翡翠江南

喺九龍灣想食精緻滬菜，翡翠江南絕對係穩陣之選！今次專登試佢哋兩款招牌，果然無令人失望！上海小籠包 - 必食推介！一籠熱辣辣上枱，賣相已經夠靚仔，皮薄得嚟唔易穿，睇到入面盪漾嘅湯汁！急不及待夾起一隻，用湯匙小心接住，輕輕咬開一小角，啲湯汁多到「爆」出嚟，真係唔講得笑！個湯鮮甜到不得了，充滿肉香，一啲都唔油膩。豬肉餡料剁得夠細，口感嫩滑，同薄皮同湯汁一啖食落去，滿足感爆棚！ 點少少浙醋，更加吊出鮮味，水準拍得住專門店，係我食過最出色嘅小籠包之一！上海粗炒 - 有驚喜！平時食開嘅粗炒有時會好油好「腍」，但呢度嘅絕對係高質版本！上色均勻，睇落油潤光身，但食落鑊氣超級夠，一食就知係猛火快炒出嚟。麵條粗身有咬口，唔會糊埋一嚿，仲索晒啲醬油香。配料有肉絲、椰菜同冬菇絲，炒得夠爽脆，增加唔少口感。最欣賞佢調味恰到好處，鹹香惹味，但又唔會死鹹，食完成個碟底都唔會剩低一攤油，分量夠足，兩個人share啱啱好！ 翡翠江南呢兩樣嘢真係無得輸！小籠包湯汁豐盈，粗炒鑊氣十足，完全體現到上海菜嘅精髓。如果想喺九龍灣食個高質滬菜，呢度嘅小籠包同上海粗炒，真心推介，值得encore！…查看更多

講起食江南菜，九龍灣呢間「翡翠江南」絕對有驚喜！今次專登試咗佢哋幾款招牌，真係要同大家分享下。首選必食：蟹粉豆腐煲呢個真係鎮店之寶嚟㗎！一上枱，個煲「滋滋聲」，香氣撲鼻。望落金黃色嘅蟹粉多到呢，完全唔吝嗇！撈勻之後，每啖嫩滑豆腐都掛滿濃郁蟹膏，鮮味爆棚，真係「鮮」到唔識形容。食落完全冇腥味，淨係得個「香」字，用嚟送飯，真係可以輕鬆KO成碗白飯！誠意推薦，必點！夠鑊氣之選：上海粗炒佢哋嘅上海粗炒絕對係高水準！麵條炒得夠鑊氣，食落煙韌有咬口，又唔會太油。啲瘦肉絲、椰菜同冬菇絲份量十足，醬油均勻掛喺每條麵上，鹹香適中，食完成個口都仲留返陣香味。係一道睇似普通，但好考功夫嘅菜！清香之選：荷香黃金雞呢個雞嘅賣相已經夠吸引！打開荷葉，香氣四溢。佢唔係炸個種「黃金」，而係用咗鹹蛋黃醃製，雞肉蒸到剛剛好，肉質超滑溜，食落有淡淡荷葉清香，同時帶住鹹蛋黃嘅甘香，味道好有層次，食多幾件都唔會覺得膩。蟹粉豆腐煲係我嘅最愛，鮮味十足；上海粗炒就夠晒傳統風味；荷香雞就清新得嚟又惹味。三樣都咁值得推介，下次嚟九龍灣想食得精致啲，呢度係個唔錯嘅選擇！…查看更多

個人幾鍾意去九龍灣mega box 搵食鍾意佢靜靜地 唔使同人迫適逢大閘蟹季節今次同媽媽黎翡翠江南先試吓啲前奏
由於想試多幾款招牌菜
所以我同朋友決定散叫唔要套餐
可以自由揀選心水美食四喜烤麩
作為前菜相當開胃
烤麩吸收晒醬汁精華
口感軟腍得嚟帶少少咬口
伴隨嘅冬菇、木耳、荀絲、枝豆口感更加豐富蟹粉生煎包（3隻）
真心推薦！一咬開湯汁爆出
要小心燙口
蟹粉味道濃郁得嚟唔會腥
包底煎得金黃香脆
比起小籠包 我更鍾意香脆口感嘅生煎包紅燒肉百頁結
紅燒肉肥瘦適中，入口即化
百頁結索盡肉汁
食落好惹味
送飯一流蟹粉豆腐煲
蟹粉份量十足
每啖豆腐都沾滿金黃蟹粉
滑溜豆腐同濃郁蟹粉形成完美對比
味道豐富又唔會太膩黃金蟹粉撈飯
真正邪惡之選 將蟹粉同飯撈勻
每粒米都沾滿金黃蟹粉
香氣撲鼻
雖然罪惡感爆燈
但咁樣包住食真係好滿足呀蒜香萵筍絲
食咗咁多濃味菜式
呢個清淡嘅萵筍絲正好平衡一下
蒜香十足，萵筍爽脆
簡簡單單就好好味薑茶湯丸
作為完美結尾
薑茶夠晒辣，暖胃又舒服
湯丸皮薄餡靚 已經好耐冇食過手搓既湯圓皮
芝麻餡流心效果滿分翡翠江南無論環境、服務同食物質素都令人滿意。有翡翠集團嘅加持 ， 信心保證。下次想食高質中菜，一定會再嚟！…查看更多

翡翠江南主打江南經典美食，精通用燉、燜、燒、煮呢d傳統做法，做出豐富又有層次的口感和味道。還加入不少創意，把新食材融入經典菜色，讓江南菜吃起來更有新意😆另外加位喺呢度嘅staff真係好nice, 笑容好親切，仲有座位好舒適，唔會同隔離嗰台痴得好近，聚餐傾下偈都唔會嘈到隔離枱🤣試咗呢度嘅招牌菜式😍 鎮江排骨 酸酸甜甜的，醬汁超入味，排骨炸得外酥內嫩，開胃一流！不餓都會忍不住多吃幾塊。豆漿黃魚湯配油條 這湯真的有夠驚豔！絕對係今日嘅vip😍豆漿的濃香混著黃魚的鮮味，喝起來滑滑嫩嫩，特別暖胃。配埋油條超加分，炸得酥脆脆的，還能吸滿湯汁，吃起來超滿足，完全是招牌中的招牌！👍乾煸四季豆 這乾煸四季豆又香又下飯，配的碎肉和辣椒剛剛好，😍微微辣但不嗆，味道超香，超適合搭配炒飯或白飯吃。蝦頭油蝦仁帶子炒飯米飯炒得粒粒分明，還吸滿蝦頭油的香味，濃郁又不膩。蝦仁和帶子超鮮彈，吃起來口感很好，配上炒飯真的絕配，而且海鮮嘅材料都好多👍上海小籠包小籠包是真的很厲害，皮薄但不會破，湯汁超多又香，肉餡嫩嫩的，味道超鮮。每道菜都很有誠意，吃完一定會滿足，超級推薦…查看更多

Megabox以前成日去上海小南國，原來已經執左，換上翡翠江南，仲換上一個來自曾經做過上海總會嘅廚司。當晚先吃幾個前菜，京陵鹽水鴨，滬式燻魚，全部都有唔錯表現，特別喜歡京陵鹽水鴨，個味道剛剛好，同平時係連鎖見到嘅多一份細緻。重點係豆漿黃魚湯配油條，呢個煮法好唔同，用上豆漿同油條配係幾好，聽師傅講平時用上魚湯的做法再加豆漿，真心甜，而且條黃魚好靚，來到值得一試。另外一個signature 荷香黃金雞煮係心機之作，用上好多唔同嘅程序去煮，佢嘅雞肉好腍好入味，而且好好打卡，而且價錢唔算貴。紅燒肉百頁結個件紅燒肉嘅肥美絕對精彩，加上百頁一齊食有更好的口感。原條東坡牛肋條令我想起夜上海的名作，炆得好腍，又係必點菜式。食得太多肉，吃過羊肚菌炒時蔬清清腸胃，仲有大煮乾絲，全部都唔會好肥膩，準備朋友話一定唔錯過嘅後段。朋友佢地嘅點心師傅都好好，所以上海小籠包 ，錦鹵炸雲吞同百步香蔥油餅 ，一定唔少得，甜品係桂花拉糕同高力豆沙，前者的桂花拉糕有勁多酒香。平時覺得Megabox無乜好食，下次再去，多左一個選擇，希望下次再去師傅可以再保持水準，再下一城。…查看更多