翡翠江南

營業中

休息中

🌸鎮江排骨，排骨厚肉多汁，醋味仲好濃郁，好入味，酸酸甜甜，幾開胃呢！🌸豆漿黃魚配油條，湯底都幾鮮美香甜，原條黃魚外皮香脆肉嫩，仲有配埋香脆惹味嘅油條，呢個菜式我第一次食，都幾特別🌸乾煸四季豆上枱熱辣辣香噴噴，爽口香脆嘅四季豆，整體味道鹹鹹香香，配埋啲肉碎一齊食，都幾香口惹味🌸蝦頭油蝦仁帶子炒飯鑊氣十足，而且炒飯仲好足料，蝦肉彈牙，帶子都幾鮮甜，整理味道唔會太鹹呢🌸上海小籠包皮薄餡靚，輕輕一咬就有好濃濃湯流出黎，呢個我覺得都幾好味🎀餐廳舒適寬敞，餐廳店員服務態度都幾友善呢！職員仲同我哋講由8月16日至 8月20日係第一階段優惠券活動，會每日限量發放10張5折優惠券，總共50張優惠券，可以喺指定網頁搶券呢，咁就可以再同朋友嚟食啦！

岩岩新開張幾日即刻同同事走去試下好唔好味睇下會唔會成為新飯堂 so far 試左幾碟都唔錯，係高質既江南中菜 我地幾個都好鍾意飲湯，試左佢地既豆漿黃魚配油條，無諗過用豆漿煮魚湯同可以咁夾超好飲!!! 東坡牛肋條好似係佢地既推介，果然都好好食, 炆得好入味，啖啖肉，好滿足仲有三杯鱈魚都好有誠意，唔係用普通魚柳，用左好嫩滑既鱈魚，口感好好!! 另外環境好寬敞，6-8人大檯都有，lunch time 好難搵大檯位，有大檯好好，唔使成日同同事分檯食牛肋條肉質極度酥軟入味，個醬汁好似平時東坡肉果種有少少甜咸甜咸既feel, 仲有淡淡既紹興酒味!!好正啖啖肉!!濃郁豆香湯頭極鮮味! 可能用左小黃魚煮個湯底， 超好飲!! 仲有配埋油炸鬼可以用黎沾湯食,好鬼正!! 用左比較貴既鱈魚口感好嫩滑，配埋三杯既醬汁同九層塔，好惹味!!淡淡荷葉清香渗透雞肉，食落仲有啖啖冬菇同洋蔥既香味，味道層次幾豐富