再等多5分幾中，終於上菜了，有個爐仔坐熱住，啲雞件都幾多件，有10幾件，都幾多肉煮左5分鐘左右佢就熄左，已經好熱了，啲伴菜全部煮軟曬，特別係洋蔥，入曬味，十分好食不過食到後面有啲鹹，最後都ko曬整體都可以，但服務態度就差

突然好想食酸菜魚 去到朗豪坊果頭發現呢間老川皇好似番左大陸既感覺 左右都係講普通話兩個人叫三樣野清炒呢個吾記得叫咩菜幾爽口 不過就太多油 同埋幾多鑊碎 好多黑色一點點干鍋肥腸 普普通通最期待既酸菜桂花魚 $178魚片好滑 但個味就吾多夠 同埋魚片吾多 酸菜勁多 但最奇怪既係魚翅位果度？有4舊 而且個口感係完全吾同 “鞋” 之餘同埋一定吾係桂花魚 食落似翻蒸又翻蒸既街市魚腩加杯檸茶加個白飯兩個人賣單 $350服務： 叫酸菜桂花魚 但整錯水煮桂花魚 ， 隔離枱都有送錯食物環境： 一開始拎比我地果兩個碗仔 d漬同d飯都仲係個碗度， 筷子都有漬 坐得都幾逼 ， 叫一個酸菜魚都幾大個盆 放多一碟野已經無位咁濟今日一試 應該再無下次

地舖雖然係坐得唔舒服， 但係廚房嘅出品好過對面樓上店， 土肥豬潤，惹味到不得了，所有出品有大中小辣俾你揀， 炒豆干個豆干又入味又夠滑， 酸酸辣辣椒超級開胃， 回鍋肉有水準，三絲炒米粉，諗唔到個蛋可以咁香，米粉夠乾身， 唯獨是杯飲品， 木瓜珍珠奶茶同芒果珍珠奶茶真係差咗啲， 飲得出係用粉開出嚟嘅，珍珠又唔新鮮， 建議飲品都係飲罐裝嘅算，聽講話佢個煎餃子亦都做得好出色， 全部自家包，下次一定要再嚟食

最近老川皇之水煮魚越來越差，叫了大辣，煮出來只得小辣程度！別以為香港人不懂吃辣，來得這家店就一定食得辣！再講白飯，最近轉了另一隻米，飯味不夠，亦太黏！再者，加飯要收錢好正常，但可以大碗D嘛！

嗜辣的友人一直想試這間餐廳，這夜就捨命陪君子，不辣無歸吧 !水煮豬肉片：廚師下辣椒果然沒有手軟，整盆都是紅通通的紅油跟紅椒。肉片煮得很入味，用來伴飯吃一流。吃第一片時辣度還可接受，但當多吃幾片後，辣味及嘴麻的感覺終於來襲。但肉片惹味的關係自己亦忍不住一片接一片的吃，即使吃得面紅耳赤也不怕重慶燒茄子：烤過後的茄子居然沒有過乾，而且很juicy。配上大量蒜蓉作調味很好吃。炒土豆絲：土豆絲的份量蠻多，入口微辣爽脆，作餐前小吃或是伴菜都相當適合。宮爆雞丁：雞肉的份量少而花生的量則過多，有點喧賓奪主的感覺，整體味道一般。薯粉：薯粉已經吸收了調味料跟醬汁的精華，味道濃郁但偏咸，比上面提及的菜色吃起上來更麻更辣。建議不太能吃辣的朋友別要點這道菜。這真是一頓辣得過癮的晚餐，價錢合理味道不錯。

我們今天去探望奶奶，她在廣東道安老院，探望完她，就想去吃水煮魚，當然要去老川皇啦，一間係附近樓上，一間係地舖，樓上果間地方有幾千呎，地方大當然好坐好多可是我覺得味道冇地舖好，結果去了地舖果間。地舖地方比較細，約有三、四十個位，如果兩個人黎，可能安排搭枱，所以我們通常都會六點幾就到，一到就有張兩人枱。我們叫了一個麻辣水煮魚，一個萵筍炒臘肉，一個燒茄子，兩份燒菠蘿。水煮魚－魚片用生粉醃過，好滑，仲有魚腩，仲有大豆芽在底，聽侍應講大豆芽可轉娃娃菜。萵荀臘肉－臘肉好有煙燻味，不過今次廚房冇炒香臘肉，就放萵筍，所以萵筍冇臘肉煙燻味，失了水準😰燒茄子－蒜蓉好多，剛燒起吃好好味，涷了冇咁香同好味😉燒菠蘿－完全冇燒過痕跡，好似用鍚紙包住來燒，唔通改了燒的方法？不過都好甜😋小插曲：隔離枱的水餃唔熟，他們埋單覺得好平，原來他們的部分燒烤單放了在我們的枱，好彩我埋單有check單，如果唔係比多幾十蚊，所以記得check 單，因為侍應有入錯單同漏單情況。連餸加飯和一枝金威，埋單$261。

食左好多年喇，舊舖煮得好味過新舖，雖然係多人，但好味就得喇，所以都鐘意去舊舖！小炒肉必叫👍🏻👍🏻干扁四季豆，有魚味，可能d油用過炸魚，所以豆有魚味，不過我就影是喜歡魚👍🏻水煮魚，都可以的，因為全香港得一間水煮魚是最好味，所以這間雖然不及，但都👌🏻

今日去九龍城出席FAREWELL派對之前，同屋企人一行四人出左旺角行下街食下街先，行行下見到呢間重口味之選門口貼晒招牌菜d相，係吸引我地入去o既原因之一午餐選擇都幾多，仲要價錢極平，大部分菜色跟飯只係$42，再加飲品都只係十元八塊原來仲有其他分店wor，平時行街都無留意到添木瓜珍珠奶茶 ($10)阿妹同老公最鐘意飲凍野，我試飲左一啖，木瓜味唔算突出，甜度適中清炒蒿笋絲($56)蒿笋絲平時比較少食，外表翠綠，食落爽脆，我同阿妹都即刻叫媽咪要係街市搵下有無得買黎煮下口水雞($48)呢個係午餐套餐跟一個白飯，唔好以為係午餐就細細碟，份量都唔小，我地每人都分到2、3舊食，辣度我地揀左小辣，食落岩岩好，雞件都幾滑蒜泥白肉($48)呢個都係午餐SET，有大量蒜泥係面，岩晒我地成家蒜蓉怪，白肉切到薄薄得黎好大片，正呀水煮魚片($52)呢個真係好抵食，平時夜晚叫個水煮魚一定過百，而家只係$52，但勁大盤咁俾你，魚片好滑，阿妹第一次食水煮野，佢話無諗過咁多辣椒，其實食落又唔係咁辣又香，大家唔好俾佢個樣嚇親呀~ 個底有大量芽菜，平時個底多數係放水晶粉，今次轉為芽菜都不錯呀白菜餃子8隻($30)餃子可以揀辣

呢間好耐之前食過串燒，但唔知係咪員工個日狀態不好，take左order又無幫我落單，等左半小時，飲品都無黎既時候，我終於醒覺係漏左我單，食曬台面d野，坐左半個鐘發現條茄子未黎，就問下佢燒緊未，未燒諗住取消了。結果我個頭催完單，睇住個店員同廚房講完，廚房大媽立刻放條茄子落去走油窩😯 我真係o曬嘴，我都做過飲食業，cancel咪cancel咯，個客都話取消，未整都要逼個客食，咁樣唔係幾好咯⋯⋯有過呢次經驗，今次個fd話呢間川菜好食，我都係心感懷疑。等左10分鐘就入到去坐低。朋友建議如果食水煮系列的話，要叫左先，因為呢個都要整15-20分鐘。我地今次揀左水煮桂花魚（一斤），中辣。魚肉好大片，好滑，雖然叫中辣，但唔算辣。水煮汁完全夠味，淨係飲都正！油令到魚肉沾到湯，食落特別夠味！條魚三個人都夠食，有埋魚頭 魚骨 魚尾，完整一條魚，無呃人的！泡椒鳳爪，我同朋友食開大陸乖媳婦的泡椒鳳爪，每次淘寶都買好的包。呢碟雞腳皮爽腳掌厚肉，但係完全唔辣，無咩泡椒味。連d泡椒都係得個鹹味，辣就無咩！可以話係幾失望！不過不失的尖椒皮蛋，上面鋪滿老乾媽辣椒醬的感覺！尖椒只有一條切開幾片。選用較美觀的水晶皮蛋，味道同

今日約咗一個久未露面嘅朋友出嚟食嘢，由於呢位朋友一直都係好鍾意食辣野，於是就諗住搵一間比較出名嘅鋪頭，或者川菜，一齊去試吓，於是就上open rice嗰度搵吓旺角有啲咩鋪頭。於是就搵到砵蘭街附近有一間叫老川王嘅店舖。一去到嘅時候見到鋪面十分多人，幾乎都位坐。於是同朋友唯有喺出邊等，之後就有侍應同我地講除咗我哋呢間對面都仲有一間店舖喎。於是我地就去咗一間比較大啲嘅鋪頭。就正正開係對面。呢間野果然入到去好多人，侍應熱情地招呼我哋坐下。我哋遞上餐牌，雖然都見到他十分忙碌，但係態度十分親切同熱情。值得一讚，黎到食四川菜嘅地方我哋一定要食水煮魚啦。水煮魚嘅份量非常之大，兩個人食既份量就係十分多。水煮魚嘅魚肉十分新鮮而且十分脆，有別於出面食水煮煮都係好淋身。而且上面放咗好多辣椒。雖然表面上睇相好辣，但係食落去冇想像中咁辣，可能符合香港人嘅口味啦。之後我哋仲叫左個海折，同埋豬肚，都係十分惹味中帶種酸酸的味道。好開胃，而且一碟的份量也非常之大，餐廳中還有很多好特別的菜色，有啲都係未聽過嘅。無奈我哋今日兩個人，食唔哂，所以叫唔到更加多嘅嘢食。之後我仲叫咗個我嘅至愛酸辣粉。酸辣粉嘅味道都係辣度好適中，估唔

原來除了串燒外，這裡還有川式菜，所以每樣都試一點。點了花枝丸($14)，蟹籽丸($14)和墨魚丸($14)。串燒上菜都算幾快。墨魚咀($14)爽口，燒到有點香脆。脆皮大雞脾($20)都真係幾大份量一隻，雞皮燒到很香口。而且雞肉不會燒得太乾，依然滑溜。白鱔($25)白鱔很香鱔的味道，可是燒得太乾，令肉質變硬。羊肩肉($11)加上孜然的羊肩肉很香羊肉味。娃娃菜($9)鐵板水晶粉($65)份量超大碟。水晶粉加上酸菜，香蔥，辣椒炒香，再放上預先舖了蛋槳的鐵板上，所以我們挾的時候才發現原來水晶粉底下有蛋。再將熟了的蛋和水晶粉混好。水晶粉很彈牙，加上椰菜的爽口口感，很是好食。我們點的是小辣，以一點辣味提味，很是開胃。味道很好，雖然份量很大但我們都把它食清光。只是稍嫌炒水晶粉太油膩。椰菜回鍋肉($62)又是同樣很大份，用上很多回鍋肉。回鍋肉煮得很香口，易於咬開不會太老。以醬料醃至入味，加上提味的小辣，用到伴飯簡直一流。