翠豪園餐廳

營業中

休息中

首先有個例湯，天然沒加味精一碗又一碗之後來個黃金蝦，值得一食，上面蛋王比例剛剛好，清清地食個梅菜蒸菜心，好特別清甜，又來一個生炒骨，絶對係香港茶餐廳一個靈魂一定要食最後一個經典龍蝦，味道一流！

感謝朋友推介，我們來到了這家好像不太起眼的路邊轉角餐廳大飽一頓。秘製鬍鬚雞🐥 – 9/10通常雞和薑蔥都是分開上的，但這個鬍鬚雞，先用秘製的薑蔥鋪滿全隻雞再一起蒸，雞肉口感嫩滑，薑蔥味和雞味融為一體，這道菜真的必點！蒜蓉粉絲蒸聖子 – 8.5/10聖子蒸得恰到好處，大大隻而且好鮮甜！黃金四季豆 – 8.5/10甘香酥脆的鹹蛋黃外殼包裹著炸得熱辣辣又軟嫩的四季豆，重點是調味剛好，不會因為鹹蛋黃變得太鹹椰子🥥烏雞湯 – 8/10湯料大大碟真材實料，擺脫對茶計味精湯的印象！椒鹽鮮魷🦑 – 8/10台式三杯雞煲 – 7.5/10椒鹽茄子🍆 – 7/10清蒸紅斑🐟 – 7/10P.S. 餸菜太大份吃不完要打包走，我本來要將白飯和蒸魚放在同一個飯盒裡，餐廳姐姐馬上阻止我：「唔好呀要分開裝呀，啲汁溝埋啲飯第二日唔好食架，我地做阿媽嘅平時仔女帶飯就知道喇☺️」我忍不住滾動地說了句：「多謝阿媽😭」#人情味小店#最好味一定是人情味

一坐低，老闆十分好客地同我介紹今日嘅新鮮食材(有點受寵若驚)之後點咗佢嘅魚湯飯，配番茄、魚骨、豆卜、介菜，令到碗湯甜上加甜。個魚湯一啲魚腥味都冇！最後我仲要飲哂成碗湯都冇口渴☺️好滿足！！

咁岩吾知食咩 就決定食茶餐廳啦咁結果係出乎意料之外嘅 因為一入去 感覺比較舊啦 好耐歷史咁 以後會麻麻地 點知係好扺好正好食佢哋有個2人晚餐set 咁只係120$而且有湯有野飲 平均一個60$ 同你平時食開50幾蚊果啲晚餐差唔多 咁就簡2款小菜啦 就簡左咕嚕斑腩同咖哩薯仔牛肉煲 斑腩外脆內軟 酸酸甜甜好有胃口 而且係一碟入面好多斑腩好抵食 咁咖哩薯仔牛肉煲呢 薯仔較少 牛肉好多！多到食吾唒 青椒都多既 咖哩汁都好食 配飯都好正 至於個湯就吾難飲 都係中湯

係附近上完堂，之後黎左呢間茶餐廳食野，我叫左個咖喱薯仔肉片飯食，價錢係五十元，連埋野飲五十三蚊，係呢區算係幾貴。佢碗飯唔算大，食左半碗咖喱之後我已經食晒碗飯，不過個咖喱就幾好食既，如果唔係咁貴，我都會再食呢間既！

是晚, 跟太太去荔技角上堂。本想去另一間餐廳享用晚餐可惜剛結業,一時間找到這一間食個快飯。收工時間人流較少, 餐廳也只有4成枱有人坐。一店時想坐較舒服的6人卡位，店員卻領我們去坐人圓枱。(這卡位之後掛上有預約, 但40min 後離開時卻沒有人坐, 咁樣Hold 枱當人地傻咩?)(而且我地打算坐30min 左右, 相信坐滿的機會好少好少)點了菜後, 近30分鐘沒有上菜, 當然去追單吧, 待應發現有人落錯單, 佢覺得不是佢的責任愛理不理，沒有積極處理問題使我感到憤怒。直到我向太太頗大的聲音說說我唔再光顧這店，待應才跟進我落的菜。上菜時先講唔好意思。(心裡說, 太遲了)食完後, 抱著不快心情離開。我不是食家, 對食物質素要求不高, 但這待應的服務態度使人地食得唔開心,不會再光顧這店。

茶餐廳一向都係香港既特式之一, 隨街可見亦是方便了很多港人. 加上款式眾多!!! 要乜有乜!!! 每個星期返教會前都愛嘆個港式早餐, 食肉獸都係都市人既習慣了! 港式早餐同樣係我喜愛!!! 不過其實早餐都選擇不多, 食粥感覺自己好大陸甘, 飲茶通常只係為左要陪媽媽!因為錯過左早餐時後, 但又想食牛肉通, 見到呢個價錢, 真心肉痛, 但都忍痛叫了!個奄列其實都幾大份, 面包都好軟熟!通粉亦算大碗有趙口, 但沙爹味不夠!!!奶茶係每間茶餐廳最重要一環, 呢個茶味&奶味都很好, 但一D都吾熱, 大打折扣!!!!

因為想到長沙灣睇開倉，所以就到附近的餐廳開餐。尼間茶記就係大馬路，相當大間。因為是日午餐不合胃口，所以點了魯水雞翼撈丁。同想像的不同，雞翼是炸的，不是魯的，只是最後放上幾滴汁料就完成。但汁料非常的咸，或者下次試其他可能會好一點

喺荔枝角趕時間之下搵間茶餐廳食早餐，是旦入左去呢間叫左個好簡單嘅沙爹牛肉加煎蛋米粉，再飲杯熱奶茶，話明趕時間，緊係想快啲食完就走，坐底之後即刻落單，好快所有食物就上曬枱，講真唔會對普通茶餐廳啲嘢食有乜期望，最緊要快同埋平，基本上佢地都完全做到呢兩樣嘢，起碼個米粉同牛肉都喺熟同埋熱嘅，隻煎蛋亦可以做到半生熟得嚟仲喺熱嘅，嗰杯熱奶茶亦唔會涼左半截先至上枱，快快趣趣食完埋單就走了，如果趕時間又冇乜要求嘅話，呢間都喺另一個選擇。

荔枝角區真係好多大大細細茶餐廳，留得住多過十年就無得邊幾間，咁又唔係代表佢哋特別好喎，呢區人流實在多，夾雜寫字樓商店住宅，你唔再幫襯咩？！大把人盲盅盅盅入嚟。就好似今次寫嘅呢間翠豪園，好多人就一路閙一路繼續幫襯，我都消化自己點解每月都梗有一兩次入去食早餐⋯⋯我通常會食A餐嘅炸菜肉絲通（$31），無得❎轉米粉或麵，煎雙蛋配牛油餐包，個餐包比起大家樂個牛油餐包實在細人一大節，大家樂呢個餐都唔駛3字頭，好彩個炸菜肉絲通味道唔錯，有D微辣令到碗通粉有層次感，呢杯檸水影相效果好似厚厚地，但實際三片都唔夠沖到杯有檸檬味嘅水，仲帶苦澀添🤢

永不會再光顧!   態度傲慢  唔憂做?  這區返工超過10年,  區內河粉麵的不多, 該店近公司都會幫襯, 最近這次令我很火很失望.  事緣茶餐時間至6:30PM,  我行入去打算買外賣,  當時收銀處個鐘是6:24PM, 我同收銀個女人話叫茶餐, 佢回一句: 已CUT ORDER. 佢電話響, 等佢講完是6:28PM.  我指著店內個鐘問她還未夠鐘. 當時我手機時間一樣未過時. 她沒有望我便回一句:  係睇廚房個鐘CUT ORDER師傅唔會做茶餐.......        她的傲慢態度比我感覺睇我唔起, 眼神話我食唔起正價, 專程來搵著數, 難道真係唔憂做? ......      回公司同其他同事講述經歷, 我部門和其他部門共30多名同事都認同, 自此早午晚都不會再光顧..話說回頭,  其他店員沒有不禮貌.  食物方面, 佢地有我最鍾的牛筋河, 不過牛筋有時唔夠軟淋. 味精亦較多, 食完會整天口乾.  晚飯小菜不過不失, 始終係連鎖快餐店以外多一個選擇 也是地點位置方便.本來小店已買少見少, 我都想多點幫襯, 可惜呢種經營態度, 自己都唔爭氣.

本人平時都好小食早餐，今日咁岩有d野搞要一早去荔枝角，搞完要做既野，望望隻手錶10:50分，就想是但係附近搵間茶餐廳食個早餐填下個肚。最後行左陣，揀左呢間翠豪園，坐底望望餐牌，叫左個吉烈魚柳+炒蛋，另外再加左$5轉左做奶油豬，另外飲品叫左凍奶茶。一開始食奶油豬唔錯，包夠熱唔太硬，幾好食，可惜，再試埋個蛋同埋魚柳就失望了，炒蛋係一早煎定的，唔熱，硬的，吉烈魚柳即炸的，夠熱，但腥的，好彩杯奶茶都叫正常。埋單$39下次唔會再黎

之前8月4日同一時段和朋友來過一次!第一次食宵夜, 朋友叫雲呑麵, 我叫熱杏霜+ 煎蛋菠蘿包! 煎蛋菠蘿包 - 包面不是很脆, 包身壓扁了, 可能存放得耐的原故...... 熱杏霜一般!8月18日吃晩飯 朋友叫粟米班塊飯, 我叫甜酸排骨飯+熱奶茶, 連連中湯!粟米班塊飯 - 好大碟, 份量足, 熱辣辣, 但朋友話炸粉厚, 放耐佐之後, D汁會杰達達...... 所以只食了半碟....甜酸排骨飯 - 味道OK! 份量足, 熱辣辣, 有好多菠蘿!中湯 - 只有淨湯水, 無料!熱奶茶 - GOOD! 環境整潔, 服務 OK!

筆者間中會嚟幫襯下，貪佢位置方便同埋上菜迅速。由於個下午茶要快快手食完，於是叫咗個腸蛋麵+凍奶茶。麵係平時嘅公仔麵，咬落去彈性啱啱好。腸仔同煎蛋亦正正常常，唔會太熟。湯底就似乎落多咗水，味道較淡。至於奶茶就較遜色，只有苦澀而無茶香 (唔關糖事，因為甜度同老麥嘅朱古力奶昔有得揮)。講咗咁耐，其實食物質素係不過不失，同一般茶記無異。究竟點解係可一不可再呢？因為筆者遇到典型嘅 事件。當筆者見到深色異物時，曾經懷疑係雪菜之類嘅野。但當筆者見到完整嘅身體結構，以及中間標誌性深啡色嘅紋時，個心即刻離一離，仲標咗少少冷汗。鑑於時間關係，筆者唔可以(亦唔敢)叫佢換過第碗，唯有即刻灌埋杯奶茶就閃。以下純粹筆者推斷：發現異物時係緊纏於麵條之間，所以筆者相信佢一直潛伏係果餅麵度。能夠潛伏於麵餅內，可見存放食物嘅地方已經受到污染，所以其餘食物嘅衛生程度亦呼之欲出。

這一家在荔枝角地鐵站上蓋， 著名教會恩福堂對面的茶餐廳。 食物質素真的是蠻好的!上次試過他的茶餐，質素已經非常好，只是忘了拍照! 茶餐的選擇非常多!有兩餸 配麵或通粉等， 再加 奄列多士及飲品， 份量不少，非常超值!今次則是了他的撈麵套餐， 40多元的 牛筋撈麵加上油菜一碟及熱飲， 價位非常合理! 這次點的牛筋 非常入味， 餸，麵和油菜的分量均不少。 附上的湯也很好味，不是一般味精湯!很貼心的可改為湯麵!地方也比較大，容易搵位，又鄰近地鐵和巴士總站，交通方便，是值的推薦一下的!