影片
以上資料只供參考, 請與餐廳確認詳情
有關獎賞計劃
Megabox以前成日去上海小南國，原來已經執左，換上翡翠江南，仲換上一個來自曾經做過上海總會嘅廚司。當晚先吃幾個前菜，京陵鹽水鴨，滬式燻魚，全部都有唔錯表現，特別喜歡京陵鹽水鴨，個味道剛剛好，同平時係連鎖見到嘅多一份細緻。重點係豆漿黃魚湯配油條，呢個煮法好唔同，用上豆漿同油條配係幾好，聽師傅講平時用上魚湯的做法再加豆漿，真心甜，而且條黃魚好靚，來到值得一試。另外一個signature 荷香黃金雞煮係心機之作，用上好多唔同嘅程序去煮，佢嘅雞肉好腍好入味，而且好好打卡，而且價錢唔算貴。紅燒肉百頁結個件紅燒肉嘅肥美絕對精彩，加上百頁一齊食有更好的口感。原條東坡牛肋條令我想起夜上海的名作，炆得好腍，又係必點菜式。食得太多肉，吃過羊肚菌炒時蔬清清腸胃，仲有大煮乾絲，全部都唔會好肥膩，準備朋友話一定唔錯過嘅後段。朋友佢地嘅點心師傅都好好，所以上海小籠包 ，錦鹵炸雲吞同百步香蔥油餅 ，一定唔少得，甜品係桂花拉糕同高力豆沙，前者的桂花拉糕有勁多酒香。平時覺得Megabox無乜好食，下次再去，多左一個選擇，希望下次再去師傅可以再保持水準，再下一城。
繼續閱讀
同班朋友去左Megabox 買野~去左食翡翠江南，因為係好耐無食過正宗上海菜喇!雞絲粉皮雞絲粉皮真是一個好開場！粉皮滑溜溜，配上鮮香嘅雞絲同清爽嘅調味，醬汁輕盈唔會太膩，作為前菜岩岩好!原條東坡牛肋條原條東坡牛肋條真是一個大亮點！牛肉入口即化，肉質嫩滑多汁，醬汁濃郁又帶點甜味，同牛肉嘅鮮味好夾，每啖都好有層次感，絕對係正！乾煸四季豆乾煸四季豆火候掂到不得了，好有獲氣。唔會太油膩，十分好下飯!江南鮮魚湯泡飯湯頭清淡但好鮮，魚肉滑嫩，配上米飯吸收咗湯汁嘅精華，每啖都充滿魚鮮嘅香味。上海小籠包（4隻）小籠包真是一個經典！皮薄餡靚，湯汁多到不得了，一咬落去，肉汁四溢，口感一流！配上醋同薑絲，味道更加出眾。用筷子夾起小籠包，湯汁穩穩鎖喺入面，唔會即刻穿，食落可以感受到整顆小籠包喺嘴入面肉汁同皮，一個字：正！每道菜都睇得出廚師嘅心思同手藝，特別係東坡牛肋條，味道同賣相都好掂，強烈推介！上菜速度啱啱好，唔會太趕，可以慢慢品嚐。服務員態度親切有禮，服務周到，翡翠江南地點：九龍灣宏照道38號企業廣場5期MegaBox 6樓2號舖
繼續閱讀
👧🏻😋👅🍽✨Megabox 新開上海菜-🥢 Megabox新開上海菜，落地玻璃天然採光。設有抵食套餐，二人餐$378起▪️豆漿黃魚配油條 $228🍲 用豆漿同原條黃魚煮湯，鮮甜得嚟帶大豆濃香，配上一碟油炸鬼，索晒湯滋味一流▫️蝦頭油蝦仁帶子炒飯 $138🦐 炒飯粒粒分明，蝦頭油香口，仲有粒粒帶子蝦仁好足料▪️上海小籠包（四隻） $52🥟 招牌小籠包新鮮蒸起，熱辣辣皮薄爆汁▫️鎮江排骨 $75🐖 骨肉分離、醋香肉滑好開胃▪️乾煸四季豆 $85🫛 四季豆翠綠無根，用肉碎炒油潤香口
繼續閱讀
豆漿黄魚配油條🐟足足有兩大條黃魚，份量十足！啲豆漿同黃魚一齊煲過，味道有啲似平時屋企煲嘅魚湯，好有家嘅感覺🏡 除咗可以就咁飲之外，仲配埋油條一齊食～鎮江排骨🐷呢個鎮江排骨非常厚肉，醋味濃郁偏酸，十分開胃～🤤🤤乾煸四季豆🫛呢一個四季豆炒得非常惹味，肉碎嘅鹹香味十足，用嚟送飯一流啊！蝦頭油蝦仁帶子炒飯🍚呢一個炒飯炒得非常乾身，飯粒粒粒分明，入面嘅蝦仁帶子份量都唔少，而且食落都唔係千年雪藏貨，算幾有誠意～上海小籠包（四隻）🥟每一粒小籠包都係勁多湯汁，皮薄餡靚，絕對係呢度嘅必點菜式～
繼續閱讀
呢間餐廳真係抵食！唔單止價錢相宜，嘢食仲要好味，服務態度又好👍🏻前菜嘅四喜烤麩好入味，烤麩鬆軟，配埋木耳，口感豐富。上海小籠包熱辣辣，湯汁鮮甜，一籠有四隻。荷香黃金雞大推😍 雞有荷葉香，雞皮金黃，雞肉嫩滑多汁，而且入邊仲有洋蔥、菇、醬汁，真係好惹味！金銀蛋浸時蔬嘅菜好新鮮，金銀蛋嘅份量都好多，大碟抵食。上海炒粗麵炒得夠鑊氣，粗麵煙韌彈牙，配料又豐富，好夠味。呢餐飯真係好滿足，抵食好味服務好，值得推薦！
繼續閱讀
您可能會有興趣的...