翠華餐廳

早幾日係網上睇到post話大興翠華2月10號結業，今晚剛好不用煮飯，就落去賣外賣。晚餐美國有骨䐁肉扒配意粉羅宋湯+牛油豬仔包呢間翠華真係由細食到大，早餐同奶油豬仔包真係陪我成長，而且呢間翠華d待應好有人情味，真係估唔到會結業，真係要變成回憶了。。。。。…查看更多

家鄉雪菜肉絲拼蝦米湯米粉 $32 & 蛋撻 $6排左10分鐘入到去，沒想到這價錢雪菜一點都吾少，超足料，說好的蝦米有一粒…哈哈，豬仔包都係鐘意硬豬多過小麥包。奶茶吾夠滑身（已叫了茶走）。蛋撻失望，凍既…幸好酥皮質地還保持到…查看更多

這陣子突然狂吃茶記，今天就來到屯門的翠華~為什麼特地入屯門食翠華？位於屯門大興邨的翠華在1970-1980年代開，是歷史最悠久的翠華。與近年裝修華麗的翠華不同，屯門這間走平民路線，裝修、擺訴加服務都與一般茶餐廳無別。早上10點多，有不少人等位食早餐。但大家都很合作，食完就走，不消幾分鐘就有位。早餐有3款，$30/$31就有，但凍飲要加$3😳小妹當然是吃沙嗲牛麵餐 ($31) 啦~ 😬餐廳標榜採用「無公害雞蛋」，即生產過程受規管，保證冇毒 😃炒蛋頗滑溜，蛋味香濃，質素不錯。牛油脆麥豬烘得很外脆內軟，如果是奶油味就更perfect😁沙嗲味蠻香濃入味，但牛肉有點乾。麵質軟硬尙算適中，但不夠彈牙。奶茶茶味較濃，惟不夠香醇。相比富麗堂皇，小妹還是喜歡走平民路線的翠華。禾桿冚珍珠總較吸引到我。😊…查看更多

一年9日悠長假期正式開始 一起身已經一點😌😌換件衫就落樓同媽媽食野 識食一定食翠華😁常餐 豬扒公仔麵配炒蛋豬仔包大件夾抵食 豬扒有咬口 配上爽彈嘅公仔麵再加埋香滑嘅炒蛋同脆豬 無得輸👍🏼 媽媽叫左蛋牛潛艇 香濃嘅炒蛋配上免治牛肉牛肉咸咸的配上蛋味濃的炒蛋 口感豐富麵包亦烤了一下 外面微脆中間軟林👍🏼 最後當然要飲返杯香滑奶茶作完美句號啦翠華嘅奶茶真係入口香滑茶味重👍🏼👍🏼 …查看更多

一直以黎都好支持翠華烘焙出品,就算食唔起堂食嘅野,食烘焙品又經濟又好食紅豆菠蘿包 $7外皮鬆脆無比, 食落一口就齒開到, 外表食落蛋漿落得比較少, 反光嘅感覺比較低, 酥皮有D似曲奇餅嘅感覺咁脆口, 但味道上冇咁甜,不過剛好有紅豆餡已夠甜, 酥皮無需太甜足夠襯托紅豆餡嘍鬆脆酥皮加埋內餡粒粒紅豆粒, 味道與咀嚼皆豐富 雞批 $10又高又大嘅雞批, 其實$10都好值得內有罕見白汁蘑菇雞肉餡,白汁量足, 好juicy, 連雞肉都食落唔乾身, 餡料中夾雜蘑菇增上爽口感覺, 令整個咀嚼過程唔只軟淋雞肉同麪粉咁簡單,外皮牛油味香濃又香甜,而且硬身又鬆化, 食得唔狼狽, 主要白汁夠, 又creamy又甜~ …查看更多

難得同母親大人黎到大興邨當然要食翠華雞批雞批 $10雞批 $10應該都可以話係常價 唔少地方價錢都差唔多雖然有紙袋 但雞批係紙袋內食既時候其實都幾狼狽 拎個批出黎又驚會手滑 係入面紙袋口又不算大皮酥鬆化 牛油感重上面既皮會硬身d 帶糖漿更甜美烘焙味道滿是香濃的係鬆鬆酥皮內 白汁蘑菇雞餡十分多餡多得像不斷擠出來 尢其是雞粒雞唔算搶味 跟白汁在一口中和一起酥皮融化進入白汁 口感層次更豐富由於真係好多餡 倒轉食係避免掉得都處都是係街度食食得安心d…查看更多

其實翠華唔止可以食茶餐 仲有包餅圖書館借完書經過就諗:好奈冇食雞批買三個同家人開心high tea一如以往好食大件兼脹卜卜同平日一般只係鹹既雞批唔同翠華雞批既餡係罕見既蘑菇白汁 鹹得尼甜甜地所以得我寵愛真係食極唔厭…查看更多

星期日奉旨訓到晏一晏，襯仲有早餐就食啦!星期日習慣食兩餐，所以咁大份量既早餐都係留返假日，蛋炒得好滑，仲有蛋汁又香又滑。配新鮮脆豬，熱力令牛油融化，香脆配合好好。貴普通餐廳幾蚊好過食方包。再來沙嗲牛肉面，牛肉淋滑又夠香濃。最後熱咖啡，都係有微酸，又係衰喺咖啡身上…查看更多

第一次午餐時間在這裡吃飯，人多得很，等了十五分鐘才有位，入座後才發現只有兩款午餐， 焗肉醬意粉和忌廉汁龍脷柳飯， 午餐選擇實在太少，是因為不想客人有太多選擇，而延長午飯時間嗎？最後一點了午餐龍脷柳飯 食物質素一般，只是雪藏龍利樓， 配合大约三分一條的肉腸。忌廉汁完全沒有味道，加上雪藏龍利柳的雪藏味，感覺很差。五十多元，貴。…查看更多

瑞士汁牛肉炒河一見到碟炒河嚟到, 嘩咁深色嘅一定會咸死。 但一食落口,好淡好淡。 河炒 ~ 炒到碎晒,搵唔到一條河炒係長過一隻大人朋友嘅中指,根本就用筷子都夾唔到,要用匙羹食河粉牛肉 ~ 可能本身成碟嘢都咁淡口,所以牛肉仲食到牛肉味菜 ~ 冇鮮甜味唔爽口仲有苦味…查看更多

突然勁想食公司三文治，於是走去一定有公治ge翠華食啦翠華公治一天供應，無餐，單叫$44。之前係公司叫外賣食過，但就唔知價錢，原來係咁貴，不過想食都要叫啦夠多蛋，蛋都好滑，仲有新鮮整塊芝士，感覺健康，醬都唔會太多 不過個人唔鍾意午餐肉，太咸，如果好似美心公治咁用雞肉代替，就更美味，更抵食另外烘底岩岩好，夠煙un又唔燶 薯條夠粗，好香！炸得剛好！不過得六條仔 …查看更多

今日請咗假做自己嘢，對自己好d食個優閒早餐炒蛋+奶油豬炒蛋好滑有蛋汁，但完全冇味奶油豬 嚟到個皮唔係太脆,奶油份量啱啱好。因為佢個皮唔夠脆，食落好似就咁食奶油多咁仿鮑魚火腿通粉一眼見到個湯咁深色,以為好濃味有驚喜。但試咗啖湯之後,就有少少中伏feel,淡而無味,要落好多調味料先有味全個早餐最有驚喜係呢柸凍檸茶,因為個茶胆真係好香濃…查看更多

大興間翠華餐廳, 老實講, 食左10年多上百次, 最初時食物質素真係不怎麼樣(大約2003年時) , 但慢慢質素愈來愈好, 到了2009年左右, 質素又略為下降, 價錢升幅較密; 直至前年, 食物質素穩定下來, 價錢升幅也緩和下來那麼我在此總結一下一些推介/不太推介的食品:推介食品:1. 煎雞扒,豬扒類午餐/晚餐套餐2. 魚蛋河3. 蛋撻4. 菠菜餃米線5. 美國牛肩扒套餐(前松板牛柳粒套餐)6. 魚柳飽7. 仿鮑魚火腿湯通粉8. 深海菜遠魚柳飯不太推介食品:1. 牛扒類套餐 (美國牛肩扒套餐除外), 原因: 火候不穩, 有時7成可以好熟, 也可以好生2. 海南雞飯, 原因:水準比0708年時期下降了3. 香檳奶茶, 原因: 試一次已經充夠, 反正味道跟普通用杯既奶茶一樣, 但價錢香檳奶茶貴d飲品方面:佢既檸檬茶, 可以講係我心目中top3, 另外2間係美都餐室 同 吐司工房; 大興翠華餐廳既檸檬茶, 茶色清澈, 帶一點點紅酒色, 飲落去充滿茶香, 飲得出不同茶粉混合後出現的層次感, 而且 檸檬新鮮奶茶方面, 我比較少飲, 不過屋企話佢d奶茶夠滑, 茶和奶味足夠總結而言, 大興間翠華餐廳, 可以講水準比 旺角, 銅鑼灣, 荃灣, 尖沙咀分店好, 故此大家可以到此品嚐一下以下為個人評分表(寫食評到目前為止, 第一間出現80分或以上)…查看更多

很少去翠華，一方面覺得那裡的食物不值這個價錢，再者，服務方面真的麻麻，雖然現在有了進步。住在屯門西，經常在輕鐵上與它擦身而過。今天下午放假，要到隔壁大興郵局寄快遞，再加上未吃午飯，就來試試看。可能過了午飯時間，很易找到座位，但一人的卡位其實是蠻擠迫的。侍應表現十分禮貌主動，當我仍在想著要吃甚麼，他已主動翻開菜牌以及下午茶餐牌給我參考：在別的翠華從沒此種經驗，有點嚇一跳。下午茶餐選擇只有三個，胃納不算大，就叫一個魚片頭湯河加凍檸茶吧 ，三十多元。合理的價錢，但當然，在屯門來說，算是偏貴。不過隨意翻了一下餐牌，這家分店的價錢相對其他光顧過的分店，算是便宜了。五分鐘後，魚片頭湯河上桌。魚湯湯頭略鹹，魚片頭和魚蛋只是一般，整體而言不過不失。可能「唔夠喉」，見鄰座的menu上有個冰鎮菠蘿油$10，就叫了來試。發覺菠蘿包和牛油的大小是很不成比例，但暖的菠蘿包加上冰凍原塊牛油，很邪惡，但卻又很美味。今次的經驗，覺得出乎意料的滿意。有機會會再來。…查看更多

一路應為翠華茶餐廳集團食物質素每況愈下，於是由我作主的時間我一定不會選擇翠華茶餐廳，但今次是友人先到翠華茶餐廳，於是我便隨行，跟他到這裡下午茶。他點了一個牛肉勞麵，看似不錯，我也照樣地點了一分。驚喜 一……就是味道真的不錯， 牛肉上的醬汁味道十分香儂，加上麵後，真的很吸引。驚喜二…… 就是這個的價錢不算太貴， 連凍飲只需30多元。驚喜三……就是除了這個勞麵外，還有一個上湯龍蝦雲吞，味道也不錯 。究竟這是屯門分店的質素做得比較好，還是這個集團還有希望呢？…查看更多