耀記雲吞麵食

營業中

休息中

🥟🍜🇭🇰佐敦細蓉小店☑️招牌雲吞麵（細）-$37行完街買完嘢想搵個位坐吓同食嘢，又唔係話好肚餓，就諗住食碗雲吞麵。雖然佐敦呢度有好多間旅遊書推介嘅雲吞麵，但我就冇去食嗰幾間，反而嚟咗呢間喺地鐵站附近嘅耀記。呢度嘅雲吞麵有大細碗之分，細嘅係$37，大嘅係$47。我今次就試咗碗細嘅。店舖雖然唔大但係門口會見到有嬸嬸喺度包緊雲吞。雲吞有四粒，每粒都大大粒，皮薄餡多，蝦同埋肉各佔一半，而蝦都好彈牙同埋大隻。至於生麵亦都好彈牙，但有啲難咬斷。湯底唔錯，會令人想飲晒佢。但係略嫌旁邊嘅醋唔夠酸，好似加水溝淡咗，令到成碗雲吞麵有啲美中不足。

到咗佐敦唔知食咩好 又好肚餓，跟住見到個黃色招牌寫住雲吞麵 就行咗入去因為都好耐冇食過雲吞麵 見佢出名雲吞麵我就坐低左就叫雲吞麵其實個舖頭唔算大 同埋食雲吞麵都唔會預服務幾好㗎啦 但估唔到我問佢攞杯滾水 佢話好啊冇問題 又幾熱心 仲話滾水大把呢間雲吞麵店收cash同埋Alipay 大家想食就要留意啦 呢一餐食咗$47 如果經開佐敦 又想食雲吞麵 可以黎嘗試 個湯底就係大地魚整既 個麵有鹼水味 個雲吞嘅蝦真係好爽口好彈牙 見到評論話辣椒油幾好味，就加咗五六滴 因為唔係好食得辣 果然真係要加 好食左 由於太肚餓，所以食到一半先影 跟住姐姐問要唔要飲啲嘢 就叫咗杯熱奶茶呢個奶茶都幾香 茶味濃過奶 想要幾甜就自己落

行過附近約咗整野又未夠鐘，先食左個early dinner先。睇舖面招牌已經知道係舊式雲吞麵，咁一於叫碗$36 細蓉加$10支裝zero 。雲吞真係可以叫做皮薄餡靚，d蝦新鮮又彈牙，其實叔叔係門口都一直有包雲吞，一定新鮮啦。老實冇乜驚天地 泣鬼神，正常舊式雲吞麵，大地魚湯再加辣油，簡單又滿足。姐姐都係好人，只係舊人類唔係那種口甜舌滑，但係落單一步到位幾爽吖！

📍耀記雲吞麵食 (佐敦)佐敦庇利金街31號地舖==============================呢間雲吞麵店已經幫襯過幾次，最初係朋友帶我來，話d辣椒油超好味，試過之後果然名不虛傳，之後每次想食辣野都會來幫襯呢間雲吞麵店==============================雲吞麵湯底係用大地魚煮出來好鮮味，麵質彈牙唔重皂水味，雲吞粒粒都有好大隻蝦仲好爽口，辣椒油夠辣而且好香，有少少香料味又唔會好咸，配雲吞麵一流🤤🤤🤤

我同屋企人食外賣一碗雙併米一碗單併米一碗雙併撈麵，亂收錢單併同雙併竟然同樣收每碗$49, 量少味道普通到極普通。永遠唔會再幫襯而家市道咁差，仲標榜舊式粉麵？睇你做得幾耐大家千萬不要幫襯

有時在街走走趴趴，見到一些小店或有歷史的，都會發掘到美味及樂趣。今次這間是有近30年歷史的小店，純粹路過，看著雲吞即包，吸引了我的眼球：既然店名有「雲吞」兩個字，相信應該是老本業吧！「雲吞」，作為本地美食，城中不乏名店，亦各有特式，我也喜愛吃，那就入內醫一醫肚。室內裝修非常傳統小店的感覺，侍應都是一些上了年紀的姨姨，眼見食客都是街坊街里的樣子，和店員有傾有講。我和店的姨姨聊起來，原來這店原本不是在這位置，搬來這裏大概10年左右，加起來就約30年歷史就是了。食物的種類除了大路的也有一些古舊的例如鳳爪麵，而且全部份量有分細碗、大碗兩種，各有不同價錢，佩服以前老店的細心和人情味：我先叫碗細的，「雲吞 / 牛筋河粉」$46雲吞真有做到「皮薄，餡靚」，蝦仁和豬肉比例恰好：雖然沒有那些名店的「一口一粒」大小，這裏是兩口一粒，不會大到如乒乓波一般，加上新鮮即包即淥，蝦爽彈，整體的確好吃：雙拼的牛筋用五香滷水燜製，入味得像爽滑花膠：吃它有入口黐住嘴巴的感覺，都滋味，啱我這個「牛魔怪」河粉滑溜，用的是靚貨，吸盡腩汁：侍應姨姨還大方送上大地魚清湯一碗，很滿足！另叫 「鳳爪 / 南乳豬手撈麵」 HK$46呢

位於佐敦的一間老字號雲吞麵，皮薄餡靚高質素，用料多，出名雲吞麵豬手牛腩，十分底食，裝修一般，坐位不多，地點在遊客區，但價錢很底，值得一去，如果愛吃雲吞的朋友值得一試。

要在佐敦吃晚餐，突然想吃雲吞麵，朋友便推介這裡。店舖不大，有幾個客人在內用膳，店員都很清閒。雲吞河加一碟菜，雲吞味道幾好，價錢不貴之餘，又不用等位，簡簡單單又一餐。

本身同同事係常客，因為食Lunch 夠快。平時呀姐姐應得同事所以都算親切有禮貌。今日一個去姐姐態度極為惡劣，唔知係咪淨係想做熟客。今日之後，唔好想再幫襯，唔想再有同樣待遇。老實講，以佐敦區老字號黎講，好失望。

趕時間既關係，是但係附近食左間麵店，一入門就好好態度，啲姐姐會問你想食咩，推介下咁🙂人情味極濃🔺食物👉🏻原汁牛腩撈麵$43牛腩燜到岩岩好，十分入味麵質冇乜鹼水味，仲有啲回甘雲吞上湯冒煙上枱，大地魚同豬骨味濃👍👉🏻爽滑牛筋米$35牛筋勁好食，份量勁足件件都超淋，好易咬口✨米粉比較失色，淋左啲啲自私評分：🟡🟡🟡🟡🟡自私評論：閒日有時都要支持下本地傳統野😍 麵店雖然人小小、店舖小小，但人情味就多多👍 水準又唔錯 support😍

这间算是一家传统的云吞面小店，装修也比较樸素，但整体环境也比较干净。很简单的餐单，都是一般的传统面食如云吞、水饺、牛腩、南乳猪手等等，普通的价格，属中等价位。较为特别的是汤面类有大和小之分，但看到食客都是点大份的。看到店外有介绍他们的牛腩面，便要了一份。上桌的卖相还可以，牛腩的份量还可以，但跟面的上汤则有点咸。牛腩很腍很软，应该熬了不短时间，口感很不错。用的部分不是纯瘦肉，肉碎不会塞牙缝。另外，腩汁很浓，拌着面一齐吃令面条更好吃。虽然价格不算便宜，但这里的食物水准还可以。

路經佐敦，餓了找吃！耀記粉面，看到招牌三寶，試！雲吞有蝦味，鯪魚球彈牙，牛肉夠䭃，面爽口冇礆水味，才五十三塊，物有所值！菜單上，另有牛根腩，下次必試！同區同類型店多，但價位大衆化，必能站稳陣脚！

去佐敦換完禮品，不是太肚餓，經过耀記雲吞麵。我估可坐20人，地方雖然不算大，但係整潔。雲吞麵館當然食雲吞麵啦，雲吞算大粒，蝦大隻，爽口彈牙，麵有咬口，冇鹼水味，湯底清👍只需2蚊就可加多碟菜，再加2蚊就多杯飲品，加得過。另一碗叫了南乳豬手麵，有淡淡南乳味，豬手雖然腍，但仍有咬口，也不錯。每人都是40幾蚊，食物質數幾好，去開佐敦值得再去。

上星期五放下晏回家湊仔，近近地在樓下食碗粉，由於外母強力推介，試左耀記雲吞麵。叫左碗魚蛋河試下，都算夠大碗，但個湯底就淡啲，無乜魚味，可能無落味精，魚蛋ok啦，一般般，算合格，30幾蚊，九龍黎講算抵食。PS辣椒油唔夠香

晚了下班，又餓又不想吃太多，便跑來吃雲吞。想想好像沒嚐過這裡的鯪魚球，便點了需吞與鯪魚球，友人點了一碗大的雲吞麵。友人的招牌雲吞麵很快端上了。雲吞大小很均稱， 每顆誤差不大。浸了一會兒湯，麵條還是彈牙的。鹼水味處理得宜，不是很強烈的。雲吞的內餡，就是普通的蝦與普通的豬肉，值得一提是沒有太多肥肉。鯪魚球普通，雖然樣貌不太吸引。雲吞、水餃、麵條全是人手處理，水餃也是另一推薦的食物就，不過很快便售光光了。坐在店內進食時，在白天能一睹餛飩生產，晚上便能看店員捲麵條。