12
7
4
| 餐廳: | 耀記雲吞麵食 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
港鐵佐敦站 C2 出口, 步行約1分鐘
繼續閱讀
電話號碼
23758329
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
到咗佐敦唔知食咩好 又好肚餓，跟住見到個黃色招牌寫住雲吞麵 就行咗入去因為都好耐冇食過雲吞麵 見佢出名雲吞麵我就坐低左就叫雲吞麵其實個舖頭唔算大 同埋食雲吞麵都唔會預服務幾好㗎啦 但估唔到我問佢攞杯滾水 佢話好啊冇問題 又幾熱心 仲話滾水大把呢間雲吞麵店收cash同埋Alipay 大家想食就要留意啦 呢一餐食咗$47 如果經開佐敦 又想食雲吞麵 可以黎嘗試 個湯底就係大地魚整既 個麵有鹼水味 個雲吞嘅蝦真係好爽口好彈牙 見到評論話辣椒油幾好味，就加咗五六滴 因為唔係好食得辣 果然真係要加 好食左 由於太肚餓，所以食到一半先影 跟住姐姐問要唔要飲啲嘢 就叫咗杯熱奶茶呢個奶茶都幾香 茶味濃過奶 想要幾甜就自己落
繼續閱讀
行過附近約咗整野又未夠鐘，先食左個early dinner先。睇舖面招牌已經知道係舊式雲吞麵，咁一於叫碗$36 細蓉加$10支裝zero 。雲吞真係可以叫做皮薄餡靚，d蝦新鮮又彈牙，其實叔叔係門口都一直有包雲吞，一定新鮮啦。老實冇乜驚天地 泣鬼神，正常舊式雲吞麵，大地魚湯再加辣油，簡單又滿足。姐姐都係好人，只係舊人類唔係那種口甜舌滑，但係落單一步到位幾爽吖！
繼續閱讀
📍耀記雲吞麵食 (佐敦)佐敦庇利金街31號地舖==============================呢間雲吞麵店已經幫襯過幾次，最初係朋友帶我來，話d辣椒油超好味，試過之後果然名不虛傳，之後每次想食辣野都會來幫襯呢間雲吞麵店==============================雲吞麵湯底係用大地魚煮出來好鮮味，麵質彈牙唔重皂水味，雲吞粒粒都有好大隻蝦仲好爽口，辣椒油夠辣而且好香，有少少香料味又唔會好咸，配雲吞麵一流🤤🤤🤤
繼續閱讀
我同屋企人食外賣一碗雙併米一碗單併米一碗雙併撈麵，亂收錢單併同雙併竟然同樣收每碗$49, 量少味道普通到極普通。永遠唔會再幫襯而家市道咁差，仲標榜舊式粉麵？睇你做得幾耐大家千萬不要幫襯
繼續閱讀
有時在街走走趴趴，見到一些小店或有歷史的，都會發掘到美味及樂趣。今次這間是有近30年歷史的小店，純粹路過，看著雲吞即包，吸引了我的眼球：既然店名有「雲吞」兩個字，相信應該是老本業吧！「雲吞」，作為本地美食，城中不乏名店，亦各有特式，我也喜愛吃，那就入內醫一醫肚。室內裝修非常傳統小店的感覺，侍應都是一些上了年紀的姨姨，眼見食客都是街坊街里的樣子，和店員有傾有講。我和店的姨姨聊起來，原來這店原本不是在這位置，搬來這裏大概10年左右，加起來就約30年歷史就是了。食物的種類除了大路的也有一些古舊的例如鳳爪麵，而且全部份量有分細碗、大碗兩種，各有不同價錢，佩服以前老店的細心和人情味：我先叫碗細的，「雲吞 / 牛筋河粉」$46雲吞真有做到「皮薄，餡靚」，蝦仁和豬肉比例恰好：雖然沒有那些名店的「一口一粒」大小，這裏是兩口一粒，不會大到如乒乓波一般，加上新鮮即包即淥，蝦爽彈，整體的確好吃：雙拼的牛筋用五香滷水燜製，入味得像爽滑花膠：吃它有入口黐住嘴巴的感覺，都滋味，啱我這個「牛魔怪」河粉滑溜，用的是靚貨，吸盡腩汁：侍應姨姨還大方送上大地魚清湯一碗，很滿足！另叫 「鳳爪 / 南乳豬手撈麵」 HK$46呢碟可以叫做「手足麵」，成碟都是骨膠原的化身：現在已很少見有鳳爪麵，平時飲茶我很少吃鳳爪點心，感覺很油膩，這個絕無此感覺：鳳爪被滷水炆得入晒味，表面軟腍，來裡仍吃到雞腳筋：豬手大大件炆得皮滑肉腍，入口兩下己骨肉分離：皮的質地也像一塊花膠，很黏口：豬手完全吸收了濃甜美味的南乳汁，美味得讓我想叫碗白飯 XD 麵條爽身，沒鹼水味：我叫了「加色」，麵將南乳及牛腩汁的精華索盡，相當正斗：之後姨姨問我夠唔夠飽！食完兩份，是飽到不行 XD也不要輕看細碗、細碟的份量；一係小弟細食，一係我估以前的人可能多數做體力勞動工作，細碗都要有返咁上下去補充體力。Anyway，這些傳統滋味，絕對值得保留及承存下去。
繼續閱讀