老四川水煮魚莊

營業中

休息中

今年既公司聚餐 ，同事們都話想食辣野，就揀左黎食烤魚 地方唔迫 都算係好坐麻辣中辣 比想像中唔算好辣 ，但好夠麻 惹味，但食到中途加完水 無哂辣，我地要求加辣 都一樣好食最愛既毛血旺 價錢亦唔貴 ，多料 ，好濃味 我地清哂😂😂好大一盆辣子雞 都好香脆反而炒蜆就認真麻麻地 ，失色左，太少 ，又細碟烤魚 火鍋料 都ok ,鴨血好好食冰粉最愛 好食一碗唔太夠喉糍巴就麻麻地 唔推薦多謝收睇

純粹行過經過入嚟試下～酸菜魚好大份，可以自選三款配料我哋揀左金菇，薯粉，炸枝竹索哂啲味，酸酸辣辣好開胃魚都幾滑嫩另外仲叫咗個小菜炒豬肚食落都有啲辣辣地，辣過酸菜魚添

一年多前黎過呢間食lunch, 幾驚咁耐冇黎會冇得食，好慶幸仲喺到！！🥰今日一行4人食lunch, 有卡位。 因為好耐冇食。 所以決定唔叫lunch set, 豪一豪佢， 叫左個水煮魚加薯粉，辣子雞，乾鍋椰菜花同埋酸辣薯絲。個水煮魚好大盤， 一黎到已經好興奮，食得出條魚好幾大條， 同埋d 魚肉好滑。 辣子雞好夠味， 唔乾。 個椰菜花好有鑊氣，不過有d 油，食到一半時要隔一隔d 油出黎。 而個炒薯絲就一般般啦， 唔叫的話都唔會後悔。

自疫情後， 經常係屋企煮野。 煮到有d 悶啦。 近排又再開始四處覓食。 朋友話e 間d 酸菜魚ok. 所以我試過 (其實食埋第二次先寫下食評） 第一次叫係老壇酸菜魚 (大頭魚）辣子大腸老實講 酸菜魚真係ok 條魚都無腥味。 只係多骨到懷疑人生。 每一淡都有魚骨。 除非你真係好鍾意論骨， 否則叫高一級盧魚 (好似係）。 當然第一次我係貪平先。 辣子大腸， 基本上無乜挑釁。 鹹香味夠， 配腰果無得彈。 食完仲打包d 辣椒返去自己整。 埋單唔洗400 但唔記得左。隔左1 星期， 試第二鑊。 普通酸菜魚 (盧魚） 貴dd 隻 同辣子雞。 可能係叫左加辣， 酸菜魚辣但唔夠酸， 我覺老壇好食d. 辣子雞 掂 但比較鍾意大腸。 總括黎講 我會再幫親

進店就能聞到濃濃花椒味。麻婆豆腐屬於小炒菜品內的超正宗四川味。夠麻夠辣，豆腐軟硬度剛剛好。豆瓣醬味道蠻重，拌飯食一流。紅糖糍粑：糖味十足，但糍粑口感欠缺，唔夠糯，嚼起來比較鬆散。麵粉味太突出，有點讓人失望。漁香肉絲：雖然唔係超地道嘅四川味，不過可能因為加咗太多糖，甜味超級突出，加埋筍嘅清甜，整體味道也算唔錯，肉絲口感嫩滑。

四川菜是我其中一個喜歡食的菜式，經常經過這間店，門外裝修感覺好像好正宗，終於有機會和朋友來試一試午餐先，點了酸菜魚和水煮魚，我比較喜歡水煮魚的味道，可能仍因為疫情影響，不是太多客，所以坐得很舒適！兩份午餐，份量完全充足，朋友建議必食，紅糖冰粉，冰粉來到的時候，賣相很討好，一試愛上！我朋友話這間的冰粉是他第一次食，也是他食過最好食的一間！相信我會再來，其中一個原因都是這碗冰粉！希望下次可以約多兩個朋友一起來嘗試，試多幾道菜😋

1. 打包完全冇优惠！完全冇！2. 打包餐点完成後，直接赶客人出去等，好不客气！支付同堂食一样的价格，却被赶出餐厅等候！岂有此理！3.一副生意好爆的样子，根本不稀罕多一客少一客，你爱食唔食！「问多一句，你要唔要，你唔要我即刻退钱你！」可以想像下，呢样的态度，顾客嘅感受会咁样？我好耐好耐冇見过如此待客的。睇嚟疫情并不影响佢嘅生意，唔需要幚襯！若唔係帮朋友代买打包份餐，我决不嚟呢样的店家消费！好唔开心！！！

Authentic Sichuan flavour, ample portions, and friendly, local atmosphere. I've been going here for years! It has moved locations (on the same street) but still the amazing taste with loads of herbs to make for the 水煮 base. Truly one of a kind. A must-try. 12/10 would recommend. Love this place so much wish I could marry it and then divorce it for the alimony no joke 

疫情底下，朋友都少見左，雖然唔能夠一大班fd，不過4個人飲下野吹下水都開心嘅，咁今次4個人，叫左4個餸，第一樣係酸菜魚，問左姐姐，話正常人都食中辣，唔太辣，咁我地有3個人都係5小辣程度，所以就食中辣，辣度適中，初級辣岩岩好，魚好滑，有骨大骨多，小朋友食都ok，中段辣味加重，如果辣嘅程度唔好高，見意撈起啲辣椒先，份量較多4個人食都夠食，第二樣係干鍋大腸，朋友推介，腸炸得好脆，內部肥膏除去左，開胃醒神，值得推介，第三樣係白汁窩荀豬肚，豬肚正常味道，窩荀小編第一次食，非常喜歡，好淋好清新，又冇渣，5星推介，最後係口水雞，選取較多骨部分，肉少味道算可以，唔算特別，可以先試其他菜式，連酒水7百幾蚊，食辣都唔錯嘅選擇。

第一次幫襯，本來想堂食午餐，點知間店好忙無細枱，店員做唔停，於是嗌外賣自取。餐牌寫送熱飲，但係問店員佢話係無嘅。水煮魚都幾大份，有成十幾塊魚片，底下有幾塊綠豆涼皮同芽菜。魚塊唔係龍利柳，係有好多骨嘅鮮魚，不過本人不才就唔知係咩魚喇。味道方面，本人以前喺外地食過移民主理嘅水煮魚，真係又辣又麻到不停飲冰水，對比之下就覺得呢間很麻但係唔算辣，都係調過適合香港人口味。綠豆涼皮超好食。溫馨提示，食水煮魚真係要小心，魚片帶骨，有d骨落咗湯，同埋咬到花椒就會好麻。整體印象唔錯，可以encore不過我就唔揀魚喇。

今日好想吃川菜辣辣的好開心於是把老闆捉去一起到這家老四川一享飽褔跟老闆吃飯的最好處就是他點餐在下絕對少了個一煩惱只管吃光光就好先吃碟泡椒炒蜆 $83雖然隻隻都好瘦但是新鮮入味清清地點碟蒜頭🧄炒油麥菜$73老闆說不要全都點辣的不然明日屁股會開花 🌋再來的就是水煮大腸 $143熱辣辣時太好吃了在下忍不住手連夾幾件底部有䈑荀頭哈哈 早知不點蒜頭油麥菜 🤣口感和味道都很好啊又爽又香 加上豬腸的味道和一點點的辣在下停不了最後是老壇酸菜大魚頭 $123因為都是即叫即蒸那麼大的魚頭需時煮又一好味到死的菜色。。天啊 在下敗了深深地被正宗的川菜吸引著跟老闆2人吃飽飽飲了3支啤酒佔了2個多小時位置快把枱還給人做生意 😅

呢間真係周圍行，唔覺意亂入，見四川野，都好少出事呱，其中一個朋友唔食得辣，咁叫酸菜魚啦！又有個朋友鍾意食毛血旺，咁加多個炒萵筍，就攪掂哂啦～酸菜魚就成日食啦！其實只要條魚冇泥味，唔嚡我都收貨！佢重有切下嘀青辣椒又放嘀花椒擺下盤，我重覺得個相都幾吸引添！毛血旺我平時就少嗌啦！不過我內臟人係極之歡迎呢個餸！牛栢葉，豬腸，豬紅，牛肚，呢個餸有時有放午餐肉，可惜佢冇，但都幾好食。細個果時，好鍾意食辣，食到有嘀病態！好似要同自己比賽，一次比一次辣，食到成頭大汗，但係你自己唔識停，你嘅身體總有方法幫你叫停，直到個胃痛到去背脊，你開始會問自己有冇必要呢？無可厚非，辣係好開胃，係令你好有追住食嘅衝動，但人大咗，發覺真係冇必要！太辣一來掩蓋左食物嘅鮮，同去厠所真係...你懂的！所以，如果食材夠新鮮，唔好食太辣啦！唔係真係會嘥哂嘀餸～同食！只係一瞬間嘅事！但之後...真係自恨綿綿無絕期......

雖然還沒有機會翻過大陸食正宗的四川菜，最近搬左去佐敦發現到這間食辣的川菜，就闖入去挑戰自己的舌頭。兩個人的晚飯有口水雞、酸辣土豆絲和大盤花菜。落單嘅時候，姐姐已經問咗我哋食唔食得辣，怕我哋食唔到辣。即刻答佢：我要四川人既最少辣就得啦！口水雞：辣得好特別，好有層次感地刺激味蕾。越食越過癮，只係隻雞有啲硬身。酸辣土豆絲：屬於涼拌菜，酸甜爽口開胃。大盤花菜：每粒花都炒得相當入味，就因為這碟菜，我忍不住叫左碗白飯。

首先，服務員會不繼干涉選菜，想食薯粉再叫涼粉，會話好多粉啦，叫第樣啦？叫個飯又話我地有紅薯粉，唔洗啦....結果真係無落單點了酸菜桂花魚$203，一定要比錢加配菜3款，魚份量唔多，唔入味，尚算滑身，但店員無問辣度，結果淡而無味，啲魚仲有魚鱗食酸菜都無酸味最奇怪係 ，食熱野，店員比杯熱水🤷🏻‍♀️ 到我食完都仲係出煙架！川北涼粉，太厚身，唔入味，不過個調味都還可以，都係唔期望有辣味，因為都係無味架！真心覺得依個價錢，翻大陸食到2條魚有找啦！

今日一行7人專程行15min黎食午飯，因為有人想挑戰水煮魚喎。午巿餐單分三類，分別係水煮類、小炒同米綫面類。以小店黎講同午飯時段黎講，選擇吾少。我地每人叫左個餐share，每個餐包凍熱豆漿/酸梅湯、白飯一碗同餸一碟。凍豆漿味道正常，吾會過甜。7碟餸包括：水煮魚、水煮大腸、回鍋肉飯、口水雞和魚香茄子、麻婆豆腐和蕃茄炒蛋水煮魚同水煮大腸大大兜上枱。魚少骨嫰滑，嫩度只係譚仔小辣，有好辣既飯腳厭吾夠辣，無挑戰喎。水煮大腸出面真係好少見，可惜大腸份量較少，我只係食左一舊仔，吾記得咩感覺。回鍋肉同口水雞味道正常。魚香茄子吾記得影相。佢成碟都好甜，應該落左好多糖，食吾過。蕃茄炒蛋d蛋炒得好嫩滑，可惜d蕃茄吾夠熟，炒到分開哂。麻婆豆腐係呢7碟餸中，我最鐘意既，因為微辣得黎真係有麻味，正，不過份量比想像中細，個碗係裝白飯既size。埋單7位4百蚊有找，算幾抵食。