老上海飯店

營業中

休息中

成日同公司同事去食lunch，佢個中午套餐好抵食，銀絲卷，炸饅頭都好好味。佢屬於濃味之選樣樣嘢都比較重味道，但係非常之啱我呢種重味之人。不過佢個饅頭冇得配煉奶，非常之可惜。以前可以配煉奶，唔知幾時開始佢唔再俾我啦。

同幾個朋友咁啱經過灣仔搵嘢食，諗起呢間想試好耐嘅經典上海菜， 又好好彩咁啱有位！環境坐得舒服， 服務員有禮貌， 服務周到，睇得出其他檯都係熟客，同服務員有傾有講 。 菜單比較多選擇，令我哋忍唔住叫多咗嘢食煙燻蛋 賽螃蟹酸辣湯蔥油大餅上海炒年糕炒豆苗黃金蝦酒釀丸子掛住食，成日都唔記得咗影相😅整體嚟講 食物味道出色 ， 冇令我地失望 👍🏻個人最欣賞蔥油大餅，鹹香度剛剛好！ 另外上海炒年糕嘅煙韌度都拿捏得非常好👍🏻 就連最簡單嘅炒豆苗都好食，因為夠新鮮😁

今日 Honey 想食上海菜，於是在附近找到這餐廳，中式裝潢，員工都是有些年紀的人，一問之下才知道原來這裡前身是老正興，原班人馬轉過來，所以是傳統的上海菜，真是找對地方了。晚餐時間已有不少顧客，但都是斯文人，說話輕聲細語，只有一台日本人比較嘈。🫣好想試這裡的東坡肉，可惜遲了一步，賣完了。😬於是點了百葉紅燒肉，青椒絲炒牛肉，最普通的菜式最能試出酒家的水平。💪有點奇怪酒家沒有問我們要甚麼茶，是否全部都是香片茶，不得而知。🤔青椒牛肉絲很快送到，炒得香口嫩滑，青椒牛肉筍絲的組合非常協調，不油膩，不重味，開胃下飯。👍百葉紅燒肉連瓦鍋上桌，熱氣騰騰，香氣撲鼻，紅燒肉半肥瘦帶皮，燜得入口即化，香鮮肥糯，百葉和筍尖吸收了豬肉味汁，減低了油膩感，配合得很好，只是味道稍重，可以淡一些更合我們的習慣。😉這頓飯找回了老上海的味道，也有人情味，老員工在埋單是還不忘講個爛Gag，讓我們會心一笑。😁😁

和朋友冬至敍餐，又再幫襯老店老上海飯店，2個女仔點咗$358/ 3款套餐，有肴肉、青椒牛肉絲、獅子頭，好多肉，再配埋個菜飯，好好味😋其實份量好太，係典型上海菜偏重口味，對女仕嚟講有一定罪惡感，但繁忙lunch time都坐得舒服，老員工又服務周到，仲留埋糖水畀我地，耐唔時幫襯下都好開心😁

早年好友曾在這裏攪過飯局，水準非常出色，而且價錢合理，一直令我和太太念念不忘；早前得知好友今年再攪，當然立即報名參加。今次同樣選在有獨立衛生間的「英皇」VIP房間內，朋友更特別帶來陳年花雕酒及甜酒，感激不盡。首先上場的五小碟前菜，分別係肉質嫩滑帶濃濃酒香的「醉鴿」、鬆軟又有彈性的「烤麩」 、清新不膩的「香干馬蘭頭」、呈溏心狀的「水晶燻蛋」及 爽脆鮮味的「蔥油海蜇蘿蔔絲」，每一樣也各有其特色。鮮嫩爽彈的河蝦仁跟著上場，配上翠綠圓潤的甜豆，出色又好味，不消一會已吃個碟底朝天！火瞳雞燉翅～超大煲的雞燉翅，立時吸引在場的每一位，一梳梳的魚翅、頂級的金華火腿、雞肉，慢火熬煮多個小時而成，湯底質感濃稠，微微黏口，味道甘香甜美，香濃且潤喉，每一口也吃到爽滑彈牙的魚翅，超級滿足；火瞳皮充滿膠質，軟熟有彈性，令人忍不住吃完想再吃，超級美味。😋雞米鍋巴卷～大廚先把鍋巴炸脆，在未成形前捲成手卷狀，吃時把切好的食材放入鍋巴之中，既好味又酥脆，賣相及味道也非常吸引；期間食友不停追問攪手，雞米中有什麼材料，據攪手說會根據時令及大廚喜好，而作出調整，未必每次也一樣，就今次眼看有雞肉、芹菜、青瓜、松子、紅蘿蔔、蔥花等

叫了三個冷盤，其實都係一般般可能醉豬手會好一些，但亦聞不到酒香樟茶鴨亦欠缺煙燻的香氣，而且包只得六件，有點小器龍井蝦，過鹹。反而個筍就炒得唔錯。炒年糕味道可以最後兩個點心，肉搞得太碎，根本沒有口感

老友記從加拿大回港，於是約他在老上海吃飯敘舊。燻蛋和燻雞依舊美味，不愧為舖頭名物。另外也上了一碟醉豬手，好有咬口同酒香。干貝魚唇羹頗有驚艷，魚唇厚軟而富彈性。大家都有續碗。蔥爆牛肉和炒豆苗正常發揮心心念念的蔥油大餅是大家的最愛。平日不愛吃carb的太太也要多一塊。最後以合桃糊做結尾，大家都盡興而歸。我現在正計劃用什麼理由在太太生產前再去一趟。

揀咗5人餐可以任揀5款菜式,配埋小籠包加金銀絲卷,酒家冇乜人午市坐唔滿🙂啲伙記係老一輩嘅叔叔,幾風趣😆可能少人,對客人都幾attentive🫡個人覺得上海菜餚都係偏濃味嘅,所以糖醋魚塊酸酸甜甜幾開胃,炒四季豆原來有啲肉碎一齊,少少辣味都幾惹味的,雞絲粉皮味道都唔錯豆腐羹就偏淡,獅子頭不過不失,小籠包好易爛呀🤪我中意蒸饅頭多過炸的,熱辣辣食軟糯好味😋最後送上綠豆沙作結。

母親節晚餐 選擇了 老上海新鋪 第一次嚟 細了一半 老伙記仍然 站台菜式 感覺比之前 進步了點了 醉鴿 醉香味 剛剛 醉 柔嫩伙童 餛飩雞 湯頭 出味 但 餛飩本人覺得片太厚鱔片 爽爽彈牙 但 忘記炒狗皇小籠包 正常 冇特別高力豆沙 算 鬆軟 不太甜蔥油餅 要 食佢銀絲卷 有蒸又炸但 我吾認為 重味精噃

每幾個月就會想吃灣仔老上海因為上海菜灣仔有兩間都做得特別出色一間是老上海一間是三六九大家一坐低異口同聲話食小籠包所以叫了四籠每籠有5隻都有20隻前菜有煎素鵝、鎮江肴肉影唔切已經清左碟啦實在太好味人多啲可以試多幾款菜式炸饅頭一定要點煉奶上海粗炒唔算太油膩砂窩雲吞雞終於可以品嚐到啦濃濃雞湯配上大細適中的雲吞忍唔到口飲左三碗如果要叫菜就推薦四季豆連小朋友平時唔鍾意食菜都係咁食最後要讚呢碟雞火炒飯我次次都有叫但就係今次先多隻煎蛋🍳真係好有家的風味本來想叫埋湯圓但好似唔太抵食所以就無叫啦

🌟整體評分: 7/10🌟❤️味道：7/10🧡環境：7/10🩵服務：7/10💚性價比：7/10💗小朋友喜愛度：7/10午市時間一行5人無需訂枱，因為餐廳得兩三枱客，真係好難想像生意幾難做。餐廳內都係老牌裝修，大圓枱既上海style。叫左個5人餐都係5百幾蚊（未加一），小籠包係行貨，塊包太厚。醉雞雪完鞋口，酒味又唔夠，失望。肴肉正宗，味道不過不失，驚喜欠奉。砂鍋醃篤鮮同紅燒獅子頭總算做出經典滋味，回鍋肉同干煸四季豆都夠獲氣，推介！

走進這家餐廳，係真係令人望眼欲穿啊！🌟 頭盤嘅水晶燻蛋，好似睡美人噉，一激就流心啦，煙燻嘅迷人香氣喺口腔中翩翩起舞。再嚟個鹽水鴨，賣相普普通通，但係啖啖肉質都咁滑溜，咸香恰到好處，好過癮！羊膏火紅得嚟一啖唔見羶味，食落跟本神清氣爽！蔥油拌海蜇蘿蔔絲, 口感又脆又涼，真係清爽過人！真正嘅主角醉蟹行出場啦！蟹膏滑得嚟又香得嚟，啖啖蒜香醇酒，齊心協力醉倒眾食客。😍 燻雞肉滑肥美，燻香迷人，乜都唔使講，絕對係唔可以錯過嘅佳餚。跟住嘅響油鱔糊，但係味極鮮美，濃郁嘅蒜香同炸好嘅鱔糊恰到好處，口感層次分明。然後，一盤金黃色嘅蟹粉粉皮吸晒光，大家拎起咗相機忙唔停。食落嘅時候，公蟹蟹粉與粉皮嘅配合真係得嚟又幼滑又黏牙，仿似雙簧咁互相輝映，美味得黎又思緒萬千。最後，荀乾老鴨湯悠悠端上，湯水功夫一流，滋味深厚，係飯局嘅環節裡畫上完美嘅句號。食完晚飯，每一味都餘韻繚繞，想再点一次都得，好吃唔怕遲！🍜總結，呢家餐廳係一個有得食，有得噏，有得懷念嘅好地方。食物新鮮美味到爆，搞到人返屋企都仲惦記住個味道。任何喜歡真材實料美食嘅朋友，一定要嚟試下。

朋友仔生日話要食餐豪嘅賀一賀佢， 第一時間就諗起砂鍋火膧雞燉排翅，於是推薦去灣仔老上海。 店家的裝修採平實路線， 沒有奢華的裝修，把心思都著重於食材和菜式上， 依舊 老上海的味道。砂鍋火膧雞燉排翅(半份) 成個沙煲面頭都係排翅😍😍 好有儀式咁。排翅咬落彈牙，完全吸收了雞湯和金華火腿嘅香味，真係齒頰留香👍朋友食咗都好滿意酒糟時魚（半份）酒糟味香濃， 完全滲入魚肉， 每一啖都食到香香酒糟味。 條魚蒸得熟度剛好， 魚肉幼滑時令大閘蟹（5.5両-6両）都幾大隻， 滿滿嘅蟹膏， 食落香濃。蟹肉最鍾意搭配黑醋一齊食，可解膩。 食完大閘蟹記得飲花雕或薑茶， 可驅除寒氣。蟹粉小籠包時令菜式， 適逢大閘蟹當季， 當然要試試。 小籠包皮薄， 看上去晶瑩通透， 一啖咬落去爆汁， 要攤一攤先食，小心辣親嘴。 加上大量蟹粉， 鮮味無窮， 好味到爆😭火腿奶油津白又一推介菜式，津白吸收咗滿滿嘅雞湯汁， 又creamy又香濃又軟滑老上海灣仔店絕對是老店，想品嚐正宗老上海味道， 當然要嚟試試。

呢間嘢極級多味精，超難受，食完返屋企飲埋梅茶，都消除唔到我喉嚨個種不適、以及舌上嘅「鞋烚烚」感覺！話說本身一心一意嚟到呢一間舊式嘅上海店，諗住三代同堂慶祝父親節，餐廳都係一貫有傳統嘅上海菜式，有款東坡肉大大件，一上枱超震撼，識落好多嘢都好好食，誰知一返到屋企個喉嚨同個口就開始出事，口渴到去飲水解決唔到，於是乎飲啲梅茶，都仍然係消除唔到個種難受。如果真係要去食，就千祈唔好叫一啲濃味嘅食物，又或者一大班人去食，每一樣食少少就夠啦。😅😅😅

T先生鍾意食小籠包，但要食到正宗而且岩口味的，並不容易😅 我諗起<老上海>在我的To try list上，放工後同T先生過來試新野😆餐廳格局不舊不新，唔算大間，同場都有不少食客，有日本人食客，也有家庭聚餐，亦有放工後的聚餐⋯ menu 比較舊式，一本又大又厚既menu, 用上厚身卡紙印製，分門別類而且圖文並茂，可見食物種類繁多⋯📍小籠包 $70未仔細睇餐牌前，已經諗好要試試小籠包。小籠包即叫即蒸，一籠5隻，望上去幾大隻，配上醋/薑一齊食。小籠包皮薄而且juicy , 我要小心翼翼地食和吸收肉汁，幾鮮甜，處理得幾好👍🏻 而T先生覺得肉質未夠紮實，因為佢鍾意啲紮實多肉既口感。📍酸辣湯 $128突然想飲，於是就點，又係即叫即整。職員幾酸辣湯分發，份量上比想像中多，可以分到4-5碗。另外，食材上都幾足料，有豆腐，荀絲，冬菇絲，肉絲，蝦⋯口感十足；再講講酸辣味道，酸辣度適中，辣度唔會令人覺得好嗆喉，所以飲起上來幾舒服，令人會繼續飲，我和T先生都幾鍾意呀，值得推薦📍韭黃炒鱔糊 $188又係即叫即炒，鱔既份量多，條條分明，而且幾肥厚，正鱔糊既獻汁既稠杰度剛好，唔會水汪汪，同埋唔會好咸