翠豪園餐廳

營業中

休息中

老闆娘態度極差，落餐飲時，先話我哋叫多咗杯，問佢我哋餐嘅數量，十問九唔應。佢督部機，叫我哋將杯特飲轉普通凍飲。再問佢餐飲數量同餐嘅數量是否一致，突然發惡話：「咪幫你杯嘢飲轉咗普通凍飲平啲囉！」首先，我哋從來無話過轉特飲要加錢嫌貴。二，點解要用差劣態度回應我哋呢？我見你對西方客人好熱情㗎喎！唔歡迎本地客，你大可以喺門口貼張紙呀！食物偏鹹

以往間唔中來食早餐今次第一次食晏，完全唔得👎首先我落七彩牛柳炒麵$62我問可唔可以改烏冬，侍應話問下先最後可以改到但到埋單加收我$4，總$66收銀竟然叫我下次問聲我問得可唔可以改，擺明就唔知到我話係你地要同我講！唔需要人教囉不過我係你地咁無恥，$4我照俾埋另外味道好咸，我要加兩啖水落烏冬溝淡依然仲有d咸🤯

<翠豪園>📍荔枝角/長沙灣🔸大癲！發掘到寶藏 💎📿🔮🔸小炒有鑊氣 😍 係香港地嘅味道可能係荔枝角嘅地頭先知道，長沙灣廣場嘅角落竟然有間寶藏級 ❤️❤️❤️ 陀地茶餐廳，夜晚有得食小炒、住家蒸菜，價錢平得黎又好食 🥴 真係好出色！！！椒鹽九肚魚 ($98) — 有別於多數九肚魚做法，佢哋嘅粉漿薄薄一層，咬落去脆卜卜，然後魚肉綿綿 😳 完全無粉渣，好好味～ 啫啫芥蘭爽肉煲 ($76) — 吱吱炸炸咁上檯，夠晒穫氣 🔥 爽肉真爽，絕對冇欺詐成份 ～ 係香港地陀地嘅味道。三色肉碎蒸蛋($66) — 滑！！！呢個已經係💯嘅食評。菠蘿咕嚕肉 ($72) — 我會形容係小炒食落係太興Standard，但份量多1.5倍。然後，佢用嘅菠蘿係新鮮菠蘿。豉汁蒸烏頭 ($88) — 條魚都幾大下 😂 肉質嫩滑，泥味唔算好重。我哋一行五人，叫咗五道菜加埋飯凍飲，最後埋單都係$471，好味又抵食！🤩🤩🤩

近排都黎到荔枝角長沙灣又要搵野食lunch 呢個地區一放lunch就好多人 咁岩見到呢間唔駛排就食啦，其實好多間都要排只有少數餐點唔駛排都估到不過無諗過超出想像。點左咖哩牛腩意粉，熱檸檬茶。有中湯，湯已經係正常味道。咖哩牛腩意粉，意粉口感唔太好，同出邊餐廳食既意粉有分別。咖哩牛腩，啲汁好稀之餘味道唔吸引。牛腩份量少，只有幾舊係有肉，其他有啲係筋。而且咖哩牛腩入邊有其他透明既東西。未食哂又拎緊個碗走先問要唔要。服務唔得。。。。總結。。。唔會再幫襯。

星期六和朋友到這間食肆晚餐, 包括: 西蘭花炒班球, 羅漢齋上素, 魚香茄子煲. 各式小菜味道適中, 味道未算太鹹。 西蘭花斑球, 班片塊厚切, 完全吃到石斑魚塊的味道。 羅漢齋上素味道清淡, 適合我呢啲少鹽的人進食。魚香茄子煲一般水準, 未算多油和太鹹, 完全可以接受。整體來說係一間平民化的中式小菜食肆, 配埋兩個飯,例湯和凍飲, 埋單計數只係$250. 完全係覺得超值。 下次會繼續支持。

收銀的阿姨，彷彿是幾十年冤屈找到了發洩點，對客人瘋狂輸出今天中午吃午飯，付款後商家提供收據是合乎情理的吧。可是這家就偏不提供，還把我往外轟。很難理解這種做法，按理說更年期早就過了吧。這位阿姨對客人充滿了厭煩，我很奇怪這樣的餐館為什麼還會有客人。無意挑起任何爭端，是因為我說普通話的原因嗎？為什麼對客人的合理要求是這種態度。從解封我就在香港長期出差，這是我遇到過最離譜最誇張的一次。有沒有網友可以告知，這種情況該如何投訴。

今日放咗工之後喺附近行同事食飯去咗荔枝角呢間老字號嘅茶餐廳(類似大排檔)！入到去嘅環境好有懷舊茶餐廳嘅感覺，地方算大，平日晚上嚟講尚算多人！我哋叫咗四個小菜啫啫生菜🥬 :鑊氣唔錯，上到枱仲聽到啫啫煲仔嘅茲茲聲，鹹香好出色！脆鹹豬手:呢個份量比較少，表皮都炸得好香脆，如果諗住啤酒食都係一個唔錯嘅選擇！蜜汁薯仔牛柳粒:呢個整得比較出色，薯仔炸得香脆，牛柳都軟身椒鹽九肚魚:送酒一流，九肚魚肉質好滑，外表賺得鬆脆，配上好多蒜蓉粒喺面，值得推介

最近去咗間小店，心諗嚟個輕鬆食評，唔使咁多花巧詞藻。店面唔大，但係熱鬧得嚟，客人入出不絕。第一口嗌咗個叉燒飯，啖啖肉感覺好實在，叉燒甜中帶鹹，外皮微微焦香，咬落去彈牙又多汁🍖。幾碟小炒選咗個豉油皇炒麵，麵條彈滑得嚟唔油膩，每條麵都裹住醬香味，食落去咁滿足。再嚟杯鴛鴦，奶茶同咖啡個perfect比例，香濃得嚟唔太甜，幾杯都唔會厭😋。好彩，無望頭，一家舊舊格局但有味道嘅小店。呢次食嘅野，每一樣都給我紅心連連，絕對會再嚟！港式茶餐廳真係愈食愈有味，下次搵日再食過嚟分享🍽️。

無嚟幾個月之嘛、點解差咗咁多 份量少得可憐、完全無鑊氣價錢又唔係平連遞菜嘅阿姐都話細碟成咁的確係少人咗嚟食似係啲餐廳準備執笠嘅表現本來好有期望見到你咁樣以後都唔便嚟啦⋯⋯

在長沙灣住左成年，都有聽過街坊提過呢間餐廳晚市小菜咕錯，尋晚終於行左入去試下。餐廳環境係一般茶餐廳，兩個人叫左3碟餸，分別係咕嚕肉，野菌茄子煲，薯仔牛柳粒。試完之後覺得味道很好，餐廳偏向大件夾抵食，唔太明點解評分咁低😹三碟餸都熱辣辣上菜😋好夠鑊氣，咕嚕肉個汁調得夠酸，好野味。野菌茄子煲夠晒熱，食左成20分鐘都仲覺得辣口，雖然成碟係素食，但調味幾好。薯仔牛柳粒食到一半先記得影😹牛肉食得出係比較下價，但調味調得好好所以都好好食，師傅落黑椒落得夠好野味，冧得黎都仲keep到牛肉味，講真收你70～80蚊算係咁！二條友食左3碟餸埋單231蚊，平均一碟餸唔使80蚊，份量好多，味道好好，我哋都食到好飽。唔係餐嘅可以加10蚊轉餐有飯有野飲，仲有碗湯送，好味又抵食😋下次一定會再戰！🤪

垃圾餐廳 食過十次有多 外賣等45分鐘 堂食無岩過 落單你未講完就走左最差係 無論你錯佢錯無人錯 佢都會鬧你叫正餐食物 比下午茶size問清楚 就話岩 有咩問題問老闆之後唔出聲就取消你野飲 當解決左 鬧足你半個鐘 整番出黎仲要話食死你

呢間都做左幾年, 之前同位置一直做唔住, 無記錯上手仲要係椰林閣不過轉左呢個翠豪園生意好似唔錯佢地本身有午餐, 不過入黎其實係想食D唔同既野因為生意好, 所以幾迫下, 黎幾次都係撘枱響大門口入去就有個牌, 佢地既招牌係湯飯王55蚊包一湯一菜二餸, 白飯或米線,加餸+10, 餐茶+10, 所以我只係點左個普通湯加飯佢地個湯飯本身有豬潤, 豬腰, 牛肉, 雞肉, 田雞, 黃鱔今次點既係紫菜, 豬腰加黃鱔, 飯同鼓油分開上湯底: 味似豬骨湯,  當然唔及老火湯, 都OK既, 我飲左大半碗都唔覺口渴, 中午無不斷飲水豬腰: 新鮮, 超爽口, 加D辣椒鼓油真係好正黃鱔: 我自己鐘意食鱔, 同樣都係爽既, 無乜雪味, 不過今次仲有少少腥, 可能洗得唔清紫菜: 我本身喜歡西洋菜, 但西洋菜唔熟好危險, 所以改叫紫菜, 潛湯之後原來口感味道都好特別白飯: 好似硬左少少整體55蚊, 一般午餐價, 但食到半時少食既野今次已經係第三次返黎食, 除左坐得唔舒服, 味道方面係合格以上

今日朋友請我黎呢度食生日飯，老實講我好少去長沙灣食飯，而且呢間餐廳亦是我第一次黎，首先老板送左幾個側湯比我地飲，真係好熱，好足料，冇味精（因我對味精有敏感），因朋友經常光顧，佢同老板講我地中意食海鮮 ，佢整左蒜蓉粉絲蒸大元貝 ，白灼蝦，醉鮑魚 ，呢三樣平時食開嘅海鮮。但呢度煮我好有心機，就算係普通嘅白灼蝦，都落薑蔥去灼，連椒絲豉油都好好味。醉鮑魚真冇得彈，我對酒味麻麻都覺得好夠味，鮑魚好大隻，肉質超彈牙。原來老板日日都去街市自己揀海鮮，有時應人客預訂菜式去找尋新鮮食材。跟住再回來睇舖。老板樣樣親力親為，難怪食物水準咁高，比好多酒樓還要好得多。跟住我地叫左黃金豆角，咕嚕肉，豉椒鵝腸，梅菜蒸菜心 ，椒鹽九肚魚都非常惹味，我地全部清哂，我地自來蛋糕，老板好細心幫我地雪起，到我地食時還比啲碟同叉我們，呢種咁貼心嘅服務而家係今時今日香港真極少見。

朋友睇到報紙介紹想食呢間海鮮之前曾經到店快食左個小菜晚餐已經覺得好唔錯～*今次訂定位 預定海鮮四位 七餸一湯 兩個白飯 三杯野飲 每人埋單先$270 抵食到無朋友*食物質素方面新鮮 厚肉 夠大份 好味道！*推介 醉鮑魚、蒜蓉粉絲蒸蟶子王超滿足無得輸*最值得一提既係啲Staff 態度真係好好席間我地不停Say thank you佢地亦不停講唔洗客氣老闆親自介紹時令海鮮久違了被問「啲野食ok嘛？」*超滿意好似食左餐高質屋企飯咁希望無論食物質素同服務態度都可以保持😊😊😊😊*唯一少少詬病係馬拉盞炒雜菜得一款菜😂不過味道都係唔差既

琴日朋友話係網上見到介紹黎間餐廳話晚市有海鮮食. 於是打去定位. 順便問價錢. 老闆話1條細老虎斑差唔多200幾蚊，鮑魚一個30蚊. 於是我地就訂左1條細老虎斑同咪4隻30蚊鮑魚.到餐廳既時候，都等左差唔多25分鐘. 海鮮味道ok. 魚新鮮同咪蒸得好.本來話可以下次再去. 點知買單既時候發現鮑魚價錢係70蚊一隻. 話係南非鮑魚，爽口既. 不過我地訂既係30蚊個隻. 到餐廳既時候完全無話鮑魚轉左. 大佬，我地都唔識啦. 鮑魚一擺係檯就當係我地訂果隻. 所以雖然食物味道ok, 我地都唔會再去因為覺得老闆做生意唔老實. 要我地俾貴d都話聲我地知俾我地有得選擇. 鮑魚已經入左肚先話係南非鮑魚，貴d有鬼用. 大家如果去就要小心啦.