翠華餐廳

好耐好耐無食過翠華，剛好有一張免費奶茶券，順便食返個奶油豬，當年呢個組合簡直令人大排長龍。雖然光芒不再，但都有一定水準，奶油豬仍然香脆，份量十足，咬落去清脆有聲奶油份量足，一見到就好懷念，馬上影完相就開餐口痕叫多個雞批，暖笠笠上枱，雞肉入味又沒有太多肥膏，正常水準，不過不失。至於奶茶☕️今日好似有點失準，色有，香都有但偏偏茶太甘搶了奶的味道，或者對於吾愛奶味既朋友就岩，但對我就覺得茶奶兩者有點吾平衡。但整體仍可以的（奶油豬相片顏色有點偏差同深，實物不是的，免得誤會燶了）…查看更多

對翠華一向都冇特別喜歡，但今日路過荃灣店都入去幫襯下這間號稱香港人的茶餐廳，兩人點了個揚州炒飯和滑蛋蝦仁飯中式定食。揚州炒飯的蝦已是又霉又冇味，滑蛋蝦仁飯的蝦竟然也是一樣，膠一樣的質感，樣已經令人反胃，鮮味更是完全冇，非常離譜，簡直不敢想像這是翠華的出品！更不要說翠華還是一間貴價茶餐廳！向餐廳職員反映後，雖然都換了一碟滑蛋蝦仁，但蝦仁實際上分別不大，這不是廚師煮食的一時失手，是餐廳用了極差的食材招呼客人！…查看更多

儘管早午晚三餐水準不斷下跌下午茶嘅魚蛋粉繼續保持水準河粉嘅質素 依然係又爽又滑魚蛋魚味夠香亦都夠彈牙佢哋嘅魚湯底配上佢哋嘅辣椒油簡直係絕配😋 我哋再叫咗個四寶紫菜米線湯底同埋啲餸質素都係高不過米線底就唔及河粉要食就食河粉唔好食米線佢哋嘅份量比較袖珍驚唔夠飽所以我哋兩人一條氣叫咗三碗嚟食佢哋杯檸茶亦都好友系統檸檬切割均勻不過就薄咗少少冰嘅比例亦都剛剛好最後兩個人食咗三個餐依然係未夠所以整多個菠蘿包奶油豬同蛋撻菠蘿包個皮好脆呀個心好軟高水準之作👍👍👍奶油豬就普通咗啲不過都幾好味整體來說今個下午茶係一個味覺享受…查看更多

因家人一直都係呢間餐廳的捧場客，所以每次去祭祖，都會到荃灣呢間餐廳食個早餐先呢度早餐，好似只有四個選擇，我地已經選左其中三個飽絲火腿通心粉，都幾大碗，湯好香，有點雞湯味，通心粉唔會好淋沙嗲牛肉麵，係家人最愛，佢話牛肉淋，麵好爽口雪菜雞絲銀𢇃米粉，雪菜唔會好咸，米粉都好爽口，雞絲都幾多跟早餐仲有煎雙蛋，蛋邊煎得有少許焦，但蛋黃就剛剛好，有流心，好味跟一個好似係枸杞包，應該係餐廳自家製，（因之前好似跟牛乳軟包），味道一般最後加杯奶茶，真係好滑同提神…查看更多

自從港鐵成日改營運時間之後都習慣咗回去搭巴士巴士同港鐵最大嘅分別就係要早好多好多好多出門口只可以保證會遲到但由於路面嘅交通情況實在太難掌握經常都會出現在我早左好多嘅情況變相就會多咗好多坐定定食早餐嘅機會🤣🤣正所謂翠華同7–11一樣，仲有兩間喺附近單單荃灣區都有兩間今次食香港人嘅最愛沙嗲牛肉公仔麵加個櫻花蝦炒蛋同多士先講沙爹牛麵個公仔麵非常林，拎出嚟仲要唔係好熱好明顯一早煮好晒個櫻花蝦炒蛋一模一樣都係唔熱，無蛋香最熱就係杯熱咖啡，但都係冇乜香味總結：食物水準比之前食下跌咗好多好明顯好多嘢都係整定，唔新鮮啲侍應掛住傾計都唔會去做服service…查看更多

好耐冇嚟翠華食嘢，今早交通暢順，有時間先到荃灣食個早餐，才回公司翠華早餐，一向最鍾意佢地跟餐既豬仔包，因够鬆脆今早嚟到，跟餐麵包，全部轉左北海道3.6純牛乳軟包叫咗沙嗲牛肉麵早餐，大概2分鐘，個麵即到沙嗲牛肉麵-保持水準，牛肉淋，沙嗲味香，麵就煮得較淋煎蛋-係用「無鈛害雞蛋」（即係無污染，無農藥，綠化環境正飼養），口感、味道分別唔大，但應該對身好的北海道3.6純牛乳軟包-好香牛乳味，包軟軟，加上一杯香滑奶茶…查看更多

看了一部評為三級的驚悚恐怖片 娃鬼回魂之魅來世界 差點以為冇胃口吃午餐，行經眾安街的翠華餐廳 還未有人潮便去吃個午餐。鹿兒島風豬軟骨拼至潮魚蛋米缐餐 $55 ，真係有點貴，但見到兩大件入味稔滑的豬軟骨加上幾粿魚蛋又覺得值得。豬軟骨的肉稔身但完整，脆骨部份夠稔有口感，魚湯底鮮甜加上滑滑的米缐，讚👍🏻另一個是 至潮魚蛋片頭河，魚湯加上米線及大量蔥花，提升魚湯味道，河粉質地也好，我連魚湯也喝乾乾淨淨。知道翠華的咖啡是特別香濃，不過咖啡因真係好勁，但偶爾飲一杯也無防。…查看更多

要數香港的特式早餐🌞沙爹牛肉麵必定會榜上有名基本上所有茶餐廳都會有難得早上在荃灣出沒去吃個港式早餐吧🥣翠華在香港有一家的名氣所以鋪內都坐滿人 當中有部分是遊客🛍而荃灣分店裝修比較舊應該開張了一段時間我點了套餐奶油豬配炒蛋🍳沙爹牛肉麵🍜翠華出名奶茶 當然要點一杯☕奶油豬比較迷你 而且硬同乾🥴我還是比較喜歡餐包的軟熟感炒蛋都不夠滑 沙爹牛肉麵味道普普通通🤨沒有驚喜奶茶味道濃 喜歡茶味多的我就覺得不錯😊價錢偏貴 但味道不是十分出眾🤓下次可以試試其他…查看更多

每日設定好一個晚餐幫你諗好曬有咩食，唔駛自己煩食咩好！🔸是日晚餐 $79板燒西冷牛扒🥩牛扒有D失手中間少少粉紅但出面太乾太熟！咬到牙胶都軟晒！😖配 飯 / 意粉 / 薯菜講真 白飯出色過塊扒，真係好過份！🤣跟餐牛油豬仔包同羅宋湯少少辣既羅宋湯好開胃好足料👍🏻，豬仔包既牛油就太鹹啦！凍飲+$3🍹如果夜晚諗唔到食咩，可以打去問下是日晚餐係咩，睇下岩唔岩食先至決定！…查看更多

好少入荃灣， 自然也不太了解街坊小店。 經過上市連鎖茶餐廳便入去醫醫肚。店內燈光昏暗，菜單也黏黏的。 街坊公公婆婆好多，伙計們態度也友善，傳統茶記的樣子。 肉絲炒麵醬汁一點點過鹹，麵卻炸得金黃，算是抵銷了。 羅漢齋看上去跟餐牌上的西蘭花小炒也沒有什麼不同吧。😂😂😂醬汁仍是有些過鹹。🍋檸檬薏米水裡有糖冬瓜。煙煙韌韌有咬口，糖水也沒有過甜，大概是此餐最好味既嘢。百物騰貴，兩人買單173，質素略對不起價錢。 …查看更多

嚟到翠華餐廳一定要試吓佢嘅奶油豬仔包因為個包佢烘得啱啱好好脆再加上煉奶真係幾好食然後我叫咗個早餐B係沙嗲牛肉麵沙嗲牛肉都正正常常凍奶茶都係佢哋嘅出名之作整體來講都幾好食不過價錢略嫌貴咗啲…查看更多

星期日出街食度度都好多人,因為帶住個BB仔,諗住食茶餐廳叫做最唔洗點等位,都要等左5分鐘,好多呀叔呀伯黎食下午茶,仲有一D中國旅客會黎食,所以大家都係食完就走, 唔係坐好耐果種。如果您都打算坐好耐,都唔洗黎,因為佢地會不停咁用眼神叫你快D走啦阻住曬咁...我地都唔算食得慢,不過相信大家都知道帶住個歲幾既B都唔會快得去邊,自己食又要喂佢食,結果...就係因為咁, 我地比人啤...因為小朋友想飲水,叫佢比杯凍水結果比左杯勁熱既水....想自己去換番杯凍水唔想煩到佢地D呀姐啦,點知一企起身就比人叫我坐番低唔好阻住出餐...咁我只好拎自己樽水出黎溝暖D水比小朋友,結果咁都比人喝住話我咁倒水會搞到成台係水....但我當然無倒瀉啦!D服務態度真係好差.....最後食完都唔敢比小朋友坐多一陣回下氣,即刻比錢走人,野食係唔差既,港式茶餐,有蛋撻同西多士小朋友食到好開心,西多士雖然不再有傳統果種,但切好曬一粒粒對帶小朋友食真係好方便!三文治同薯條唔差,係就係貴左D, 不過勝在位置好方便。…查看更多

其實好耐無食，上一次食應該幾年前，今日咁岩行過，就黎回味一下。估唔到荃灣呢間係需要排隊先入到，非常旺。坐低後就叫左個特色茶餐，非常期待，點知期望愈大就失望愈大...首先黎左個秋葵炒蛋...成碟得五粒秋葵...🤦🏽‍♀️ 然後炒蛋，已經差到唔想評論🤦🏽‍♀️如果硬要評...唔滑唔嫩唔好食。再講牛油豬，我期望既係外脆內軟，雖然奶油豬先係主打，但牛油豬應該都唔會差得去邊掛... 點知... 可能唔係因為即整既關係，內係軟但外皮韌🤦🏽‍♀️再到個鮮茄嫩雞三色螺絲粉，一上見到「嫩雞」，我就已經想查下字典個嫩字點鮮解，連叉都拮唔入，然後食落口... 簡直... 睇相感受一下。比起差評，完全唔想評。湯底正常，普通茄湯底，唔濃唔算淡，唔出色但都唔算差，好在多蕃茄幫佢加返少少分。螺絲粉普通，但由於嫩雞太差的關係，俾唔到佢合格分數。奶茶，我最期待之一，有奶香，但茶底偏澀，口感唔夠滑，非我喜好，唔算好差，能評中等分數，但一諗到係大推既奶茶...嗯，唔合格。總結而言... 其實真係極為失望，睇到話翠華係香港之光咩旅行必食，我真係黑人問號。如果外國朋友黎到我一定唔會帶佢黎。可能我點既唔係必食排top既野食，但作為一間茶餐廳，連炒蛋都做唔好，所謂嫩雞又變老雞，真係令人極為失望。而我最真實最直觀既評價係：我食到食唔落🤦🏽‍♀️最後食剩如下：…查看更多

如果你要搵一種餐廳最能夠代表香港 唔使講一定係茶餐廳好食既茶餐廳家香港黎講唔算好多 翠華我覺得係其中一間 雖然平時中午同晚餐都唔會點食因為翠華價錢都偏貴 閑閑哋食個飯都成$70-80 所以食都係食佢既早餐比較多星期六日朝早都會去翠華食個早餐 因為早餐來講翠華性價比真係好高好高同平時一樣一定係叫B餐沙嗲牛肉麵加少少自製辣椒油冇得頂滑蛋夠滑 食落陣陣蛋香奶油脆豬仔 可以叫姐姐比少少煉奶點黎食 香口甜甜地 正👍🏻最後梗係要嘆埋佢杯奶茶 茶味夠濃 奶夠滑 $30幾蚊 性價比極高一個weekend 既good morning就係咁簡單…查看更多

日日食個飽就一餐，今早想食返一個豐富些的早餐，經過翠華門口（其實過門而不入好耐了），看見人很多，好滿下，唔知有冇位攝來坐。即管走入去試下啦，好彩揾到半邊卡位坐下來！成枱都係不同的食物餐牌，都要花時間睇下！哈哈，最後都係叫返最傳統港式早餐：沙嗲牛肉即食麵配嫩滑炒蛋，牛油豬仔配熱奶茶囉！牛油豬係翠華嘅招牌食品，都脆又香，呢個炒蛋炒得很滑好味，不過好似打風咁放在碟度另外沙嗲牛肉麵嘅沙嗲都好香都係我like果款，公仔麵應該都係即整，啱啱好！奶茶很濃很厚很滑，飲完唔知會肥幾多，哈哈！其實都唔難明白成$37的早餐都有咁多人。…查看更多